ယႃႇပေယွမ်းၵၢၼ်ႉပၼ်သုမ်း (DON'T GIVE UP )

ၸၼ်ႉၸွမ်ၼၼ်ႉ ပဵၼ်တီႈၵူၼ်းႁဝ်း လီၶိုၼ်ႈ

ႁွတ်ႈၵူႈေၵႃႉယူႇ။ ၵွပ်ႈပိူဝ်ႈ မၼ်းပဵၼ်ႈငဝ်ႈတူၼ်ႈ

တီႈမီးတၢင်းႁူႉၵီႊပူင်း  လိူင်ႇၼမ်။ ၵူၺ်းၵႃႈ

ၼၼ်ေသၵေႃႈ  ၵူႈေၵႃႉဢမ်ႇလႆႈၶိုၼ်ႈႁွတ်ႈ

ၼၼ်ႉလႆႈဝႃႈ လီေၶႃးၶူမ်ေတႉ"။

ပိူင်တႅၵ်ႈမၼ်း - မိူဝ်ႈလဵဝ်ၼႆႉ ယွၼ်ႉဢွၼ်ၵၼ်

လၢတ်ႈလွင်ႈ ဝႂ်မႆႉပူၵ်ႇႁႅင်ႈၼႃႇႄလႈ ေတဢဝ်

ဢၼ်ၼႆႉေသတႅၵ်ႈေၼ- ၸၼ်ႉၸွမ်ၼၼ်ႉ မိူၼ်

တူၼ်ႈမႆႉပူၵ်ႇ၊ သင်ႁဝ်းၶႂ်ႈလႆႈဝႂ်မႆႉပူၵ်ႇၼမ်"ႁဝ်း

လူဝ်ႇ ၵႂႃႇႁႃၵဵပ်း တီႈတူၼ်ႈမၼ်း ႁဝ်းၸင်ႇေတ

ၸၢင်ႈလႆႈၼင်ႇၸႂ်။ ေပႃးပႂ်ႉႁႂ်ႈမၼ်းပိဝ်ၶဝ်ႈဝၢင်း

မႃး ဢမ်ႇၼၼ် ေပႃးေတႁႃၵဵပ်းဢဝ်ၼႂ်ႈဝၢင်း

ၸဝ်ႈၵဝ်ႇၵွၺ်းေတႉ ေတလႆႈသွင်သၢမ်ဝႂ် သီႇ

ႁႃႈဝႂ်ဢွၼ်ႇၵူၺ်း။ ေပႃးၵႆတူၼ်ႈမၼ်း ဢမ်ႇၼၼ်

ေပႃးလူမ်းဢမ်ႇထွင်းမႃးၸိုင် ႁဝ်းေတဢမ်ႇ

ၸၢင်ႈလႆႈေသဝႂ်ၵွၼ်ႇ။

ၼၼ်ေသတႃႉ မၢင်ၸိူဝ်းၵႂႃႇထိုင်တူၼ်ႈမႆႉပူၵ်ႇေသ

တႃႉ သမ်ႉၶၢၼ်ႉၵဵပ်း ဢမ်ႇၼၼ် ပႂ်ႉဢဝ်ဢၼ်ႁူင်ႈ

တူၵ်းႁိမ်းၸဝ်ႈၵဝ်ႇၵူၺ်းေပႃးၼႆ ၼႆႉေၵႃႈဢမ်ႇ

ၸၢင်ႈလႆႈ ဝႂ်မႆႉပူၵ်ႇၼမ်ၼင်ႇၵဝ်ႇ။ သင်သမ်ႉယူႇ

တီႈႁိူၼ်းၸဝ်ႈၵဝ်ႇေသတႃႉ သမ်ႉၵႆႉေသ ေလႇ

ႁႃၵဵပ်းဢဝ် ၵႃႈၼင်ႇမၼ်းပိဝ်မႃးၵူႈတၢင်း တီႈၼႂ်း

ဝၢင်းႁဝ်းၵူႈၸွၵ်ႉၸိုင်  ၼၼ်ႉေၵႃႈ ထုၵ်ႇလႆႈၼမ်

လိူဝ် ေၵႃႉယူႇတီႈတူၼ်ႈမၼ်းၼၼ်ႉေၵႃႈ ေတ

ၸၢင်ႈပဵၼ်လႆႈယူႇ။

မိူၼ်ၼင်ႇ ၽူႈၸိုဝ်ႈသဵင်လိုဝ်းလင်ေၵႃႉၼိုင်ႈ ၸိုဝ်ႈ

ဝႃႈ " လိၼ်ႇၶွၼ်း " ပဵၼ်ၸွမ်ၸိုင်ႈ ဢမေႇရိၵၢၼ်ႇ

ေၵႃႉထူၼ်ႈ 16 ။ ပဵၼ်ေၵႃႉဢၼ်ၵူၼ်းမိူင်းႁၵ်ႉႁွမ်

ႄလႈ ဢဝ်ၵုင်ႇမုၼ်မၼ်းမႃး ေတႃႇထိုင်ယၢမ်းလဵဝ်။

မၼ်းၼႆႉ ဢမ်ႇလႆႈၶိုၼ်ႈၸၼ်ႉၸွမ် ၊ သမ်ႉပၢႆၵိူတ်ႇ

မႃးၺႃးၼႂ်းၼႃႈႁိူၼ်း ဢၼ်တုၵ်ႉၽၢၼ်ၶၢၼ်ၸႂ်ၵွၼ်ႇ။

ထႅင်ႈပိူင်ၼိုင်ႈေၵႃႈ မၼ်းဢမ်ႇလႆႈ ၵႂႃႇဢဝ်ဝႂ်မႆႉပူၵ်ႇ

တီႈတူၼ်ႈမႆႉပူၵ်ႇ၊ ၵူၺ်းၵႃႈ မၼ်းမီးတၢင်းၶတ်းၸႂ်

ေသ ႁႃဢဝ်ၸွမ်းဝၢင်းႁိူၼ်းေပႃးၸွတ်ႇၵူႈတီႈႄလႈ

မၼ်းလႆႈၼမ်ေသမၢင်ေၵႃႉ ၸိူဝ်းၵႂႃႇမီးတႂ်ႈတူၼ်ႈမႆႉ

ပူၵ်ႇၼႆၼၼ်ႉ လွင်ႈမၼ်းပဵၼ်လူင်ပွင်ၸိုင်ႈၼၼ်ႉ

ေၼလၵ်းထၢၼ်မၼ်းထၢင်ႇၸႅင်ႈယူႇ။

ထႅင်ႈေၵႃႉၼိုင်ႈသမ်ႉ မိူၼ်ၼင်ႇလူင်ပွင်ၸိုင်ႈဢ

ေမႇရိၵၢၼ်ႇ မိူဝ်ႈလဵဝ် မိူၼ်ၼင်ႇ ေတႃႇလ်ေၼႇ

ထရမ်ႉၼႆႉသမ်ႉ မၼ်းပဵၼ်ၵူၼ်းေၵႃႉၼိုင်ႈ ဢၼ်

ၵိူတ်ႇမႃး ၼႂ်းၼႃႈႁိူၼ်း ဢၼ်မၢၵ်ႈမီးေသဢမ်ႇၵႃး

လႆႈၵႂႃႇထိုင်တီႈၸၼ်ႉၸွမ် ဢမ်ႇၼၼ် တီႈတူၼ်ႈမႆႉ

ပူၵ်ႇ။ မၼ်းၶတ်းၸႂ် ၵဵပ်းဢဝ်ဝႂ်မႆႉပူၵ်ႇ ၵႃႈၼင်ႇ

လႆႈေသ ၵမ်းလိုၼ်း မၼ်းမၢၵ်ႈမီးေသယဝ်ႉဢမ်ႇ

ၵႃး သမ်ႉလႆႈပဵၼ်ပႃး လူင်ပွင်ၸိုင်ႈ၊ ၼႆႉေၵႃႈေၼ

လၵ်းထၢၼ်ဝႃႈ မၼ်းလႆႈၼမ်လိူဝ်ေသ ၸိူဝ်းဢမ်ႇ

ၵႂႃႇထိုင်တူၼ်ႈ မႆႉပူၵ်ႇ ဢမ်ႇၼၼ် ၸိူဝ်းဢမ်ႇေပႃး

ၶတ်းၸႂ်ပဵင်းမၼ်း ၼႆယူႇယဝ်ႉ။

ၼႂ်းတႆးႁဝ်းေၵႃႈ မိူၼ်ၼင်ႇေပႃႈထဝ်ႈ လုင်းတၢင်း

ေၵးၼၼ်ႉ ဢမ်ႇလႆႈၶိုၼ်ႈၸၼ်ႉၸွမ်ၼင်ႇၵဝ်ႇ။

ၵူၺ်းၵႃႈ မၼ်းပဵၼ်ၽူႈဢၼ်သူင်လူလိၵ်ႈလၢႆးၼမ်

ႄလႈပဵၼ်ေၵႃႉ ဢၼ်မီးပိုၼ်ႉႁူႉပၢႆးႁၼ်ၵႂၢင်ႈေသ

မၼ်းေၵႃႈ လႆႈပဵၼ်ၵူၼ်းၵိုၵ်းပိုၼ်းတႆးႁဝ်းၵႂႃႇေၵႃႉ

ၼိုင်ႈ ၵဵဝ်ႇလူၺ်ႈလွင်ႈၽိုၼ်လိၵ်ႈလၢႆးတႆး။

ထႅင်ႈၸဝ်ႈၼိုင်ႈေတႉ မိူၼ်ၼင်ႇၸဝ်ႈၶူးလူင် ထမ်ႇ

မသႃႇမိႁဝ်းၶႃႈၼႆႉယဝ်ႉ။ လႆႈၶိုၼ်ႈႁွတ်ႈၸၼ်ႉၸွမ်

လူင်ေသ ပဵၼ်ၽူႈၶတ်းၸႂ်ၸႅတ်ႈၸၢင်ႇႄလႈ ထိုင်

ပဵၼ်ၽူႈမီးပိုၼ်ႉႁူႉပၢႆးႁၼ်လူင်ေသ ပူၵ်းပွင် သႃႇ

သၼႃႇ ၸိူဝ်ႉၸၢတ်ႈႁဝ်းၵႂႃႇ ၼႆႉေၵႃႈ ပဵၼ်တီႈတႆး

ႁဝ်းၵူႈေၵႃႉ ယွမ်းႁပ်ႉလႆႈဝႃႈ မၼ်းၸဝ်ႈပဵၼ်ၽူႈ

ၵတ်ႉၶႅၼ်ႇလူင်ၸဝ်ႈၼိုင်ႈ ဢၼ်ေတမီးဝႆႉယူႇ တီႈ

ၼႂ်းပိုၼ်းတႆးႁဝ်းၵႂႃႇၼႆ။

သင်ပဵၼ်လႆႈ လီၶိုၼ်ႈႁႂ်ႈႁွတ်ႈယူႇ တီႈၸၼ်ႉၸွမ်

ၼၼ်ႉ၊ သင်ဢမ်ႇပဵၼ်လႆႈေၵႃႈ လီလႆႈၶတ်းၸႂ်

သႂ်ႇႁႅင်း လၢႆလၢႆပုၼ်ႈေသ သၢင်ႈတၢင်းဢွင်ႇမၢၼ်

ၶိုၼ်ႈယႂ်ႇ ၸဝ်ႈၵဝ်ႇၵႂႃႇယူႇ။ ဢၼ်လမ်ႇလွင်ႈၼႆႉ

"DON'T GIVE UP"ယႃႇေပယွမ်းၵၢၼ်ႉပၼ်သုမ်း ၼႆႉၵူၺ်း။

( #ႁၢၼ်ၶိူဝ်း ) 

https://www.facebook.com/jao.sobhana.7

---------------------------------------------