သင်ဢမ်ႇမီးလွင်ႈႁၼ်လီ မၼ်းၸၢင်ႈပဵၼ်
ဢမ်ႇဝႃႈတေပဵၼ်ၼႃႈၵၢၼ်ႁိုဝ် လွင်ႈတၢင်းႁၵ်ႉၵေႃႈယဝ်ႉ
လုၵ်ႉတီႈၸႂ်မေႃႁၵ်ႉၸႂ်မေႃၸင်းၼၼ်ႉသေ ပေႃးႁၼ်ပိူၼ်ႈလႆႈလီလိူဝ်သေႁဝ်းမႃးယဝ်ႉ
မေႃမီးၸႂ်ၶႂ်ႈသီႇၵေႉႁေႈတႃမေႃသူၺ်ၼိင်ႈပိူၼ်ႈမႃးဢိူဝ်ႈ
ၵူၼ်းဢၼ်မေႃသီႇၵေႉသူၺ်ၼိင်ႈပိူၼ်ႈၼႆႉ တီႈၼႂ်းၸႂ်မၼ်းၵေႃႈႁူႉတေမီးတေႃးသၸႂ်လေႃးၽယဝ်ႉ
ၸႂ်တေႃးသလႄႈၸႂ်လေႃးၽၼၼ်ႉၸၢင်ႈဢဝ်ၵူၼ်းႁဝ်းလိုမ်းတူဝ်သေ ႁဵတ်းၼင်ႇဢၼ်ၶႂ်ႈလႆႈၶႂ်ႈပဵၼ်ဢမ်ႇႁူႉလွင်ႈၽိတ်းလွင်ႈထုၵ်ႇသင်ယဝ်ႉ
ၵဵဝ်ႇလူၺ်ႈၼႃႈၵၢၼ်မႃးၵေႃႈၵူၺ်းႁူႉၵုမ်ႇဝူၼ်ႉဝႃႈၸဝ်ႈၵဝ်ႇတေလႆႈၼမ်ႉတွၼ်းၵႃႈႁိုဝ်ၼႆသေ ဢမ်ႇၶဝ်ႈၸႂ်ဢမ်ႇတူၺ်းမႅၼ်ႈဢၼ်မၼ်းၵႂႃႇတုမ်ႉတိူဝ်ႉပိူၼ်ႈ
တႃႇၸဝ်ႈၵဝ်ႇတေလႆႈၼၼ်ႉၸၢင်ႈဢဝ်ၼမ်ႉတႃပိူၼ်ႈ မႃးႁဵတ်းၼမ်ႉၵိၼ်ၵေႃႈတေမီးယဝ်ႉ
ပေႃးၵပ်းၵၢႆႇလူၺ်ႈလွင်ႈတၢင်းႁၵ်ႉမႃးၵေႃႈ ၵူၺ်းႁူႉၶႂ်ႈႁႂ်ႈပဵၼ်တႃႇတူဝ်ၸဝ်ႈၵဝ်ႇၵေႃႉလဵဝ်သေ ၶႂ်ႈထိင်းၶႂ်ႈၶႅၼ် ၶႂ်ႈႁႂ်ႈယူႇတႂ်ႈၵမ်မိုဝ်းတူဝ်ၸဝ်ႈၵဝ်ႇ
ဢမ်ႇဝူၼ်ႉႁၼ်ထိုင်ၵၢင်ၸႂ်ၵေႃႉလႂ် ဢမ်ႇၶႂ်ႈႁႂ်ႈၽႂ်ၵေႃႉလႂ်မႃးသုၵ်ႉၸွမ်းၽႂ်တေတုၵ်ႉႁႃႉတေသိူဝ်းၵေႃႈယဝ်ႉ
တေဢမ်ႇမေႃၶဝ်ႈၸႂ်သေႁဵတ်းၼင်ႇၵၢင်ၸႂ်ၶႂ်ႈပဵၼ်ၵႂႃႇယဝ်ႉ
ၵွပ်ႈပိူဝ်ႈၼၼ်
ၵဵဝ်ႇလူၺ်ႈၼႃႈၵၢၼ်ႁိုဝ်လွင်ႈတၢင်းႁၵ်ႉၵေႃႈယဝ်ႉ ယႃႇႁႂ်ႈမီးၸႂ်သီႇၵေႉႁေႈတႃ ၸႂ်ဢၼ်မေႃသူၺ်ၼိင်ႈပိူၼ်ႈၼၼ်ႉသေ
ႁႂ်ႈမီးၸႂ်မႅတ်ႉတႃႇၵရုၼႃႇလႄႈမေႃႁၼ်ထိုင်ၽၢႆႇပိူၼ်ႈႁဝ်းလႄႈမီးၼႃႈၵၢၼ်လီလီမီးၵေႃႉႁၵ်ႉလီလီ ၵူႈၵေႃႉသေၵမ်း
>>> သႅင်လၢဝ်ႁၢၼ်ႇ
