ၵူႈႁၵ်ႉဢၼ်ၸဵဝ်းမၢၵ်ႈမီး

ပေႃးမႃးတူၺ်းပၢႆးမၢၵ်ႈမီးၼႆႉ ပဵၼ်ဢၼ်လမ်ႇလွင်ႈ

ဢၼ်ၼိုင်ႈတႃႇၼႂ်းလူၵ်ႈလေႃးၵၼႆ၊   ၵူၼ်းၵူႈၵေႃႉတေ

ယွမ်းႁပ်ႉယူႇ ...

ၽႂ်ꧦၵေႃႈတေႁူႉထိုင်ၵၼ်ယူႇဝႃႈ ပေႃးၶၢတ်ႇလွင်ႈ

မၢၵ်ႈမီးၼႆ တၢင်းတုၵ်ႉၶၼၼ်ႉ တေၸပ်းၸွမ်းႁွမ်းပႆၵႂႃႇ

ႁၢၼ်ႉတေႃႇပေႃးလူႉၶွႆႈတၢႆ ၽဝၸူမ်ႁၢႆလႄႈသုမ်းလၢႆ ...

ၽိူဝ်ႇတတေပွင်ႉဝႃႈ ပဵၼ်ၵူၼ်းၽၢၼ် တလၢႆႈၶေႃႈ

ၵႂၢမ်းဝႃႈ ဢၢၼ်းပဵၼ်ၵူၼ်းမီးလႆႈဢိူဝ်ႈ၊ တိုၼ်းတေဢမ်ႇတုၵ်ႉၽၢၼ်သႄႈ ပေႃးမီးပၢႆးဝူၼ်ႉလီ ...

ၵွပ်ႈပိူဝ်ႈၼၼ်လႄႈတီႈၼႆႈတေယွၼ်းဢဝ်ပိူင်တႅၵ်ႈ

ဢၼ်ၼိုင်ႈ ဢၼ်ပဵၼ်ၵူၼ်းသွင်ၵေႃႉႁၵ်ႉၵၼ်ၼၼ်ႉသေ

ပိုတ်ႇၼႄၵႂႃႇ တႃႇလွင်ႈမၢၵ်ႈမီးဢၼ်ၼိုင်ႈယူႇ ...

ယွၼ်ႉၶဝ်မီးပၢႆးဝူၼ်ႉလႄႈမေႃဢုပ်ႇၵုမ်ၵၼ်ဢမ်ႇ

ဝႃႈပဵၼ်လွင်ႈလႂ်ၵေႃႈမေႃပၼ်ပၢႆးဝူၼ်ႉၵၼ်သေၸင်ႇတေ

ႁဵတ်းသၢင်ႈၵၢၼ်ၼိုင်ႈဢၼ်ဢၼ် ...

ၶဝ်မေႃယွင်ႈယေႃးၵၼ်ဢမ်ႇဝႃႈၵေႃႉၼိုင်ႈတေႁဵတ်း

လဵၵ်ႉလဵၵ်ႉဢွၼ်ႇၵေႃႈယဝ်ႉၶဝ်ဢမ်ႇတွၼ်ႉဝႃႈႁင်းၵၼ်ဝႃႈ

မၼ်းဢမ်ႇလႆႈလွင်ႈ ...

ၶဝ်ဢဝ်လွင်ႈဢေးလူသေႁၵ်ႉၵၼ်မႃးတႄႉꧦဝႃႈꧦ

တၢင်းသွင်ႁၵ်ႉၵၼ်ႁႅင်းတႄႉႄတႉ၊ ႁၵ်ႉႁႅင်းၸဵပ်းႁႅင်းၼႆ

သေတႃႉ ၵွပ်ႈပိူဝ်ႈမီးလွင်ႈဢေးလူတေႃႇၵၼ်လႄႈ ...

တႃႇတေႁဵတ်းႁႂ်ႈၵေႃႉၼိုင်ႈလႆႈၸဵပ်း၊ တႃႇတေႁဵတ်း

ႁႂ်ႈၵေႃႉၼိုင်ႈတိူဝ်ႉၸႂ်လႄႈတူၵ်းၼမ်ႉတႃၶီငဝ်ယူႇၼၼ်ႉ

ၵွပ်ႈပိူဝ်ႈမီးဝႆႉလွင်ႈဢေးလူလႄႈ တိုၼ်းဢမ်ႇႁဵတ်းလႆႈ ...

ၵွပ်ႈပိူဝ်ႈၼႂ်းလွင်ႈမၢၵ်ႈမီးၼၼ်ႉပႃးဝႆႉ  လွင်ႈဢုပ်ႇ

ၵုမ်ၵၼ်သေမၢၵ်ႈမီးလႄႈ ၶဝ်တၢင်းသွင်ၵေႃႈ ၸဵမ်မိူဝ်ႈၶဝ်

ပႆႇၵူပ်ႉၵူႈၸွမ်းၵၼ် ၶဝ်တိုၼ်းၵုမ်ၵၼ်ယဝ်ႉ ...

ဝၢႆးသေဢုပ်ႇၵုမ်လွင်ႈမၢၵ်ႈမီးယဝ်ႉၵေႃႈ ၸင်ႇတေ

ဢုပ်ႇၵၼ်လွင်ႈတၢင်းႁၵ်ႉ၊ ပၼ်ၵႂၢမ်းဢုၼ်ႇၸႂ်၊ ပၼ်ႁႅင်း

ၸႂ်၊ ယုမ်ႉတေႃႇၵၼ် လႄႇတၢင်းၼမ်ဢၼ်ၶဝ်လၢတ်ႈ ...

ၵွပ်ႈပိူဝ်ႈၶဝ်ဢုပ်ႇၵုမ်ၵၼ်ဝႆႉၸဵမ်မိူဝ်ႈၸဝ်ႉၸဝ်ႉမိူဝ်ႈ

ပဵၼ်ၸူႉႁၵ်ႉၵၼ်၊မိူဝ်ႈပႆႇႁူမ်ႈၸွမ်းၵၼ်လႄႈထိုင်တီႈမိူဝ်ႈ

လဵဝ် ပေႃးလႆႈပဵၼ်ၼႃႈႁိူၼ်းမီးတၢင်းသိူဝ်းၸႂ် ...

ပဵၼ်ၼႃႈႁိူၼ်းဢၼ်မၢၵ်ႈမီးလင်ၼိုင်ႈသေႁဵတ်း

ေၼပိူင်တႅၵ်ႈႁဝ်းႁႃးၸိူဝ်းၼႆႉယဝ်ႉ၊  ဢၼ်ၶႂ်ႈဝႃႈတႄႉ

သင်ၶႂ်ႈမၢၵ်ႈမီးၼႆ ႁႂ်ႈမီးၵူၼ်းဢုပ်ႇၵုမ်လႄႈ ...

ၶႅၼ်းတေႃႈႁၢၼ်ႉၸႂ်ပၼ်လိၵ်ႈႁူဝ်ၼႆႉသေဢမ်ႇၼမ်

ၵေႃႈဢေႇ   တေပဵၼ်ပၢႆးဝူၼ်ႉဢွၼ်ႇဢၼ်ၼိုင်ႈတႃႇထႅမ်

ပၼ်ပၢႆးမၢၵ်ႈမီးတၢင်းၼိုင်ႈၼႆဢေႃႈ ...

ၶွပ်ႈၸႂ်ထိုင်ၽူႈႁၵ်ႉလိၵ်ႈလၢႆးႁဝ်းၶဝ်တၢင်းသဵင်ႈသေ

==================================

#သၢႆလႅင်း (ဝဵင်းသဝ်ႁိၼ်)