သူလိူၵ်ႈဢမ်ႇလႆႈ
လိူၵ်ႈဢမ်ႇလႆႈ
သူလိူၵ်ႈဢမ်ႇလႆႈ တီႈသူၵိူတ်ႇမႃး တေၽၢၼ်ႁႃႉမီး
ၵူၺ်းၵႃႈ သူလိူၵ်ႈလႆႈဝႃႈ သူတေယူႇၵႂႃႇ လူၺ်ႈမီးႁႃႉၽၢၼ် ။
သူလိူၵ်ႈဢမ်ႇလႆႈ တီႈသူၵိူတ်ႇမႃး တေႁၢင်ႈလီႁႃႉ
ႁၢင်ႈၸႃႉ ၵူၺ်းၵႃႈ သူလိူၵ်ႈလႆႈဝႃႈ ၼမ်ႉၸႂ်သူၼၼ်ႉ
တေလီႁႃႉ တေၸႃႉ ။
သူလိူၵ်ႈဢမ်ႇလႆႈ တီႈသူၵိူတ်ႇမႃး တေလႆႈထူပ်းတင်းၵူၼ်းႁၢႆႉႁႃႉ ထူပ်းၵူၼ်းလီ ၵူၺ်းၵႃႈ
သူလိူၵ်ႈလႆႈဝႃႈ သူတေဢမ်ႇႁၢႆႉၸွမ်းမၼ်း ။
သူလိူၵ်ႈဢမ်ႇလႆႈ တီႈသူၵိူတ်ႇမႃး
တေပဵၼ်ၵူၼ်းႁူၼူၵ်ႇႁႃႉ တႃမွတ်ႇ
ၵူၺ်းၵႃႈ သူလိူၵ်ႈလႆႈဝႃႈ တေဢမ်ႇထုၵ်ႇပိူၼ်ႈဢဝ်သၢႆတႃ တူၺ်းသူလူၺ်ႈလွင်ႈထၢင်ႇလဵၵ်ႉလႄႈ သူၵေႃႈတေဢမ်ႇတူၺ်းထၢင်ႇလဵၵ်ႉပိူၼ်ႈ ။
သူလိူၵ်ႈဢမ်ႇလႆႈ တီႈသူၵိူတ်ႇမႃး
တေပဵၼ်လုၵ်ႈၸဝ်ႈႁႆႈႁႃႉ ဢမ်ႇၼၼ် ၸဝ်ႈၵႃး
ၵူၺ်းၵႃႈ သူလိူၵ်ႈလႆႈဝႃႈ သူႁဵတ်းလွင်ႈလီႁႃႉဢမ်ႇလီ။
သူလိူၵ်ႈဢမ်ႇလႆႈ တီႈသူတေမႃးထူပ်း ၵူၼ်းၸိူင်ႉႁိုဝ်
တီႈၼႂ်းၸၢတ်ႈပၢၼ်သူ ၵူၺ်းၵႃႈ သူလိူၵ်ႈလႆႈဝႃႈ
သူၶႂ်ႈၸႂ်ႉၸၢတ်ႈပၢၼ်ၸိူင်ႉႁိုဝ် ယူႇၵႂႃႇၸွမ်းမၼ်း ။
သူလိူၵ်ႈဢမ်ႇလႆႈ ဝႃႈပိူၼ်ႈတေတူၺ်းႁၼ်ထိုင်ၼႂ်းတူဝ်
သူၸိူင်ႉႁိုဝ် ၵူၺ်းၵႃႈ သူလိူၵ်ႈလႆႈဝႃႈ သူတေဝူၼ်ႉၸိူင်ႉႁိုဝ်ႄလႈ သူတေတေႃႇသူႈၸၢတ်ႈပၢၼ်သူၵႂႃႇၸိူင်ႉႁိုဝ် ။
လွင်ႈႁၢႆႉꧦဢၼ်သူလႆႈထူပ်းယူႇဝၼ်းမိူဝ်ႈၼႆႉ
တေပဵၼ်ဢၼ်ၸုင်ၸၼ်သူ ၵႂႃႇထူပ်းၵူၼ်းလီဝၼ်းမိူဝ်းၼႃႈလႄႈ
လွင်ႈလီꧦ ၼႂ်းဝၼ်းမိူဝ်ႈၼႆႉ မၼ်းၸၢင်ႈႁဵတ်းႁႂ်ႈႁဝ်းၵႂႃႇထူပ်းလွင်ႈႁၢႆႉꧦဝၼ်းမိူဝ်းၼႃႈ
ၵေႃႈ ၸၢင်ႈပဵၼ်လႆႈမိူၼ်ၵၼ်။
ၵူၺ်းၵႃႈ လွင်ႈတီႈသူႁဵတ်းယူႇၼႆႉ
တေႁၢႆႉႁႃႉလီမၼ်းၵေႃႈ ယူႇတီႈလွင်ႈႁဵတ်းသၢင်ႈႁဝ်းၼႂ်းဝၼ်းမိူဝ်ႈၼႆႉ
ယွၼ်ႉၼၼ် လိူၵ်ႈတီႈဢၼ်ထုၵ်ႇလီလိူၵ်ႈ တႃႇၸၢတ်ႈပၢၼ်သူလႄႈၼႃႈ ။
