ၽၵ်းတူ လႄႈ ႁူဝ်ၸႂ်တၢင်းႁၵ်ႉ
သင်ထၢမ်ဝႃႈ........
ၸွင်ႇႁူႉၸၵ်းၽၵ်းတူၼႆ
ၸဵမ်လုၵ်ႈဢွၼ်ႇၵူၼ်းလူင်
တိုၼ်းတေႁူႉၸၵ်းၵၼ်ၵူႈၵေႃႉ
ၵူၺ်းသင်ထၢမ်ဝႃႈ........
ၸွင်ႇႁူႉၸၵ်းတၢင်းႁၵ်ႉၼႆတႄႉ
မီးၵူၼ်းၵမ်ႈၽွင်ႈၵူၺ်းဢိူဝ်ႈ
ဢၼ်တေႁူႉၸၵ်း လႄႈ ပွင်ႇၸႂ်လီ😁
ၶႃႈတေယွမ်းႁပ်ႉဝႃႈ
ၶႃႈပႆႇႁူႉၸၵ်း😜 ၵူၺ်းၶႃႈတေမႃး
ဢဝ်ၽၵ်းတူ လႄႈ ႁူဝ်ၸႂ်တၢင်းႁၵ်ႉ
တႅၵ်ႈၼိူင်းၵၼ်တူၺ်းၵွၼ်ႇ😊😊
ၽၵ်းတူ လႆႈထုၵ်ႇႁဵတ်းသၢင်ႈမႃး
ပိူဝ်ႈတႃႇ ႁႂ်ႈၵူၼ်းၵူႈၵေႃႉၶဝ်ႈဢွၵ်ႇငႆၢႈ၊
ၵူၺ်းၵႃႈ ..... ယွၼ်ႉလွင်ႈဢၼ်ၵူၼ်း
ၵူႈၵေႃႉၶဝ်ႈဢွၵ်ႇလႆႈငႆၢႈၼၼ်ႉသေ
တေပႆႇၸႂ်ႈလွင်ႈၶႅမ်ႉလႅပ်ႈ တွၼ်ႈတႃႇၵေႃႉႁဵတ်းသၢင်ႈၽၵ်းတူမႃး။
ယိူင်းဢၢၼ်းမၼ်း ႁဵတ်းသၢင်ႈတႃႇ
ၵူႈၵေႃႉဝႃႈၼႆသေတႃႉ မၼ်းတိုၼ်း
ဢမ်ႇၶႂ်ႈႁႂ်ႈၵူၼ်းၵူႈၵေႃႉၶဝ်ႈဢွၵ်ႇ
လႆႈငႆၢႈငႆၢႈၼင်ႇၵဝ်ႇ၊
ၵွပ်ႈၼၼ် လႄႈ မၼ်းၸင်ႇႁဵတ်းပႃး
တီႈတႃႇတေၶတ်းသေႃးမၼ်းပႅတ်ႈ၊
ယိူင်းဢၢၼ်းဢၼ်ၶတ်းသေႃးၼၼ်ႉ
ၵေႃႈ ဢမ်ႇလႆႈမႆၢထိုင်ဝႃႈ ဢမ်ႇၶႂ်ႈႁႂ်ႈ
ၽႂ်ၵေႃႉလႂ် ၶဝ်ႈမႃးၼႂ်းႁိူၼ်း၊
တီႈတေႉမၼ်း ပဵၼ်လွင်ႈႁူမ်ႇ
လူမ်ႈ ပုၼ်ႈတႃႇၵူၼ်းၼႂ်းႁိူၼ်း
တေဢမ်ႇလႆႈမီးၽေး လႄႈ
ၺႃးၽူႈလၵ်ႉၵူၼ်းၸူၼ် မႃး
သွၵ်ႈႁိမ်ဢဝ် ၶူဝ်းၶွင်ဢၼ်ႁဝ်း
မီးဝႆႉၼၼ်ႉယဝ်ႉ၊
သေႃးၼၼ်ႉၵေႃႈ ၸွႆႈပႂ်ႉပႃးၵႅတ်ႇ
ၶႄပၼ် ယႃႇႁႂ်ႈၵူၼ်းတၢင်းၼွၵ်ႈ
ဢၼ်ဢမ်ႇလႆႈၶႂၢင်ႉၸဝ်ႈႁိူၼ်း
ၼၼ်ႉ ၶဝ်ႈမႃးၼႂ်းႁိူၼ်း၊
ဢၼ်လႆႈႁဵတ်းၼင်ႇၼႆၼၼ်ႉ
ဢမ်ႇၸႂ်ႈဝႃႈ ၼႂ်းႁိူၼ်း မီးငိုၼ်း
ၶမ်းၶူဝ်းၶွင်လီတဵမ်ထူၼ်ႈသေ
တူၺ်းႁၼ်ပိူၼ်ႈ ပဵၼ်လွင်ႈ
ဢမ်ႇလီၵႂႃႇသႄႈ၊
ၸဝ်ႈႁိူၼ်းၵူၺ်းဢမ်ႇၶႂ်ႈႁႂ်ႈ
ၶူဝ်းၶွင်/လွင်ႈလီ ဢၼ်ၸဝ်ႈၵဝ်ႇ
မီးဝႆႉၼၼ်ႉ သုမ်းၵႂႃႇပႅတ်ႈလႆၢလႆၢ
ၵွပ်ႈၼၼ် မၼ်းၸင်ႇတူၺ်းၸွမ်း
#ၵူၼ်းဢၼ်ပႆႇယုမ်ႇၸႂ်လႆႈ
#ၵူၼ်းဢၼ်ပႆႇမိုတ်ႈၵၼ်လီလီ
#ၵူၼ်းဢၼ်ပႆႇႁူႉလွင်ႈၵၼ်လီ
ဝႃႈၶဝ် လႅပ်ႈတေၶႂ်ႈလႆႈသင်
ႁဵတ်းသင်၊ ဝူၼ်ႉသင်တႄႇၵႂႃႇ၊
ပုၼ်ႈတႃႇၸိူဝ်းယုမ်ႇၸႂ်ၵၼ်
မိုတ်ႈၵၼ်၊ ႁူႉလွင်ႈၵၼ်ၸိူဝ်းၼၼ်ႉ
ၸဝ်ႈႁိူၼ်း ဢမ်ႇတွၼ်ႉၶႅၼ်😊
ၵူၺ်ႈၵႃႈ ...ပုၼ်ႈတႃႇၵူၼ်းၸိူဝ်း
ဢၼ်ထုၵ်ႇယုမ်ႇၸႂ်လႆႈလီၼၼ်ႉ
သူဢမ်ႇထုၵ်ႇလီ ဢဝ်တိုဝ်ႉတၢင်း
ၼၼ်ႉသေ ယႃႉၵဝ်း/ယွၵ်ႇလႅၼ်
ႁႂ်ႈၸဝ်ႈႁိူၼ်းပေႃးလႆႈယုမ်ႇသူ၊
ယွၼ်ႉဝႃႈ ပွၵ်ႈၼႃႈ/ပွၵ်ႈလိုၼ်း
#သင်သူၶိုၼ်းၶႂ်ႈၶဝ်ႈမႃးထႅင်ႈ
#ၼမ်ႉၸႂ်တေႁႅင်ႈတႃႇႁူမ်ၸူမ်း
#ႁပ်ႉတွၼ်ႈယဝ်ႉ ၼႆဢိူဝ်ႈ။
ဢၼ်ၼႆႉလၢတ်ႈလွင်ႈၽၵ်းတူ။
တႅၵ်ႈတူၺ်းႁူဝ်ၸႂ်တၢင်းႁၵ်ႉလူး
#ႁူဝ်ၸႂ်တၢင်းႁၵ်ႉၵေႃႈ
ငႆၢးမိူၼ်ၽၵ်းတူယဝ်ႉ၊ ၵူၺ်းၵႃႈ...
#မၼ်းဢမ်ႇၸႂ်ႈၽၵ်းတူၼႃႈ
ႁူဝ်ၸႂ်တၢင်းႁၵ်ႉ ဢမ်ႇလႆႈမီးဝႆႉတႃႇၵူၼ်းၵူႈၵေႃႉ ၶဝ်ႈဢွၵ်ႇငႆၢႈ
ၵူၺ်းၵႃႈ... ဢမ်ႇလႆႈမႆၢထိုင်ဝႃႈ
ဢမ်ႇၶႂ်ႈႁပ်ႉတွၼ်ႈၽႂ်...........
ပဵၼ်တႃႇၸဝ်ႈၶွင်တႅပ်းတတ်းၸႂ်
ဝႃႈထုၵ်ႇလီလိူၵ်ႈၽႂ်😁😁😁
သူမီးသုၼ်ႇၶတ်းသေႃးႁူဝ်ၸႂ်
ပိူဝ်ႈဢမ်ႇႁႂ်ႈၽႂ်မႃးၵဝ်းယွၵ်ႇလဵၼ်ႈ
ယႃႉႁႂ်ႈၸႂ်တဵၼ်ႈယဝ်ႉယၢၼ်ဢွၵ်ႇ
ပွႆႇဝႆႉမိူၼ်တေႃလွၵ်ႇႁၢမ်းႁုၼ်ႈ
ဢဝ်ၸၢတ်ႈပၢၼ်လုၼ်ႈပႅတ်ႈၼႃႈ။
ၵွပ်ႈၼၼ် သူထုၵ်ႇလီတူၺ်း
ၵူၼ်းၵေႃႉဢၼ်ယုမ်ႇၸႂ်လႆႈ
မိုတ်ႈၵိုဝ်းၵၼ်လီ၊ ႁူႉလွင်ႈၵၼ်
လီၸိူဝ်းၼၼ်ႉသေ ႁပ်ႉတွၼ်ႈယူႇ၊
တွၼ်ႈတႃႇၵူၼ်းၸိူဝ်းလႆႈၶၢမ်ႇ
တၢင်းႁပ်ႉတွၼ်ႈလီၼၼ်ႉၵေႃႈ
သူဢမ်ႇထုၵ်ႇလီလူလႆၢၼမ်ႉၸႂ်
လႄႈ ထၢင်ႇလဵၵ်ႉႁူဝ်ၸႂ်တၢင်း
ႁၵ်ႉပိူၼ်ႈသေ ၶိုၼ်းဢွၵ်ႇယၢၼ်
မၼ်း ငႆၢႈငႆၢႈၸိူင်ႉၼၼ်ၼႃႈ၊
#ယွၼ်ႉဝႃႈ ႁူဝ်ၸႂ်တၢင်းႁၵ်ႉၼႆႉ
#မၼ်းဢမ်ႇလႆႈမီးဝႆႉမိူၼ်ၽၵ်းတူ
#တႃႇႁႂ်ႈသူၶဝ်ႈယဝ်ႉ/ၶိုၼ်းဢွၵ်ႇ
ယွၼ်းမွၵ်ႇသိုဝ်ႈသိုဝ်ႈႁေ.........
သင်တေဢမ်ႇၶဝ်ႈတေႉ
#ဝေႉတီႈႁေႃႇၸႆၢးၶႃးၵူၺ်းလႄႈ
ယႃႇပေၶႂ်ႈၶဝ်ႈၼႂ်းၽၵ်းတူ........
ယွၼ်ႉဝႃႈသူဢမ်ႇဢၢၼ်းယူႇ
ၵူဝ်ပိူၼ်ႈလႆႈၼႃႈတူႇသေၼႅင်ဢိူဝ်ႈ။
#ၵမ်းလိုၼ်းၵေႃႈ
ၶႂ်ႈႁႂ်ႈဢဝ်ၽၵ်းတူ လႄႈ
ႁူဝ်ၸႂ်တၢင်းႁၵ်ႉ တႅၵ်ႈၵၼ်တူၺ်း
သေ
ႁႂ်ႈမေႃပွင်ႇၸႂ်ဝႃႈ.............
#ၽၵ်းတူဢမ်ႇၸႂ်ႈႁူဝ်ၸႂ်တၢင်းႁၵ်ႉ
#ႁူဝ်ၸႂ်တၢင်းႁၵ်ႉဢမ်ႇၸႂ်ႈၽၵ်းတူ
😁😁😁
#ယိၼ်းၸူမ်းၶွပ်ႈၸႂ်ယႂ်ႇၼမ်ၶႃႈ
