ယွၼ်ႉၸၢတ်ႈပၢၼ်ႁဝ်းၵူၺ်း ၵိုင်ႇယူႇႁိုဝ်?

ဢၼ်ပဵၼ်လွင်ႈမွင်ၸႂ်ၶွင်ၼႂ်းၸၢတ်ႈပၢၼ်ၵူၼ်းႁဝ်း

 မိူင်းၵူၼ်းၼႆႉဢမ်ႇမီးသင်မၼ်ႈၵိုမ်း .........

================================

**

႑.  ၶႂ်ႈလႆႈယူႇၵူၺ်းဢမ်ႇထိူၵ်ႈလႆႈ

႒.  ၶႂ်ႈပွႆႇၽႃႈပႅတ်ႈယူႇၵူၺ်းႁဵတ်းဢမ်ႇလႆႈ

႓.  လႆႈမႃးယဝ်ႉၵူၺ်းဢမ်ႇမေႃလုမ်းလႃး....

လွင်ႈဢၼ်ယၢပ်ႇၼႂ်းၸၢတ်ႈပၢၼ်ၵူၼ်းႁဝ်း

ဢမ်ႇၸႂ်ႈႁဵတ်းလွင်ႈမုင်ႈၾၼ်ႁႂ်ႈပဵၼ်တေႉ

ၵူၺ်းၵႃႈပဵၼ်လွင်ႈဢၼ်ႁဝ်းၶတ်းၸႂ်ႁဵတ်းၸွမ်း

လွင်ႈမုင်ႈၾၼ်ႁဝ်း ပိၵ်ႉသမ်ႉဝႃႈတေမီးၵူၼ်းၸွမ်းဝႃႈ

ဢမ်ႇမီးဝၼ်းပဵၼ်တေႉလႆႈၵေႃႈယဝ်ႉ။

ဢမ်ႇယၢမ်ႈၸဵပ်းတေၵႅၼ်ႇၶႅင်လႆႈၸိူင်ႉႁိုဝ်? 

ဢမ်ႇယၢမ်ႈၽိတ်းပိူင်ႈတေၶိုၼ်ႈယႂ်ႇမႂ်ႇသုင်လႆႈၸိူင်ႉႁိုဝ်? 

ဢမ်ႇယၢမ်ႈလုႉသုမ်းတေၶႅမ်ႉလႅပ်ႈဢွင်ႇမၢၼ်လႆႈၸိူင်ႉႁိုဝ်? 

မၢင်ပွၵ်ႈမၢင်လႂ်လွင်ႈဢၼ်ၸဝ်ႈၵဝ်ႇတေလႆႈႁဵတ်း

ၼၼ်ႉၵေႃႈပဵၼ် ပိၵ်ႉသူပ်း ယဝ်ႉၵေႃႈဝၢင်းပႅတ်ႈၸႂ်မၼႃႇ

သေ ယွမ်းႁပ်ႉလွင်ႈတေႉဢၼ်ပဵၼ်ယူႇၼၼ်ႉႁႂ်ႈလႆႈ။

ၼၼ်ႉမၼ်းၵေႃႈဢမ်ႇလႆႈမၢႆထိုင်ဝႃႈၸဝ်ႈၵဝ်ႇပဵၼ်ၵူၼ်း

ဢူၼ်ႈဢွၼ်ႇဢမ်ႇမီးႁႅင်းတႃႇတေႉၶေႉၶဵင်ႇဢမ်ႇၸႂ်ႈလူး

ယွၼ်ႉဝႃႈမၢင်ပွၵ်ႈၼႆႉ သင်ဝႃႈႁဝ်းဢမ်ႇမွတ်ႇပႅတ်ႈႁႂ်ႈပဵၼ်

သုၼ်ၵွၼ်ႇ ယဝ်ႉႁဝ်းတေႁဵတ်းၸိူင်ႉႁိုဝ်ၼပ်ႉၼိုင်ႈ

မႂ်ႇထႅင်ႈယဝ်ႉလႃႇ ။

လွင်ႈမၢင်လွင်ႈၼႆႉ .

ႁဵတ်းယဝ်ႉၸင်ႇပွင်ႇၸႂ် ၽိတ်းယဝ်ႉၸင်ႇၶဝ်ႈၸႂ်

ယႂ်ႇယဝ်ႉၸင်ႇပွင်ႇၸႂ် လုႉသုမ်းယဝ်ႉၸင်ႇၶဝ်ႈၸႂ် ။

ၵူႊၵေႃႉတိုၼ်းမီးတေႃးသမေႃးႁၵၼ်ၵူႊၵေႃႉ 

ၵူၺ်းၵႃႈလူဝ်ႇလႆႈမေႃထိင်းၸႂ်မေႃယိူၼ်ႉၵၼ်ႈ 

ယႃႇပေပွႆႇႁႂ်ႈၽီလွင်ႈၸႂ်လမ်တေႃးသၼၼ်ႉ

ႁဵတ်းလွင်ႈဢၼ်ၼႃႈလီဢၢႆဢၼ်တေႁဵတ်းႁႂ်ႈႁဝ်းတိူဝ်ႉၸႂ်

ၵႂႃႇတေႃႇၸူဝ်ႈၼၼ်ႉ ။

မၢႆလပ်ႉဢၼ်ယၢမ်ႈတွင်းဝႆႉၼၼ်ႉ 

ပိၵ်ႉသမ်ႉဝႃႈတေတွင်းၸႃးၵႃႈႁိုဝ်ၵေႃႈယဝ်ႉ

ႁူႉတိုၼ်းမေႃလိုမ်းလႆႈဢိူဝ်ႈ ။

လွင်ႈၸဵပ်းသႅပ်ႇႁၢဝ်ႈႁႅင်းလူင်ၼၼ်ႉ

ပိၵ်ႉသမ်ႉဝႃႈတေၸႅပ်းသႅပ်ႇထိုင်လႂ်ၵေႃႈယဝ်ႉ

သင်ဝႃႈပူၼ်ႉဝၼ်းပူၼ်ႉၶိုၼ်းၵႂႃႇၵေႃႈႁူႉတေႃႈ

တေမီးဝၼ်းႁၢႆလႆႈယူႇ ။

လွင်ႈၼွၼ်းၾၼ်လီၾၼ်ဝၢၼ်ၼၼ်ႉၵေႃႈ

ပိၵ်ႉသမ်ႉဝႃႈတေၾၼ်ဝၢၼ်ထိုင်မွၵ်ႈလႂ်ၵေႃႈယဝ်ႉ

ႁူႉတိုၼ်းတေလႆႈတိုၼ်ႇယူႇၵူၺ်းဢိူဝ်ႈ ။

ပဵၼ်ၵေႃႉႁၵ်ႉၵၼ်ၵေႃႈ

ပိၵ်ႉသမ်ႉဝႃႈတေႁၵ်ႉၵၼ်ၼႃႇတၢၼ်ႇလႂ်ၵေႃႈယဝ်ႉ

ပဵၼ်ၸိူင်ႉႁိုဝ်ၵေႃႈဝၼ်းၼိုင်ႈမႃးႁူႉတိုၼ်းတေလႆႈ

တၢႆၽၢတ်ႇယၢၼ်ၵၼ်ၵႂႃႇယူႇၵူၺ်း ။

ပေႃးၸိူင်ႉၼၼ် .... 

လူဝ်ႇလႆႈမီးတၢင်းသိူဝ်းၸႂ်ၸွမ်း ( ပတ်ႇၸုႇပၼ်း ) 

ဢၼ်ပဵၼ်ယူႇယၢမ်းလဵဝ်ၼႆႉ ႁႂ်ႈၼမ်ၼမ်တႃႉ ။

ယုမ်ႇယမ်ဝႃႈတေပဵၼ်ႁႅင်းၸႂ်တႃႇၵူႊၵေႃႉယူႇၶႃႈ။

==============================

ၼပ်ႉယမ်ထိုင်ၽူႈလူလိၵ်ႈတၢင်းသဵင်ႈၶႃႈ။

#ၶမ်းသိုဝ်ႉ - မိူင်းသူ

https://m.facebook.com/story.php?story_fbid=901794340158353&id=100009833859514