လၢႆးတၢင်းၵေႃႇတင်ႈတၢင်းႁၵ်ႉမၼ်ႈၵိုမ်း

ႁၵ်ႉၼင်ႇၵၼ်

....... မိူဝ်ႈေတဝၢင်းၾူၼ်း ၊ ေတလူင်းလႅင်း ဢမ်ႇၼၼ် မိူဝ်ႈထူပ်းၵၼ်ေသ ေတၶိုၼ်းၽၢတ်ႇၵၼ်ၸိူဝ်းၼၼ်ႉ ႁႂ်ႈေမႃသူင်ႇသင်ႇၵၼ်ဝႃႈ ႁဝ်းႁၵ်ႉသူ ၼႃႈ။

ယႃႇလႅၼ်

.......... မိူဝ်ႈလဵၼ်ႈၵဵမ်းယူႇၼၼ်ႉ ယႃႇလၢတ်ႈလႅၼ်ဝႃႈ ၼွၼ်းလပ်းယူႇ ၊ မိူဝ်ႈၵိၼ်ပီႇယႃႇယူႇၼၼ်ေၵႃႈ ယႃႇလႅၼ်ဝႃႈ ၵိၼ်ၶဝ်ႈယူႇၼႆၸိူဝ်းၼႆႉၼႃႈ။ ႁဵတ်းလွင်ႈသင် ေၵႃႈယဝ်ႉ သင်လၢတ်ႈလွင်ႈေတႉမၼ်းၸိုင် ေၵႃႉႁၵ်ႉၸဝ်ႈ ၼၼ်ႉ ႁူႉတိုၼ်းေတပွင်ႇၸႂ်ပၼ်ႄလႈ ၸွၺ်ႈမူၼ်ႉႄမးပၼ် ၸဝ်ႈၵဝ်ႇၵႂႃႇယူႇ။

ယႃႇၶၢတ်ႇလွင်ႈၵပ်းသုိပ်ႇၵၼ်

........... သုိပ်ႇၾူၼ်းပၼ်ၵၼ် ၊ သူင်ႇလိၵ်ႈဝႆႉပၼ်ၵၼ် ဢမ်ႇၸႂ်ႈဝႃႈ ႁၼ်ၵၼ်ၶိုၼ်ႈလႅင်းယဝ်ႉ ၸင်ႇသူင်ႇလိၵ်ႈ ၸူးၵၼ်။ မိူဝ်ႈလၢတ်ႈေတႃႇၵၼ် ၼိူဝ်လႅင်းၼၼ်ႉေၵႃႈ ႁႂ်ႈေမႃလၢတ်ႈပႃးဝႃႈ ေတလႆႈထူပ်းၵၼ်မိူဝ်ႈလႂ်။

ႁႂ်ႈေမႃပွၺ်ႇဝၢင်းၶႂၢင်ႉပၼ်ၵၼ်

. ............. ယွၼ်ႉလွင်ႈပုိၼ်းလင်မၼ်းေသ ႁဵတ်းႁႂ်ႈၸဝ်ႈ ၵဝ်ႇ လႆႈၸဵပ်းသႅပ်ႇေၵႃႈယဝ်ႉ ဢမ်ႇၼၼ် ယွၼ်ႉလွင်ႈ ၸႂ်လမ်ၵၼ်ေၵႃႈယဝ်ႉ ႁႂ်ႈေမႃသွၼ်ႇႁၼ်ဝႃႈ ပဵၼ်ေၵႃႉႁၵ်ႉ ၼႆေသ ပွၺ်ႇဝၢင်းၶႂၢင်ႉပၼ်ၵၼ်ေသၵမ်း။

ယႃႇသီႈေၵႉၵၼ်

.................. ေပႃးပဵၼ်လႆႈၼႆ ဢမ်ႇၵုိင်ႇလီသီႈေၵႉၵၼ်

 ေသဢိတ်း။ မိူၼ်ၼင်ႇ ေၶႃႈၵႂၢမ်းဢၼ်ဝႃႈ မၼ်းတင်းယူႇလႆႈ လူၺ်ႈဢမ်ႇၵပ်းသုိပ်ႇၵဝ် ၵဝ်ေၵႃႈေတဢမ်ႇၵပ်း သုိပ်ႇမၼ်း ။ လွင်ႈႁဵတ်းၼင်ႇၼႆၼႆႉ မၼ်းႁဵတ်းႁႂ်ႈ ၵူၼ်း သွင်ေၵႃႉ ႁၢင်ႇၵႆၵၼ်ၵႂႃႇ လၢႆလၢႆၵူၺ်း။

ယႃႇဝႆႉမႃၼ ၊ ဢတ်ႉတ ေတႃႇၵၼ်

... ........... ၼႂ်းႄၵႈၵၢင် သွင်ေၵႃႉႁၵ်ႉၼၼ်ႉ ဢမ်ႇၵုိင်ႇမီး ၸႂ်ၽႅၼ်သုင်ေတႃႇၵၼ်ႄလႈ ဢမ်ႇၵိုင်ႇမီး ၸႂ်ဢတ်ႉတ ဢၼ်ဝႃႈ ၵဝ်ႁၵ်ႉတူဝ်ၵဝ် လိူဝ်ေသမၼ်း။

ႁႂ်ႈေမႃလၢတ်ႈေၶႃႈၵႂၢမ်းယွမ်းၼွမ်း

..... ............. မိူဝ်ႈပဵၼ် လွင်ႈၶွင်ႈၶမ်ၵၼ်ၼၼ်ႉ ေၵႃႉဢၼ်ယွမ်းတၢင်းၽိတ်း ဢွၼ်တၢင်းၼၼ်ႉ ပဵၼ် ေၵႃႉဢၼ်ႁၵ်ႉသုတ်းလိူဝ် ၼႆေၵႃႈၸႂ်ႈယူႇ။ ၵူၺ်းၵႃႊ 

မိူဝ်ႈႁူႉဝႃႈ ၸဝ်ႈၵဝ်ႇၽိတ်းေသ ၼွမ်းၽိတ်းၼၼ်ႉ ၶႅၼ်း ထႅင်ႈႁႅင်း လွင်ႈႁၵ်ႉလိူဝ်ယဝ်ႉ။

ယႃႇလၢတ်ႈထိုင် လွင်ႈ ေၵႃႉႁၵ်ႉၵဝ်ႇၵၼ်

................... လၢတ်ႈထိုင်လွင်ႈမိူဝ်းၼႃႈ ၵူၺ်းႄလႈၼႃႈ။ ယႃႇလၢတ်ႈလွင်ႈဝၼ်းလင်ၵၼ်တိၵ်းတိၵ်း။ ႁႂ်ႈေမႃလၢတ်ႈ ႄၼၵၼ်ဝႃႈ ၶၢဝ်းမိူဝ်ႈလဵဝ်ၼႆႉ ႁၵ်ႉၵၼ်ၵႃႊႁုိဝ် ၼႆၸိူဝ်း ၼႆႉ။

လွင်ႈပၼ်ႄလႈလွင်ႈဢဝ် ႁႂ်ႈမီးလွင်ႈ ၽဵင်ႇပဵင်းၵၼ်

... ................ ၽၢႆႇမၼ်းၵူၺ်း ဢၼ်လႆႈသုိပ်ႇၾူၼ်း ၊ ၽၢႆႇမၼ်းဢၼ်လႆႈသူင်ႇလိၵ်ႈၸူး ၊ ၽၢႆႇမၼ်းၵူၺ်း ဢၼ်လႆႈသူင်ႇၶူဝ်းတွၼ်ႈပၼ် ၼႆၸိူဝ်းၼႆႉ ဢမ်ႇၵုိင်ႇ ပဵၼ်ႄသႈ။ ၽၢႆႇႁဝ်းေၵႃႈ ေတလႆႈမီး မိူဝ်ႈပၼ် မိူၼ်ၵၼ်။

ဝႆႉၼမ်ႉၼၵ်းၼိူဝ်လွင်ႈၶုၺ်ႉႁၼ်ၵၼ်

...... .............. ေမႃထွမ်ႇ လွင်ႈတၢင်းၵၼ် ၊ ေမႃထွမ်ႇ

လွင်ႈ ၵႂၢမ်းၾၼ်ၵၼ် ၊ မိူဝ်ႈေၵႃႉၼိူင်ႈႁႆႈ ထႅင်ႈေၵႃႉ 

ၼိူင်ႈသမ်ႉ ၵုိင်ႇလီၸဵတ်ႉပၼ်ၼမ်ႉတႃ ၊ မိူဝ်ႈသူိဝ်းေၵႃႈ ႁႂ်ႈေမႃယုမ်ႉၶူဝ်ၸွမ်းၵၼ်။

ယႃႇႁုိတ်းၵၼ်

................ ဢမ်ႇမီးၽႂ် ဢၼ်လႆႈၸႂ် ၵႂၢမ်းႁုိတ်းလူး ။ ယွၼ်ႉၼႆ ပဵၼ်ပၼ်ႁႃ လွင်ႈၶွင်ႈၶမ် သင်ေၵႃႈ ယႃႇႁုိတ်း သႂ်ႇၵၼ်ေသၵမ်း။

ပိၼ်ႉတႅမ်ႈ - #သႅင်ႁွမ်ႁၵ်ႉ