ၶိူဝ်းၵျူး ႁိုဝ် ဢိတ်ႉသရေး ဝၼ်းမိူဝ်ႈၼႆႉ
တၢင်းၵႂၢင်ႈမိူင်းမီးယူႇ(22.145) km
ႁူဝ်ၼပ်ႉၵူၼ်းမီး(8.712) million work bank
*****************************************
ၶေႃႈၵႂၢမ်း ပိၼ်ၸႃမိၼ်ၼေတၢၼ်ယႃႇႁု
ၽူႈဢွၼ်ႁူဝ် သိုၵ်းဢိတ်ႉၸရေးလၢတ်ႈ
==============================
1. မိူဝ်ႈပူၼ်ႉမႃး 70 ပီပၢႆၼၼ်ႉ ၵူၼ်းၶိူဝ်းၵျူး
ႁဝ်းဢၼ်ဝႃႈၼႆႉ ပိူၼ်ႈဝႆႉမိူၼ်ၼင်ႇတူဝ်သတ်း ဢွၼ်ႇတူဝ်ၼိုင်ႈၵူၺ်း လႆႈထုၵ်ႇၺႃးသိုၵ်းမိူၵ်ႈမႆႈၸုမ်းႁိတ်ႉတလႃႇ မိူင်းၵျႃႇမၼီႇၶဝ်တိၺွပ်းမတ်ႉသေဢဝ်ၵႂႃႇၽဝ်ၾႆးပႅတ်ႈၵူၼ်းၶိူဝ်းၵျူး
ႁဝ်း( 6 )လၢၼ်ႉၵေႃႉပၢႆပၢႆၵွၼ်ႇ မိူဝ်ႈပူၼ်ႉမႃး 60 ပီပၢႆၼၼ်ႉၵေႃႈ ၵွပ်ႈပိူဝ်ႈၶိူဝ်ႈၵျူးႁဝ်း ဢမ်ႇ ဢမ်ႇပႆႇမီးတပ်ႉသိုၵ်းတႃႇၵႅတ်ႉၶႄၸိူဝ်ႉ
ၸၢတ်ႈႁဝ်းလႄႈ ၸင်ႇလႆႈၶၢမ်ႇတင်းသိုၵ်း
မိူၵ်ႈမႆႈတၢင်ႇမိူင်းမိူၼ်ၼင်ႇ မိူင်းၵျႃႇမၢၼ်ႇ
ၸုမ်းသိုၵ်းႁိတ်ႉတလႃႇၶဝ် ဢဝ်တၢႆၶိူဝ်ႈၵျူး
ႁဝ်းၼပ်ႉႁူဝ်လၢၼ်ႉၵေႃႉမၼ်းၸိူင်ႉၼႆ။
2. မိူဝ်ႈတႄႇတင်ႈ မိူင်းဢိတ်ႉၸရေးမိူင်းလဵၵ်ႉ ဢွၼ်ႇၵုၼ်ႁၢတ်ႉသၢႆး လၢႆၸူဝ်ႈမူင်းၵူၺ်း လႆႈၶၢမ်ႇတၢင်းမိူင်းႁိမ်းႁွမ်းမိူၼ်ၼင်ႇမိူင်း ႁေႃၶမ်းဢႃႇရပ်ႉ (7) မိူင်းၶဝ်ပိုၼ်ၽၢဝ်ႇပိုတ်ႇ ၼႃႈသိုၵ်း တေႃႇၵၼ်တၢင်းႁဝ်း။ၵူၼ်းၶိူဝ်းဢႃႇရပ်ႉ ဢၼ်မီးယူႇၼႂ်းလူၵ်ႈၼႆႉ တၢင်းၼမ်တၢင်းလၢႆ ၼပ်ႉပေႃးဢမ်ႇလႆႈ မီးဢဵၼ်ႁႅင်းငိုၼ်း
ၶမ်းၼင်ႇမိူင်းၶဝ်ၼၼ်ႉ ၵူၼ်းၵျူး ဢမ်ႇၼၼ် ဢိတ်ႉသရေးႁဝ်း ၵူၺ်းမီးဢဝ်ႁူဝ်ၵူၼ်း 650,000 သေ တႄႇ သၢၼ်ၶတ်းတိုၵ်းတေႃးမႃးပေႃးလႆႈမိူင်းလွတ်ႈလႅဝ်းႁင်းၶေႃၼႆယဝ်ႉ။
3. မိူဝ်ႈၽွင်းၼင်ႇၼၼ် ႁဝ်းၶႃႈဢမ်ႇမီးတပ်ႉ
သိုၵ်း ဢၼ်ၵႅၼ်ႇၶႅင် ဢၼ်မီးပႃႇဝႃႇဢၢမ်း
ၼၢတ်ႈ IDP- Israel Defense Force ဢၼ်ဝႃႈ ၼၼ်ႉၵေႃႈ ဢမ်ႇပႆႇမီးသင် တပ်ႉလူမ်း ဢၼ်မီးလွင်ႈလႅတ်းဝႆးၽႂ်းၽၢႆ ၼၼ်ႉၵေႃႈ ႁဝ်းဢမ်ႇပႆႇမီး။ ၵူၺ်းၵႃႈ ဢမ်ႇမီးတီႈၵိၼ် ဢမ်ႇမီးတီႈယူႇ ဢမ်ႇမီးၽႅၼ်လိၼ်သေတႃႉၵေႃႈယင်း မီးၵူၼ်းၶိူဝ်းၵျူးႁဝ်း ဢၼ်ႁတ်းႁၢၼ် ၼမ်ႉ ၸႂ်ၵႅၼ်ႇၶႅင် ႁတ်းတၢႆတၢင်ပုၼ်ႈတႃႇၸိူဝ်ႉၶိူဝ်း ဢမ်ႇၵူဝ် ဢမ်ႇဢၢႆသေႁတ်းတေႃႇသူႈ မိူၼ်
ၼင်ႇမိူင်းႁေႃၶမ်းဢႃရပ်ႉ(7)မိူင်းၼၼ်ႉယူႇ။
4. လပ်ႉပၼုၼ် (Lebanon), သီးရီးယႃး (Syria), ဢီရတ်ႉ(Iraq), ၵျေႃတၢၼ် (Jordan), ဢီၵျိပ်ႉ (Egypt), လိတ်ပျႃႇ (Libya), သေႃႇတီႇ ဢႃႇရပျႃႉ (Saudi Arabia) ၶဝ်ၸိူဝ်းၼႆႉလွမ်ႉ
ႁွပ်ႈႁဝ်းဝႆႉတၢင်းမူတ်းၼႆႉသေ လႆႈၶၢမ်ႇတင်းသိုၵ်းဢႃရပ်ႉ( 7 )မိူင်းႁူမ်ႈၵၼ်သေတိုၵ်းႁဝ်းယူႇယဝ်ႉ။
5. မိူင်းႁူမ်ႈတုမ်ဢမေႇရိၵၢၼ်ႇၶဝ် ပၼ်ဢွင်ႈတီႈယူႇမိူင်းႁဝ်းၼၼ်ႉတႄႉ ပဵၼ်ၵုၼ်ႇႁၢတ်ႇသၢႆး 65%ဢွၼ်ႇၵူၺ်း မိူဝ်ႈပူၼ်ႉမႃး 35 ပီၼၼ်ႉ ၵေႃႈလႆႈၶၢမ်ႇတင်းႁႅင်းသိုၵ်း ၵႅၼ်ႇၶႅင်မိူင်းမိူၼ်ၼင်ႇဢႃရပ်ႉ ( 3 )မိူင်းတိုၵ်းၶႃႈႁဝ်းၶဝ် ၼၼ်ႉၵေႃႈ လႆႈပဵၼ်ပၢင်တိုၵ်းၵၼ် ၶၢဝ်းတၢင်း 6 ဝၼ်းသေ ႁဝ်းလႆႈတိုၵ်းလိုပ်ႈၶဝ်ဢွၵ်ႇယၢၼ်ၼင်လိၼ်ႁဝ်းၵႂႃႇပႅတ်ႈ လႆႈတေႃႇသူႈ ၵၼ်ပဵၼ်မိူင်းဢူၺ်းလီ ၸိုင်ႈမိူင်း ႁေႃၶမ်းဢႃႇရပ်ႉၶဝ်ၼၼ်ႉသေႁဝ်း တႄႇမီးသိုၵ်းမႃးယဝ်ႉ ၸိူဝ်းၶဝ်တႄႉ မီးသိုၵ်းလႄႈ ၶိူင်ႈၶိုတ်း ၵၢပ်ႈ၊ မီးလၢၵ်ႈၼၢၵ်ႈၸႄးမိုဝ်းဢၼ်ၶိုၵ်ႉၶႅမ်ႉသေတႃႉၵေႃႈ ၽၢႆႇၵျူးႁဝ်း ယူႇၽၢႆႇပေႉတႃႇသေႇ။
6. ဝၼ်းမိူဝ်ႈၼႆႉ တႄႉႁဝ်းမီးဝၢၼ်ႈမိူင်းႁင်း ၶေႃ၊ မီးတပ်ႉသိုၵ်း၊ မီးတပ်ႉလူမ်း ဢၼ်ၶိုၵ်ႉ ၶႅမ်ႉ၊ မီးပၢႆးမၢၵ်ႈမီး ဢၼ်မီးၵႃႈၶၼ်တၢၼ်ႇလၢႆလၢႆလၢၼ်ႉတေႃႇလႃႇ ႁဵတ်းဢွၵ်ႇၼႂ်းမိူင်းသူင်ႇ ဢွၵ်ႇၼွၵ်ႈမိူင်း ဢၼ်မိူင်းဢိတ်ႉသရေးႁဝ်း
ၶူင်သၢင်ႈႁဵတ်းဢွၵ်ႇ ၶိူင်ႈၶိုတ်းၵၢပ်ႈၶိုၵ်ႉၶႅမ်ႉ
မိူၼ်ၼင်ႇဢိၼ်ႇထူဝ်ႇ (Intel), မၢႆၶလူဝ်ႇသွပ်ႉ (Microsoft) ဢၼ်ၵူႈမိူင်းမိူင်းလႆႈၸႂ်ႉလႆႈတိုဝ်း ၶူင်သၢင်ႈႁဵတ်းဢွၵ်ႇလႆႈၶိူင်ႈၸၢၵ်ႈ IBM ၶိုတ်း ၵၢပ်ႈပၢၼ်မႂ်ႇလႄႈ မီးၵုမ်ႇပၼီႇၶူင်သၢင်ႈ high-tech companies ဢၼ်မၼ်ႈ ၵိုမ်းဝႆႉ ၼႂ်းမိူင်းႁဝ်းယူႇယဝ်ႉ။
7. ၽၢႆႇၸုမ်းၶူၼ်ႉၶႂႃႉ ပၢႆးယႃႈယႃၼႆၵေႃႈ ၶူၼ်ႉၶႂႃႉယူႇဝၼ်းၶိုၼ်းသေ လႆႈႁပ်ႉသူးၶိုၵ်ႉတွၼ်းလႄႈ မီးမေႃယႃတၢင်းၼမ်။
ဢၼ်ပိူၼ်ႈဝႃႈ ၵုၼ်ပၢင်ႇလၢႆႇ ႁၢတ်ႇသၢႆးၼႆႉ ဢမ်ႇၽုၵ်ႇၵိၼ်သင် လႆႈၼႆၼၼ်ႉၵေႃႈ မိူဝ်ႈ
လဵဝ် ႁဵတ်းဢွၵ်ႇမၢၵ်ႇဝၢၵ်ႈတၢင်းၵိၼ် မၢၵ်ႇမႆႉ မၢၵ်ႇ တွၵ်ႇ ၽၵ်းယိူဝ်ႈၼၢင်းၶဵဝ်သေ ပဵၼ်မိူင်း ဢၼ်ဢဝ် ပၢင်ႇႁၢတ်ႇသၢႆး ယဵၼ်းပဵၼ်မႃး ၵုၼ်ၶဵဝ်ႁၢင်ႈလီလႄႈ လႆႈဢဝ်မၢၵ်ႇမႆႉ မၢၵ်ႇတွၵ်ႇ ၽၵ်းၶဵဝ် သူင်ႇဢွၵ်ႇထိုင် ၵူႈမိူင်းမိူင်းဝႆႉယူႇယဝ်ႉ။
8. ၸိုင်ႈမိူင်းဢိတ်ႉသရေးၼႆႉ မီးတပ်ႉၵၢင်ႁၢဝ် လၢဝ်ထိူမ်း( Satellites) သုၼ်ႇတူဝ်သေ ပူၵ်းတင်ႈႁင်းၶေႃ။ ယဝ်ႉၵေႃႈ သူင်ႇလၢဝ် ထိူမ်း ၵျူဝ်ႇတု ၵႂႃႇဝႆႉၼိူဝ်ၵၢင်ႁၢဝ် ၸွမ်းၵၼ် 3 ဢၼ် မိူဝ်ႈမိူဝ်ႈ ၵၼ်ဝႆႉယူႇယဝ်ႉ။
9. ၵူၼ်းၶိူဝ်းႁဝ်းၶႃႈ မိူဝ်ႈလဵဝ်ၼႆႉ လႆႈၸုၵ်းယၼ်မၼ်ႈ လႆႈၶၢမ်ႇ တၢင်းပိူၼ်ႈႁပ်ႉႁွင်း ယွမ်းႁပ်ႉ မီးဝၢၼ်ႈမီးမိူင်းလႄႈ မီးၸၼ်ႉထၢၼ်ႈ ပဵင်း ၵၢၼ်တၢင်း ၼင်ႇဢၼ်မေႇရိၵၢၼ်ႇ ဢၼ်မီးႁူဝ်ၼပ်ႉၵူၼ်း 250 လၢၼ်ႉ၊ ရသျႃး ဢၼ်မီးႁူဝ်ၼပ်ႉၵူၼ်း 200 လၢၼ်ႉ၊ ၶႄႇဢၼ်မီးႁူဝ် ၼပ်ႉၵူၼ်း 1300 လၢၼ်ႉ၊ ဢိၼ်ႇတိယ ဢၼ်မီးႁူဝ်ၼပ်ႉၵူၼ်း 1300 လၢၼ်ႉၵေႃႉ၊ ဢုလေႃး ပ ဢၼ်မီးႁူဝ်ၼပ်ႉၵူၼ်း 350 လၢၼ်ႉၵေႃႉၼင်ႇ ပိၼ်ႇတိတ်ႉ၊ ဢိင်ႇၵ လၢၼ်ႇ၊ ၵျႃႇမၼီႇ ၸိူဝ်းၼၼ်ႉသေ ၶႃႈ ၶိုၼ်းဢဝ်ၵုင်ႇမုၼ်ၵူၼ်းၶိူဝ်းၵျူးႁဝ်းတႄႉတႄႉဝႃႈဝႃႈယူႇၶႃႈ။
10. မိူဝ်ႈပူၼ်ႉမႃး 60 ပီၼၼ်ႉ ႁဝ်းၶႃႈလႆႈယူႇၽၢႆႇတႂ်ႈမိုဝ်းပိူၼ်ႈ၊ လႆႈၶၢမ်ႇတၢမ်ႇပိူၼ်ႈ၊ ၶႃႈႁႅမ်တၢႆ ၼင်ႇမူၼင်ႇမႃ၊ ဢဝ်ယဵတ်ႈသႂ်ႇၼႂ်းလူတ်ႉ ၾႆး၊ ၺႃးယႃငူၼ်ႉ၊ ၺႃးယိုင်းတၢႆ ပဵၼ်ၵေႃႇပဵၼ်ၵွင်လႄႈ လႆႈၵူဝ်ႁႄမႃး လႆႈႁၢမ်းတၢင်းမုင်ႈမွင်းမႃးလႄႈ ဢမ်ႇမီးယိူင်းမၢႆသင်။ လႆႈၶၢမ်ႇတၢမ်ႇ ဢၢႆၽိုၼ်း ဢၢႆယၢမ်းႁုပ်ႇမႆႈလႆႈထူပ်းလွင်ႈလုသုမ်းတင်းၼမ် ၵွပ်ႈၼၼ်
တေႇဢဝ်ဝၼ်းမိူဝ်ႈၼႆႉၵႂႃႇ ၸဵမ်ယိင်းၸဵမ်ၸၢႆး
ႁႂ်ႈမေႃႁၵ်ႉၽႅၼ်ႇလိၼ်ၸဝ်ႈၵဝ်ႇ ပေႃးဢမ်ႇ
မီးမိူင်းၼႆႉ လႆႈၼႃႈလဵၵ်ႉၼႃႇၵွပ်ႈၼၼ်
တႃႇတေၵႅတ်ႇၶႄၽႅၼ်ႇလိၼ်ႁဝ်းၼႆႉ
ၸၢႆးယိင်းၶိူဝ်းဢိတ်ႉၸရေးႁဝ်းမီးပုၼ်ႈၽွၼ်း
ၵူႈၵေႃႉ ယႃႇပေပၢႆႈဢဝ်တူဝ်လွတ်ႈသေၵမ်း
ၶေႃႈၵႂၢမ်းဢၼ်ၸွမ်ပွင်ၸိုင်
===================
ပိၼ်ၸႃမိၼ်ၼေတၢၼ်ယႃႇႁုလၢတ်ႈဝႃႈ
ၶိူဝ်းၵျႃးႁဝ်းၼႆႉ ယူႇဝၢၼ်ႈလႂ် မိူင်းလႂ်ၵေႃႈ
ႁႂ်ႈမေႃၽွမ်ႉႁူမ်ႈၵၼ် မေႃၵပ်းသိုပ်ႇၵၼ်
တူၵ်းမိူင်းလႂ်ၵေႃႈသွၼ်လိၵ်ႈ မိူင်းၼၼ်ႉ
သွၼ်ၵၢၼ်သိုၵ်း ၵၢၼ်မိူင်းၼၼ်ႉ ၶတ်းၸႂ်
ႁႂ်ႈမေႃႁႃငိုၼ်းတႃႇၸၢတ်ႈႁဝ်းသေၵမ်း
ဝႃႈၼႆ။
ငိၼ်းၸူမ်းၶွပ်ႈၸႂ်ထိုင်ပီႈၼွင်ႉႁဝ်းၶဝ်ၸိူဝ်း
ဢၼ်ၶဝ်ႈမႃးလူလိၵ်ႈလွင်ႈမိူင်းဢိတ်ၸရေး
ၶဝ်ၼႆႉ သင်ဝႃႈမီးတီႈယူပ်ႈယွမ်းၼႆၵေႃႈ
ၶႅၼ်းတေႃႈပွႆႇဝၢင်းၶႂၢင်းပၼ်သေၵမ်းၶႃႈ
ၼပ်ႉယမ်သေ
ငဝ်းတူင်ႉႁႅင်းၸႂ်ၵေႃႉလုၵ်ႉၽိုၼ်ႉ
https://m.facebook.com/story.php?story_fbid=676345769864854&id=326285508204217
(#ၸိုၼ်ႈလႅင်း)
https://m.facebook.com/story.php?story_fbid=654865505347571&id=100024723829179
#ၶိင်းသိူဝ်(လၢႆးၶႃႈ)
https://m.facebook.com/story.php?story_fbid=882081572245288&id=100013303599144
#ၸိူဝ်းႁဝ်းထုၵ်ႇလီႁူႉ.......
ၵျူး ဢိတ်သရေး ၶဝ်ႁဵတ်းႁိုဝ်တေႃႇသူႈမႃး
https://m.facebook.com/story.php?story_fbid=677430169756414&id=326285508204217
ႁႅင်းထၢတ်ႈၼမ်ႉၸႂ် ၵူၼ်းၶိူဝ်းၵျူး ဢိတ်ႉသရေး
https://m.facebook.com/story.php?story_fbid=676916069807824&id=326285508204217
လၢႆးၸၢဝ်းၶိူဝ်း ၵျူး ဢိတ်သရေး ၶဝ်ပူၵ်းပွင်လုၵ်ႈဢွၼ်ႇ
https://m.facebook.com/story.php?story_fbid=676642809835150&id=326285508204217
ၼမ်ႉၸႂ်ၵေႃႉလုၵ်ႉၽိုၼ်ႉ ယိင်းႁၢၼ် ၵျူး ဢိတ်သရေး
https://m.facebook.com/story.php?story_fbid=676345769864854&id=326285508204217
လွၼ်ႉမွၼ်းၵႂၢမ်း ၵူၼ်းၶိူဝ်း ၵျူး ဢိတ်သရေး
https://m.facebook.com/story.php?story_fbid=677637106402387&id=326285508204217
