ၽိုၵ်းပၼ်လုၵ်ႈဢွၼ်ႇ ႁႂ်ႈမီးတၢင်းယၢမ်ႈလူလိၵ်ႈ

သင်ဝႃႈႁဝ်းႁၵ်ႉလုၵ်ႈလၢင်းႁဝ်းတႄႉ

မႆႈၸႂ်တႃႇဝၼ်းၼႃႈမိူဝ်းၶဝ်လႄႈတေၶႂ်ႈပူၵ်းပွင်ပၼ် 

ၸၢတ်ႈပၢၼ်လုၵ်ႈလၢင်းႁဝ်းယူႇတႄႉတႄႉၼႆၸိုင် 

လွင်ႈဢၼ်ပၼ်လုၵ်ႈႁဝ်းလဵၼ်ႈၽူင်းလဵၼ်ႈဢၢႆႇၽႅတ်ႇ

 လဵၼ်ႈၵဵမ်း ႁိုင်ႁိုင်ၼၼ်ႉ လီၵိုတ်းယိုတ်းယဝ်ႉ။  

မိူဝ်ႈၶဝ်တေလဵၼ်ႈဢမ်ႇပႆႇႁိုင်ၼၼ်ႉ တႄႉ

ဢမ်ႇမီးပၼ်ႁႃသင် ၵူၺ်းၵႃႈပေႃးဝၼ်း

မၼ်းႁိုင်မႃးၼႆ တေတိူဝ်ႉ သၢင်ႈသၢႆတႃလုၵ်ႈဢွၼ်ႇ 

လိူဝ်သေၼၼ်ႉဢမ်ႇၵႃး ဢၼ်ၶဝ်ထုၵ်ႇလီႁဵတ်း  

ထုၵ်ႇလီလဵၼ်ႈၼၼ်ႉၵေႃႈ ဢမ်ႇပဵၼ်ယဝ်ႉ။ 

လုၵ်ႈဢွၼ်ႇဢၼ်ဝႃႈၼႆႉ ဢမ်ႇ ပႆႇၸႂ်ႈၶိင်ႇလူလိၵ်ႈ 

တူၺ်းလိၵ်ႈၵေႃႈ ၶဝ်ထုၵ်ႇလီလႆႈၸၼ်ႁၢင်ႈ

 ပၢၼ်းသီ၊ ၵႂႃႇလဵၼ်ႈတၢင်းလဵၼ်ႈႁိမ်းႁွမ်း

ႁိူၼ်းၼၼ်ႉတႄႉ ထုၵ်ႇလီလႆႈႁဵတ်းပၼ်ယဝ်ႉ။

လွင်ႈပၼ်လုၵ်ႈဢွၼ်ႇၶဝ်လူလိၵ်ႈၼႆႉ 

ႁဵတ်းႁႂ်ႈၺၢၼ်ႇၶဝ်ၶိုပ်ႈ ၼႃႈ လႆႈတၢင်းႁူႉမႃး

တႃႇၶဝ်တႄႉတႄႉ။ 

သိုဝ်ႉပပ်ႉပၼ်လုၵ်ႈဢွၼ်ႇၶဝ်လူ လဵၼ်ႈၼႆႉ 

ဢမ်ႇၵႃႈတၢၼ်ႇသိုဝ်ႉၶွင်လဵၼ်ႈပၼ်ၶဝ်။

 သင်ဝႃႈၶဝ်လူပပ်ႉလိၵ်ႈ 

ဢၼ်ပႃးႁၢင်ႈလူၼ်ႉၵႃႇတုၼ်း ပႃးႁုၼ်ႇႁၢင်ႈသေဢၼ်ဢၼ်မၼ်းမိူၼ်ၼင်ႇ ၽဝၶဝ်

လႆႈၵႂႃႇၸၢမ်ႇပူၺ်ႈထႅင်ႈတၢင်ႇလူၵ်ႈဝႆႉယဝ်ႉ။

ၶဝ်တေမီးၸႂ်ၶႂ်ႈႁူႉၶႂ်ႈ ႁၼ်လႄႈ ၵတ်ႉၶႅၼ်ႇမႃးယဝ်ႉ။ 

တႃႇႁႂ်ႈလုၵ်ႈဢွၼ်ႇပေႃးတေမီးတၢင်းယၢမ်ႈၼၼ်ႉ 

ပေႃႈမႄႈထုၵ်ႇ လီလႆႈၽိုၵ်းပၼ်ၸိူင်ႉၼႆယူႇယဝ်ႉ။ 

1# ဢိုၼ်းလုၵ်ႈဢွၼ်ႇ

ၼႂ်းၶွင်ႉဢၼ်ဢမ်ႇမီးငဝ်း ထီႇဝီႇလႄႈ။

 ႁိမ်းႁွမ်းၸိူဝ်းၼၼ်ႉ

 ဝႆႉပၼ်ပပ်ႉလိၵ်ႈၼမ်ၼမ်လႄႈ။

 ပပ်ႉလိၵ်ႈမဵဝ်းဢၼ် တူဝ်လိၵ်ႈမီးဢႄႇဢႄႇ 

ႁၢင်ႈမီးၼမ်ၼမ် ပႃးသီၸိူဝ်းၼၼ်ႉၶႅၼ်းလီ။ 

တႄႇ ၸဵမ်မိူဝ်ႈၵိူတ်ႇမႃး 

သင်ဝႃႈလႆႈႁၼ်ပပ်ႉလိၵ်ႈၸိူင်ႉၼၼ် 

တိၵ်းတိၵ်းၼႆ ပေႃး ၶဝ်ယႂ်ႇမႃး တေမီးၵၢင်ၸႂ်

 ၶႂ်ႈလူလိၵ်ႈမႃးယူႇယဝ်ႉ။

2# လူလိၵ်ႈၼႄၽၢႆႇၼႃႈၶဝ်လႄႈ။ 

သင်ႁဵတ်းၼၼ်ပၼ် ႁႂ်ႈၶဝ်ႁၼ်ၵူႈဝၼ်းဝၼ်းၸိုင်

 ၶဝ်တေမီးၵၢင်ၸႂ် ၶႂ်ႈႁူႉၶႂ်ႈမေႃလႄႈ ယိူင်းမႃးယဝ်ႉ။

 ၼႆႉတႄႉ ပေႃႈမႄႈတေလႆႈႁဵတ်းၼႄတူဝ်ယၢင်ႇ

မၼ်းဢွၼ်တၢင်း။

3# လိူၵ်ႈႁႃပပ်ႉဢၼ်ၵိုင်ႇတၢင်းၶဝ်။

သင်ဝႃႈလုၵ်ႈဢွၼ်ႇၵေႃႉယႂ်ႇမႃးတၢၼ်ႇတၢၼ်ႇ

ယဝ်ႉၼႆ သိုဝ်ႉဝႆႉ တူႈပပ်ႉလိၵ်ႈပၼ်မၼ်းၶေႃၶေႃ

သေယဝ်ႉ ဢဝ်ပပ်ႉလိၵ်ႈဢၼ်မီးႁၢင်ႈလူၼ်ႉၵႃႇတုၼ်း 

ဢမ်ႇဝႃႈတေပဵၼ်သႃႇၽႃႇသင်ၵေႃႈလီ၊ ၽၢႆႇမၢၼ်ႈ

ၵေႃႈလီ၊ ၽၢႆႇတႆးၵေႃႈလီ၊ၽၢႆႇဢင်းၵိတ်ႉၵေႃႈလီ 

လူဝ်ႇႁႂ်ႈမၼ်းပဵၼ်ပပ်ႉမီးသီ ပႃးႁၢင်ႈ တႃႇႁႂ်ႈၶဝ်ၶႂ်ႈလူ။ လုၵ်ႈဢွၼ်ႇတေႁႃဢဝ်လူႁင်းၵူၺ်း။ ဝၼ်းၼိုင်ႈသင်ဝႃႈ

 ၶဝ်လႆႈၸႂ်လူပပ်ႉလိၵ်ႈယဝ်ႉၼႆ ၶဝ်ၶႂ်ႈလူသင်ၼႆ 

ၶဝ်တေႁူႉမႃးႁင်းၶဝ် ယဝ်ႉ။ 

#4 သင်ဝႃႈလုၵ်ႈဢွၼ်ႇလူလိၵ်ႈၼႆ

 ယူႇပၼ်ႁိမ်းၶၢင်ႈၶဝ်လႄႈ။ 

ပေႃးၺႃးဢၼ်ၶဝ်ဢမ်ႇပွင်ႇၸႂ်ၼႆ 

သပ်းလႅင်းၼႄပၼ်ၶဝ်လႄႈ။

 လုၵ်ႈဢွၼ်ႇ တေၶိုၼ်းသိုပ်ႇလူၵႂႃႇဢမ်ႇႁၢင်ႉ။

 သင်ဝႃႈဢမ်ႇမီးၵေႃႉလၢတ်ႈပၼ် 

တီႈဢမ်ႇပွင်ႇၸႂ်ၼႆ ၶဝ်ၵေႃႈတေၶၢၼ်ႉလႄႈ 

ဢမ်ႇၶႂ်ႈလူပႅတ်ႈယဝ်ႉ။ 

#5 ပေႃႈမႄႈမၢင်ၵေႃႉ မိူဝ်ႈပႆႇၼွၼ်းၼၼ်ႉ

 ၵႆႉလႄႇၶႆႈၼႄဢပုမ်ႇပၼ်လုၵ်ႈဢွၼ်ႇထွမ်ႇ။ 

ၽိူဝ်ႇဝႃႈလုၵ်ႈဢွၼ်ႇၵေႃႉယႂ်ႇမႃးတၢၼ်ႇတၢၼ်ႇ

သမ်ႉ ဢဝ်ၵိုတ်းၵႂႃႇပႅတ်ႈ။ 

ပေႃးဢဝ်ၽၢႆႇၶူၼ်ႉၶႂႃႉၶဝ်ဝႃႈၼႆၸိုင် 

ထုၵ်ႇလီၶႆႈၼႄ ပၼ်တိၵ်းတိၵ်းႁၢၼ်ႉတေႃႇ

ၶဝ်ထိုင်ပၢၼ်မၼ်းမႃးၼႆ။ 

ပေႃးၸိူင်ႉၼၼ် ၵွၼ်ႇ လုၵ်ႈဢွၼ်ႇႁဝ်း 

ၸင်ႇတေမီးၸႂ်ၶႂ်ႈလူလိၵ်ႈၼႆယဝ်ႉ။

6# သင်ဝႃႈႁဝ်းယွင်ႈယေႃး 

ယွင်ႈဢၢမ်းလုၵ်ႈဢွၼ်ႇသေဢၼ်ဢၼ်ၼႆ 

သိုဝ်ႉပၼ်ပပ်ႉလိၵ်ႈဢဝ်လႄႈ။ 

သင်ဝႃႈမီးပီႈၼွင်ႉ ၶႂ်ႈပၼ်ၶူဝ်းတွၼ်ႈ 

လုၵ်ႈဢွၼ်ၼႆၵေႃႈ လၢတ်ႈၶဝ်ဝႆႉ 

ႁႂ်ႈၶဝ်သိုဝ်ႉမႃးပပ်ႉလိၵ်ႈဢဝ်ၼႆလႄႈ။

7# သင်ဝႃႈလုၵ်ႈဢွၼ်ႇႁဝ်းလႆႈမႃး

တၢၼ်ႇတၢၼ်ႇယဝ်ႉၼႆ ၶိုၼ်း လၢတ်ႈၼႄ

လွင်ႈပပ်ႉလိၵ်ႈ ဢၼ်သူယၢမ်ႈလူလႄႈ 

လွၼ်ႉမွၼ်းၶိုၵ်ႉၶႅမ်ႉ မၼ်းၼႄၶဝ်လႄႈ။ 

သင်ဝႃႈလုၵ်ႈဢွၼ်ႇမီးၵၢင်ၸႂ် ၶႂ်ႈလူလိၵ်ႈ

ႁၢဝ်ႈႁႅင်းၼႆ မၼ်းတေၵႂႃႇႁႃဢဝ်ဢမ်ႇႁၢင်ႉယဝ်ႉ။

8# သင်ဝႃႈလုၵ်ႈဢွၼ်ႇလူပပ်ႉ

 ယႄႈပပ်ႉၼႆ ယွင်ႈယေႃးပၼ်ၶဝ် ဢၢမ်းၶဝ်လႄႈ။ လုၵ်ႈဢွၼ်ႇၵူႈၵေႃႉၼႆႉမီးၵၢင်ၸႂ် 

ၶႂ်ႈႁႂ်ႈပေႃႈမႄႈယွင်ႈယေႃး လႄႈ ဢၢမ်းၶဝ်ယဝ်ႉ။ 

9# ႁွင်ႉလုၵ်ႈဢွၼ်ႇၵႂႃႇႁူင်းတူၺ်းလိၵ်ႈလႄႈ။ 

ၵႂႃႇလၢၼ်ႉၶၢႆပပ်ႉလိၵ်ႈ လႄႈ။ 

သင်ဝႃႈလုၵ်ႈဢွၼ်ႇႁၼ်ပပ်ႉလိၵ်ႈၼမ်ၼမ်ၼႆ

ၶဝ်တေမီးၵၢင်ၸႂ် ၶႂ်ႈ လူလိၵ်ႈမႃးထႅင်ႈ

တၢင်းၼိုင်ႈယူႇ။

#10 သင်ဝႃႈလုၵ်ႈဢွၼ်ႇလူသုတ်းယဝ်ႉ

ယႄႈပပ်ႉဢမ်ႇၼၼ် ယႄႈႁူဝ်ၼႆၸိုင်

ၶျႃႉသူးငိုၼ်းၸၢႆႇၶဝ်လႄႈ။

ပိဝ်းၵိတ်ႉၵေႃႉၶူင်သၢင်ႈဢွၵ်ႇ 

Microsoft ၼၼ်ႉ ပေႃႈမၼ်း 

ယၢမ်ႈႁဵတ်းၼၼ်ပၼ်ယဝ်ႉ။

 ပေႃးမၼ်းလူ ယဝ်ႉယႄႈပပ်ႉ

 ပၼ်ငိုၼ်းၸၢႆႇမၼ်းၸိူင်ႉၼၼ်ႉလႄႈ

 မၼ်းၸင်ႇဢဝ်ၸႂ်ပႃး လွင်ႈလူလိၵ်ႈ

လူလၢႆးမႃးယဝ်ႉ။

 သင်ဝႃႈလုၵ်ႈဢွၼ်ႇႁဝ်းယႂ်ႇမႃး

 ၵူဝ်ၶဝ်ဢမ်ႇၶဝ်ႈၸႂ်လူလိၵ်ႈ 

တူၺ်းလိၵ်ႈ တူၺ်းၶၢဝ်ႇလႄႈ 

မေႃဝူၼ်ႉထတ်းသၢင်ၼၼ်ႉတႄႉ 

ထုၵ်ႇလီ ၽိုၵ်းပၼ်ဝႆႉ ႁႂ်ႈၶဝ်ၶဝ်ႈၸႂ်

လူလိၵ်ႈယူႇဢမ်ႇၸႂ်ႈၼႄႇ။

ပိၼ်ႇတႅမ်ႈ >>>>>   ၶိင်းသိူဝ်(လႃးၶႃႈ)