"ႁႂ်ႈမေႃၸႅၵ်ႇႁူႉ လွင်ႈဢၼ်ႁဝ်းဢမ်ႇထုၵ်ႇလီဢၢႆ"

|လွင်ႈဢၼ်ႁဝ်းဢမ်ႇထုၵ်ႇလီဢၢႆ"

✓ ၽၢၼ်ငိုၼ်းၽၢၼ်ၶမ်းၼႆႉ ဢမ်ႇၸႂ်ႈလွင်ႈလီဢၢႆ၊ ၽၢၼ်ၼမ်ႉၸႂ်ၵူၺ်းဢိူဝ်ႈ ထုၵ်ႇလီဢၢႆ။

✓ ဢမ်ႇမီးၸၼ်ႉလိၵ်ႈပၺ်ႇၺႃႇသုင်ၼႆႉ

 ဢမ်ႇၸႂ်ႈလွင်ႈလီဢၢႆ၊ ဢၼ်ဢမ်ႇမေႃၸႅၵ်ႇႁူႉ

လွင်ႈလီလွင်ႈၸႃႉၼၼ်ႉၵူၺ်းဢိူဝ်ႈ ထုၵ်ႇလီဢၢႆ။

✓ ႁဵတ်းၽိတ်းဝႆႉၼၼ်ႉ ဢမ်ႇလူဝ်ႇဢၢႆ၊

 ႁဵတ်းၽိတ်းဝႆႉသေ ပၢႆႈတၢင်းၽိတ်းၼၼ်ႉၵူၺ်း

ဢိူဝ်ႈ ထုၵ်ႇလီဢၢႆ ။

✓ ဢမ်ႇႁၢင်ႊလီၼႆႉ ဢမ်ႇၸႂ်ႈလွင်ႈလီဢၢႆ၊ 

မီးၼမ်ႉၸႂ်ဢမ်ႇလီၼၼ်ႉၵူၺ်းဢိူဝ်ႈ ထုၵ်ႇလီဢၢႆ။

✓ ဢမ်ႇႁူႉၼႆႉ ဢမ်ႇၸႂ်ႈလွင်ႈလီဢၢႆ၊ 

ဢမ်ႇႁူႉသေ ႁဵတ်းသၢင်ႇႁၢင်ႈႁူႉၼၼ်ႉၵူၺ်း

 ဢိူဝ်ႈ ထုၵ်ႇလီဢၢႆ။

✓ ဢမ်ႇလႆႈတိုဝ်းၶႅပ်းတိၼ်ၼႆႉ ဢမ်ႇၸႂ်ႈလွင်ႈလီဢၢႆ၊

 ဢမ်ႇတိုဝ်းၵမ်ႊၽိင်ႈယၢမ်ႈလီၼၼ်ႉၵူၺ်းဢိူဝ်ႈ ထုၵ်ႈလီဢၢႆ။

✓ လူႉသုမ်းယူႇၼၼ်ႉ ဢမ်ႇၸႂ်ႈလွင်ႈလီဢၢႆ၊ 

ဢမ်ႇၶတ်းၸႂ်သင်သေ ၵူဝ်သုမ်းလႄႈ

 ပၼ်ၶေႃႈဢၢင်ႈပေႃးၸေးၼၼ်ႉၵူၺ်းဢိူဝ်ႈ

 ထုၵ်ႇလီဢၢႆ။

✓ ထုၵ်ႇၵေႃႉႁၵ်ႉပွႆႇၽႃႈဝႆႉၼႆႉ ဢမ်ႇၸႂ်ႈလွင်ႈလီဢၢႆ၊ ယွၼ်ႉတၢင်းႁၵ်ႉသေ ပွႆႇၸၢတ်ႈပၢၼ်လူႉသုမ်းၸွမ်းၼၼ်ႉၵူၺ်းဢိူဝ်ႈ ထုၵ်ႇလီဢၢႆ။

✓ ယူႇၽၢႆႇယွမ်း ယူႇၽၢႆႇၼွမ်းပိူၼ်ႈၼႆႉ ဢမ်ႇၸႂ်ႈလွင်ႈလီဢၢႆ၊ ယူႇၽၢႆႇဢဝ်ပေႉပုၼ်ႈပိူၼ်ႈလႄႈ ယူႇၽၢႆႇတဵၵ်းတဵင်ပိူၼ်ႈၼၼ်ႉၵူၺ်းဢိူဝ်ႈ ထုၵ်ႇလီဢၢႆ။

✓ ပဵၼ်လုၵ်ႈၼွင်ႉ ဢမ်ႇၼၼ် ပဵၼ်ၵူၼ်းႁဵတ်းၵၢၼ်ပၼ်ပိူၼ်ႈၼႆႉ ဢမ်ႇၸႂ်ႈလွင်ႈလီဢၢႆ၊ ဢမ်ႇမီးၵၢၼ်ငၢၼ်းသေ ယူႇပႂ်ႉပၼ်တၢင်းယၢပ်ႇပိူၼ်ႈၼၼ်ႉၵူၺ်းဢိူဝ်ႈ ထုၵ်ႇလီဢၢႆ။

✓ ပဵၼ်တုၵ်ႉၶိတဝႆႉသေ ၶတ်းၸႂ်ႁဵတ်း ၼင်ႇႁဵတ်းပဵၼ်လႆႈယူႇၼႆႉ ဢမ်ႇၸႂ်ႈလွင်ႈလီဢၢႆ၊ တိၼ်လီမိုဝ်းလီယူႇသေ ဢမ်ႇႁႃႁဵတ်းသင်ၼၼ်ႉၵူၺ်းဢိူဝ်ႈ ထုၵ်ႇလီဢၢႆ။

👉ၼႂ်းမိူင်းၵူၼ်းၼႆႉ ၽႂ်လႂ်သေဢမ်ႇဝႃႈ ၸိူဝ်းႁႃႁဵတ်းသၢင်ႈၵၢၼ် ႁႃၵိၼ်လဵင်ႉတွင်ႉၸွမ်းလွင်ႈသိုဝ်ႈယူဝ်းမၢၼ်ႇမႅၼ်ႈၸိုဝ်ႈၸႂ်ႈယူႇၼၼ်ႉ တိုၼ်းလီဢဝ်ၵုင်ႇမုၼ်ယူႇယဝ်ႉ။

 "တေႃႈၼင်ႇ ၵူၼ်းႁႃၵဵပ်းယုၵ်းယၢၵ်းၸွမ်းတၢင်းဢွၼ်ႇသေ ႁႃၶၢႆၵိၼ်လဵင်ႉတွင်ႉၼၼ်ႉၵူၺ်း ယင်းလီဢဝ်ၵုင်ႇမုၼ်ၼိူဝ်ၶဝ်ၼႃႇယဝ်ႉ"

ၶွပ်ႈၸႂ်ထိုင် ၽူႈၸိူဝ်းသူင်လူလိၵ်ႈတင်းသဵင်ႈသေ.....

ပိၼ်ႇတႅမ်ႈ- #မူၺ်ၼုမ်ႇႁွမ်(မိူင်းၶိူဝ်း)