ၸင်းမၢၼ်ႊၼၼ်ႉ ၸွင်ႇပွင်ႇဝႃႈႁၵ်ႉၶိူဝ်းတူဝ်ၵဝ်ႇႁိုဝ်?

===============================

ၸွမ်းလူၺ်ႈသၽႃဝၵူၼ်းၶူင်းၵၢင်ႁဝ်း ၵိူတ်ႇမႃးၺႃးၶိူဝ်း

လႂ်ၵေႃႈ တိုၼ်းလူဝ်ႇလႆႈႁၵ်ႉၶိူဝ်းၼၼ်ႉၼႆ ပဵၼ်ၾိင်ႈ

ပဵၼ်သၽႃဝပိူင်ၼိုင်ႈ ၊ ၵွပ်ႈၼႆ ၵႂၢမ်းတႆးၸင်ႇမီးဝႆႉဝႃႈ “ၸိူဝ်ႉမူင်ႈၵေႃႈမူင်ႈပႅင်း ၸိူဝ်ႉမႅင်းၵေႃႈမႅင်းႁၵ်ႉ” ၼႆ ပဵၼ်ၵႂၢမ်းလွၼ်ႉမွၼ်းတႆး ဢၼ်ၸၢင်ႈပၼ်ၾၢင်ႉပီႈၼွင်ႉ

တႆးဢၼ်ၼိုင်ႈ ။ 

ၵူၺ်းၵႃႈ ႁၵ်ႉၸိူဝ်ႉၶိူဝ်းတူဝ်ၵဝ်ႇဢၼ်ဝႃႈၼၼ်ႉ သမ်ႉ

ႁဵတ်းႁိုဝ်သေ ၸင်ႇပွင်ႇဝႃႈႁၵ်ႉၶိူဝ်းတူဝ်ၵဝ်ႇ ၼႆၼၼ်ႉ သမ်ႉ ထုၵ်ႇ လီဝူၼ်ႉၵၼ်ထႅင်ႈၵွၼ်ႇ ၊ ၵွပ်ႈဝႃႈလွင်ႈႁဵတ်း

သၢင်ႈ ဢၼ်တူဝ်ၸဝ်ႈၵဝ်ႇဝႃႈႁၵ်ႉၶိူဝ်းၸဝ်ႈၵဝ်ႇၼႆႉ ပေႃးဢမ်ႇမီး ပၢႆးဝူၼ်ႉထုၵ်ႇလွၵ်းထုၵ်ႇဢႅၵ်ႇမၼ်းၼႆ မၢင်ပွၵ်ႈမၢင်ႇၽဝ်ႇၼႆႉ ယဵၼ်းပဵၼ် ၽေးၶဵၼ်လူင်တႃႇ

ၸိူဝ်ႉၶိူဝ်း တူဝ်ၸဝ်ႈၵဝ်ႇ ၶိုၼ်းၵေႃႈ ယင်းၸၢင်ႈပဵၼ်

လႆႈၵွၼ်ႇ။ 

ပီႈၼွင်ႉတႆးၵေႃႈ ယွၼ်ႉထုၵ်ႇတင်းသိုၵ်းမၢၼ်ႈ ၶီႇၼဵၵ်း

တဵၵ်းတဵင်မႃး ပီယၢဝ်းၶၢဝ်းႁိုင်လႄႈ ဢဝ်တီႈပွင်ႇဝႃႈ ပေႃး ၵူၼ်းၵေႃႉဢၼ်ၸင်းမၢၼ်ႈၼႆႉ ပဵၼ်ၵူၼ်းႁၵ်ႉ

ၶိူဝ်းတူဝ်ၸဝ်ႈၵဝ်ႇၼႆသေ ဢဝ်ၵုင်ႇဢဝ်မုၼ်ၵၼ်ၵေႃႈမီး ၊ ၵွပ်ႈယူႇတီႈတၢင်းၸင်း (ၸႂ်တေႃသ) ၼႆႉသေ ႁဵတ်း

တိုၼ်းလၢင်း တႃႇႁဵတ်းသၢင်ႈတႃႇၸိူဝ်းၶိူဝ်းတူၵ်ၵဝ်ႇ

လႄႈ ဢဝ်ၽိတ်းꧦၽူၼ်ꧦ ၵေႃႈမီးတင်းၼမ်။

ၸၢမ်းဝူၼ်ႉတူၺ်းပိူင်ႈတႅၵ်ႈတီႈတႂ်ႈၼႆႉ ၊

#ၸင်းမၢၼ်းဢမ်ႇလူဝ်ႇႁူႉလိၵ်းမၢၼ်ႈၵႂၢမ်းမၢၼ်ႈ 

ပေႃးဢဝ်ငဝ်းလၢႆးမိူင်းတႆးယၢမ်းၼႆႉဝႃႈ လိၵ်ႈမၢၼ်ႈ

ၵႂၢမ်းမၢၼ်ႈၼႆႉ ပဵၼ်ဝႆႉ လိၵ်ႈဢၼ်ၸႂ်ႉတိုဝ်းၼႂ်းလုမ်း

ၼႂ်းၸၢႆး ပဵၼ်ၵႂၢမ်းလၢတ်ႈ ဢၼ်ၸႂ်ႉတေႃႇတၢင်းၸၢဝ်း

ၶိူဝ်းပေႃးၵႂၢမ်းဢမ်ႇပွင်ႇၵၼ်လႄႈ မိူၼ်ပဵၼ်ၽႃသႃႇၵၢင်

ဝႆႉဢၼ်ၼိုင်ႈ ၼႂ်းမိူင်းႁူမ်ႈတုမ်ၼႆႉယဝ်ႉ၊ ၵွပ်ႈၼၼ် ဢမ်ႇဝႃႈၵပ်းသိုပ်ႇလွင်ႈၵၢၼ်မၢၵ်ႇမီး ၊ ၵၢၼ်သိုၵ်း ၊ ၵၢၼ်

မိူင်း ၸိူဝ်းၼႆႉယွၼ်ႉၵမ်ႉၼမ် တိုၵ်ႉလႆႈဢဝ်ၵႂၢမ်း

လၢတ်ႈမၢၼ်ႈပဵၼ်ယႂ်ႇလႄႈ ႁူႉတိုၼ်းဢမ်ႇမေႃဢမ်ႇ

ပဵၼ်ဢၼ်ၼိုင်ႈယဝ်ႉ။ 

ႁဵတ်းလိၵ်ႈပိူၼ်ႈၵႂၢမ်းပိူၼ်ႈ ဢမ်ႇပွင်ႇဝႃႈတေလႆႈ ပွႆႇ

ၽႃႈပႅတ်ႈၵႂၢမ်းလၢတ်ႈလိၵ်ႈလၢႆးၸဝ်ႈၵဝ်ႇလုမ်းꧦ၊ ၵွၢမ်း

တႆး ၵေႃႈမီးဝႆႉဝႃႈ “လိၵ်ႈပိူၼ်ႈသွၼ်ႁူႉႁၼ် လိၵ်ႈႁဝ်း

ၸႂ်ႉတိုဝ်းၵၼ်ၵႂႃႇၼႃႈ” ယူႇ၊ ၵွပ်ႈၼႆ လိၵ်ႈႁဝ်းၵႂၢမ်းႁဝ်း

ၵေႃႈလူင်ႉလႅၼ်ႇ ၵတ်ႉၶႅၼ်ႇ ၊ လိၵ်ႈပိူၼ်ႈၵႂၢမ်းပိူၼ်ႈၵေႃႈ ႁူႉထိုင်ၼႆတႄႉ တိုၼ်းပဵၼ် ၾၢင်ႈႁၢင်ႈလီဢၼ်ၼိုင်ႈ

ယူႇ။ 

ၵွပ်ႈၼႆ ပေႃးႁဝ်းမေႃလၢတ်ႈၵႂၢမ်းပိူၼ်ႈၸိုင် လွင်ႈၵၢၼ်

မၢၵ်ႈမီး ၊ လွင်ႈၵၢၼ်ဝၢၼ်မိူင်း ၊ ၵၢၼ်တူင်ႇဝူင်း ၊ ၵၢၼ်

ၸွႆႈ လိူဝ်ၸိူဝ်ႉၶိူဝ်းတူဝ်ၵဝ်ႇၸိူဝ်းၼႆႉ မီးတိုဝ်ႉတၢင်းလီ လိူဝ်သေ မေႃၵႂၢမ်းတူဝ်ၵဝ်ႇမဵဝ်းလဵဝ်ၼၼ်ႉယူႇ ။ (ငိၼ်းဝႃႈ ၵူၼ်းမိူင်းဝၼ်းတူၵ်း ၶဝ်မေႃလၢတ်ႈ 3 ဢၼ် 4 ဢၼ်ၶိုၼ်ႈၼိူဝ် ။ ၸုမ်း (CIA) ဢမေႇရိၵၢၼ်ႇ တေ

လႆႈမေႃ ၵၢမ်းလၢတ်ႈ ၵူဝ်းရီယႃး (Korean) ၵရပ်ႉ

ပိၵ်ႉ (Arabic) ရတ်ႉသျႃး (Russia)လႄႈ ႄၶႇ(Chinese)

ၼႆယဝ်ႉ ၊ ( ၸိူဝ်ႉၶိူဝ်းၸိူဝ်းၼႆႉပဵၼ်ၽူႈၶဵင်ႇတႃႉၶဝ်

လၢႆꧦ) 

#ၸင်းမၢၼ်ႈဢမ်ႇၶႂ်ႈႁဵတ်းၵၢၼ်လုမ်း ၊ 

 ၵွပ်ႈႁၼ်ထိုင်ႈဝႃႈ ပေႃးလုၵ်ႈၸဝ်ႈၵဝ်ႇ၊ ဢမ်ၼၼ် တူဝ် ၸဝ်ႈၵဝ်ႇ ၵႂႃႇႁဵတ်းၵၢၼ်လုမ်း (မၢႆထိုင်ၼႂ်းမိူင်းတႆး) ၼႆႉ ၊ ယွၼ်ႉႁၼ်ထိုင်ဝႃႈ တေ ၵႂႃႇႁဵတ်းၶႃႈမၢၼ်ႈၼႆသေ လုၵ်ႈၸဝ်ႈၵဝ်ႇယဝ်ႉၸၼ်ႉၸွမ် ၸၼ်ႉသိပ်းမႃးယဝ်ႉ

ၵေႃႈ ၊ ဢမ်ႇပၼ်ႁဵတ်းၵၢၼ်ၼႂ်း လူင်ပွင် ၸိုင်ႈၵေႃႈမီး

တင်းၼမ် ၊ လွင်ႈၼႆႉ တေလႆႈဝႃႈပဵၼ်ပၢႆးဝူၼ်ႉ

ၽိတ်းဝႆႉဢၼ်ၼိုင်ႈ (တၢင်းႁၼ်ထိုင်သုၼ်ႇတူဝ်)။ 

ႁဝ်းၸၢမ်းဝူၼ်ႉတူၺ်းဝႃႈ ၵၢၼ်လုမ်း (မၢႆထိုင်ၼႂ်းမိူင်း

တႆး) ဢၼ်ဝႃႈၼၼ်ႉ မၼ်းပဵၼ်သင် ၊ မၼ်းၵေႃႈ ပဵၼ်ၵၢၼ်ယူႇ၊ ၵၢၼ်ၵိၼ်ပီႈၼွင်ႉတႆးၵူၺ်းၼႃႇ ၊ ၵူၺ်းၵႃႈ ဝႃႈၼၼ်သေတႃႉ ႁဝ်းသမ်ႉၵႂႃႇဝူၼ်ႉဝႃႈ ပဵၼ်ၵၢၼ်ႁဵတ်း ၶႃႈမၢၼ်ႈဢၼ် ဝႃႈၼၼ်ႉၸွင်ႇမၼ်းထုၵ်ႇ၊ ၸွင်ႇမၼ်း

ၸႂ်ႈတႄႉႁိုဝ် ဢၼ်ဝႃႈၼၼ်ႉ ထုၵ်ႇလီဝူၼ်ႉတူၺ်းလိုၵ်ႉꧦ

ယူႇ။ 

(ငိၼ်းဝႃႈ ပွတ်းဝဵင်းလူင်တူၼ်ႈတီး ၸိူဝ်းၼႆႉ ပီႈၼွင်ႉ

ပႃႇ ဢူဝ်းၶဝ်းႁဵတ်းၵၢၼ်လုမ်း၊ ပွတ်းၵျွၵ်းမႄး ၸိူဝ်းၼႆႉ ပီႈၼွင်ႉတဢၢင်းပၼ်ႁႅင်းၵၼ် ႁဵတ်းၵၢၼ်ၼႂ်းလူမ်းဝႃႈ

ၼႆ)

ၵွပ်ႈၼႆ ပေႃးၵူၼ်းတႆးမီးဝႆႉၼႂ်းလုမ်းၸိုင် တေၸွႆႈၵႄႈ

ၶႆလႆႈ ပေႃးတႆးထူပ်းပၼ်ႁႃ ၽွင်းၶိုၼ်ႈလုမ်းၶိုၼ်းၸၢႆး ၊ ပိူၼ်ႈတေဢမ်ႇၸၢင်ႈမၢပ်ႇမႂ် ယွၵ်ႇလႅၼ်ဢဝ်ၽိတ်း

ဢဝ်ၽူၼ်၊ ဢမ်ႇတၢၼ်ႇသဵင်ႈၵေႃႈယႃႇႁႂ်ႈသဵင်ႈ ၸိူဝ်းၼႆယူႇ။ 

#ၸင်းမၢၼ်ႈဢမ်ႇၶႂ်ႈႁဵတ်းဝႂ်ၵပ်းတူဝ်

ၵူၼ်းၶိူဝ်းဢၼ်လႆႈပၢႆႈၽေးသေ ဢွၵ်ႇဝၢၼ်ႈဢွၵ်ႇမိူင်း ပၼ်ႇဝိူၼ်ႇပၼ်ႇဝိူၼ်ႇယူႇၼႂ်းၵၢင်ပၢင်ႇလၢႆႇ ၵႂႃႇသိူင်ႈ

ၽၢင်ႇမိူင်းလႂ်ၵေႃႈ ပိူၼ်ႈဢမ်ႇႁပ်ႉၼၼ်ႉ မီးယူႇတင်း

ၼမ် ၊ ၵူၼ်းၸိူဝ်းၼႆႉ ပွင်ႇဝႃႈ ပဵၼ်ၵူၼ်းႁၢမ်းဝၢၼ်ႈ

ႁၢမ်းမိူင်း ၊ ဢမ်ႇမီး တီႈလိၼ်တီႈယူႇၵူႈတီႈၼွၼ်း။

ၵူၼ်းတႆးတႄႉ မီးဝၢၼ်ႈမီးမိူင်းယဝ်ႉ၊ (ၵူၺ်းၵႃႈ တိုၵ်ႉယူႇတႂ်ႈၵုမ်းၵမ်ပိူၼ်ႈၼၼ်ႉၵူၺ်း) ၵူၺ်းၵႃႈ ယင်းတိုၵ်ႉမီး သုၼ်ႇဝႃႈ ၵဝ်ၵိူတ်ႇမႃးၼႂ်းၽႅၼ်ႇလိၼ်တႆး ၊ ပဵၼ်ၸိူဝ်ႉၸၢတ်ႈတႆးၼႆယူႇ (ပေႃးႁဵတ်းၶႅပ်းဝႂ်တူဝ်တႄႉ ပေႃးဢမ်ႇႁဵတ်းတႄႉ ၽႂ်ဢမ်ႇၸၢင်ႈမၵ်းမၼ်ႈ) ၊ ၵွပ်ႈၼႆ ပေႃးဢမ်ႇမီးဝႂ်ၵပ်းတူဝ်ၸိုင် ၵႂႃႇလၢတ်ႈဝႃႈၵဝ်ပဵၼ်တႆးၼႆ ပိူၼ်ႈယင်ႈဢမ်ႇၸၢင်ႈ ယုမ်ႇလႆႈၵွၼ်ႇ။

ၵွပ်ႈၼႆ ၶႅပ်းဝႂ်တူဝ်ၼႆႉ ထုၵ်ႇလီႁဵတ်းဝႆႉၽႂ်မၼ်း ၊ ၽွၼ်း

လီမၼ်းသမ်ႉ မၼ်းႁဵတ်းႁႂ်ႈႁဝ်းမၵ်ႈမၼ်းတူဝ်ၵဝ်ႇလႆႈ ဝႃႈႁဝ်းပဵၼ်ၸိူဝ်ႉၶိူဝ်းသင် ၊ လိူဝ်ၼၼ်ႉ ႁဝ်းၸွႆႈႁူမ်ႈ

မိုဝ်းႁဵတ်းသၢင်ႈၵၢၼ်ယႂ်ႇလူင် တႃႇဝၢၼ်ႈမိူင်းႁဝ်း ဢၼ်ၸုမ်းပႃႇတီႈတႆးၶဝ်ဢွၼ်ႁူဝ်ဢွၼ်ၵၼ်းသေ ႁဵတ်းသၢင်ႈဝႆႉၸိူဝ်းၼၼ်ႉ။ (ပွင်ႇဝႃႈပေႃးပၢင်လိူၵ်ႈတင်ႈ ႁဝ်းၸၢင်ႈၵပ်ႉထႅမ်ပၼ်သဵင် ပႃႇတီႇတႆးလႆႈ ပေႃးဢမ်ႇ

မီးၶႅပ်းဝႂ်တူဝ်ၸိုင် ဢမ်ႇမီးသုၼ်ႇတွတ်ႈၶႅပ်းၵၢင်ၸႂ်) 

#တၢင်းႁၼ်ထိုင်

ၵွပ်ႈၼႆ ႁၼ်ထိုင်ဝႃႈ ၵႂၢမ်းမၢၼ်ႈလိၵ်ႈမၢၼ်ႈၵေႃႈ ထုၵ်ႇ

လီႁူႉထုၵ်ႇလီမေႃၵၼ်ယူႇ၊ ၵွပ်ႈဝႃႈ ပေႃးတေဢဝ်ၸႂ်

ႁၵ်ႉ ၶိူဝ်းတူဝ်ၵဝ်ႇႁၢဝ်ႈႁႅင်း (ဢမ်ႇပႃးပၢႆးဝူၼ်ႉ) ၼႆႄတႉ ႁူႉတိုၼ်းတူၵ်းလွၵ်းပိူၼ်ႈတိၵ်းꧦၵူၺ်း။ ႁဝ်းၸၢမ်းဝၼ်ႉ

တူၺ်းဝႃႈ (3+4 =7) 3 ႄလႈ 4 လေႃးၵၼ်ၼႆႉ ပဵၼ် (7) ၼႆၼၼ်ႉ ၊ ယွၼ်ႉႁဝ်းႁူႉဝႃႈ ငဝ်ႈႁၢၵ်ႈ 3 ပဵၼ် 3 ၊ 4 ပဵၼ် 4 ႄလႈ ပေႃးပိူၼ်ႈထၢမ်ႁဝ်းဝႃႈ လေႃးၵၼ် မီးၵႃႈႁိုဝ်

ၼႆၸိုင် ႁဝ်းၸင်ႇတွပ်ႇလႆႈဝႃႈ ပဵၼ် 7 ၼႆယဝ်ႉ။ 

ၵူၺ်းၵႃႈ ပေႃးပိူၼ်ႈထၢမ် ႁဝ်းဝႃႈ IV+VI= (   ) ၼႆလူးၸွင်ႇႁဝ်းတေတွပ်ႇလႆႈ ၵွပ်ႈႁဝ်းဢမ်ႇႁူႉငဝ်ႈႁၢၵ်ႈ IV ၼႆႉ မၼ်း ပဵꧣ် တူဝ်ၼပ်ႉသင် ၊ ၵွပ်ႈႁဝ်း ဢမ်ႇႁူႉ

ဝႃႈ VI ၼႆႉမၼ်းပဵၼ်တူဝ်ၼပ်ႉသင် ၊ ၵွပ်ႈၼႆ ပိူၼ်ႈၸႂ်ႉ

ႁဝ်း လေႃးၵၼ် ၵၼ်ၵေႃႈ ႁဝ်း ႁူႉတိုၼ်းတေတွပ်ႇ

ယၢပ်ႇယူႇ။ 

ၼႆႉၵေႃႈမိူၼ်ၼၼ် တႆးယူႇဝႆႉၼႂ်းငဝ်ႈႁၢၵ်ႈပၼ်ႁႃ (ၶိူဝ်းမၢၼ်ႈ) ပေႃးႁဝ်းဢမ်ႇႁူႉလွင်ႈၶဝ် လိၵ်ႈၶဝ် ၊ ၵႂၢမ်းၶဝ် ႁဝ်းသမ်ႉတေႁဵတ်းႁိုဝ် ၸွႆထွမ်ထႅမ်ၶိူဝ်းၶိူဝ်း

တူၵ်ၵဝ်ႇလႆႈ ႁႂ်ႈလီတီႈသုတ်း၊ ႁဝ်းဢမ်ႇႁူႉငဝ်ႈ

ႁၢၵ်ႈမၼ်ႁႃ ႁဝ်းတေႁဵတ်း ႁိုဝ်ၵႄႈလိတ်ႈပၼ်ႁႃ ။ 

ႁဵတ်းၵၢၼ်ၼႂ်းလုမ်းၼႂ်းၸၢႆးၵေႃႈတေႃႇၼၼ် ၊ ၵၢၼ်လုမ်း

ဢၼ်ဝႃႈၼၼ်ႉ မၼ်းပဵၼ်ၵၢၼ်ဝၢၼ်ႈၵၢၼ်မိူင်း ၊ ပေႃး

ႁဝ်းဢမ်ႇမေႃၵၢၼ်လုမ်း ႁဝ်းသမ်ႉတေႁဵတ်းႁိုဝ်ႁဵတ်း

ဝၢၼ်ႈႁဵတ်းမိူင်း ၊ ပွင်ဝၢၼ်ႈပွင်မိူင်း (ၼႆဝႃႈပီႈၼွင်ႉတႆး ၶႂ်ႈလႆႈ ဝၢၼ်ႈမိူင်း) ၊ ပေႃးဢမ်ႇမေႃၵၢၼ်လုမ်းၵၢၼ်ၸၢႆး

သမ်ႉတေႁဵတ်းႁိုဝ် (ၼႆႉၵေႃထုၵ်ႇလီဝူၼ်ႉတူၺ်းၵၼ်) ။ 

#ၶေႃႈလူပ်းလင်

ၵွပ်ႈၼႆ ၸင်းၶိူဝ်းပိူၼ်ႈသေယဝ်ႉ ဢမ်ႇၶၢမ်ႇႁဵတ်း

သွၼ်လိၵ်ႈပိူၼ်ႈၵုၢမ်းပိူၼ်ႈ ၊ ၸင်းၶိူဝ်းပိူၼ်ႈသေယဝ်ႉ ဢမ်ႇၶၢမ်ႇႁဵတ်းၵၢၼ်လုမ်း ၵၢၼ်ၼႂ်းလူင်ပွင်ၸိုင်ႈ၊ ၸင်း ၶိူဝ်းပိူၼ်ႈသယေဝ်ႉ ဢမ်ႇႁဵတ်းဝႂ်ၵပ်းတူဝ် ၸိူဝ်းၼႆႉ ၊ ၽႂ်လႃႇပဵၼ်ၵေႃႉသုမ်း ပဵၼ်တႆးၵူၺ်း။

တႆးမႃးၶိုၼ်ႈလုမ်း ယွၼ်ႉဢမ်ႇမေႃၵႂၢမ်းပိူၼ်ႈ ၊ ယွၼ်ႉ

တႆးဢမ်ႇမီးဝႆႉၼႂ်းၸုမ်းပိူၼ်ႈလႄႈ လႆႈၵူမ်ႈၵွမ်းၼွမ်း

တပ်ႇ ၊ လႆႈဢေႃႈၸဝ်ႈဢေႃႈၶႃႈ ၊ လႆႈသဵင်ႈငိုၼ်းသဵင်ႈ

တွင်း ယွၼ်ႉမၼ်းၼမ်ၼႃႇယဝ်ႉ။

ပေႃးၽွၼ်းယွၼ်ႈ လွင်ႈတၢင်းဝူၼ်ႉႁဝ်း တၢင်းႁဵတ်းႁဝ်း

မိူၼ်ၼႆ ႁဝ်းသမ်ႉတေဝႃႈ လွင်ႈႁဝ်းဝူၼ်ႉႁဝ်းႁဵတ်းယူႇ

ၼႆႉ ပဵၼ်လွင်ႈထုၵ်ႇမႅၼ်ႈ ပဵၼ်လွင်ႈယုၵ်ႉယွင်ႈ ပဵၼ်

လွင်ႈႁၵ်ႉၸိူဝ်ႉၶိူဝ်းတူဝ်ၵဝ်ႇယူႇႁိုဝ်? ၵွပ်ႈၼႆ ပေႃးပဵၼ် ၼႆႉတႄႉ တေလႆႈ ဝႃႈ မၼ်းပႆႇမႅၼ်ႈၼႆၵူၺ်းယဝ်ႉ။

တီႈတႄႉႁၵ်ႉၶိူဝ်းတူဝ်ၵဝ်ႇ ဢၼ်ဝႃႈၼၼ်ႉ မၼ်းယူႇ

တီႈဝႃႈ ၽွၼ်းလီ (ၽွၼ်းၵၢၼ်) လွင်ႈဝူၼ်ႉႁဝ်းလႄႈ လွင်ႈ ႁဵတ်းႁဝ်းၼၼ်ႉ မၼ်းမီးၽွၼ်းလီၼမ်ၵႃႈႁိုဝ် ၼိူဝ်ၶိူဝ်းၶိူဝ်းတူဝ်ၵဝ်ႇၵႃႈႁိုဝ်ၼႆၼၼ်ႉၵူၺ်း။ ဢမ်ႇယူႇ

တီႈဝႃႈ မၼ်းဢဝ်ၵႂၢမ်း လၢတ်ႈသင်လၢတ်ႈ ၊ မၼ်းယူႇ

တီႈလႂ်သေႁဵတ်း ၊ ဢၼ်လွင်ႈယႂ်ႇတီႈသုတ်း ႁဝ်းၵူၼ်း

တႆးလႆႈၼမ်ႉတွၼ်းၶိုၼ်းယႂ်ႇ မႂ်ႇသုင်ၵႃႈႁိုဝ်ယွၼ်ႉမၼ်း ဢၼ်ဝႃႈၼၼ်ႉ ပဵၼ်ဢၼ်လမ်ႇလွင်ႈတီႈသုတ်းယဝ်ႉ။ 

ၵွပ်ႈၼႆ ႁၵ်ႉၶိူဝ်းတူဝ်ၵဝ်ႇဢၼ်ဝႃႈၼၼ်ႉ လွင်ႈဝူၼ်ႉ လွင်ႈႁဵတ်းၸဝ်ႈၵဝ်ႇ ပဵၼ်ၽွၼ်းလီၼိူဝ်ၸိူဝ်ႉၶိူဝ်း တူၵ်ၵဝ်ႇၵႃႈႁိုဝ်ၼၼ်ႉၵူၺ်းၵႂႃႈ ၊ ဢမ်ႇၸႂ်ႈႁႃႈ ၸင်းၶိူဝ်းပိူၼ်ႈၵႃႈႁိုဝ် ၼႆၼၼ်ႉသႄႈ ။ 

တၢင်းၸင်း (လုၵ်ႉမႃးတီႈတေႃးသ) သေႁဵတ်းသၢင်ႈ

လႄႈ မၼ်းတေလိူတ်ႇတေမႆႈ ဝူၼ်ႉၶႆႈဢၼ်လႂ်ၵေႃႈ တေၵႂင်တေၵႃး ၽွၼ်းလီဢၼ်ၸွမ်းမႃး ဢမ်ႇၸၢင်ႈ

မီးသင် ။ 

တၢင်းႁၵ်ႉ (လုၵ်ႉမႃးတီႈမဵတ်ႉတႃႇ) သေႁဵတ်းသၢင်ႈ

လႄႈ မၼ်းတေဝူၼ်ႉပႃးတၢင်းႁူႉ ဢၼ်မီးၽွၼ်း

လီယႂ်ႇၼမ်။

#လဵဝ်းၵူႈ                                     https://m.facebook.com/story.php?story_fbid=452976161923118&id=100016322133653