ၵူၼ်းၵႆႉလူလိၵ်ႈ လႄႈ ဢမ်ႇလူလိၵ်ႈ ပိူင်ႈၵၼ်ၸိူင်ႉႁိုဝ် ?

📖 ၵူၼ်းၵႆႉလူလိၵ်ႈႄလႈဢမ်ႇလူလိၵ်ႈၼႆႉ

မၼ်းပိူင်ႈၵၼ် ၵူႈဝၼ်း ၵူႈၶၢဝ်းယၢမ်းယဝ်ႉ။

   📖ေၵႃႉဢၼ်ေမႃယူႇၵတ်း"ယဵၼ်" 

ဢမ်ႇဝႃႈၽၢႆႇၼႃႈၽၢႆႇလင်ပိူၼ်ႈၼၼ်ႉ ယွၼ်ႉၶဝ်ၵႆႉလူလိၵ်ႈေဢႃႈ။

    📖ၵၢၼ်လူလိၵ်ႈၼႆႉ ႁဵတ်းႁႂ်ႈပိုၼ်ႉႁူႉ ပၢႆးႁၼ်တိူဝ်းလိူဝ်မႃးၼႆၼၼ်ႉ 

ၵူၼ်းၵူႈၵေႃႉဢွၼ်ၵၼ်ဝူၼ်ႉမႅၼ်ႈၵၼ်ယူႇ။

လွင်ႈေတႉယဝ်ႉ ၵၢၼ်လူလိၵ်ႈၼႆႉ ႁဵတ်းႁႂ်ႈပိုၼ်ႉႁူႉပၢႆးႁၼ် တိူဝ်းလိူဝ်မႃး

သေဢမ်ႇၵႃး လွင်ႈလီမၢင်လွင်ႈ ဢၼ်မီးၽွၼ်းလီ ယင်းမီးထႅင်ႈတင်းၼမ်။

ယွၼ်ႉၼၼ်  မိူဝ်ႈတၼ်းၼၼ်ႉ လူလိၵ်ႈႄလႈ လွင်ႈလူလိၵ်ႈ ပႅၵ်ႇပိူင်ႈသင်

မႃးလႃႇပေႃးဝႃႈၼႆၸိုင် ?

     1# လူလိၵ်ႈၼႆႉ ႁဵတ်းႁႂ်ႈဢွၵ်းေဢႃၸိုၼ်ႈပၢင်ႇ။

လွင်ႈလူလိၵ်ႈၼၼ်ႉ မၼ်းႁဵတ်းႁႂ်ႈဢွၵ်းဢေႃသူၶဝ်  ႁဵတ်းၵၢၼ်လႆႈလီ။

ဢွၵ်းဢေႃႁဝ်းၼၼ်ႉ မိူၼ်တင်း ဢဵၼ်ႁႅင်းတူဝ်ၶိင်းႁဝ်းၼၼ်ႉၵူၺ်း

ႁဵတ်းၽိုၵ်းသၼ်း ၼမ်မွၵ်ႈၵႃႈႁိုဝ်ၵေႃႈ  တိူဝ်းၵႅၼ်ႇၶႅင်မႃးမွၵ်ႈၼၼ်ႉယဝ်ႉ။

    2# လူလိၵ်ႈၼႆႉ ပၼ်ႁႅင်းတီႈႁဝ်းပၵ်းသႂ်ႇၸႂ်လႆႈလီ။

    ၸၢတ်ႈပၢၼ်ၼႆႉ သင်ၶႂ်ႈၶႅမ်ႉလႅပ်ႈဢွင်ႇမၢင်ႇေသလွင်ႈ"ၸိုင် ႁူႉၵႃႈ

တေလႆႈပၵ်းၸႂ်သႂ်ႇၶေႃးတေႉ"ဝႃႈ"ယူႇယဝ်ႉ  မိူဝ်ႈၽွင်းသူလူလိၵ်ႈ ၼႂ်းပပ်ႉ႞

ယူႇၼၼ်ႉၸိုင် သူေတလႆႈသႂ်ႇၸႂ်ၼိူဝ်တူဝ်လိၵ်ႈ ဢၼ်မီးတီႈမၢင်ၸေႈၼၼ်ႉ

လႄႈ သူေတမုင်ႈမွင်း ၼိူဝ်လမ်ႉၵႂၢမ်းၼၼ်ႉယူႇ။   လွင်ႈလူလိၵ်ႈၼၼ်ႉ 

ၽိူမ်ႉထႅမ်ပၼ် လွင်ႈသူေတသႂ်ႇၸႂ်ၼိူဝ်ေသလွင်ႈ"ၼၼ်ႉယူႇ။

    3# လူလိၵ်ႈၼႆႉ ပိုၼ်ႉႁူႉပၢႆးႁၼ်တေတိူဝ်းလိူဝ်ၵဝ်ႇ

လွင်ႈလူလိၵ်ႈၼၼ်ႉ  ၽိူမ်ႉထႅမ်ပၼ် တၢင်းႁူႉသေလွင်ႈ"မေႃထတ်းသၢင်

ဝူၼ်ႉလႆႈၼၼ်ႉေၵႃႈ ေတတိူဝ်းလိူဝ်မႃးယူႇ။ ပႅၵ်ႉသမ်ႉဝႃႈ ပပ်ႉလိၵ်ႈမၢင်ၸိူဝ်း

 ေတပပ်ႉလဵၵ်ႉ"ၵူၺ်းဝႃႈၼၼ်ေသတႃႉ ဢၼ်သူပၼ်ၶၢဝ်းယၢမ်းေသလူ

လိၵ်ႈတီႈၼႂ်းပပ်ႉၼၼ်ႉ  ေတမီးဝႆႉပႃးလွင်ႈသူေတလႆႈၸႂ်ႉတိုဝ်း ပၼ်ၺႃႇၼၼ်ႉ

တင်းၼမ်ယူႇ။  လူလႆႈၼမ်ၵႃႈႁိုဝ်ေၵႃႈတိုၼ်းပၼ်ၽွၼ်းလီၵႃႈၼၼ်ႉယဝ်ႉ။

     4# လူလိၵ်ႈၼႆႉ ၸွႆႈလူတ်းယွမ်းၸႂ်သုၵ်ႉသၵ်ႉ(ႁိပ်ႇႁွပ်ႈ)

ပပ်ႉလိၵ်ႈၶႅမ်ႉ" ပပ်ႉၸိူင်းၶႅမ်ႉ"လႂ်ၸိူဝ်းၼၼ်ႉ ေတၸၢင်ႈၸၼ်ၸႂ်သူ  ႁွတ်ႈထိုင်

ထႅင်ႈလုမ်ႈၾႃႉမႂ်ႇလုၵ်ႈၼိုင်ႈေသ ၸၢတ်ႈပၢၼ်သူယၢမ်းလဵဝ် လွင်ႈၸႂ်သုၵ်ႉ

သူေၵႃႈ ေတလူတ်းယွမ်းလႆႈၶႅမ်ႉတိူဝ်းလူိဝ်ဢမ်ႇႁၢင်ႉ ။

   5# လူလိၵ်ႈၼႆႉ ၸွႆႈထႅမ်ႁႂ်ႈသူၼွၼ်းလပ်းလႆႈလီၵွၼ်ႇ

မိူဝ်ႈယိပ်းပပ်ႉလိၵ်ႈ ၶိုၼ်ႈမႃးေသပပ်ႉၼိုင်ႈၼၼ်ႉ ေတၵႆႉငိၼ်းဝႃႈ 

ၼွၼ်းလပ်းၵႂႃႇၼႆယူႇ။  ယွၼ်ႉပႆႇမီးယိၼ်ႉၵၢၼ်ၽိုၵ်းလူလႄႈၸၢင်ႈပဵၼ်ယူႇ။

ၵူၺ်းၵႃႈ ဢွၼ်တၢင်းပႆႇၼွၼ်းၼၼ်ႉ သင်မီးတၢင်းယၢမ်ႈၽိုၵ်းလူလိၵ်ႈလီ

ယဝ်ႉၼႆၸိုင် သူလူလိၵ်ႈဢမ်ႇၼမ်ေၵႃႈေဢႇပၼ်ၼႆ သူေတၼွၼ်း

လပ်းလႆႈလီလီယူႇဢမ်ႇႁၢင်ႉယဝ်ႉ။

  📗ပဵၼ်ၵူၼ်းမိူၼ်ၵၼ်ေသတႃႉ ၵူၼ်းၵႆႉလူလိၵ်ႈႄလႈဢမ်ႇလူၼၼ်ႉ

ေတႁၼ်ပိူင်ႈၵၼ်ဝႆႉတင်းၼမ်ယူႇေဢႃႈ။

ဢဝ်ႄတႇလွင်ႈလၢတ်ႈၸႃ၊လွင်ႈႁဵတ်းသၢင်ႈ တိုၼ်းႁႃႁၼ်လႆႈတီႈပိူင်ႈၵၼ်ၼၼ်ႉ

ယူႇယဝ်ႉ။  ၵူၼ်းၵႆႉလူလိၵ်ႈၶဝ်ၼႆႉ တႃႇပိူၼ်ႈေတၶႂ်ႈႁူမ်ႈႁဵတ်းၵေႃႉၸွမ်းေၵႃႈ

ၼင်ႇႁၢင်ႈတေႁၼ်ဝႆႉတင်းၼမ်ယူႇ ယွၼ်ႉၼၼ်လူလိၵ်းၼမ်ၼမ်ႄလႈ 

ဢမ်ႇပေႃးၸႅၵ်ႇပၼ်ပိူၼ်ႈၵေႃႈ ထႅမ်တၢင်းႁူႉတူဝ်ၵဝ်ႇၵေႃႈ ႁႃတီႈဝႃႈဢမ်ႇမီးယဝ်။

ၶႂ်ႈသင်ႇ......

လူလိၵ်ႈေသ သွၵ်ႈႁႃထႅမ်တၢင်းႁူႉႄလႈ။

လူလိၵ်ႈေသ သွၵ်ႈႁႃပၢႆးဝူၼ်ႉမႂ်ႇႄလႈ။

လူလိၵ်ႈေသ ၶူင်သၢင်ႈႁဵတ်းႁႂ်ႈေလႃးၵၶူင်းၵၢင်ႁၢင်ႈလီႄလႈ။

လူလိၵ်ႈေသ ပွင်ႈသၢင်ႈၸၢတ်ႈပၢၼ်သူႁႂ်ႈႁၢင်ႈလီၵႂႃႇလႈ။

📗📗📗📗📗📗📗📗📗📗📗📗📗

📚ၶွပ်ႈၸႂ်ယႂ်ႇၼမ်ထိုင်ၽူႈလူလိၵ်ႈႁဝ်းၶဝ်

ပိၼ်ႇတႅမ်ႈ မူၺ်လၢဝ်ၶိူဝ်း (ၸၢမ်လီ)