လိၵ်ႈဢၼ်ၶႂ်ႈၾၢၵ်ႇတွၼ်ႈထိုင်သူ

ၸၢတ်ႈပၢၼ် ဢၼ်ဝႃႈၼၼ်ႉ တေလႆႈမီးလွင်ႈလႅၵ်ႈလၢႆႈၶၢႆႉတီႈယူႇဢူိဝ်ႈ ႁူႉထုိင်လႄႈ၊

မႂ်းယႃႇပၼ်ႇတူင်ႇၸွမ်းလွင်ႈဢၼ်ၵဝ်ႇ"မၼ်းတေဢမ်ႇႁဵတ်းႁႂ်ႈမႂ်းၶုိၼ်ႈယႂ်ႇလႆႈမႃးသေပွၵ်ႈ၊

မႂ်းဢမ်ႇၸႂ်ႈတူၼ်ႈမႆႉလူး မႂ်းတေၸုၵ်းၵုိတ်းဝႆႉတီႈလဵဝ်ႁဵတ်းသင်?၊

မႂ်းဢမ်ႇၸႂ်ႈတၢင်ႇတၢႆလူး မႂ်းတေယူႇၼိမ်ဝႆႉတီႈၵဝ်ႇႁဵတ်းသင်?၊

မႂ်းဢမ်ႇၸႂ်ႈၶူဝ်းၶွင်ဢၼ်ပူိၼ်ႈတေယိပ်းၶၢႆႉလႆႈၵွၼ်ႇၸင်ႇတေၶၢႆႉလႆႈလူး မႂ်းသမ်ႉတေပႂ်ႉၽႂ်မႃးယုၵ်ႉၶၢႆႉၸၢတ်ႈပၢၼ်မႂ်း၊

ပေႃးမႂ်းတေယူႇမူိၼ်တူၼ်ႈမႆႉသေဢမ်ႇတူင်ႉဢမ်ႇၼုိင်

သင်ၸုၵ်းၵုိတ်းဝႆႉတီႈလဵဝ်ၵူၺ်းၼႆ ၸၢတ်ႈပၢၼ် မႂ်းသမ်ႉ

တေၶၢႆႉလႆၢႈ ဢွင်ႈတီႈ ယူႇႁႃႉ?၊

ပေႃးမႂ်းတေယူႇမူိၼ်တၢင်ႇတၢႆ ၼိမ်ဝႆႉယူႇတီႈၵဝ်ႇၵူၺ်းၼႆၸုိင် ၸၢတ်ႈပၢၼ် မႂ်းသမ်ႉ တေမီးသၢႆၸႂ်ဝႆႉ 

ႁဵတ်းသင်?၊

ၸၢတ်ႈပၢၼ် ဢၼ်ဝႃႈၼႆႉ သင်ဢမ်ႇမီးလွင်ႈလႅၵ်ႈလၢႆႈ

ၶၢႆႉဢွင်ႈတီႈၼႆၸုိင် မၼ်းတုိၼ်းဢမ်ႇပဵၼ်ၸၢတ်ႈပၢၼ်လႆႈ၊

ၼင်ႇႁုိဝ်ၸၢတ်ႈပၢၼ်မႂ်းပေႃးတေမီးလွင်ႈလႅၵ်ႈလၢႆႈၶၢႆႉ

ဢွင်ႈတီႈၸၼ်ႉတီႈယူႇတၼ်းသဝ်းၼၼ်ႉ ယႃႇပႂ်ႉႁႂ်ႈၽႂ်

မႃးယုၵ်ႉၶၢႆႉပၼ်မႂ်း၊

ၼင်ႇၵႃႈဢဵၼ်ႁႅင်းဢၼ်မႂ်းမီးလႄႈႁဵတ်းပဵၼ်လႆႈၼၼ်ႉ

ယုၵ်ႉၶၢႆႉၵႂႃႇႁင်းၵူၺ်းလႄႈ၊

ယႃႇမုင်ႈမွင်း လွင်ႈတၢင်းဢၼ်ပူိၼ်ႈတေမႃးၸွႆႈထႅမ်

လွင်ႈဢၼ်မုင်ႈမွင်းႁႂ်ႈပူိၼ်ႈယုိၼ်းမုိဝ်းၸွႆႈၵူၺ်းၼၼ်ႉ

မႂ်းတေဢမ်ႇမီးဝၼ်း ႁူႉထုိင်လႆႈ ၼမ်ႉၵတ်ႉၼႂ်းတူဝ်မႂ်း၊

ယႃႇပႂ်ႉပုိင်ႈဢိင်ၼမ်ႉၵတ်ႉၼႂ်းတူဝ်ၽႂ် မႂ်းၶုိၼ်းပုိင်ႈဢိင်

ၼမ်ႉၵတ်ႉၼႂ်းတူဝ်မႂ်းၼၼ်ႉၵူၺ်းလႄႈ၊

မူိဝ်ႈလ်ႂမႂ်းပုိင်ႈဢိင်လႆႈတူဝ်မႂ်းသေယဝ်ႉ သင်ဝႃႈမႂ်းမေႃ

ဢဝ်ၼမ်ႉၵတ်ႉမႂ်းၼၼ်ႉ ၸွႆႈၸုင်ဢဝ် ၽဝၸၢတ်ႈပၢၼ် မႂ်း ၶၢႆႉဢွင်ႈတီႈလႆႈ ပေႃးၼႆၸုိင်၊

ဝၼ်းၼၼ်ႉယဝ်ႉမႂ်းထုိင်တီႈဢၼ်ဝႃႈ သဵၼ်ႈတၢင်းၶုိၼ်ႈယႂ်ႇ လႄႈၸၢတ်ႈပၢၼ် ဢၼ်မႂ်ႇ"တီႈဢၼ်မႂ်းဢမ်ႇပႆႇယၢမ်ႈလႆႈၸၢမ်ႇပူၺ်ႇလႄႈတၢင်းသူိဝ်းတီႈဢၼ်မႂ်းဢမ်ႇယၢမ်ႈလႆႁပ်ႉႁွင်း၊

တၢင်းသူိဝ်းလႄႈလွင်ႈၶုိၼ်ႈယႂ်ႇ ဢၼ်ဝႃႈၼၼ်ႉ မီးတီႈမႂ်းၵေႃႇသၢင်ႈပူၵ်းပွင်ၶုိၼ်ႈမႃး ၼၼ်ႉၵူၺ်း မၼ်းဢမ်ႇလႆႈမီးတီႈၽႂ်၊

သင်ဝႃႈမႂ်းၶႂ်ႈၶုိၼ်ႈယႂ်ႇလႄႈၶႂ်ႈမီးတၢင်းသူိဝ်းၸႂ်ၼႆ သွၵ်ႈ

ႁႃၼမ်ႉၵတ်ႉဢၼ်မီးၼႂ်းတူဝ်မႂ်းၼၼ်ႉသေ ပူၵ်းပွင်

ၵေႃႇသၢင်ႈမၼ်းၶုိၼ်ႈမႃးႁင်းၵူၺ်းလႄႈ၊

ယႃႇမုင်ႈမွင်းပႂ်ႉၶႂ်ႈလႆႈတီႈၽႂ် ယွၼ်ႉဝႃႈၽႂ်တေဢမ်ႇမႃးပၼ်မႂ်း သင်ဝႃႈမႂ်းဢမ်ႇပူၵ်းပွင်ႁင်းၵူၺ်းသေ ၵုမ်ႇပႂ်ႉ

လွင်ႈမုင်ႈမွင်းတီႈပူိၼ်ႈၵူၺ်းၼၼ်ႉ၊

ၸၢတ်ႈၼႆႉတၢင်းၸၢတ်ႈ လွင်ႈၶုိၼ်ႈယႂ်ႇလႄႈတၢင်းသူိဝ်းတႃႇမႂ်းဢၼ်ဝႃႈၼၼ်ႉ ၸၢတ်ႈပၢၼ် မႂ်းတေဢမ်ႇမီးဝၼ်းတေႁူပ်ႉႁၼ်လႆႈသေပွၵ်ႈ။

🌿ၶွပ်ႈၸႂ်ယႂ်ႇၼမ်သေ🌿

#ယိင်းၸၢမ်မူၺ်(သၢဝ်တႆးထူိၼ်ႇ)💚💚💚

https://m.facebook.com/story.php?story_fbid=803447933514978&id=100015493368546