💠 တၢင်းႁၵ်ႉ 💠

💠မိူဝ်ႈဝၼ်းၼိုင်ႈ၊ ၽူႈဢဝ်ၶၢဝ်ႇၶဝ် တွင်ႈထၢမ်

တီႈေမး Jack Ma ဝႃႈ " မိူဝ်ႈယၢမ်းၼင်ႇၼၼ်

Jack Ma ၼႆႉ ႁၢင်ႈၸႃႉေပႃးတၢၼ်ႇၼၼ်ႉ ႁဵတ်း

သင်ႄလႈ သူလိူၵ်ႈဢဝ်မၼ်းၶႃႈလႃႇ? သမ်ႉပဵၼ်

ၽွင်းမိူဝ်ႈမၼ်းပႆႇဢွင်ႇမၢၼ်ႄလႈ ေတဝႃႈပဵၼ်

ယွၼ်ႉငိုၼ်းၶမ်းေၵႃႈ ဢမ်ႇလႅပ်ႈၸႂ်ႈၶႃႈေၼႃ? "

💠ေမး Jack Ma ေၵႃႈ တွပ်ႇၵႂႃႇငၢႆႈငၢႆႈဝႃႈ-

💠" မႅၼ်ႈယဝ်ႉ လွင်ႈဝႃႈ Jack Ma ႁၢင်ႈၸႃႉ။

ၵူၺ်းၵႃႈ မၼ်းၼႆႉၶတ်းၸႂ်ၵၢၼ်၊ မီးၼမ်ႉတိၼ်

ၼမ်ႉမိုဝ်းၶိုၵ်ႉၶႅမ်ႉ။ တႃႇေတဢွင်ႇမၢၼ်ၼၼ်ႉ

မၼ်းၶတ်းၸႂ်တႃႇေသႇႄလႈ တႃႇၸၢတ်ႈပၢၼ်

မိူဝ်းၼႃႈၼၼ်ႉ ယုမ်ႇလႆႈဝႃႈ တိုၼ်းဢမ်ႇလႆႈ

တူၵ်းတႅမ်ႇ။

💠" ၶႃႈၶႂ်ႈၸွႆႈယူႇႁိမ်းၶၢင်ႈမၼ်းေသ ထႅမ်သၢင်ႈ

ပၼ်ၸၢတ်ႈပၢၼ် ဢၼ်မၼ်းတိုၵ်ႉၼွၼ်းၾၼ်

ဝႆႉယူႇၼၼ်ႉ ႁႂ်ႈပဵၼ်မႃးလွင်ႈေတႉႄလႈေဢႃႈ "

တွပ်ႇၵႂႃႇၼင်ႇၼႆ။

💠ၵူၼ်းၼုမ်ႇမိူဝ်ႈလဵဝ် ၵႆႉပွင်ႇၸႂ်ၽိတ်း ၵဵဝ်ႇ

လူၺ်ႈလွင်ႈတၢင်းႁၵ်ႉ။ ေပႃးဢွၼ်ၵႂႃႇတူၺ်း

ငဝ်းတူင်ႉလႆႈၼိုင်ႈဝူင်ႈသၢမ်ပွၵ်ႈ၊ ေပႃးဢွၼ်

ၵႂႃႇၼင်ႇလၢၼ်ႉၼၼ်ႉ ၼင်ႈလၢၼ်ႉၼႆႉေသ

ၸၢႆႇၵႃႈမၼ်းပၼ်တႃႇေသႇၵွၼ်ႇ ၸင်ႇသွၼ်ႇ

ဝႃႈ ပဵၼ်တၢင်းႁၵ်ႉ ၼႆၵမ်ႉၼမ်ယူႇ။

💠ဢွၼ်ၵၼ်ထၢင်ႇဝႃႈ ေပႃးသိုဝ်ႉပၼ် ႁုၼ်ႇ

ႁၢင်ႈ (ဢႃႈယုၵ်ႈ) ၵွၼ်ႇ၊ ေပႃးသိုဝ်ႉပၼ်ဢၼ်

ၼၼ်ႉဢၼ်ၼႆႉၵွၼ်ႇ ၸင်ႇေတဝႃႈႁၵ်ႉ။ ေပႃး

ၸုပ်ႇ ၼူမ်ႁွမ်ေၼ ၽၢႆႇၼႃႈၵူၼ်းတၢင်းၼမ် ၊

ေပႃးၵွတ်ႇေၼၽၢႆႇၼႃႈ ၵူၼ်းတၢင်းၼမ်ၵွၼ်ႇ

ၸင်ႇေတဝႃႈ ပဵၼ်တၢင်းႁၵ်ႉ ၼႆၵၼ်ယူႇ။

💠ဢွၼ်မၵ်းမၼ်ႈဝႃႈ sex ၼႆႉ ပဵၼ်တၢင်းမူၼ်ႈ

သိူဝ်းဢၼ်ၼိုင်ႈ၊ ၶဝ်ဢမ်ႇတွၼ်ႉ ဝူၼ်ႉတႃႇ

မိူဝ်းၼႃႈမိူဝ်းလိုၼ်း၊ ေတႃႉေတႉဝူၼ်ႉဢဝ်

လွင်ႈမူၼ်ႈလွင်ႈသိူဝ်း ၼႂ်းယၢမ်းၸူဝ်ႈၵႅပ်ႉ

ဢွၼ်ႇၼႆႉၵူၺ်း။ ၶဝ်ဝႆႉ ႁၢင်ႈၽၢင်ႁၢင်ႈလီ

လမ်ႇလွင်ႈေသ မီးၼမ်ႉၵတ်ႉတၢင်းၶႅၼ်ႇ

ၼၼ်ႉယဝ်ႉ။

💠ေၵႃႉၸၢႆးဢၼ်ဢွင်ႇမၢၼ်လႆႈၼၼ်ႉ ၽၢႆႇ

လင်ၶဝ် ယွၼ်ႉမီးဝႆႉၼၢင်းယိင်းလီလီ

ၶဝ်ဝႆႉ။ ႁိမ်းၶၢင်ႈၼၢင်းယိင်းလီလီၶဝ် ၸိူဝ်း

ၼၼ်ႉေၵႃႈ ၵႆႉေလႇမီးၽူႈၸၢႆးဢွင်ႇမၢၼ်ၶဝ်

ဝႆႉယူႇယဝ်ႉ။ ၸၢတ်ႈပၢၼ်ႁဝ်း ေတၶႅမ်ႉ

ႁိုဝ်ဢမ်ႇၶႅမ်ႉ မၼ်းယူႇတီႈၸဝ်ႈၵဝ်ႇၽၢၼ်ႇ

သၢင်းၵူၺ်း။ ဢမ်ႇၽုၵ်ႇတူၼ်ႈမႆႉေသ ယႃႇ

မုင်ႈမွင်းၶႆႈၵိၼ်မၢၵ်ႇမႆႉ၊ဢမ်ႇထူဝ်းေၶးေသ

ယႃႇမုင်ႈမွင်း ဝႃႈေတတိူဝ်ႉေၶး၊ ဢမ်ႇၶႂ်ႈၶၢမ်ႇ

ႁဵတ်းလွင်ႈသင်ေသ ယႃႇမုင်ႈမွင်း ၶႂ်ႈလႆႈၽူႈ

ၸၢႆးေၵႃႉဢၼ်ဢွင်ႇမၢၼ်။

💠ၼၢင်းယိင်းၸိူဝ်းဢၼ်ေတႃႉေတႉဝႃႈ ေမႃ

ႁုင်ၶဝ်ႈၽၵ်းဝၢၼ်" ႄလႈေမႃႁဵတ်းႁၢင်ႈ

ႁဵတ်းၽၢင်ၵူၺ်းၸိူဝ်းၼၼ်ႉေတႉ ၶဝ်ေတ

ၶႂ်ႈသွၵ်ႈႁႃ ၽူႈၸၢႆးေၵႃႉဢၼ်ဢွင်ႇမၢၼ်ယဝ်ႉ

ၼၼ်ႉေသ ေၵႃႇသၢင်ႈၸၢတ်ႈပၢၼ်ၶဝ်ၵႂႃႇယူႇ။

ၼၢင်းယိင်း ၸိူဝ်းဢၼ်လီလီၶဝ်ေတႉ ၶဝ်

ေတလိူၵ်ႈဢဝ်ၽူႈၸၢႆးေၵႃႉဢၼ်ၶဝ်ႁၵ်ႉေတႉ

ၼၼ်ႉေသ ေတယူႇႁိမ်းၶၢင်ႈေၵႃႉၶဝ်ႁၵ်ႉ

ၼၼ်ႉယဝ်ႉ ၸွမ်းၸွႆႈထႅမ် ေတႃႇသူႈၸၢတ်ႈ

ပၢၼ်ၵႂႃႇ ႁႂ်ႈေၵႃႉၶဝ်ႁၵ်ႉဢွင်ႇမၢၼ်ႄလႈ ၶဝ်

ေတႁႂ်ႈတူဝ်ၶဝ် ပဵၼ်ေၵႃႉဢၼ်လမ်ႇလွင်ႈတႃႇ

ေၵႃႉဢၼ်ၶဝ်ႁၵ်ႉၼၼ်ႉယူႇယဝ်ႉ။

💠ေပႃးသူတိုၵ်ႉမီးေၵႃႉႁၵ်ႉ ဢၼ်ၵုမ်ႇဝူၼ်ႉဝႃႈ

ငိုၼ်းၼိုင်ႈႁဵင်ၼၼ်ႉ ေတႁဵတ်းႁိုဝ်ၸၢႆႇ လိူဝ်ေသ

ဝူၼ်ႉဝႃႈ ငိုၼ်းၼိုင်ႈႁဵင်ၼၼ်ႉ ေတႁဵတ်းႁိုဝ်

ႁႂ်ႈမၼ်းပဵၼ်မႃး ၼိုင်ႈမိုၼ်ႇလႆႈၼႆၸိုင် ၶႂ်ႈလၢတ်ႈ

ဝႃႈ ေၽတၢင်းၵၼ်တင်းၶဝ်လႃႈ ၼႆယူႇ။

💠ၼၢင်းယိင်းမီးတၢင်းၼမ်တၢင်းလၢႆေသတႃႉေၵႃႈ

တႃႇႁႂ်ႈပဵၼ်ေၵႃႉဢၼ် ထႅမ်သၢင်ႈပႃႇရမီႇၵႂႃႇၸွမ်း

ၵၼ်ၼၼ်ႉ ဢမ်ႇသူႈလႃလီမီး။

💠တီႈေတႉမၼ်းၸိုင် တၢင်းႁၵ်ႉဢၼ်ဝႃႈၼၼ်ႉ

မၼ်းမိူၼ်ၼင်ႇ ၼႃႈႁိူၼ်းၼိုင်ႈလင်ၼၼ်ႉယဝ်ႉ။

ပဵၼ်ၵူၼ်းၸိူဝ်းဢၼ် ေပႉသမ်ႉ ေတထူပ်းတၢင်း

တုၵ်ႉႁိုဝ်တၢင်းသူိဝ်း၊ သဵင်ႁွင်ႉႁႆႈ ႁိုဝ်သဵင်ႁုၼ်ႉ

ၶူဝ်၊ လွင်ႈတူၵ်းသုမ်းႁိုဝ်လွင်ႈဢွင်ႇမၢၼ်မႃးေၵႃႈ

ယဝ်ႉ ေမႃၸုၵ်းၽၢႆႇႁဝ်းေသ" ၸႃႉႁူမ်ႈၶီ လီႁူမ်ႈ

ၸၢမ်ႇ" ၵႂႃႇၸွမ်းၵၼ်ၼၼ်ႉယဝ်ႉ။

ၼင်ႇၼႆယဝ်ႉ" တၢင်းႁၵ်ႉ "ဢၼ်ဝႃႈၼၼ်ႉ.......။

( #ႁၢၼ်ၶိူဝ်း )

************************************