ၼေႃႇတႅၼ်းၶိူဝ်း လႄႈ ႁူင်းႁဵၼ်းလူင်ပွင်ၸိုင်ႈ
ၼေႃႇတႅၼ်းၶိူဝ်း လႄႈ ႁူင်းႁဵၼ်းလူင်ပွင်ၸိုင်ႈ
===============================
>>> ငဝ်ႈတႄႇၼေႃႇတႅၼ်းၶိူဝ်း ယူႇၼႂ်းလၢႆးႁဵတ်း
တၢင်းသၢင်ႈပေႃႈမႄႈသေၽုတ်းယႂ်ႇယိုတ်ႈၶိုၼ်ႈ
သုင်မႃး လူဝ်ႇၽႅၼ်ဝႆႉတႃႇလုၵ်ႈသူ ဝၼ်းမိူဝ်းၼႃႈ
ၶႂ်ႈႁႂ်ႈမၼ်းမီးၼမ်ႉၵတ်ႉတၢင်းႁူႉပဵၼ်ၵူၼ်း
ၸိူင်ႉၼင်ႇႁိုဝ်ၼႆယူႇ။
>>>လုၵ်ႈဢွၼ်ႇႁဝ်းၶႃႈပေႃးဢႃႇယူႉထိုင်ႁႃႈ/ႁူၵ်းၶူပ်ႇ
မႃးၼႆ ဢမ်ႇၸၢင်ႈဢဝ်ၵႂႃႇပွႆႇပၼ်ႁူင်းႁဵၼ်းတီႈလႂ်
လိူဝ်သေႁူင်းႁဵၼ်းလူင်ပွင်ၸိုင်ႈယူႇယဝ်ႉ။
>>>မိူၼ်ၵႂႃႇပွႆႇသႂ်ႇၼႂ်းၶွၵ်ႈၵေႃႈလူဝ်လူဝ်၊ ၸႂ်ႉၶၢဝ်းယၢမ်း
ႁဵၼ်းၼႂ်းႁူင်းႁဵၼ်း ပၼ်ပိူၼ်ႈပၼ်ႇဢွၵ်း ၶႅၵ်ႈလၢႆႈလၢႆးၼုင်ႈၶူဝ်းလူၺ်ႈလိၵ်ႈၵႂၢမ်းလၢတ်ႈ ဢမ်ႇၸိုဝ်ႈလိၵ်ႈလၢႆးပေႃႈမႄႈၸႂ်ႉတိုဝ်းယၢမ်ႈလၢတ်ႈမႃးၼၼ်ႉ ထိုင်ၶၢဝ်းတၢင်းပဵၼ်ၵဝ်ႈပီသိပ်းပီ။
ၵူၺ်းၵႃႈ ယိူင်းသုင်သုတ်းၼႂ်းတၢင်းဝူၼ်ႉ လုၵ်ႈႁဵၼ်းၵေႃႈလႆႈ
ၽင်တၢင်းဝူၼ်ႉဝႃႈ တႃႇၶႂ်ႈပူၼ်ႉၸၼ်ႉလႆႈ လႆႈၸုမ်ႈၶူးလၢႆ"
ၵူၺ်းသေ ဢမ်ႇသွၼ်ႇတႃႇတေလႆႈတၢင်းႁူႉပၢႆးဝူၼ်ႉသင်လႄႈ
တၢင်းႁူႉမေႃၼၼ်ႉၵေႃႈ ဢမ်ႇလႆႈထိုင်တီႈထိုင်လႅၼ်သင်
>>>ဢွၵ်ႇႁူင်းႁဵၼ်းမႃးဢမ်ႇယဝ်ႉဢမ်ႇပႆမေႃႁဵတ်းသင်၊
ၵၢၼ်ႁႃၵိၼ်လဵင်ႉတွင်ႉဢမ်ႇမေႃ ၵၢၼ်သိုပ်ႇလဵပ်ႈႁဵၼ်း
တၢင်းႁူႉၽၢႆႇၼွၵ်ႈႁူင်းႁဵၼ်းဢမ်ႇႁူႉ၊ ပေႃးမႃးၶူၼ်ႉၶိုၼ်း
ယွၼ်ႉပိူဝ်ႈသင်လႄႈပဵၼ်ၼႆၸိုင်၊
>>> ၼႂ်းႁူင်းႁဵၼ်းၼၼ်ႉ ပဵၼ်ၵၢၼ်ႁဵၼ်းဢၼ်တေလႆႈတွင်းတၢႆ
လူၺ်ႈဢမ်ႇႁူႉၸၵ်းတီႈပွင်ႇ ႁႂ်ႈပွင်ႇၸႂ်လီလီ ထႅင်ႈလွင်ႈၵေႃႈ
ဢမ်ႇၸိုဝ်ႈၵႂၢမ်းၸႃႇတိ ပေႃႈမႄႈ လႆႈႁဵၼ်းဢဝ်တႃႇယဵၼ်း
တွင်းတၢႆ၊
>>>ၶူးမေႃသွၼ်ၵေႃႈတူၺ်းၼႂ်းပပ်ႉသေသွၼ်
လုၵ်ႈႁဵၼ်းၵေႃႈၸွမ်းၼႂ်းပပ်ႉၵူၺ်းလႄႈ
ဢမ်ႇလႆႈၸႂ်ႉပၢႆးဝူၼ်ႉ ၶူၼ်ႉႁႃလၢႆၽၢႆႇလၢႆပႃႈ
တႃႇဝူၼ်ႉၸွမ်းၵၢပ်ႈၸွမ်းပၢၼ်သေ တွၵ်ႇတၢႆၽင်
လိပ်းၽင်လႅင်။
>>>ၵုမ်ႇလႆႈႁဵၼ်းဢဝ်ၼႂ်းဢွၵ်းလွၵ်းၵဝ်ႇ လူၺ်ႈပိုၼ်း
ဢၼ်ၽၢမ်းတႃသေ လွၵ်ႇႁႂ်ႈၼေႃႇတႅၼ်းၶိူဝ်းထၢင်ႇလဵၵ်ႉၶိုၼ်း
ၶိူဝ်းၸဝ်ႈၵဝ်ႇၵူၺ်း၊ သမ်ႉဢမ်ႇသွၼ်ႁဝ်းဢၼ်ပဵၼ်ၸွမ်းလွင်ႈတႄႉ လႄႈ ၸွမ်းၵၢပ်ႈပၢၼ်လွင်ႈၶိုၼ်ႈယႂ်ႇလဵဝ်လူၺ်ႈလၢႆးမႂ်ႇ၊
>>>ယွၼ်ႉပိူဝ်ႈၼၼ် ၼေႃႇတႅၼ်းၶိူဝ်းဝၼ်းမိူဝ်းၼႃႈဢၼ်ပွႆႇ
ၵႂႃႇၶိုၼ်ႈႁူင်းႁဵၼ်းလူင်ပွင်ၸိုင်ႈၼၼ်ႉ ၶႂ်ႈၾၢင်ႉၵၼ် ႁႂ်ႈၶဝ်မေႃ
ႁဵၼ်းဢဝ်တၢင်းႁူႉပဵၼ်တႃႇၶိူဝ်းၸဝ်ႈၵဝ်ႇလႄႈ၊
>>>ပေႃႈမႄႈ လုၵ်ႈလၢင်းၵေႃႈ ၶႅၼ်းတေႃႈၶတ်းၸႂ်သႂ်ႇႁႅင်း
ဢီးပၼ် ႁႂ်ႈလုၵ်ႈလၢင်းၼေႃႇတႅၼ်းၶိူဝ်းႁဝ်း လူလိၵ်ႈတႆး
တႅမ်ႈလိၵ်ႈတႆး ဝူၼ်ႉလွင်ႈတႆး ႁၵ်ႉပိုၼ်းတႆး ၵၼ်လႄႈ။
>>> ထႅင်ႈ ငိုၼ်းဢၼ်ႁဝ်း ဢမ်ႇထုၵ်ႇလီဝူၼ်ႉပႃးၼၼ်ႉ
ဢမ်ႇထုၵ်ႇလီပၼ်မၼ်းႁၢႆၼမ်ႉႁၢႆသၢႆးၼၼ်ႉ လူႇလႄႈ
ဢွင်ႈတီႈဢၼ်တေပဵၼ်ၽွၼ်းလီၵၢၼ်လိၵ်ႈလၢႆး မိူၼ်
ၼင်ႇႁူင်းႁဵၼ်း တီႈထႅမ်တၢင်းႁူႉၼေႃႇတႅၼ်းၶိူဝ်း မိူၼ်ၼင်ႇ
ႁူင်းတူၺ်းလိၵ်ႈ လူလိၵ်ႈ ႁႃလၢႆးပႃးၼင်ႇႁိုဝ်ၶဝ်တေသူင်မိုတ်ႈ။
>>>ၵၢၼ်တဵၵ်းႁႅင်းၸႂ် ဢမ်ႇပၼ်တိုဝ်ႉတၢင်း တွပ်ႇႁဵၼ်း
လၢႆၵမ်းၼႆႉ သုမ်းၶၢဝ်းယၢမ်းၵၢၼ်ႁဵၼ်းပဵၼ်ပီ
တေလႆႈတေႇၶိုၼ်း ပီမႂ်ႇၼၼ်ႉ ႁိုဝ်တေမီးႁႅင်း ၸဵမ်ပေႃႈမႄႈ လုၵ်ႈလၢင်း ၼင်ႇၼႆ လုၵ်ႈဢွၼ်ႇၸၢင်ႈထၢင်ႇလဵၵ်ႉၶိုၼ်း
ၼမ်ႉၵတ်ႉတူဝ်ၸဝ်ႈၵဝ်ႇၼၼ်ႉယဝ်ႉ။
>>>ထႅင်ႈလွင်ႈတမ်းဝၢင်းဝႆႉပိူင် မိူၼ်ၼင်ႇ ၵေႃႉလႆႈမၢႆၼမ်
ၼၼ်ႉႁွင်ႉၵူၼ်းၶႅၼ်ႇ ၵေႃႉဢၼ်ဢမ်ႇလႆႈမၢႆၼမ်သမ်ႉ
ႁွင်ႉၵူၼ်းၺၢမ်ႉ ၸႂ်ႈယဝ်ႉ လွင်ႈၼႆႉပေႃးဢမ်ႇမီးသမ်ႉ ဢမ်ႇပဵၼ်
တေဢမ်ႇၸၢင်ႈမီးလွင်ႈတၢင်းၶတ်းၸႂ် လႄႈ ၵႃႈလႆႈတမ်း
ၼႆသေတႃႉၵေႃႈ
ၵူၺ်းၵႃႈ ဝႆႉမိူၼ်ၼင်ႇ ပိူင်တႅၵ်ႈ တူဝ်သတ်း
ၵူႈသႅၼ်းၵူႈတူဝ် ႁႂ်ႈၶိုၼ်ႈတူၼ်ႈမႆႉ လႆႈသေတေတႅပ်းတတ်းၵႃႈၶၼ် မိူၼ်ၼင်ႇပႃၼၼ်ႉၸွင်ႇတေၶိုၼ်ႈမိူၼ်ပိူၼ်ႈလႆႈ ဢဝ်ၵၢၼ်ႁဵၼ်းပဵၼ်ယႂ်ႇသေ ႁႂ်ႈၶဝ်ပူၼ်ႉၵူႈၵေႃႉၼၼ်ႉ မၼ်းပဵၼ်ၵႂႃႇဢမ်ႇလႆႈ တႃႇမၢႆၼမ်မၼ်းမိူၼ်ၵၼ်ၼၼ်ႉ။
>>> ၼင်ႇႁိုဝ်လုၵ်ႈဢွၼ်ႇၶဝ်တေမီးတၢင်းႁူႉႁၼ်လၢႆပႃႈလၢႆၽၢႆႇ ၼၼ်ႉ လူဝ်ႇၼႄပႃးသဵၼ်ႈတၢင်းဢၼ် လဵပ်ႈႁဵၼ်းၶူၼ်ႉၶႂႃႉဢဝ်
ႁင်းၸဝ်ႈၵဝ်ႇ ၼႂ်းႁူင်းတူၺ်းလိၵ်ႈ ႁႂ်ႈဢိူမ်ႈၸမ်ပပ်ႉလိၵ်ႈ
လွၵ်းလၢႆးလွင်ႈၶႂ်ႈလႆႈ ဢၼ်လူဝ်ႇၼႂ်းလူပပ်ႉလိၵ်ႈ
ပပ်ႉလၢႆးၼမ်" ၵွၼ်ႇ ၶဝ်ၸင်ႇတေမေႃ ယၢင်ႈၸူးပပ်ႉလိၵ်ႈ
ၽိုၼ်လၢႆးမႃးဢိူဝ်ႈ။
>>>တႃႇလုၵ်ႈဢွၼ်ႇၶဝ်တေမီးတၢင်းႁူႉႁၼ်ၼၼ်ႉ
ပေႃးဢမ်ႇယၢင်ႈၸွမ်းၵူၼ်ႈၵူၼ်းႁူႉမေႃသင်သွၼ်လႄႈ
လူပပ်ႉလိၵ်ႈပပ်ႉလၢႆးထႅမ်ၸွမ်းသင်ၸိုင် မၼ်းပဵၼ်ၵႂႃႇ
ယၢပ်ႇယဝ်ႉ။
>>>လုၵ်ႈဢွၼ်ႇသူၶဝ်တေဢမ်ႇႁူႉလႆႈဝႃႈ ၼႂ်းႁူင်းႁဵၼ်း
လႄႈၼွၵ်ႈႁူင်းႁဵၼ်းမၼ်းပိူင်ႈၵၼ် ၸိူင်ႉႁိုဝ်မိူဝ်ႈလဵၵ်ႉၼၼ်ႉ
ၶဝ်ဢမ်ႇပႆႇမီးပၢႆးဝူၼ်ႉ ထတ်းသင်လွင်ႈတၢင်းၸိူင်ႉၼင်ႇႁိုဝ်
တေလီ ၵူၺ်းၵႃႈလႆႈၸွမ်းတၢင်းၾၼ် ဢၼ်သူတေပၼ်ၶဝ်တႆႇၵႂႃႇထိုင်တီႈလႂ်ၼႆၵူၺ်း ဝၼ်းၼိုင်ႈသင်ၶဝ်မေႃႁူႉထတ်းသၢင်ယဝ်ႉၸိုင် ၶဝ်တေၾၢင်ႉမႅၼ်ႈၵူၺ်းဝႃႈ ဢၼ်သူၶဝ်ႁဵတ်းတႃႇၶဝ်
ယူႇၼႆႉ ဢၼ်လႂ်ပဵၼ်ၽွၼ်းလီ မီးၼမ်ႉတွၼ်းလိူဝ်ၼႆ ၶႂ်ႈႁႂ်ႈသူ
ၶဝ်သႂ်ႇၸႂ်ယူႇ။
ပေႃႈမႄႈၼၼ်ႉယဝ်ႉပဵၼ်မေႃသွၼ်ငဝ်ႈလူင်သုတ်းၼႆ
လုၵ်ႈဢွၼ်သူဝၼ်းမိူဝ်းၼႃႈတေပဵၼ်ၵူၼ်းၸိူင်ႉႁိုဝ်ၼႆ
ၼၼ်ႉ ယူႇတီႈသူၸဝ်ႈထႅမ်ပၼ်တၢင်းႁူႉ လူလွမ်ႁႂ်ႈၶဝ်
ပဵၼ်ၵႂႃႇၸိူင်ႉၼင်ႇႁိုဝ်ၼႆၵူၺ်း ၽိုၵ်းႁႂ်ႈၶဝ်သူင်မိုတ်ႈ
လူလိၵ်ႈလႄႈ ပေႁႂ်ႈလိုမ်းၶိူဝ်းၸဝ်ႈၵဝ်ႇၼၼ်ႉ ယဝ်ႉ
လမ်ႇလွင်ႈလူင်ၼေႃႇတႅၼ်းၶိူဝ်း။
ၼပ်ႉယမ်ထိုင်ၽူႈလိၵ်ႈႁဝ်းၶဝ်တၢင်းသဵင်ႈသေ
===============================
#Updateမႃးတီႈ ငဝ်ႈတိုၼ်း-
တၢင်ႈဝူၼ်ႉ ပီႈဝၢၼ်ႈၼွၵ်ႈ
