10 လွင်ႈ တီႈႁဝ်းလူဝ်ႇလႆႈယွမ်းပၼ်ၽွင်ႈ

1 .#ယွမ်းသုမ်း

မၢင်ၵေႃႉတီႈၸၢတ်ႈပၢၼ်ယူႇဢမ်ႇမူၼ်ႈ ဢမ်ႇပျေႃႇၵွပ်ႈဝႃႈ

ယွမ်းဢမ်ႇလႆႈ ပၼ်ဢမ်ႇမေႃ မိူၼ်ၸိူင်ႉၼင်ႇဝႃႈ 

မီးၵူၼ်းႁေႃႈလူတ်ႉတတ်းၼႃႈ ၼႆဢမ်ႇပေႃးၸႂ်ၶိုၼ်း

ႁေႃႈၵႂႃႇတတ်းၼႃႈၶဝ်ၶိုၼ်း ၵမ်းလိုၼ်းသမ်ႉဢဝ်ပဵၼ်

လွင်ႈသုၵ်ႉယုင်ႈယႂ်ႇ ပဵၼ်သင်ဢမ်ႇဝူၼ်ႉ ယွမ်းသေၽွင်ႈ 

ဝူၼ်ႉသေဝႃႈ တိူင်းမၼ်းသေၶဝ်တေႁိပ်ႈသေႁဝ်းၼႆ။

2 .#ပွႆႇဝၢင်း

တေႃႈၼင်ႇၼမ်ႉဢၼ်ႁဝ်းၵိၼ်ယူႇၼၼ်ႉၵွၵ်းလဵၵ်ႉꧦ

ဢွၼ်ႇၵူၺ်း သင်ႁဝ်းယိပ်းဝႆႉႁိုင်ꧦၼႆမိုဝ်းႁဝ်းယင်းၵူၼ်ႉ

ဝူၼ်ႉဝႃႈမိုဝ်းႁဝ်းလီ မိုဝ်းႁဝ်းၵႅၼ်ႇၶႅင်ၼႃၼႆႁိုဝ် မၼ်း

ၵေႃႈၼၵ်းပဵၼ်ထမ်ႇမတႃႇ ယဝ်ႉသူတတေမီးတၢင်းၵတ်း

ယဵၼ်ၸႂ်လႆႈၸိူင်ႉႁိုဝ်?

3 .#ဝၢင်းၶႂၢင်ႉပၼ်

ပွႆႇဝၢင်းၶႂၢင်ႉပၼ်ၼႆ ပဵၼ်ၵႂၢမ်းဢၼ်လၢတ်ႈငၢႆႈꧦသေတႃႉ

ၵူၺ်းၵႃႈ တင်းၼႂ်းၸႂ် လၢတ်ႈယၢပ်ႇသုတ်း တင်ႈတီႈသူပ်း

တေႉလၢတ်ႈ ပွႆႇဝၢင်းယဝ်ႉၵူၺ်းၼႂ်းၸႂ်သမ်ႉ တိုၵ်ႉၶွင်ႉၶမ်

 ၵူၼ်းၵေႃႉဢၼ်လႆႈငိၼ်းတေႉ လူမ်ၸႂ်ၵႂႃႇယဝ်ႉ 

ၵေႃႇဢၼ်လၢတ်ႈသမ်ႉ တိုၵ်ႉဢိုတ်ႇဢၢတ်ႇၸႂ်သေႁွၼ်ႉ

မႆႈယူႇ ၶတ်းၸႂ်ႁႂ်ႈပဵၼ်ၵူၼ်းမေႃ ပွႆႇဝၢင်းၶႂၢင်ႉပၼ်ပိူၼ်ႈ

ၽွင်ႈလႄႈ ၸၢတ်ႈပၢၼ်ၽဝသူတေဢမ်ႇလႆႈၸူမ်ယူႇၸွမ်း

လွင်ႈသုၵ်ႉယုင်ႈတင်းၸူဝ်ႈပၢၼ်။

4 .#လိုမ်း 

ယႃႇပေၵႂႃႇတွင်းၵူႈလွင်ႈ လႄႈလွင်ႈဢမ်ႇလႆႈလွင်ႈၸိူဝ်း

ၼၼ်ႉလႄႈ သင်ဝူၼ်ႉယဝ်ႉလႆႈတၢင်းတုၵ်ႉ ၼႆမၼ်းၵေႃႈ

မိူၼ်ယုၵ်းယၢၵ်းဢၼ်ယူႇဝႆႉၼႂ်းမၢႆတွင်းႁဝ်းၼၼ်ႉၵူၺ်း

ပတ်းၽဵဝ်ႈမၼ်းဢွၵ်ႇၽွင်ႈ ၵဵပ်းသိမ်းဝႆႉလွင်ႈလီꧦၼၼ်ႉ

ၵူၺ်းလႄႈ။

5 .#ထွႆလင်

ႁဝ်းတေဝႅၼ်ၶၢမ်ႈၵႂႃႇတင်းၼႃႈလႆႈ သုင်ၶိုၼ်ႈသင်ႁဝ်း

ထွႆလင်မႃးသေတေႇတင်ႈႁႂ်ႈမၼ်ႈလီယွၼ်ႉၼၼ်မၢင်ပွၵ်ႈ

ႁဝ်းၵေႃႈထုၵ်ႇလီထွႆမႃးတင်းလင်ၵွၼ်ႇ ၵွၼ်ႇတေႁူႉၶၢဝ်း

ယၢမ်းလႄႈ တိုဝ်ႉတၢင်းတီႈၼႂ်းၵၢၼ်ၶေၶဵင်ႇတႃႇတၢင်ၼႃႈ

တေသိုပ်ႇယၢင်ႈထႅင်ႈၼၼ်ႉ။

6 .#ငေႃး

ၵူၼ်းႁဝ်းမၢင်ၵေႃႉ ပဵၼ်ၵူၼ်းယွမ်းႁၵ်းဢမ်ႇယွမ်းငေႃး

တေတိုတ်ႉၸၼ်ၵၼ်ႁႂ်ႈပေႃးတႅၵ်ႇၵႂႃႇၽၢႆႇၼိုင်ႈ ၵမ်းလိုၼ်း

ၵေႃႈလႆႈတိူဝ်ႉၸႂ်ၸဵပ်းၵႅၼ်းၵၼ်တင်းၵူႈ ယွမ်းငေႃးၽွင်ႈ

ၸဵမ်မိူဝ်ႈပႆႇတႅၵ်ႇၸတ်ႉႁၵ်းၵၼ်ၵႂႃႇၽၢႆႇၼိုင်ႈ တေလီႁိုဝ်ႁႂ်ႈၸၢတ်ႈ

ပၢၼ်လႆႈယူႇၵႂႃႇမီးတၢင်းသိူဝ်းၵၼ်ၽွင်ႈ။

7 .#ယိုၼ်ႈပၼ်

ၸၢတ်ႈပၢၼ်ၵူၼ်းႁဝ်းပေႃးတေတင်ႈၼႃႈ တင်ႈတႃသေ

တေပဵၼ်ၽၢႆႇပေႉ ၽၢႆႇဢဝ် ၽၢႆႇလႆႈ ၼိူဝ်ပိူၼ်ႈလွင်ႈလဵဝ

ၽႂ်တေၶႆႈထူပ်းၵၼ်တင်းႁဝ်း ပဵၼ်သင်ဢမ်ႇၽိုၵ်းပဵၼ်

ၵူၼ်းမေႃယိုၼ်ႈပၼ်ၽွင်ႈ ၼႂ်းၶၢဝ်းယၢမ်းလႄႈတိုဝ်ႉ

တၢင်းမႃးထိုင် ယင်းတေမီးၵူၼ်းၶႆႈမိုတ်ႈၵိုဝ်းႁဝ်း ၼမ်

မႃးလိူဝ်ၵဝ်ႇၵွၼ်ႇ

8.#လိုဝ်ႈ

ယႃႇၵုမ်ႇၸႂ်ႉ ၼိုင်ႈၸူဝ်ႈပၢၼ်ႁဝ်းသေႁဵတ်းၵၢၼ်ႁႃငိုၼ်း

ယူႇလွင်ႈလဵဝ်လႄႈၸႂ်ႉငိုၼ်းၻီႈႁႃမႃးတင်းၸူဝ်ႈပၢၼ်

ၼၼ်ႉ လုမ်းလႃးသၢႆၸႂ်ဢၼ်လိူဝ်ယူႇၼႆလႄႈပၼ်ၶၢဝ်း

ယၢမ်းတွၼ်ႈတႃႇလိုဝ်ႈႁိူဝ်ႉ တူဝ်ၸႂ်ၽွင်ႈတွၼ်ႈတႃႇတေ

မီးႁႅင်းတေႃႇသူႈၵႂႃႇၼႃႈၼၼ်ႉ

9 .#ႁုၼ်ႉၶူဝ်

ၽိုၵ်းယုမ်ႉၽိုၵ်းၶူဝ်ၽွင်ႈ ၵွပ်ႈဝႃႈလွင်းယုမ်ႉလႄႈသဵင်

ႁုၼ်ႉၶူဝ်ၼၼ်ႉပဵၼ်ယႃႈယႃလီ လႄႈ တူဝ်ၶွင်ႁဝ်းတင်း

ၵူၼ်းႁိမ်းႁွမ်းႁွပ်ႈတူဝ်ႁဝ်းၼၼ်ႉ ႁႂ်ႈမီးတၢင်းသိူဝ်း။

10 .#သုမ်း

ၸၢတ်ႈပၢၼ်ၵူၼ်းႁဝ်းဢမ်ႇၸႂ်ႈဝႃႈ တေလႆႈပဵၼ်ၽၢႆႇပေႉ

ယူႇတႃႇသေႇ မၢင်လွင်ႈႁဝ်းသုမ်းၽွင်ႈၵေႃႈလႆႈ ဢမ်ႇၸႂ်ႈ

ဝႃႈႁႂ်ႈတေႃႇၼႃႈၵၼ်သေ ထဵင်ၵၼ်ႁႂ်ႈပေႃးသုမ်းၵႂႃႇၽၢႆႇ

ၼိုင်ႈၵေႃႈလႆႈ ယိူၼ်ႉတေႃႇၵၼ်သေ ယွမ်းပဵၼ်ၽၢႆႇသုမ်း

ၽွင်ႈလႄႈၸၢတ်ႈပၢၼ် ႁဝ်းတေလႆႈယူႇမူၼ်ႈသိူဝ်းမိူၼ်

ပိူၼ်ႈဢိူဝ်ႈ..........

ပိၼ်ႇတႅမ်ႈ #မွၵ်ႇၼႂ်းလူမ်း ❤

https://www.facebook.com/100026356608920/posts/431130004442216/