လွၼ်ႉမွၼ်းၵႂၢမ်းၶွင် ၸၢဝ်းၶိူဝ်းၵျူး / ဢိတ်သရေး
ယွၼ်ႉၼမ်ႉဢမ်ႇလီယွတ်ႇၼိုင်ႈသေ ႁဵတ်းႁႂ်ႈ
ၼမ်ႉသႂ်ၵွၵ်းၼိုင်ႈဝေႇႁၢင်ႈၵႂႃႇလႆႈဢိူဝ်ႈ။
ယွၼ်ႉၼမ်ႉသႂ်ယွတ်ႇၼိုင်ႈသေ ဢမ်ႇႁဵတ်းႁႂ်ႈ
ၼမ်ႉဢမ်ႇလီၵွၵ်းၼိုင်ႈ ၸိုၼ်ႈသႂ်ၵႂႃႇလႆႈၵူၺ်း ......
မီးယူႇသၢမ်လွင်ႈ တီႈၽႂ်လၵ်ႉဢဝ်ၵႂႃႇဢမ်ႇလႆႈ -
တၢင်းၵိၼ် ဢၼ်ၵိၼ်ၶဝ်ႈၵႂႃႇၼႂ်းတွင်ႉယဝ်ႉ၊
လွင်ႈၾၼ်ဢၼ်မီးၼႂ်းၸႂ် လႄႈ လိၵ်ႈဢၼ်လီလီ
ဢၼ်လူသေ တွင်းမၢႆၶဝ်ႈၵႂႃႇတီႈၼႂ်းဢွၵ်းဢေႃ
ၼၼ်ႉယဝ်ႉ။
မႃႉၶဝ်ၼႆႉ ၸၢင်ႈၽိတ်းသဵၼ်ႈတၢင်းလီလီ
ဢူၼ်ႈၼူၼ်းၶႅမ်ႉၼၼ်ႉယဝ်ႉ။
ၵူၼ်းၶဝ်ၵေႃႈၸၢင်ႈၸူမ်ယူႇၸွမ်း
ၶေႃႈၵႂၢမ်းဝၢၼ်ဝၢၼ်ၼၼ်ႉယဝ်ႉ။
ၸၢတ်ႈပၢၼ်ၵူၼ်း မၼ်းဢမ်ႇၸႅၵ်ႇၽေဝႆႉ
လွင်ႈၵၢမ်ႇလီလႄႈၵၢမ်ႇႁၢႆႉၼၼ်ႉ တႅၵ်ႇ"လႅင်း"လေႃႇ
သင်ယူင်းၽၢင်ႈဢွၵ်ႇလႆႈတီႈၼႂ်းလွင်ႈၵၢမ်ႇႁၢႆႉၼၼ်ႉၸိုင်
ၸၢင်ႈထိုင်လႆႈတီႈလွင်ႈၵၢမ်ႇလီလႄႈ သင်ၵုမ်ႇ
ၸၢမ်ႇပူၺ်ႈၸွမ်းလွင်ႈၵၢမ်ႇလီယူႇၸိုင် ၸၢင်ႈထိုင်လႆႈ
တီႈလွင်ႈတၢင်းၵၢမ်ႇႁၢႆႉဢိူဝ်ႈ ......
သင်ဝႃႈမႂ်းဢမ်ႇလူလိၵ်ႈၸိုင်
မႂ်းဢွၵ်ႇၶၢဝ်းတၢင်းပဵၼ်လၢႆမိုၼ်ႇလၵ်းၵေႃႈယဝ်ႉ
မႂ်းတိုၵ်ႉတေပဵၼ်ၸၼ်ႉထၢၼ်ႈ ၵူၼ်းသူင်ႇလိၵ်ႈၵူၺ်းဢိူဝ်ႈ .....
သင်ဝႃႈၵူၼ်းႁိမ်းႁိူၼ်းတွႆႇတိင်ႇတေႃႇတဵင်ႈၶိုၼ်း
2 မူင်းၼႆၸိုင် ယႃႇပေၸႂ်လမ်၊ ၶိုၼ်းပူၵ်းမၼ်း
မိူဝ်ႈ 4 မူင်းသေ လၢတ်ႈဝႃႈမၼ်းလီထွမ်ႇၼႃႇၼႆသေလႄႈ .....
သင်မႂ်းပႂ်ႉၽႂ်သေၵေႃႉၵေႃႉၸိုင်
တေလႆႈလွင်ႈလႅၵ်ႈလၢႆႈလွင်ႈၼိုင်ႈၵူၺ်း ၼၼ်ႉၵေႃႈ
ပဵၼ်လွင်ႈတၢင်းထဝ်ႈၼၼ်ႉဢိူဝ်ႈ .....
ၶၢဝ်းယၢမ်းဢၼ်ဝႃႈၼၼ်ႉ
ပဵၼ်မေႃယႃလူင် ဢၼ်ယႃပၼ်လႆႈႁွႆးၸဵပ်းတီႈၸႂ်ဢိူဝ်ႈ
ၵူၺ်းၵႃႈ မၼ်းဢမ်ႇၸႂ်ႈသြႃႇလူင် ဢၼ်ၵႄႈလိတ်ႈ
ပၼ်ႁႃလႆႈၵူၺ်း ......
ၶတ်းၸႂ်သေယဝ်ႉ ၶႂ်ႈၼႅင်ၵေႃႈၼႅင်လႃႈ
ဢမ်ႇလႆႈၶတ်းၸႂ်သေ ၽိတ်းပိူင်ႈၵႂႃႇၼၼ်ႉတႄႉ
ယႃႇပေႁႂ်ႈလႆႈပဵၼ်ၵႂႃႇသေၵမ်း။ .....
ၼမ်ႉယမ်ထိုင်ၽူႈလူလိၵ်ႈၵူႈၵေႃႉ တီႈပၼ်ယၢမ်းလူလိၵ်ႈ
ၶတ်းၸႂ်ဝူၼ်ႉတူၺ်းၵမ်းၶေႃႈလႄႈ တေမီးၽွၼ်းလီယူႇ
ဝၼ်းၼုမ်ႇ - ထုင်ႉၼွင်မွၼ် (သဵဝ်ႈၶမ်း)
https://www.facebook.com/profile.php?id=100009961395315
#ၸိူဝ်းႁဝ်းထုၵ်ႇလီႁူႉ.......
ၵျူး ဢိတ်သရေး ၶဝ်ႁဵတ်းႁိုဝ်တေႃႇသူႈမႃး
https://m.facebook.com/story.php?story_fbid=677430169756414&id=326285508204217
ႁႅင်းထၢတ်ႈၼမ်ႉၸႂ် ၵူၼ်းၶိူဝ်းၵျူး ဢိတ်ႉသရေး
https://m.facebook.com/story.php?story_fbid=676916069807824&id=326285508204217
လၢႆးၸၢဝ်းၶိူဝ်း ၵျူး ဢိတ်သရေး ၶဝ်ပူၵ်းပွင်လုၵ်ႈဢွၼ်ႇ
https://m.facebook.com/story.php?story_fbid=676642809835150&id=326285508204217
ၼမ်ႉၸႂ်ၵေႃႉလုၵ်ႉၽိုၼ်ႉ ယိင်းႁၢၼ် ၵျူး ဢိတ်သရေး
https://m.facebook.com/story.php?story_fbid=676345769864854&id=326285508204217
လွၼ်ႉမွၼ်းၵႂၢမ်း ၵူၼ်းၶိူဝ်း ၵျူး ဢိတ်သရေး
https://m.facebook.com/story.php?story_fbid=677637106402387&id=326285508204217
