ၽွၼ်းလီၵၢၼ်လူလိၵ်ႈ

ၽွၼ်းလီၵၢၼ်လူလိၵ်ႈ 

႑- ၾၢင်ႁၢင်ႊ ၵူၼ်းၵေႃႉဢၼ်လူလိၵ်ႈၼႆႉ

မေႃမီးလွင်ႈၵႄႇထူၼ်ႈသေ ဝႆႉၸႂ်ၼိမ်ၼိမ်

ပႅၵ်ႉသမ်ႉဝႃႈ ထူပ်းၺႃးလွင်ႈလီဢၢမ်းလူင်

တၢၼ်ႇႁိုဝ်ၵေႃႈယဝ်ႉ ဢမ်ႇမေႃတူၵ်းၸႂ်။

႒- မီးၸႂ်လွင်ႈၶႂ်ႈဢွင်ႇပူၼ်ႉလႆႈ

ၵူႊလွင်ႈလွင်ႈသေ ၶတ်းၸႂ်တမ်းဝၢင်း

ၽႅၼ်ၵၢၼ်သေ ဢွင်ႇပူၼ်ႉလႆႈတေႉ။

႓- ပၢႆးဝူၼ်ႉလႄႈ ၼမ်ႉၵတ်ႉမၼ်း ၶိုၼ်ႈသုင်မႃး

တၢင်းဝူၼ်ႉမၼ်းၵေႃႈ ပဵၼ်ဢၼ်ၶိုၵ်ႉၶႅမ်ႉမႃး

တေႉတေႉ။

႔- လွင်ႈတႅပ်းတတ်းမၼ်းၵေႃႈ မၢၼ်ႇမႅၼ်ႈမႃး

လွင်ႈဢၼ်ၵိုင်ႉၵၢင်ႉတေလႆႈ တႅပ်းတတ်းၵေႃႈ

တႅပ်းတတ်းလႆႈ သၢင်ႇထုၵ်ႇ။

႕- ယွၼ်ႉၵွပ်ႈလူလိၵ်ႈသေ မေႃၵႆႉဝႄႈ လွင်ႈၵၢၼ်

ဢမ်ႇလီၵူၼ်းႁဝ်းသေ ၵႆႉမေႃမီးၸႂ် တူၺ်းထိုင်

ၵၼ်မႃး။

႖- ၵူၼ်းၵေႃႉဢၼ်လူလိၵ်ႈၼၼ်ႉ ဢမ်ႇၶိုၼ်ႈယႂ်ႇ

သေတႃႉၵွၼ်ႇၵေႃႈယႃႇ ၶဝ်ဢမ်ႇတွၼ်ႉတူၵ်းသုမ်း။

႗- ၵူၼ်းၵေႃႉဢၼ်လူလိၵ်ႈၼႆႉ လွင်ႈၽဝပၢၼ်ပဵၼ်

ၵူၼ်း၊ လွင်ႈယၢပ်ႇၽိုတ်ႇ၊ လွင်ႈမေႃဝူၼ်ႉမေႃသွၼ်ႇ

ၸိူဝ်းၼႆႉ တိူဝ်းႁူႉ ၼိူဝ်သေၵူၼ်းတၢင်ႇၵေႃႉမႃး။

႘- ပပ်ႉဢၼ်လႆႈလူမႃးယဝ်ႉၼၼ်ႉ ၵႆႉလိုမ်းၵႂႃႇ

သေတႃႉၵေႃႈ မိူဝ်ႈၽွင်းလမ်ႇလွင်ႈမႃးၼၼ်ႉ

ၶိုၼ်းမေႃတွင်းမႃးၶိုၼ်း။

တူဝ်ယၢင်ႇမၼ်း-

ၵူၼ်းၵေႃႉဢၼ် လူလိၵ်ႈၾၢႆႇ

ပၢႆးယူႇလီယဝ်ႉၼၼ်ႉ မိူဝ်ႈၵိုင်ႉၵၢင်ႉ

တၢင်းပဵၼ် မေႃႇပဵၼ်မႃးၼၼ်ႉ

တေလႆႈႁဵတ်းႁိုဝ်ၼႆ မၼ်းတေႁူႉလႆႈ။

႙- တေမေႃလၢတ်ႈၵႂၢမ်းမႃး။ ၶေႃႈၵႂၢမ်းၵေႃႈ

မိူဝ်ႈၽွင်းလႂ် ထုၵ်ႇလီလၢတ်ႈ၊ ဢမ်ႇထုၵ်ႇလီလၢတ်ႈ

တေမေႃႁူႉမႃး။

ၵူၼ်းႁဝ်းၼႆႉ ၵႆႉမေႃၶႂ်ႈႁႂ်ႈပိူၼ်ႈမႃး ထၢင်ႇယႂ်ႇတူဝ်ၵဝ်ႇ

ႁဝ်းလႄႈ ၵႄႈၵၢင်ၵူၼ်းၼမ် ၵႆႉၵႂႃႇၶဝ်ႈဢုပ်ႇ၊

ၵႆႉမေႃၶႂ်ႈႁဵတ်း သြုႇပိူၼ်ႈ၊ ၵႆႉဢုပ်ႇလူင်ဢုပ်ႇလႅင်ႉသေ

ၸၢင်ႊၶိုၼ်း လႆႈၶၢမ်ႇဝႃႈပဵၼ် ၵူၼ်းလူမ်းလူင် ၼႆယဝ်ႉ။

ၶေႃႈၵႂၢမ်းၼႆႉ မီးမိူဝ်ႈၽွင်းထုၵ်ႇမႅၼ်ႈမၼ်း

သေလၢတ်ႈလႆႈ။ သင်လူလိၵ်ႈၼမ်မႃးၵေႃႈ

ၶေႃႈၵႂၢမ်းဢၼ်ႁဝ်းၸႂ်ႈၼၼ်ႉ ပဵၼ်တီႈ

ထၢင်ႇယႂ်ႇပိူၼ်ႈမႃးယဝ်ႉ။

ၶေႃႈၵႂၢမ်း ဢၼ်ဢွၵ်ႇမႃးၼႂ်းသူပ်းၼၼ်ႉၵေႃႈ

တေႁဵတ်းႁႂ်ႈပိူၼ်ႈ မူၼ်ႊသိူဝ်းသေ 

တေႁဵတ်းႁႂ်ႈပိူၼ်ႈ မီးႁႅင်းၸႂ်မႃးယဝ်ႉ။

႑႐- မေႃလိူၵ်ႈႁႃ တူင်ႇဝူင်း ဢၼ်မီးၵူၼ်းလီ

သေ၊ ဢူၺ်းၵေႃႉဢူၺ်းသေႉၵေႃႈ လႅၵ်ႈလၢႆႊ

လႆႈၽိင်ႈယၢမ်ႈၶဝ်မႃး။

ၵူၺ်းၵႃႊဝႃႈ လူပပ်ႉလိၵ်ႈဢွၼ်ႇၼိုင်ႈၵွၺ်း

တေလႆႈဝႃႈဝႃႈ တူဝ်ၸဝ်ႈၵဝ်ႇ ၵႄႇထူၼ်ႈယဝ်ႉ

ၼိမ်တူဝ်ၼိမ်ၸႂ်လႆႈယဝ်ႉ ဢၼ်ဝႃႈၼၼ်ႉ

တိုၼ်းတေဢမ်ႇပႆႇပဵၼ်လႆႈ။

ပႅင်ႇၼင်ႇ တိုတ်းတၢဝ်းဢဝ်လႆႈ ပပ်ႉၸိူဝ်း

ၼၼ်ႉသေ လူဢၢၼ်ႇပၼ်မၼ်းၼမ်ၼမ်သေ

ၸင်ႇတေပဵၼ်မႃး ၵူၼ်းၵေႃႉဢၼ်ၵႄႇထူၼ်ႈ

ၼၼ်ႉယဝ်ႉ။

ၵွပ်ႈပိူဝ်ႈၸိူင်ႉၼႆ လူလိၵ်ႈၼမ်ၼမ်လႄႈ။

လူလႆႈၼမ်ၵႃႊႁိုဝ်ၵေႃႈ လူတိၵ်းတိၵ်းလႄႈ။

လွင်ႈလူလိၵ်ႈၼႆႉ တေပဵၼ်မႃး လွင်ႈတူဝ်ထူပ်း

လူင် ဢၼ်လီဢၢမ်းဢေႃးလူင်လၢင် တွၼ်ႈတႃႇသူ။

လီဢၢမ်းဢေႃးဝႃႈ ၵူၼ်းတင်းၼမ် ၶဝ်ၼပ်ႉထိုဝ်သူမႃး။

ၵွပ်ႈပိူဝ်ႈၸိူင်ႉၼႆ လိၵ်ႈမဵဝ်းႁိုဝ် ဢၼ်ထုၵ်ႇလီလူ………

လူလိၵ်ႈသေ ႁႂ်ႈပၢႆးဝူၼ်ႉ တၢင်းႁူႉႁၼ်သူၸဝ်ႈ

တိူဝ်းလိူဝ် မီးၼမ်ႉတွၼ်း မီးၵႃႈၶၼ်သေၵမ်း......

ပိၼ်ႇတႅမ်ႈ- >>>> ၸၢႆးၶိူဝ်းႁၢၼ်(ထုင်ႉလွၺ်ႁူဝ်သိူဝ်)