ၸွင်ႇတႆးႁဝ်းမီးသုၼ်ႇလႆႈၵူၼ်း(Human Rights)- ၸွမ်းၼင်ႇလုမ်ႈၾႃႉမၵ်းမၼ်ႈၼၼ်ႉႁိုဝ်?

ၵပ်းၵၢႆႇလူၺ်ႈလွင်ႈၶေႃႈၵႂၢမ်းဢၼ်ဝႃႈ "သုၼ်ႇလႆႈၵူၼ်း"

(Human Light) ၼႆႉသေ ၵႂၢမ်းပူႇမွၼ်ႇၼၢႆး ယႃႈႁဝ်းသင်ႇ

သွၼ်ဝႆႉၼမ်လၢႆယူႇ၊ ၸိူဝ်းၼၼ်ႉတႄႉ မိူၼ်ၼင်ႇ 

''ၵေႃႉလႂ်ၵေႃႈႁူဝ်မူၼ်း ပဵၼ်ၵူၼ်းမိူၼ်ၵၼ်'' "ၵူၼ်းၼင်ႇၵၼ် 

ဢမ်ႇႁၼ်ပိူၼ်ႈၵိၼ်လဵၵ်းသႃႈ ႁဝ်းသမ်ႉၵိၼ်ယႃႈသႆး"ၸႃႉၵႂႃႇမီးတင်းၼမ်ယူႇ။

ၸိူဝ်းၼႆႉ ၼႆႉပဵꧣ်ၶေႃႈၵႂၢမ်း ဢၼ် တိုၼ်ႇၾၢင်ႉပၼ်ႁဝ်းၵူၼ်းတႆးၵူႈၵေႃႉ

 ႁႂ်ႈမီးႁႅင်းၶတ်းၸႂ် ႁဵတ်းသၢင်ႈ တႃႇတေလႆႈမီးသုၼ်ႇၵူၼ်း တႃႇတူဝ်ၵဝ်ႇ၊ 

တူင်ႇဝူင်း၊  ၸိူဝ်ႉၸၢတ်ႈႁဝ်း ဢၼ်ႁဝ်းထုၵ်ႇပဵၼ်ထုၵ်ႇမီး ႁႂ်ပေႃးမိူၼ်ပိူၼ်ႈၼၼ်ႉယဝ်ႉ။  

 ၶေႃႈၵႂၢမ်းဢၼ်ဝႃႈ "သုၼ်ႇၵူၼ်း" ၼႆႉသေ မၢင်ၸိူဝ်းတေၶႂ်ႈဝႃႈ 

"သုၼ်ႇလႆႈၵူၼ်းဢၼ်ဝႃႈၼၼ်ႉ ႁဝ်းပေႃး ပဵၼ်ၵူၼ်းယူႇယဝ်ႉလူး

 ႁဝ်းၸၢင်ႈလူဝ်ႇၶတ်းၸႂ် ႁႂ်ႈလႆႈထႅင်ႈသုၼ်ႇၵူၼ်ႈၸိူင်ႉႁိုဝ်" ၼႆၵေႃႈ

တေၸၢင်ႈမီးယူႇ၊ လွင်ႈ ဝႃႈႁဝ်းၵိူတ်ႇပႃးမႃးတဵမ်ထူၼ်ႈ သုၼ်ႇ

လႆႈပဵၼ်ၵူၼ်းဢၼ်ဝႃႈၼၼ်ႉ ၸိုဝ်ႈၸႂ်ႈယူႇသေတႃႉၵေႃႈ 

 ယွၼ်ႉငဝ်းလၢႆး ဝၢၼ်ႈမိူင်းႁဝ်းယွၼ်ႉၸဝ်ႈဢႃႇၼႃႇသိုၵ်းၶဝ် 

ဢဝ်ၵႂႃႇပႅတ်ႈသုၼ်လႆႈႁဝ်းယဝ်ႉလႄႈ ၵိူတ်ႇပဵၼ်ၵူၼ်းမႃးသေတႃႉၵေႃႈ 

မၢင်ပွၵ်ႈထိုင်မိူၼ်ႁဝ်းပေႃးဢမ်ႇၸႂ်ႈၵူၼ်းၵႂႃႇၼၼ်ႉ ၸိူဝ်ႉၶိူဝ်းႁဝ်း

ယၢမ်ႈၺႃႈမႃးယူႇ။ 

 ၵွပ်ႈၼႆႁဝ်းမႃး လဵပ်ႈႁဵၼ်တူၺ်းၵၼ်ဝႃႈသုၼ်ႇလႆႈ

ၵူၼ်းၼိုင်ႈၵေႃႉ ဢၼ်ဝႃႈၼၼ်ႉ မီးသင် ပဵၼ်သင်

လၢႆꧦ ၼႆၼၼ်ႉ၊ ပေႃးႁဝ်းဢမ်ႇလဵပ်ႈႁဵၼ်းၸိုင် သုၼ်ႇလႆႈ

 ဢၼ်ႁဝ်းထုၵ်ႇလီမီးသေယဝ်ႉ ထုၵ်ႇတင်းပိူၼ်ႈဢဝ်ၵႂႃႇၼၼ်ႉ 

ၵမ်ႉတေၸူးငၢႆႈ''တိူင်းမၼ်းလႃႈ" ၼႆသေယဝ်ႉ ဢမ်ႇမီးၸႂ်ၶႂ်ႈလႆႈၵႂႃႈပႅတ်ႈ။

ယွၼ်ႉဝႃႈပိူၼ်ႈၵေႃႈ ဢဝ်သုၼ်ႇလႆႈႁဝ်းၵႂႃႇ ႁိုင်ၼႃႇယဝ်ႉ 

ထိုင်ပၢၼ်ႁဝ်းၼႆႉ မၢင်ၸိူဝ်းပေႃးလိုမ်းပႅတ်ႈယဝ်ႉႁိုဝ်ဢမ်ႇႁူႉ ။ 

ၵွပ်ႈၼႆ ႁဝ်းမႃးလဵပ်ႈႁဵၼ်းၵၼ်သေ ယူဝ်ႁဝ်းၸၢင်ႈ ၾၢင်ႉႁူႉဝႃႈ 

သုၼ်ႇလႆႈၸိူဝ်းၼၼ်ႉ  ႁဝ်းထုၵ်ႇမီးယူႇၼႆသေ မီးၸႂ်ၶႂ်ႈ

ၶွၼ်ႈႁႅင်းလုၵ်ႉၶိုၼ်ႈသူႈ တႃႇလႆႈ သုၼ်ႇႁဝ်းမႃးၶိုၼ်းယူႇ ။ 

#ပိုၼ်းပဵၼ်မႃး

 ၸဵမ်မိူဝ်ႈ 1941 ၽွင်ႈသိုၵ်းလုမ်ႈၾႃႉပွၵ်ႈသွင်ၼၼ်ႉ ၸုမ်းဢူၺ်းလီႁူမ်ႈႁွမ်း

 (ဢမေႇရိၵၢၼ်ႇ ၊ ဢိင်းၵလဵတ်ႉ၊ ၾရင်သဵတ်ႈ) ၶဝ်တႅပ်းတတ်း လွင်ႈထၢင်ႇႁၢင်ႈသီႇပိူင်

1. လွင်ႈထၢင်ႇႁၢင်ႈ ဢမ်ႇမီးလွင်ႈလုတ်ႈႁၢမ်း ၊ 

2. လွင်ႈထၢင်ႇႁၢင်ႈ လၢတ်ႈၸႃပူင်ၵႂၢမ်း၊ 

3. လွင်ႈထၢင်ႇႁၢင်ႈၵိူဝ်းလီဝႆႈသႃ ၊

4. လွင်ႈထၢင်ႇႁၢင်ႈပူၼ်ႉလွတ်ႈတၢင်း ၵူဝ်ႁေ၊

(Four freedom as freedom from want.

 freedom of speeches, of worship and from fear) 

ၼႆႉပဵၼ် ၶေႃႈယိူင်းဢၢၼ်းၶဝ်မႃး၊ ထိုင်မႃး 1941 မိူဝ်ႈႁဵတ်းလိၵ်ႈႁူမ်ႈမၢႆ ဢႅတ်ႉလႅၼ်းတိၵ်ႉ (Atlantic Charter) လႄႈသင် မိူဝ်ႈပိုၼ်ၽၢဝ်ႇ UN (1942 Declaration on the United Nation ) ၼၼ်ႉလႄႈသင် ထုၵ်ႇမႄးမၵ်းမၼ်ႈထႅင်ႈယူႇ။ 

ထိုင်မႃး 16.2.1946 ၼၼ်ႉ UN ၸင်ႇလႆႈၶွတ်ႉၽွတ်ႈၶွမ်ႇမသျိၼ်ႇသုၼ်ႇလႆႈၵူၼ်း

 သေပိုၼ်ၽၢဝ်ႇ ၽႄႈပၼ် တၢင်းႁူႉတႃႇၵႄႈၵင်ႈယုၵ်ႉယွင်ႈသုၼ်ႇလႆႈၵူၼ်းမႃး၊

 ၵွပ်ႈၼႆလႄႈ ထိုင်မႃးပီ 1947 ၼၼ်ႉ ၸုမ်း ၶွမ်ႇ မသျိၼ်ႇသုၼ်ႇလႆႈ ၵူၼ်းၶဝ်တင်ႈတႄႇ

တိုၼ်ႉတႅမ်ႈလၵ်းပိူင်သုၼ်ႇလႆႈၵူၼ်း (30) ၶေႃႈသေ ထိုင်မႃးဝၼ်းထိ 10.12.1948 ၼၼ်ႉ 

ပိုၼ်ၽၢဝ်ႇ ပဵၼ်တၢင်းၵၢၼ်သေ မၵ်းမၼ်ႈဝၼ်းၼၼ်ႉ ပဵၼ်ဝၼ်းသုၼ်ႇလႆႈ ၵူၼ်းမႃး 

တေႃႇထိုင်ဝၼ်းၼႆႉယဝ်ႉ။ 

 မိူဝ်ႈပီ 1966 ၼၼ်ႉ ၼင်ႇႁိုဝ်တေၶႅမ်ႉလႅပ်ႈတိူဝ်းတွၼ်း ထႅမ်ပၼ်လွၵ်းပဝ်ႇ

ဢၼ်လူဝ်ႇၼႂ်း (30) ၶေႃႈၼၼ်ႉ UN ၸင်ႇလႆႈတႅပ်းတတ်းမၵ်းမၼ်ႈထႅင်ႈ-

1. လိၵ်ႈႁူမ်ႈမၢႆၶေႃႈလႆႈၸႂ်ၵူႈမိူင်း ဢၼ်ၵဵဝ်ႇလူၺ်ႈ သုၼ်ႇလႆႈၵူၼ်းႁိူၼ်းလႄႈသုၼ်ႇလႆႈ

 ၵၢၼ်ပၢႆးမိူင်း (Inter-national Covenant on Civil and Political Rights) 

2. လိၵ်ႈႁူမ်ႈမၢႆၶေႃႈလႆႈၸႂ်ၵူႈမိူင်း ဢၼ်ၵဵဝ်ႇလူၺ်ႈ သုၼ်ႇလႆႈပၢႆးမၢၵ်ႈမီးၶွပ်ႇဝူင်းၵူၼ်လႄႈ

 ၾိင်ႈငႄႈ ( Inter- national Covenant on Economic, Social and Cultural Rights)

ၵွပ်ႈၼႆဝၼ်းမိူဝ်ႈၼႆႉ ၶေႃႈပိုၼ်ႇၽၢဝ်ႇသုၼ်ႇလႆႈၵူၼ်း လုမ်ႈၾႃႉ (30) ၶေႃႈလႄႈ 

လိၵ်ႈႁူမ်ႈမၢႆသွင်ၽိုၼ်ၼႆႉ ၶဝ်ႈပႃးဢၼ်ၶိုၵ်ႉလိုၵ်ႉလမ်ႈလွင်ႈတင်းသွင်ဢၼ်ယဝ်ႉ။ 

ၼႂ်းလုမ်းၸၢတ်ႈၸိုင်ႈလုမ်ႈၾႃႉ UN ၼႆႉမီးလိၵ်ႈႁူမ်ႈမၢႆၶေႃႈလႆႈၸႂ် 

ဢၼ်ၵဵဝ်ႇၵပ်းသုၼ်ႇလႆႈၵူၼ်း မီးယူႇလၢႆ ပိူင်ꧦ မွၵ်ႈ 100 ၸမ်ꧦယူႇယဝ်ႉ။ 

ၼႂ်းၸိူဝ်းၼၼ်ႉ ငဝ်ႈငႃႇလူင်မၼ်းတႄႉ တေမီးယူႇ (30) ၶေႃႈယဝ်ႉ။

#သုၼ်ႇလႆႈသုၼ်ႇပဵၼ်ၵူၼ်း (30) ၶေႃႈ

1. သုၼ်ႇလႆႈပဵၼ်ၵူၼ်းမိူၼ်ၵၼ်ၵူႈၵေႃႉ ။ 

(Equality of all people.)

2. သၼ်ႇလႆႈပုၼ်ႇတႃႇ ထုၵ်ႇၵပ်းသိုပ်ႇၽဵင်ႇပဵင်း။

(Right of all to fair and equal treatment.)

3. သုၼ်လႆႈ မီးသၢႆၸႂ် ဢၼ်မီးလွင်ႈႁူမ်ႈလူမ်ႈ ၼႂ်းၸူဝ်ႈပၢၼ်။ 

(Right to life.)

4. သုၼ်ႇလႆႈ ပူၼ်ႉလွတ်ႈလွင်ႈတူၵ်းပဵၼ်ၶီႈၶႃႈ ၵူႈပိူင်ၵူႈလၢႆး။

 (Right to freedom from slavery.)

5. သုၼ်ႇလႆႈ ပူၼ်ႉလွတ်ႈလွင်ႈပေႃႉထုပ်ႉမင်ႁႅမ် တုမ်ႉတိူဝ်ႉပူၼ်ႉပႅၼ်။ 

(Right to freedom from torture.)

6. သုၼ်ႇလႆႈတႃႇလႆႈထုၵ်ႇယွမ်းႁပ်ႉမိူၼ်ၵူၼ်းၼိုင်ႈၵေႃႉ။

 (Right to be regarded as a person.)

 7. သုၼ်ႇလႆႈ မီးလွင်ႈၽဵင်ႇပဵင်းၵၼ် ပႃႈတႂ်ႈမၢႆမီႈႁူမ်ႇငမ်း။

 (Right to equal protection of the law.)

8. သုၼ်ႇလႆႈ တႃႇထုၵ်ႇတြႃးမၢႆမီႈၵႅတ်ႇၶႄႁႄႉၵင်ႈ။ 

(Right to legal protection.)

9. သုၼ်ႇလႆႈလွင်ႈလွတ်ႈလႅဝ်း ပူၼ်ႉလွတ်ႈလွင်ႈလႃႈလီတိၺွပ်း ၊

ႁေႃႈလိုပ်ႈ၊မတ်ႉထုပ်ႉ၊ဢဝ်တၢႆ၊ၸႂ်ႉၶၢႆႉ။ (Right to freedom.)

10. သုၼ်ႇလႆႈ ထုၵ်ႇလုမ်းတြႃးတႅပ်းတတ်းပၼ် ထုၵ်ႇမႅၼ်ႈၸိုဝ်ႈၸႂ်ႈ ပေႃးမီးတၢင်းၽိတ်း။ 

(Right to a fair trial. )

11. သုၼ်ႇလႆႈ ထုၵ်ႇႁၼ်ဝႃႈဢမ်ႇမီးတၢင်းၽိတ်း တေႃႇထိုင်ၼႄလႆႈငဝ်ႈႁၢၵ်ႈသၢၵ်ႈသေႇ။ 

(Right be presumed innocent until proved guilty.)

12. သုၼ်ႇလႆႈ သုၼ်ႇတူဝ်လွတ်ႈလႅဝ်း ပူၼ်ႉလွတ်ႈ ပိူၼ်ႈငဝ်းယုင်ႈတိူဝ်ႉသၢင်ႈ။ 

(Right to privacy.)

13. သုၼ်ႇလႆႈ လွင်ႈၵႂႃႇတႃႈပႆတၢင်း ၶၢႆႇတီႈယူႇၶဝ်ႈ/ဢွၵ်ႇမိူင်းလွတ်ႇလႅဝ်း။

(Right to freedom of movement.)

14. သုၼ်ႇလႆႈ ယွၼ်းသေႃႉႁူမ်ႈ တၢင်းၵၢၼ်ပၢႆးမိူင်း။ 

(Right to political asylum.)

15. သုၼ်ႇလႆႈ တႃႇပဵၼ်ၸၢဝ်းၶိူဝ်း (ၵူၼ်းၸိုင်ႈမိူင်း)။

 (Right to Nationality.)

16. သုၼ်ႇလႆႈ ၵူပ်ႉၵူႈပဵၼ်ႁိူၼ်း မီးၼႃႈႁိူၼ်း။

 (Right to marry and have a family.) 

17. သုၼ်ႇလႆႈ ပဵၼ်ၸဝ်ႈၶွင်ပိူင်ႇငမ်းၶိူင်ႈၶူဝ်း ပူၼ်ႉလွတ်ႈလွင်ႈႁုပ်ႈသိမ်းဢဝ်လၢႆ။ 

(Right to own.)

18. သုၼ်ႇလႆႈ ယုမ်ႇဢမ်ၵိူဝ်းလီသႃႇသၼႃႇ။ 

(Right to freedom of belief.)

19. သုၼ်ႇလႆႈ ယိပ်းမၼ်ႈပၢႆးဝူၼ်ႉတၢင်းႁၼ်ထိုင် ပွင်ႇၶၢဝ်ႇပိုၼ်ၽၢဝ်ႇ။ 

(Right to freedom of opinion.)

20. သုၼ်ႇလႆႈ ၶွၼ်ႈတုမ်ငိမ်းယဵၼ် ၶွတ်ႇၽွတ်ႈၵေႃႇတင်ႈမုၵ်ႉၸုမ်း။

 (Right to freedom of assembly.)

21.သုၼ်ႇလႆႈ ၶဝ်ႈပႃးၼႂ်းလူင်ပွင်ၸိုင်ႈ၊ လိူၵ်ႈၵဵပ်းၽူႈတႅၼ်း တွတ်ႈၶႅပ်းၵၢင်ၸႂ်။

 (Right to political activity.)

22. သုၼ်ႇလႆႈလွင်ႈႁူမ်ႈလူမ်ႈၶွပ်ႈဝူင်းၵူၼ်း၊ ပၢႆးမၢၵ်ႈမီး၊ ၾိင်ႈငႄႈ၊ 

ၵၢၼ်ပူၵ်းပွင် ဢၼ်လွတ်ႈလႅဝ်း။

 (Right to social security.)

23. သုၼ်ႇလႆႈ လိူၵ်ႈႁဵတ်းၵၢၼ်လဵင်ႉတွင်ႉ လႆႈႁပ်ႉၵႃႈႁႅင်းထုၵ်ႇမႅၼ်ႈ။ 

(Right to work.)

24. သုၼ်ႇလႆႈ ယင်ႉလိုဝ်ႉႁူဝ်ႉမွႆႈ။

 (Right to leisure.)

25. သုၼ်ႇလႆႈ ယူႇသဝ်းၸၼ်ႉထၢၼ်ႈလူမ်ၸႂ် ပဵင်းပေႃးလူၺ်ႈပၢႆးယူႇလီ၊

 တၢင်းၵိၼ်၊ ၼုင်ႈဝႆ၊ ႁိူၼ်းယေး၊ လွင်ႈယူတ်းယႃ။

 (Right to a decent standard of living.)

26. သုၼ်ႇလႆႈ ၵၢၼ်ႁဵၼ်းပၢႆးပႆႇၺႃႇပိုၼ်ႉႁူႉ။

 (Right to Education.)

27. သုၼ်လႆႈ ပႂ်ႉပႃးၾိင်ႈငႄႈႁိတ်ႈႁွႆႈလႄႈ ပဵၼ်ၸဝ်ႈၶွင်ဢၼ်ႁဝ်းၶူင်သၢင်ႈဢွၵ်ႇ။

 ( Right to culture and copyright.)

28. သုၼ်ႇလႆႈ ၵႅတ်ႇၶႄႁႄႉၵင်ႈ လွင်ႈထုၵ်ႇလႆႈထုၵ်ႇပဵၼ်။ 

(Right to protection of rights.)

29. ပုၼ်ႈၽွၼ်း တႃႇမုၵ်ႉၽုင်ၵူၼ်းလႄႈ ၼပ်ႉထိုဝ်တိုဝ်းၵမ်ႁဵတ်းၸွမ်းသုၼ်ႇလႆႈ။ 

(Duties to community and respect of rights.)

30. ပုၼ်ႈၽွၼ်း ပႂ်ႉပႃးၵုမ်းထိင်း ၵႅတ်ႇၶႄပိုၼ်ၽၢဝ်ႇသုၼ်ႇလႆႈၵူၼ်း။ 

(Protection of this declaration.)

 ၸိူဝ်းၼႆႉပဵၼ်သုၼ်ႇလႆႈၵူၼ်းၼိုင်ႈၵေႃႉထုၵ်ႇလႆႈထုၵ်ႇမီး ပေႃးၵိူတ်ႇပဵၼ်ၼိုင်ႈၵေႃႉယဝ်ႉ၊ 

ၵူၼ်းတႆးၶႃႈလူး (30) ၼႆႉႁဝ်းမီးလၢႆဢၼ်?

မိူၼ်ႁၢင်ႈႁဝ်းပေႃးဢမ်ႇမီး သေဢၼ်ၼၼ်ႉၶႃႈယဝ်ႉ၊

 ပေႃမႃးတူၺ်းလၵ်း ထၢၼ်မၼ်းၵမ်ႉၽွင်ႈမိူၼ်ၼင်ႇ 

ၼႂ်းၵႄႈပီ (1996 - 1997) ၼႂ်းမိူင်းတႆးပွတ်းၵၢင် ၵႃလိ ၊ ၵုၼ်ႁဵင်၊ ၵဵင်းတွင်း၊

 မိူင်းၵိုင် ၵူၼ်းမိူင်း 300,000 (ဝၢၼ်ႈၵူၼ်း 1,400) ၸိူဝ်းၼႆႉ

 သိုၵ်းမၢၼ်ႈၶဝ်ၸႂ်ႉၶၢႆႉဝၢၼ်ႈၶၢႆႉသူၼ် ယၢပ်ႇၽိုတ်ႇၵိၼ်းၸႂ် တႄႉꧦဝႃႈꧦ၊

 သိုၵ်းမၢၼ်ႈၶဝ်ပႄႉၵိၼ်လူလၢႆၼၢင်းယိင်းတႆး 

ၼႂ်းၵႄႈပီ (1991-2001) ၼႆႉ မီး 173 ၵေႃႉ ၊ ၸိူဝ်းၼႆႉ ဢၼ်တၼ်းလႆႈသဵၼ်ႈၸိုဝ်ႈ ဢၼ်ၸုမ်းၵပ်းသၢၼ်ၼၢင်းယိင်းတႆး (SWAN) လႆႈဝႆႉၵူၺ်း ဢၼ်ဢမ်ႇလႆႈႁူႉမီးထႅင်ႈတင်းၼမ်။ 

မိူၼ်ၼင်ႇႁေႃလူင်ၵဵင်းတုင် ဢၼ်လႆႈယႃႉၵူၼ်ႇပင်းပႅတ်ႈ မိူဝ်ႈဝၼ်းထိ 9.11.1991 ၊ 

ၸဝ်ႈမီလုၵ်ႈၸၢႆး ၸဝ်ႈသူၺ်ႇတႅၵ်ႈ ၸဝ်ႈၾႃႉယွင်ႁူၺ်ႇ လႆႈထုၵ်ႇယိုဝ်းတၢႆၵပ်းႁိူၼ် ၊

 ၸဝ်ႈၵျႃႇသႅင် ၸဝ်ႈၾႃႉသီႇပေႃႇ ထုၵ်ႇတင်းတီႉ ၺွပ်းဢဝ်ၵႂႃႇ တၢႆလိပ်းတီႈလႂ်ဢမ်ႇႁူႉ

တေႃႇထိုင်ဝၼ်းမိူဝ်ႈၼႆႉ၊ ၸဝ်ႈၾႃႉတႆးလႄႈ ၽူႈႁၵ်ႉၸိူဝ်ႉၸၢတ်ႈၵမ်ႈၽွင်ႈ လႆႈထုၵ်ႇၺွပ်းယဵတ်ႈၶွၵ်ႈ၊မၢင်ၸိူဝ်းပေႃးလႆႈၸုၼ်ႇပွႆႇသၢႆၸႂ်ၼႂ်းၶွၵ်ႈ ယဝ်ႉပႅတ်ႈလၢႆꧦၵေႃႈမီးမႃး၊ လိူဝ်ၼႆႉမီးထႅင်ႈ 

တင်းၼမ် ဢၼ်ႁဝ်းလၢတ်ႈဢမ်ႇလႆႈ ၶႆႈဢမ်ႇသဵင်ႈ။ 

ၸိူဝ်းၼႆႉ ပဵၼ်တူဝ်ယၢင်ႇၵမ်ႈၽွင်ႈ

 ဢၼ်ႁဝ်းထုၵ်ႇ ပိူၼ်ႈႁဵတ်းႁင်းႁဝ်းမႃးဢၼ်ဢမ်ႇမီးလုမ်းတြႃးဢၼ်လႂ်

တွၼ်ႈတႃႇ တေမႃးတႅပ်းတတ်းပၼ်လွင်ႈၽဵင်ႇပဵင်းၵူၼ်းတႆးႁဝ်း ။ 

ၵွပ်ႈၼႆ မိူဝ်းၼႃႈမႃးၼႆႉ ၼင်ႇႁိုဝ်သုၼ်ႇလႆႈႁဝ်းပေႃးတေမီးမႃးၼၼ်ႉ

 ၵႃႈပဵၼ်ၵူၼ်းတႆးၵူႈၵေႃႉ မီးပုၼ်ႈ ၽွၼ်းၵူႈၵေႃႉယူႇ။ 

သုၼ်ႇလႆႈ ဢၼ်ဝႃႈၼၼ်ႉ 

ယွၼ်ႉမၼ်းပဵၼ်ငဝ်ႈငႃႇလူင် တႃႇၶိုၼ်ႈယႂ်ႇမႂ်ႇသုင်ၼၼ်ႉယဝ်ႉ။

ၵွပ်ႈၼၼ် ၸိူဝ်းပွင်ႇၸႂ်ၵေႃႈ ဢွၼ်ၵၼ်ၶတ်းၸႂ်ႁဵတ်းယူႇယွၵ်းꧦ၊ 

ၸိူဝ်းဢမ်ႇပွင်ႇၸႂ်ၵေႃႈပၢႆႈယူႇမႅၵ်းꧦၼၼ်ႉယဝ်ႉ။

 ပဵၼ်ႁိုဝ်ၵေႃႈလီ ၵိူတ်ႇမႃးပဵၼ်ၵူၼ်းၼိုင်ႈၵေႃႉ 

ၸွမ်းလူၺ်ႈပဵၼ်တႆးၵေႃႉၼိုင်ႈ ထုၵ်ႇလီပွင်ႇ ၸႂ်ငဝ်းလၢႆးၶိူဝ်းတူဝ်ၸဝ်ႈၵဝ်ႇသေ 

ၶတ်းၸႂ်ၶဝ်ႈႁူမ်ႈၸွႆႈထႅမ် ၸွမ်းၼင်ႇႁဝ်းပဵၼ်လႆႈၼၼ်ႉယူႇ။ 

#သုၼ်ႇလႆႈသုၼ်ႇပဵၼ်ၵူၼ်း

 #လႅဝ်းၵူႈ

https://m.facebook.com/story.php?story_fbid=120502471837157&id=100016322133653