ပၢႆးပႆႇၺႃႇမိူင်းမၢၼ်ႈ လႄႈ မိူင်းၶိုၼ်ႈယႂ်ႇၶဝ်ပႅၵ်ႇပိူင်ႈၵၼ်ၸိူင်ႉႁိုဝ်?

▬▬▬▬▬▬▬▬▬▬▬▬▬▬▬▬▬▬▬▬▬▬▬

/// ထၢမ်းထၢမ်တွပ်ႇ///

ထၢမ် ။ ။ ပၢႆးပႆႇၺႃႇတီႈမိူင်းမၢၼ်ႈ ႁဝ်းၶႃႈၼႆႉလႄႈတင်း ပၢႆးပႆႇၺႃႇ မိူင်းၶိုၼ်ႈယႂ်ႇတၢင်ႇမိူင်းၸိူဝ်းၼၼ်ႉ မၼ်းပႅၵ်ႈပိူင်ႈၵၼ်သင်ဝႆႉၶႃႈ၊ ပၢႆးပႆႇၺႃႇမိူင်းႁဝ်းၶႃႈၼႆႉ ယွၼ်ႉပဵၼ်ပႆႇၺႃႇဢၼ် တွင်းဢူမ်သူပ်းပိူင်တၢႆ ၵျၢၵ်ႈဝႃႈဢၼ်ၼႆႉ တွပ်ႇဢၼ်ၼႆႉ တွင်းဝႆႉဢၼ်ၼႆႉ ၼႆဝႆႉလႄႈ မၼ်းယူပ်းလူင်းယေႃႈတႅမ်ႇၵႂႃႇဝႆႉယဝ်ႉၶႃႈႁ၊ ပၢႆးပႆႇၺႃႇမိူင်းဢိင်ႇၵလၢၼ်ႇၼၼ်ႉ ၶၢဝ်းယၢမ်းဢၼ်ၸႂ်ႉႁဵတ်းလဵၵ်ႈတီႈႁိူၼ်းHomework ၵေႃႈဢႄႇသႅပ်ႉ၊ ၶၢဝ်းသွၼ်လိၵ်ႈၵေႃႈ ဢႄဝႆႉသေတ ႁဵတ်းသင်လႄႈ သမ်ႉလႆႈပဵၼ်ဝႆႉ ပၢႆးပႆႇၺႃႇဢၼ်ၶႅမ်ႉသုတ်းၼႂ်းလူၵ်ႈဝႆႉၶႃႈလႃႇ၊ ၸၼ်ႉၸွမ် Oxfordဢၼ်ၸဝ်ႈၶူးႁဝ်း ယၢမ်ႈၶိုၼ်ႈႁဵၼ်းမႃးၼၼ်ႉ လႄႈတင်း ၵျႂင်းဢၼ်မီးတီႈမိူင်းမၢၼ်ႈၸိူဝ်းၼႆႉ မၼ်းႁၢင်ႇပႅၵ်ႈပိူင်ႈၵၼ်ဝႆႉဢီႈသင်လၢႆလၢႆၶႃႈ။

တွပ်ႇ ။ ။ ၼင်ႇႁိုဝ်ႈပေႃးတေဢမ်ႇလႆႈပဵၼ်ၽၢင်ႁၢင်ႈတၢင်ႇတၢင်းၽိတ်းတီႈၵၼ်ၼၼ်ႉ ႁဝ်းမုၼ်ၸဝ်ႈ တေၶတ်းၸႂ် တွပ်ႇလၢတ်ႈပၼ်လၢႆ၊ I hope you understand. ပၢႆးပႆႇၺႃႇမိူင်းၼၼ်ႉၼၼ်ႉ ပိူၼ်ႈယုမ်ႇယမ် ၼိူဝ်လုၵ်ႈႁဵၼ်း၊ ယုမ်ႇယမ် ၼမ်ႉၵတ်ႉတင်းယမ်လုၵ်ႈႁဵၼ်းဝႆႉ၊ ၵွပ်ႈယုမ်ႇယမ်ၼမ်ႉၵတ်ႉတင်းယမ်လုၵ်ႈႁဵၼ်းၶဝ်ဝႆႉလႄႈ  မီးလွင်ႈႁပ်ႉႁွင်းလႆႈ ပၢႆးဝူၼ်ႉဢၼ်လုၵ်ႈႁဵၼ်းၶဝ်ဝူၼ်ႉၸိူဝ်းၼၼ်ႉယူႇယဝ်ႉ။

*ဢၼ်လုၵ်ႈႁဵၼ်းၶဝ်ဝူၼ်ႉၶူၼ်ႉႁၼ်ၼၼ်ႉ ပိၵ်ႉသမ်ႉဢမ်ႇမိူၼ်ၵၼ်တင်းသြႃႇၶူးသွၼ်ၵေႃႈ ၶဝ်ႁပ်ႉႁွင်းလႆႈယူႇယဝ်ႉ၊ မိူင်းၶဝ်ၼၼ်ႉ ပဵၼ်ႁႅင်း လုၵ်ႈႁဵၼ်းဢၼ်မေႃဝူၼ်ႉထတ်းထွင်သပ်းသေးၶိုၼ်း ထတ်းသၢင်ၶိုၼ်း ဢၼ်သြႃႇၶူးသွၼ်လၢတ်ႈၵႂႃႇ၊ ၵႂႃႇႁႃလူႁႃဢၢၼ်ႇ ပပ်ႉလိၵ်ႈၽိုၼ်လၢႆးႁင်းၵူၺ်းၸဝ်ႈၵဝ်ႇသေ ႁႃဢဝ်ၶေႃမုၼ်းလွင်ႈတၢင်းယဝ်ႉ မႃးဝူၼ်ႉမႃးႁဵတ်းႁႂ်ႈမီးယုတ်ႉတိ Logical ၵႂႃႇၼၼ်ႉ ၶဝ်ပၼ်ႁႅင်းလုၵ်ႈႁဵၼ်းမဵဝ်းၼႆႉဝႆႉ။
*ပိူင်လူင်မၼ်းတႄႉၵေႃႈ ၶဝ်ယုမ်ႇယမ် ၼိူဝ်လုၵ်ႈႁဵၼ်းဝႆႉယဝ်ႉ၊
*ပေႃးဢမ်ႇမီးလွင်ႈယုမ်ႇယမ် ၼိူဝ်လုၵ်ႈႁဵၼ်းၸိုင် ဢၼ်လုၵ်ႈႁဵၼ်းၶဝ်ဝူၼ်ႉ #ပၢႆးဝူၼ်ႉလုၵ်ႈႁဵၼ်းၼၼ်ႉ ဢမ်ႇႁပ်ႉႁွင်းလႆႈ၊ ဢၼ်ၼႆႉၼႆႉ တေလႆႈတႅမ်ႈၼႄမႃးၶိုၼ်း ယႃႇပၼ်ၽိတ်းပၼ်ပိူင်ႈ ၸွမ်းၼင်ႇဢၼ်တႅမ်ႈၼႄဝႆႉၼၼ်ႉ၊ ယွၼ်ႉပဵၼ်ၼႆဝႆႉလႄႈ လွၵ်းလၢႆးပၢႆးပႆႇၺႃႇၼႆႉၸမ်ႉ မၼ်းၸၢပ်ႇၵၢႆႇၵၼ်းတင်းသၽႃဝပၢႆးၸႂ် ၵဵဝ်ႇၶွင်ႈၵၼ်တင်းPsychology ဝႆႉယဝ်ႉ။

*ၵူၼ်းၵေႃႉဢၼ်ယႂ်ႇမႃးၸွမ်း တင်းၵူဝ်တင်းႁႄဝႆႉၼၼ်ႉ ပေႃးမၼ်းၵႂႃႇႁၼ်မႅၼ်ႈထူပ်းမႅၼ်ႈ ဢၼ်မၼ်းဢမ်ႇယၢမ်ႈႁုယၢမ်ႈထူပ်း ဢမ်ႇယၢမ်ႈမိုတ်ႈၼၼ်ႉပေႃးၼႆ မၼ်းတေ ၵူဝ်မႃးယူႇယဝ်ႉ၊ ၵွပ်ႈၼၼ် ပေႃးလုၵ်ႈႁဵၼ်းၶဝ်ဢွၵ်ႇပၢႆးဝူၼ်ႉ ဢမ်ႇမိူၼ်မၼ်းမႃး#ပေႃးပၢႆးဝူၼ်ႉလုၵ်ႈႁဵၼ်းလႄႈ ပၢႆးဝူၼ်ႉမၼ်း ဢမ်ႇမိူၼ်ၵၼ်မႃးပေႃးၼႆၸိုင် သြႃႇၵေႃႉၼၼ်ႉ ပဵၼ်လွင်ႈယုပ်းၽၢၼ်ႈ panic မႃး ပဵၼ်ၸႂ်ၵူဝ်မႃးဝႆႉယူႇယဝ်ႉ။

*တီႈ  Oxford တႄႉ ၸိုင် ပေႃႇလၸီႇမၼ်းတိုၼ်း ပဵၼ်တႃႇႁႂ်ႈလုၵ်ႈႁဵၼ်းၶဝ် မေႃဝူၼ်ႉလႆႈလွတ်ႈꧦလႅဝ်းꧦ independent thinking ၊ ပေႃးဢမ်ႇမိူၼ်ၵၼ်တင်း သြႃႇၶူးမၼ်း ယိုင်ႈၶႅၼ်းလီ ၼႆသေ သြႃႇၶဝ် ပၼ်းႁႅင်းဝႆႉယူႇယဝ်ႉ။

*ယၢမ်းလဵဝ် ႁဝ်းၸဝ်ႈ ယူႇတီႈၼႂ်းႁွင်ႈၼႆႉ မႆႈဝႆႉယူႇ၊ ပေႃးမႃးသပ်းသေးထတ်းသၢင်တူၺ်းၶိုၼ်း Architect မၼ်းပေႃးၼႆၸိုင် ႁဝ်း ၸၢင်ႈႁုပ်ႈႁၼ်လႆႈ ဢၼ်ၼိုင်ႈ ယွၼ်ႉဝႃႈ တိုမ်း ceiling မၼ်းတႅမ်ႇဝႆႉၼၼ်ႉ။
*ဢၼ်ၼႆႉၼႆႉ သင်သမ်ႉ လုၵ်ႈႁဵၼ်း ဢၼ်သုၼ်ၸႂ်ပႃးၸႂ် Architecture ၼၼ်ႉ မႃးဝႃႈ ဢမ်ႇၸႂ်ႈယွၼ်ႉတိုမ်းၼၼ်ႉ ပဵၼ်ၵွပ်ႈ direction ႁူင်းၵေႃႇၵၢႆႇၼႆႉတိုၵ်ႉလူဝ်ႇဝႆႉဢိူဝ်ႈ ၼႆၸိုင် ႁဝ်းမုၼ်ၸဝ်ႈ ၵႃႈလႆႈသိုပ်ႇပၼ်ႁႅင်ႈ ၵဵဝ်ႇၵပ်းလူၺ်ႈပၢႆးဝူၼ်ႉမႂ်ႇၼၼ်ႉထႅင်ႈဢၼ်ၼိုင်ႈယူႇယဝ်ႉ။
*ဢၼ်ၶဝ်သွၼ်ၼၼ်ႉၵေႃႈ ၶူးသွၼ်ၼိုင်ႈၵေႃႉၼႆႉ ၶဝ်ဝႆႉလုၵ်ႈႁဵၼ်းသီႇႁႃႈၵေႃႉၵူၺ်း၊ ၼႂ်းၵႃႈဝႆႉလုၵ်ႈႁဵၼ်းသီႇႁႃႈၵေႃႉၼင်ႇၼၼ်သေ သွၼ်ၵေႃႈ ဢမ်ႇၸႂ်ႈဝႃႈသွၼ် လုၵ်ႉဢဝ်တီႈၼႃႈလိၵ်ႈၼႆႉ တေႃႇထိုင်ၼႃႈလိၵ်ႈဢၼ်ၼၼ်ႉဢၼ်ၼႆႉ ၼႆ မဵဝ်းၼၼ်ႉ။

*ပေႃးၶဝ်မႃးထိုင် ၼႂ်းႁူင်းႁဵၼ်းၵေႃႈ လုၵ်ႉဢဝ်ဝၼ်းႁႅၵ်ႈႁဵၼ်းသေ ၼႂ်းၶၢဝ်းတၢင်း ပႅတ်ႇဝူင်ႈၼၼ်ႉ ႁွင်ႉဝႃႈ ၼိုင်ႈထိူမ်း one term ၊ သမ်ႉမီး သၢမ်ထိူမ်း three terms၊ ၼႂ်းၶၢဝ်းတၢင်းပႅတ်ႇဝူင်ႈၼၼ်ႉ ၶဝ် ပၼ်မႃး ႁူဝ်ၶေႃႈပႅတ်ႇဢၼ် ယူႇယဝ်ႉ။

*သင်ႇဝႃႈ လဵပ်ႈႁဵၼ်း လွင်ႈၼေႇပျီႇတေႃႇၼႆၵေႃႈ  တေလဵပ်ႈႁဵၼ်းတူၺ်း လွင်ႈသၽႃႇဝႁိမ်းႁွမ်း ဝဵင်းၼေႇပျီႇတေႃႇ၊ မၼ်းယၢၼ်ၵႆၵၼ် တင်းၽၢႆပွင်းလွင်း တၢၼ်ႇႁိုဝ်၊ ယဝ်ႉၵေႃႈ လုၵ်ႉဢဝ်တီႈၼႆသေ မၼ်းႁဵတ်းႁိုဝ် ၵပ်းသိုပ်ႇၵၼ် တင်းဝဵင်းလိူဝ်ႇ တင်းတႃႈၵုင်ႈလူး သမ်ႉႁဵတ်းႁိုဝ်သေ ၵပ်းသိုပ်ႇၵၼ်ဝႆႉ။

*ပႃႇထိူၼ်ႇ မီးတၢၼ်ႇႁိုဝ်၊ မီးလၢႆတိုင်ႇ လၢႆႈဢေႇၵ၊ ဢွင်ႈၽုၵ်ႇသွမ်ႈ မီးတၢၼ်ႇႁိုဝ်တၢၼ်ႇႁႃ၊ လဵပ်ႈႁဵၼ်းဢဝ် မဵဝ်းၸိူင်ႉၼႆ ဝူင်ႈၼိုင်ႈ၊ ထႅင်ႈဝူင်ႈၼိုင်ႈမႃး လဵပ်ႈႁဵၼ်းလွင်ႈပၢႆးမၢၵ်ႈမီး၊ မႃးထႅင်ႈဝူင်ႈၼိုင်ႈသမ်ႉ လဵပ်ႈႁဵၼ်းလွင်ႈပၢႆးႁူမ်ႇလူမ်ႈ၊ ထႅင်ႈဝူင်ႈၼႃႈသမ်ႉ လဵပ်ႈႁဵၼ်းတူၺ်း ပၢႆးပႆႇၺႃႇ။

*ပေႃးလဵပ်ႈႁဵၼ်းတူၺ်း လွင်ႈပၢႆးပႆႇၺႃႇ ၼႆၵေႃႈ ၵေႃႉပဵၼ်ၶူးသွၼ်တႄႉၵေႃႈ ပပ်ႉဢၼ်ၸၢပ်ႈၵၢႆႇလူၺ်ႈဝဵင်းၼေႇပျီႇတေႃႇၼၼ်ႉ လူဝႆႉတင်းမူတ်းယဝ်ႉယဝ်ႈ၊ လူယဝ်ႉမူတ်းယဝ်ႉ မၼ်းသမ်ႉႁဵတ်းႁိုဝ်ပေႃးၼႆ မၼ်းထုၵ်းပၼ် ၶေႃႈထၢမ် မွၵ်ႈသွင်သၢမ်ပုၵ်ႈသေ ပၼ်လုၵ်ႈႁဵၼ်းၶဝ်လိူၵ်ႈဢဝ်ၸွမ်းၼင်ႇၶဝ်ထုၵ်ႇၸႂ်ၼၼ်ႉသေယဝ်ႉ ၸႂ်ႉၵႂႃႇလူလိၵ်ႈ ဢဝ်ၶေႃႈထၢမ်ၼၼ်ႉ ႁဵတ်း guide ဝႆႉသေ လႆႈႁႃလူလိၵ်ႈ လႆႈလူလိၵ်ႈ ဢၼ်ၶူးသွၼ်ၸိၸၢမ်ႈၼႄၼၼ်ႉ။
*လူတူၺ်းၶေႃထၢမ်ယဝ်ႉသေ ၵႂႃႇလူလိၵ်ႈ၊ လူလိၵ်ႈယဝ်ႉ ၶိုၼ်းလူတူၺ်းၶေႃႈထၢမ်ၶိုၼ်း၊ လူၶေႃႈထၢမ်ၶိုၼ်းယဝ်ႉ ၶိုၼ်းလူလိၵ်ႈ ပေႃးယဝ်ႉ ဢဝ်ၶေႃႈထၢမ်ၼၼ်ႉသေ တႅမ်ႈပဵၼ် essay လႆႈတႅမ်ႈတူဝ်ပွင်းမၼ်း 2000၊ ဢဝ်ပၢႆးဝူၼ်ႉၸဝ်ႈၵဝ်ႇသေ တႅမ်ႈဢဝ်၊ ႁဵတ်းၼၼ်သေ ပေႃးလုၵ်ႈႁဵၼ်း သီႇၵေႃႉၼႆၵေႃႈ သၢမ်ၵေႃႉၼႆႉ ဢဝ် essay ၼၼ်ႉသေ လႆႈမႃးထူပ်းၶူးသွၼ် ၼိုင်ႈဝူင်ႈလႂ် ၼိုင်ႈပွၵ်ႈယူႇယဝ်ႉ။

*ပေႃးမိူဝ်ၽုၵ်ႈ တေထူပ်းၶူးသွၼ်# ဝၼ်းသုၵ်ႈ တေထူပ်းၶူသွၼ်ၼႆၸိုင် တေလႆႈဢဝ် essay ၶဝ် ၵႂႃႇပၼ်ဝႆႉ မိူဝ်ႈဝၼ်းၽတ်းၼၼ်ႉထႃႈယူႇယဝ်ႉ၊ မီးဝႆႉဢွင်ႈတီႈပၼ်မၼ်းဝႆႉ ဢမ်ႇတၢပ်ႈလူဝ်ႇထူပ်းတင်းၶူးသွၼ်၊ ၶူးသွၼ်ၼၼ်ႉ တေၸႅတ်ႈတူၺ်းဝႆႉ ပၼ် essay ၼၼ်ႉ။ ပေႃးၸႅတ်ႈယဝ်ႉၵေႃႈ တေတူၺ်းဝႃႈ လုၵ်ႈႁဵၼ်းၵေႃႉၼႆႉ  ၸွင်ႇမၼ်းပွင်ႇၸႂ် ႁူဝ်ၶေႃႈဢၼ်ပၼ်ဝႆႉ လႄႈ ၶေႃႈထၢမ်ဢၼ်ပၼ်ဝႆႉၼၼ်ႉႁိုဝ် ၼႆသေ တူၺ်းၼႆႉ မၢႆၼိုင်ႈ ဢၼ်တၢင်းသုတ်း။
*မၢႆသွင်မႃး ၸွင်ႇမၼ်းလူလိၵ်ႈ ဢၼ်ၸႂ်ႉလူႁိုဝ်၊ မၢႆသၢမ် မၼ်းလူလိၵ်ႈႈ ဢၼ်မၼ်းလူၼၼ်ႉယဝ်ႉ ၸွင်ႇမၼ်းတိၵမ်ဢဝ်လႆႈ concept တီႈၼႂ်းၼၼ်ႉႁိုဝ်၊ ဢၼ်မၼ်းယိပ်းၵမ်လႆႈၼၼ်ႉ ၸွင်ႇမၼ်းပွင်ႇၸႂ် ၼႆသေ တေတူၺ်းပိုၼ်ႉၶၢမ်ႇလူင် ဢၼ်ၼႆႉယဝ်ႉ။
*သမ်ႉထႅင်ႈၵေႃႈ ၶဝ်တူၺ်းဢၼ်လႂ်ပေႃးၼႆ တီႈၼႆႈၼႆႉ မၼ်းႁဵတ်း conclusion ဝႆႉႁင်းမၼ်း၊ ပဵၼ်ပၢႆးဝူၼ့်မၼ်းႁ၊ မၼ်းဢဝ်လၢႆးလႂ်ၽၢင်ႁၢင်ႈၸိူင်ႉႁိုဝ်သေ ဝူၼ်ႉဝႆႉ ၼႆသေ သြႃႇၶူးသွၼ် တေတူၺ်းဢၼ်ၼႆႉယူႇ။
*တူၺ်းယဝ်ႉသေၵေႃႈ ပေႃးထိုင်ၼႂ်းႁွင်ႈႁဵၼ်းဝၼ်းၽုၵ်ႈမႃး ၼႂ်းၵႃႈလုၵ်ႈႁဵၼ်းမီးသီႇၵေႃႉၼၼ်ႉ သမ်ႉၵေႃႉၼႆႉ လႆႈသူင်ႇ essay ၶဝ်ဝႆႉထႃႈလူင်ႈၼႃႈ၊ ၵိုတ်းၵေႃႉၼိုင်ႈတႄႉ ဢမ်ႇသူင်ႇ၊ ပဵၼ်ဝဵၼ်းလေႉ လုၵ်ႈႁဵၼ်းၵေႃႉၼိုင်ႈ ဢမ်ႇလူဝ်ႇလႆႈသူင်ႇ။ ၵေႃႉဢၼ်ဢမ်ႇသူင်ႇၼၼ်ႉ သမ်ႉလႆႈႁဵတ်းသင်ပေႃးၼႆ လႆႈႁဵတ်း present ယဝ်ႉ။

*လိူၵ်ႈဢဝ် ႁူဝ်ၶေႃႈ essay ၸိူဝ်းၼၼ်ႉ သေဢၼ်ဢၼ်သေ လႆႈႁဵတ်း present ၊ ၽွင်းမၼ်းႁဵတ်း present ၸိူဝ်းၵိုတ်းသၢမ်ၵေႃႉၼၼ်ႉၵေႃႈ ႁဵတ်း debate ၵၼ်တင်းမၼ်း၊ ဢုပ်ႇၵုမ်ၵၼ် တင်းမၼ်းယူႇယဝ်ႉ၊ ဢၼ်ၼႆႉၼႆႉ ထၢင်ႇဢမ်ႇၸႂ်ႈယူဝ်ႉ၊ ဢၼ်ၼႆႉၼႆႉ ထၢင်ႇတႄႉလူဝ်ႇပဵၼ်ၸိူင်ႉၼႆယူဝ်ႉ ၼႆသေ ၶဝ်ဢုပ်ႇၵုမ်ၵၼ်ၵႂႃႇယူႇယဝ်ႉ။

*မိူဝ်ႈဢုပ်ႇၵုမ်ၵၼ်ၼၼ်ႉၵေႃႈ ၶူးသွၼ် ႁဵတ်း guide ပၼ်ဝႆႉယူႇ၊ ၸိူင်ႉၼႆၵေႃႈ ၸၢင်ႈဝူၼ်ႉလႆႈယူႇ၊ ဢၼ်မၼ်းဝႃႈၼၼ်ႉၵေႃႈ ၸႂ်ႈယူႇ၊ မၼ်းၵေႃႈ ဝူၼ်ႉသေ ပဵၼ်ၼႆဝႆႉဢိူဝ်ႈ ၵူၺ်းၵႃႈ တင်းဝူၼ်ႉမႂ်းလူး ဢမ်ႇပဵၼ်လႆႈႁၸိူင်ႉၼႆ၊ ၽၢႆႇမၼ်းၵေႃႈ ဢမ်ႇပဵၼ်လႆႈႁၸိူင်ႉၼႆ ၼႆသေ ၶူးသွၼ် သိုပ်ႇလိုမ်ႉထၢမ်ၵႂႃႇၸွမ်းထႅင်ႈ။
*ပိူင်လူင်တႄႉၵေႃႈ သွၼ်ပၼ် ႁႂ်ႈမေႃတွင်ႈထၢမ်ၶေႃႈထၢမ်ၵႂႃႇ၊ ယွၼ်ႉၼၼ် လုၵ်ႈႁဵၼ်းတီႈမိူင်းၼၼ်ႉ ဢမ်ႇတၢပ်ႈလႆႈၸႂ်ႉၶဝ်လူလိၵ်ႈ၊ ၶဝ်တိုၼ်းၵႂႃႇလူႁင်းၵူၺ်းၶဝ်၊ ႁူင်းတူၺ်းလိၵ်ႈၵေႃႈ ၽုၺ်ႇဝႆႉယူႇ 24 ၸူဝ်ႈမူင်း။
*ၵွပ်ႈၼၼ် လုၵ်ႈႁဵၼ်းတီႈၼၼ်ႈၼၼ်ႉ ပေႃးတွပ်ႇလိၵ်ႈၼႆ ၼႂ်း100 ၼၼ်ႉ တိုၼ်းဢွင်ႇ98 ၵမ်းလဵဝ်ယဝ်ႉ၊ ဢၼ်တူၵ်းသွင်ၵေႃႉၼၼ်ႉၵေႃႈ ၼႂ်းၶၢဝ်းတင်းသၢမ်ဝူင်ႈၼၼ်ႉ ပၼ် second chance ထႅင်ႈၵမ်းၼိုင်ႈသေ ၸႂ်ႉတွပ်ႇၶိုၼ်းထႅင်ႈ၊ ၼႆႉပဵၼ် ဢၼ်ၸၼ်ႉၸွမ် Oxford ၶဝ်ႁဵတ်း။
*လွင်ႈလႆႈတူၵ်းလိၵ်ႈၼၼ်ႉ ယွၼ်ႉသင်လႄႈတူၵ်း# လုၵ်ႈႁဵၼ်းၺၢမ်ႉၶုၺ်ႈလႄႈပဵၼ်ႁ #သြႃႇဢမ်ႇလႆႈလွင်ႈလႄႈ ပဵၼ်ႁ၊ # system မၼ်းၺၢမ်ႉႁ၊ မၼ်းလူဝ်ႇဢီႈသင်တီႈလႂ်ဝႆႉ ၼႆသေ တေႁႃတူၺ်းၸိူင်ႉၼႆ လၢႆပႃႈလၢႆၽၢႆႇၵႂႃႇ။
*ဢမ်ႇဝႃႈ ၼႂ်းတူင်ႇဝူင်းမုၼ်ၸဝ်ႈ #ၼႂ်းတူင်ႇဝူင်းၵူၼ်းႁိူၼ်း ၸၢင်ႈပဵၼ်ၸိူင်ႉႁိုဝ်ဝႆႉပေႃးၼႆ ပေႃးမီးၵူၼ်းတူၵ်းလိၵ်ႈ မႃးၸိုင် ပဵၼ်တၢင်းၽိတ်း လုၵ်ႈႁဵတ်းဢၼ်တူၵ်းလိၵ်ႈၼၼ်ႉၵူၺ်း၊ ဢမ်ႇၸႂ်တၢင်းၽိတ်း ၶူးသွၼ်၊ တၢင်းၽိတ်းလွၵ်းပိူင်လၵ်းသုတ်ႇၵေႃး ဢမ်ႇၸႂ်ႈ၊ မၼ်း ၺၢမ်ႇၶုၺ်ႈလႄႈ မၼ်းတူၵ်းၵူၺ်း ၼႆသေ ၼႂ်းမိူင်းမၢၼ်ႈၼႆႉ ပဵၼ်ၼႆဝႆႉ။

*တီႈတႄႉမၼ်း ႁိုဝ်ၵႃႇၸႂ်ႈၸိူင်ႉၼၼ်၊ လွၵ်းပိူင်လၵ်းသုတ်ႇတိုၵ်ႉလူဝ်ႇၵေႃႈ မီး၊ လွင်ႈယူပ်ႈယွမ်းႁူင်းႁဵၼ်ၵေႃႈ မီႈ၊ လွင်ႈၶူးသွၼ် ဢမ်ႇတဵမ်ထူၼ်ႈၵေႃႈ မီး၊ လွင်ႈႁိမ်းႁွမ်းဢမ်ႇတဵမ်ထူၼ်ႈၵေႃႈ မီး၊ လွင်ႈဢမ်ႇတဵမ်ထူၼ်ႈ လုၵ်ႈႁဵၼ်းတူၵ်းလဵၵ်ႈၼၼ်ႉ ၵေႃႈမီးယဝ်ႉ။

*ၵူၼ်းၵေႃႉၼိုင်ႈ တူၵ်းလိၵ်ႈဢၼ်ဝႃႈၼႆႉ ပိူင်တႅၵ်ႈမၼ်း ပေႃး ႁဝ်းမုၼ်ၸဝ်ႈ ယူႇတီႈၽၢႆႇမုၼ်ၸဝ်ႈသေဝႃႈပေႃးၼႆၸိုင် ၼႂ်းပၢင်တွပ်ႇလိၵ်ႈၸၼ်ႉၶူးၼၼ်ႉ ၼိုင်ႈပီၼိုင်ႈပီၼႆႉ ၶဝ်ႈတွပ်ႇပၢၵ်ႇပႃး သမ်ႉဢွင်ႇ 13 ပႃးၵူၺ်းပေႃးၼႆ တေႁဵတ်းႁိုဝ်ၵႂႃႇလဵင်ႉဢွၵ်ႇလႆႈ ၽူႈပိုၼ်ၽႄႈသႃႇသၼႃႇလႆႈလႃႇ၊ ၼႂ်းပႅတ်ႈသိပ်းပၢႆၼၼ်ႉ သမ်ႉတူၵ်းပၢင်တွပ်ႇလိၵ်ႈပေႃးပုၵ်ႉပဵၼ်ဝႃႇ၊ လွၵ်းလၢႆးပိူင်သွၼ်မဵဝ်းၼၼ်ႉ လူဝ်ႇလႆႈၶိုၼ်းတူၺ်းၶိုၼ်းယဝ်ႉ။

*ၵမ်ႈၽွင်ႈၼႆႉ ဢမ်ႇၸႂ်ထုၵ်ႇၶေႃႈထၢမ်၊ မၢင်ဢၼ်ၼႆႉ ဢမ်ႇၸႂ်လၢႆး ဢၼ်ၸႅတ်ႈမၢၵ်ႈ assessment system မဵဝ်းၼၼ်ႉ၊ ပဵၼ်ၸိူင်ႉၼႆလူင်ၵႂႃႇ၊ ၸၢပ်ႈၵၢႆႇလူၺ်ႈ education ၼႆႉ ပေႃးလၢတ်ႈ မၼ်းမီးၼမ်ၼႃႇ။
*ပေႃးလၢတ်ႈၼမ်လိူဝ်ၼႆႉထိုင်တႄႉ  ႁဝ်းမုၼ်ၸဝ်ႈ တေလႆႈၽိတ်းမေႃး ၵၼ်တင်းၵူၼ်းသေၵေႃႉၵေႃႉၵႂႃႇယဝ်ႉၵမ်ႉ၊ ၵွပ်ႈၼၼ် မွၵ်ႈၼႆၵေႃႈ ပဵင်းပေႃးၸႂ်သေလႃႈ ယွမ်းၼွမ်းတွင်းပၢၼ်ႇယူႇ။

ၸဝ်ႈၶူးလူင် ၶမ်းမၢႆထမ်ႇမသႃႇမိ
Translated by Hsursio

ဢဝ်မႃးတီႈ "ပၢႆးပႆႇၺႃႇတႃႇၵူႈၵေႃႉ" Pro-social learning- (second time) (CAE Private School, NPT)