လၢႆးၸၢဝ်းၶိူဝ်း ၵျူး/ဢိတ်ႉသရေး ၶဝ်ပူၵ်းပွင်လုၵ်ႈဢွၼ်ႇ
ၸၢဝ်းၶိူဝ်းၵျူး ဢမ်ႇၼၼ်
ၸၢဝ်းၶိူဝ်းဢိတ်ႉၸေရးၼႆၵေႃႈႁွင်ႉယဝ်ႉ။
ၸၢဝ်းၶိူဝ်းၵျူးၼႆႉၶဝ်ႈပႃးၼႂ်းၸၢဝ်းၶိူဝ်းဢၼ်ႁိုင်ႁီး
ဢၼ်ထူၼ်ႈၸဝ်ႉ လိူဝ်ပိူၼ်ႈၼၼ်ႉၶိူဝ်းၼိုင်ႈယူႇ။
ပေႃးတူၺ်းၼႂ်းပိုၼ်းၶဝ်ၵေႃႈ လႆႈႁၼ်ထုၵ်ႇတၢင်းပိူၼ်ႈတဵၵ်းတဵင်ပေႉၵိၼ်
ထိုင်တီႈဝၢၼ်ႈမိူင်းပေႃးလႆႈလူႉယႂ်ႇသုမ်းၼမ်တႄႉယူႇ။
ၵူၺ်းၵႃႈ!ၵူၼ်းၸၢင်းၶိူဝ်းၵျူးၶဝ်ၼႆႉ
လႆႈၶၢမ်ႇတၢင်းပိူၼ်ႈယွမ်းႁပ်ႉဝႃႈ ပဵၼ်ၸၢဝ်းၶိူဝ်းဢၼ်
မီးၺၢၼ်ႇ ပၺ်ႇၺႃႇယႂ်ႇၵႂၢင်ႈလိူဝ်ပိူၼ်ႈၼႂ်းၵူႈၸၢဝ်းၶိူဝ်း
ၼႆယဝ်ႉ။
ၼႂ်းပီ 2015 ၼႂ်းၵမ်ႇၽႃႇၼႆႉ
ႁူဝ်ၼပ်ႉၵူၼ်းၶိူဝ်းၶဝ်မီးယူႇ14.2 လၢၼ်ႉၼႆယဝ်ႉ။
ၸၢဝ်းၶိူဝ်းၵျူးၶဝ်ပေႃးဢဝ်ႁူဝ်ၼပ်ႉၵူၼ်းၼႂ်းၵမ်ႇၽႃႇဝႃႈ
ဢၼ်တေႃႉတႄႉမီးဢဝ်ႁူဝ်ပၢၵ်ႇမွၵ်ႈ0.2ၵူၺ်းၼၼ်ႉ
ၼႂ်းပီႁူဝ်ပၢၵ်ႇ 20 ၼႆႉၵူၺ်း ၼႂ်းၵူၼ်းလႆႈသူး
ၼူဝ်ႇပႄႇ ၼၼ်ႉမီးယူႇႁႃႈပုၼ်ႈၼိုင်ႈပုၼ်ႈယဝ်ႉ
ၼႂ်းၽူႈဢၼ်မီးဢၢမ်းၼၢတ်ႈယႂ်ႇၼႂ်းမိူင်း
ဢေမႇရိၵသမ်ႉ မီးမွၵ်ႈႁူဝ်ပၢၵ်ႇ 50%
ၼႂ်းၽူႈဢၼ်မီးၸိုဝ်ႈသဵင်လိုဝ်းလင်
သေပဵၼ်ဝႆႉပႃႇမွၵ်ႉၶသမ်ႉ မီးယူႇႁူဝ်ပၢၵ်ႇ30%
ၼႂ်းၽၢႆႇပၢႆးလိၵ်ႈလၢႆး၊ပၢႆးမွၼ်း၊ပၢႆးၽၢႆႇၸတ်းၸိူင်း
ၶဝ်ၸိူဝ်းၼႆႉသမ်ႉမီးယူႇႁူဝ်ပၢၵ်ႇ60%
ၼႂ်းသဵၼ်ႈမၢႆၽူႈမၢၵ်ႈလူင်ၼႂ်းမိူင်းဢေမႇရိၵ
သမ်ႉ မီးယူႇႁူဝ်ပၢၵ်ႇ50%
ပေႃးဢဝ်ၸွမ်းသဵၼ်ႈမၢႆForbesဝႃႈၼႆ
ၼႂ်းသဵၼ်ႈမၢႆၽူႈမၢၵ်ႈလူင်ၼႂ်းၵမ်ႇၽႃႇ40ၵေႃႉၼႆႉ
ၸၢဝ်းၶိူဝ်းၵျူးၶဝ်ၶဝ်ႈပႃးဝႆႉ18ၵေႃႉဝႃႈၼႆ။
မိူၼ်ၼင်ႇၽူႈမီးၸိုဝ်ႈသဵင်လိုဝ်းလင်ၼင်ႇ
ဢၢႆၸတၢႆး၊ၵႃးလ်မိတ်ႉၸ်၊တၢဝ်ႇဝိၼ်ႇၶဝ်ၸိူဝ်းၼႆႉ
ၵေႃႈပဵၼ်ၸၢဝ်းၶိူဝ်းၵျူးၼႆယဝ်ႉ။
ဢၼ်ၸၢဝ်းၶိူဝ်းၵျူးၶဝ်လႆႈလီလႆႈပဵၼ်
လႆႈဢွင်ႇမၢၼ်ထိုင်တၢၼ်ႇၼႆႉၼႆႉ လွင်ႈတၢင်း
မၼ်းတႄႉယွၼ်ႉ လွၵ်းလၢႆးဢၼ်ၶဝ်ပူၵ်းပွင်
ပၼ်လုၵ်ႈဢွၼ်ႇၶဝ်ၼၼ်ႉ မၼ်းပဵၼ်လွၼ်ႉပဵၼ်ၵႅၼ်
ပဵၼ်ပိူင်ယႂ်ႇတႄႉတႄႉဝႃႈၼႆယဝ်ႉ။
ၶဝ်သမ်ႉဝႆႉၵႃႈၶၼ်သင်၊သမ်ႉသင်ႇသွၼ်လုၵ်ႈ
ဢွၼ်ႇၶဝ်ၼင်ႇႁိုဝ်ၼႆသိုပ်ႇလူၵၼ်ၵႂႃႇၶႃႈ......
1. ၽိုၵ်းပၼ်ႁႂ်ႈလုၵ်ႈဢွၼ်ႇမေႃပိုင်ႈဢိင်တူဝ်ၵဝ်ႇ
မေႃယဵပ်ႇယၼ်လႆႈႁင်းၵူၺ်း...
"လွၵ်းလၢႆးပၢႆးပၺ်ႇၺႃႇဢၼ်ၶႅမ်ႉသုတ်းၼၼ်ႉပဵၼ်ငဝ်ႈ
ႁၢၵ်ႈပိုၼ်ႉထၢၼ်တႃႇၶိုၼ်ႈယႂ်ႇဢိူဝ်ႈၼႆ" ၶဝ်ယုမ်ႇယမ်ၼင်ႇၼႆ။
ၶဝ်ဝႆႉၼမ်ႉၼၵ်း လွင်ႈလွတ်ႈလႅဝ်းလုၵ်ႈဢွၼ်ႇ
လွင်ႈလုၵ်ႈဢွၼ်ႇၶဝ်ဝူၼ်ႉဢဝ်ႁင်းၵူၺ်းသေ
ပူၵ်းပွင်ၽဝၸဝ်ႈၵဝ်ႇၶိုၼ်း လွင်ႈဢၼ်လုၵ်ႈဢွၼ်ႇၶဝ်
ေတေမႃပိုင်ႈဢိင်တူဝ်ၵဝ်ႇၶိုၼ်း ၸိူဝ်းၼႆႉယဝ်ႉ။
မိူၼ်ၼင်ႇႁၵ်ႉလုၵ်ႈလူၼ်ႉလိူဝ်ပေႃးဢမ်ႇသင်ႇ
ဢမ်ႇသွၼ်သင်တႄႉၶဝ်သၢၼ်ၶတ်းတႄႉယူႇ။
ၵႂၢမ်းၶဝ်ၵႆႉလၢတ်ႈမီးယူႇၶေႃႈၼိုင်ႈ...
"လုၵ်ႈဢွၼ်ႇဢႃႇယု 5 ၶူပ်ႇၼၼ်ႉပဵၼ်ၸဝ်ႈၶုၼ်၊
လုၵ်ႈဢွၼ်ႇ 10 ၶူပ်ႇသမ်ႉပဵၼ်ၶႃႈၸႂ်ႉ၊
လုၵ်ႈဢွၼ်ႇ 15 ၶူပ်ႇတႄႉပဵၼ်ၵူၼ်းမိူၼ်ၼင်ႇ
ပေႃႈ/မႄႈယဝ်ႉ။
ၼႆႉတႄႉမၼ်းၶႂ်ႈဝႃႈလုၵ်ႈဢွၼ်ႇ 5 ၶူပ်ႇၼၼ်ႉ
လီႁၵ်ႉပဵင်းဢူၵ်းပဵင်းၸႂ်သေပူၵ်းပွင်ပၼ် ၼႆယဝ်ႉ။
ပေႃးထိုင်မႃး 10 ၶူပ်ႇသမ်ႉလီၸႂ်ႉသွႆၼင်ႇဢၼ်ၶဝ်
ပေႉလႆႈ၊ပေႃးထိုင်15 ၶူပ်ႇယဝ်ႉတႄႉ
တေလႆႈႁဵတ်းႁႂ်ႈၶဝ်ပေႉတူဝ်လႆႈၼၼ်ႉယဝ်ႉ။
2. မီးၾိင်ႈထုင်းႁၵ်ႉႁွမ်ပပ်ႉလိၵ်ႈ
ၽွင်းလုၵ်ႈဢွၼ်ႇၶဝ်တေႇၸႃႉႁူႉၵႂၢမ်းၼၼ်ႉ
ၵူၺ်းၶဝ်ၸႂ်ႉလုၵ်ႈဢွၼ်ႇၼူမ်ပပ်ႉလိၵ်ႈ
ဢၼ်မီးဢၢႆသႅဝ်ၼမ်ႉၽိုင်ႈမွၵ်ႈၼိုင်ႈယွတ်ႇၼၼ်ႉယဝ်ႉ။
ၶႂ်ႈဝႃႈတႄႉ ႁႂ်ႈလုၵ်ႈဢွၼ်ႇၶဝ်ႁူႉဝႃႈ
ပပ်ႉလိၵ်ႈၼႆႉ မီးၼမ်ႉၸဵမ်းဝၢၼ်၊မီးလွင်ႈၶဝ်ႈၸႂ်ၼႆယဝ်ႉ။
ၸၢဝ်းၶိူဝ်းၵျူးၶဝ်ၼႆႉ ၵမ်ႉၼမ်ၼမ်
မီးၶဵင်ႇပပ်ႉလိၵ်ႈတီႈႁိမ်းႁူဝ်ၼွၼ်းၵူႈႁိူၼ်းဝႃႈၼႆ။
ပပ်ႉလိၵ်ႈဢၼ်ဝႃႈၼႆႉၶဝ်ႁၵ်ႉသေဢမ်ႇၵႃး
ဝႆႉၼမ်ႉၼၵ်းပႃတႄႉႉ"။ ၶဝ်ၵေႃႈ ဝႃႈၶဝ်
"ႁဝ်းၼႆႉပဵၼ်ၸၢဝ်းၶိူဝ်းႁၵ်ႉလိၵ်ႈဢိူဝ်ႈ" ၼႆယဝ်ႉ။
ၽူႈၶူၼ်ႉၶႂႃႉၶဝ်ဝႃႈ ၸၢဝ်းၶိူဝ်းၵျူးၶဝ်ၼႆႉ
လုၵ်ႈဢွၼ်ႇမွၵ်ႈ 14 ၶူပ်ႇၼႆ တီႈဢႄႇသုတ်းမၼ်း
ၼိုင်ႈလိူၼ်လူပပ်ႉလိၵ်ႈယဝ်ႉၼိုင်ႈပပ်ႉၼႆယဝ်ႉ။
3.ပူၵ်းပွင်ပၼ် ႁႂ်ႈမေႃဝႆႉၼမ်ႉၼၵ်းပၢႆးပၺ်ႇၺႃႇ
ၸၢဝ်းၶိူဝ်းၵျူးၶဝ်ၼႆႉ ပေႃးလုၵ်ႈဢွၼ်ႇၶဝ်ယႂ်ႇမႃး
တၢၼ်ႇတၢၼ်ႇယဝ်ႉၼႆ မႄႈၶဝ်ၵႆႉထၢမ်ဝႃႈ
"လုၵ်ႈ !
သင်ၸိူဝ်ႉဝႃႈ ၽႆးမႆႈႁိူၼ်းၵႂႃႇ ၶူဝ်းၶွင်ၵေႃႈ ပႃးၵႂႃႇၸွမ်း
ပေႃးၼႆၸိုင် လုၵ်ႈတေၶႂ်ႈဢဝ်သင်သေလႅၼ်ႈပၢႆႈ" ၼႆယဝ်ႉ။
သင်လုၵ်ႈဢွၼ်ႇတွပ်ႇဝႃႈ
"တေဢဝ်ငိုၼ်း၊ၶမ်း၊ၶူဝ်ၶွင်ၸိူဝ်းၼႆႉႁႄလႅၼ်ႈဢေႃႈ"ၼႆၸိုင်
မႄႈတေဝႃႈ"ဝူၼ်ႉတူၺ်းလီလီလႄႈ ၶူဝ်းၶွင်ၸိူဝ်းၼၼ်ႉ
မၼ်းဢမ်ႇမီးသီ မၼ်းဢမ်ႇမီးဢၢႆသႅဝ်ႁွမ်ၸဵမ်းသင်"ၼႆယဝ်ႉ။
မႄႈၶဝ်တေထၢမ်ပၼ်တေႃႇလုၵ်ႈပေႃးဝႃႈ "ၺၢၼ်ႇပၺ်ႇၺႃႇ"ၼႆယဝ်ႉ။
ၵူၺ်းၵႃႈ! ၵူၼ်းမိူင်းႁဝ်းၶႃႈၼႆႉသမ်ႉဢမ်ႇလႆႈ
ဢဝ်ပၢႆးဝူၼ်ႉၸဝ်ႈၵဝ်ႇသင်သေ
လႆႈထွမ်ႇဢဝ်ၵႂၢမ်းပေႃႈမႄႈ ၶူးသွၼ်ၶဝ်တင်းပိုၵ်း။
4. ယႃႇႁႂ်ႈပဵၼ် *မႃႉၼွၵ်ႇ ဢၼ်တၢင်ႇပပ်ႉလိၵ်ႈဝႆႉ ၼၼ်ႉလၢႆလၢႆၵူၺ်း
*(မႃႉၼွၵ်ႇ ဢၼ်ဝႃႈၼႆႉ ပေႃးတၢင်းမိူင်းႁဝ်းတႄႉ ဢမ်ႇႁၼ်
ယုမ်ႇယမ်ဝႃႈၽူႈလူလိၵ်ႈႁဝ်းၶဝ်တေယၢမ်ႈႁၼ်ႁၢင်ႈမၼ်း
ၼိူဝ်လႅင်း ဢမ်ႇၼၼ် ၼႂ်းငဝ်းတူင်ႉယူႇ)
ယွၼ်ႉလူပပ်ႉလိၵ်ႈၼမ်ၼႃႇလႄႈ ၸင်ႇပဵၼ်မႃးၵႂၢမ်း
ၶေႃႈၼႆႉၼႆ ၶႃႈထၢင်ႇၼင်ႇၼႆ။
တေႇၸဵမ်မိူဝ်ႈလဵၵ်ႉလဵၵ်ႉ သွၼ်ပၼ်ႁႂ်ႈလုၵ်ႈဢွၼ်ႇၶဝ်မေႃလူလိၵ်ႈမႃး
ပေႃးယဝ်ႉ ၽိုၵ်းပၼ်ႁႂ်ႈၶဝ်မီးပၢႆးဝူၼ်ႉႁင်းၶေႃ၊
ပေႃးဢဝ်ၶဝ်ဝႃႈ လွင်ႈလူပပ်ႉလိၵ်ႈ
လွင်ႈလဵပ်ႈႁဵၼ်းဢဝ်ၼႆႉ ပဵၼ်လွင်ႈယိူင်ႈဢဝ်လၢႆလၢႆၵူၺ်း။
လွင်ႈမေႃဝူၼ်ႉဢဝ်ႁင်းၵူၺ်း ဢၼ်ဢဝ်ပၢႆးဝူၼ်ႉၸဝ်ႈၵဝ်ႇ
တၢင်းႁၼ်ထိုင်ၸဝ်ႈၵဝ်ႇသေ ၶူင်သၢင်ႈဢွၵ်ႇမႃးၼၼ်ႉၵူၺ်းပဵၼ်ပိူင်လူင်
ပဵၼ်ၼမ်ႉၵတ်ႉၸဝ်ႈၵဝ်ႇ ၼႆၶဝ်ယုမ်ႇယမ်ၼင်ႇၼႆ။
ၽူႈၵေႃႉဢၼ်လူလိၵ်ႈသေမီးတၢင်းႁူႉၼမ်ယဝ်ႉသေ
ဢမ်ႇမေႃႁဵတ်းၵၢၼ်သင်ၼၼ်ႉ ၶဝ်ဝႃႈပဵၼ်မႃႉၼွၵ်ႇ
ဢၼ်တၢင်ႇဝႆႉပပ်ႉလိၵ်ႈလၢႆလၢႆၵူၺ်းၼႆယဝ်ႉ။
5. ပၢႆးဝူၼ်ႉဢၼ်ဝႃႈၼႆႉ မၼ်းပဵၼ်မႃးလူၺ်ႈ
ၶေႃႈတွပ်ႇဢၼ်ပႃးၶေႃႈထၢင်ႇထိူမ်
ၵႂၢမ်းၶေႃႈၼႆႉၵေႃႈ လႆႈဝႃႈပဵၼ်ၶေႃႈၵႂၢမ်း
ဢၼ်ၸိုဝ်ႈသဵင်ယႂ်ႇ ၼႂ်းၸၢဝ်းၶိူဝ်းၵျူးၶဝ်ၼႆယူႇ။
ၶေႃႈၵႂၢမ်းပေႃႈမႄႈ၊ၵႂၢမ်းလၢတ်ႈၶူးသွၼ်တေႇၵႂႃႇ
ၶႂ်ႈပဵၼ်ၶေႃႈၵႂၢမ်းၽႂ်လၢတ်ႈၵေႃႈလီ
ၶဝ်တိုၼ်းၸႂ်ႉဢဝ်ၶေႃႈထၢင်ႇထိူမ်သႂ်ႇပႃး
ဢွၼ်တၢင်းတိၵ်းတိၵ်းယဝ်ႉ။
ပေႃးမီးၶေႃႈထၢင်ႇထိူမ်
ဢွၼ်တၢင်းၵွၼ်ႇ ၸွင်ႇတေႁူႉလႆႈၶေႃႈတွပ်ႇ
မၢၼ်ႇမႅၼ်ႈၼႆယဝ်ႉ။
လႆႈဝႃႈမၼ်းပိူင်ႈၵၼ်တင်းဢၼ် ၵူၼ်းလူင်မိူင်းႁဝ်း
ၵႆႉဝႃႈပေႃးထွမ်ႇၵႂၢမ်းၵူၼ်းလူင်ၵွၼ်ႇၸင်ႇ
လၵ်းလႅမ် ၼႆၼၼ်ႉတႄႉႉတႄႉဝႃႈဝႃႈယူႇယဝ်ႉ။
ပိၼ်ႇတႅမ်ႈ #ဢွင်ႇသႅင်(သီႇပေႃႉ)
https://www.facebook.com/profile.php?id=100011372041080
#ၵျူး #ဢိတ်ႉသရေး #Israel
#ၸိူဝ်းႁဝ်းထုၵ်ႇလီႁူႉ.......
ၵျူး ဢိတ်သရေး ၶဝ်ႁဵတ်းႁိုဝ်တေႃႇသူႈမႃး
https://m.facebook.com/story.php?story_fbid=677430169756414&id=326285508204217
ႁႅင်းထၢတ်ႈၼမ်ႉၸႂ် ၵူၼ်းၶိူဝ်းၵျူး ဢိတ်ႉသရေး
https://m.facebook.com/story.php?story_fbid=676916069807824&id=326285508204217
လၢႆးၸၢဝ်းၶိူဝ်း ၵျူး ဢိတ်သရေး ၶဝ်ပူၵ်းပွင်လုၵ်ႈဢွၼ်ႇ
https://m.facebook.com/story.php?story_fbid=676642809835150&id=326285508204217
ၼမ်ႉၸႂ်ၵေႃႉလုၵ်ႉၽိုၼ်ႉ ယိင်းႁၢၼ် ၵျူး ဢိတ်သရေး
https://m.facebook.com/story.php?story_fbid=676345769864854&id=326285508204217
လွၼ်ႉမွၼ်းၵႂၢမ်း ၵူၼ်းၶိူဝ်း ၵျူး ဢိတ်သရေး
https://m.facebook.com/story.php?story_fbid=677637106402387&id=326285508204217
