သႅတ်ၸႃႇဢွၼ်ႇၼၢင်းယိင်းၵေႃႉ႞ လႄႈ လွင်ႈႁူဝ်ၸႂ်လႆႈမၢတ်ႇၸဵပ်း

==================================

ၼၢင်းယိင်းၵေႃႉ႞.....

လပ်ႉလင် လွင်ႈမေႃထိင်းသိမ်းပႅင်းမႅတ်ႇၼၼ်ႉ

တိုၼ်းမီးၵႃႈၶၼ်ၸွမ်းတြႃးယူႇယဝ်ႉ။

လပ်ႉလင် လွင်ႈမေႃတႅပ်းတတ်းၼၼ်ႉ

တိုၼ်းမီးပႃးလွင်ႈ ၸၼ်ႉထၢၼ်ႈယူႇယဝ်ႉ။

လပ်ႉလင် ဢမ်ႇလၢတ်ႈဢွၵ်ႇသဵင်သင်ယဝ်ႉၼၼ်ႉ

တိုၼ်းမီးလွင်ႈၸႂ်လဵၵ်ႉၶေႃးၶူမ်ၸဵပ်းၼႂ်းၸႂ်ယူႇယဝ်ႉ။

လပ်ႉလင် လွင်ႈဢူတ်းယိူၼ်ႉသီးဝႆႉၼႂ်းၸႂ်ၼၼ်ႉ

တိုၼ်းမီးလွင်ႈပွႆႇပၼ်လွတ်ႈလႅဝ်းယူႇယဝ်ႉ။

လပ်ႉလင် လွင်ႈၵတ်းယဵၼ်ၸႂ်ၼၼ်ႉ

တိုၼ်းမီးလွင်ႈၸႂ်သုၵ်ႉယုင်ႈသဵင်ႈၸႂ် 

ပွႆႇမိုဝ်းၽႃႈဝၢင်းပႅတ်ႈယူႇယဝ်ႉ။

လပ်ႉလင် လွင်ႈပွႆႇဝၢင်းၶႂၢင်ႉလွတ်ႈပၼ်ၼၼ်ႉ

တိုၼ်းမီးလွင်ႈ ဢုပိၵ်ႉၶႃႇဝႆႉယူႇဢိူဝ်ႈ။

လွင်ႈၸဵပ်းၸႂ်ၼၢင်းယိင်း ၵေႃႉ႞ တီႈဢမ်ႇ

လႆႈပိုတ်ႇဢူၵ်းပိုတ်ႇၸႂ်ၼႄပၼ်ၽႂ်ႁူႉယဝ်ႉ

လႆႈဢူတ်းယိူၼ်ႉသီးဝႆႉၼႂ်းၸႂ် လၢႆပွတ်းတွၼ်ႈ

သွၼ်ႉၵၼ်တၢင်းၼမ်သေ မူၵ်းသိူင်ႇၸဵပ်းၵႅၼ်းယူႇ

တၢင်းၼႂ်း ငၢႆးၼင်ႇ ၵူၼ်းယူႇၼႂ်းၶွင်ႉၵႅပ်ႈၵႅပ်ႈလဵၵ်ႉလဵၵ်ႉ

ဢၼ်ႁႃသဵၼ်ႈတၢင်းဢွၵ်ႇဢမ်ႇႁၼ်ၼင်ႇၼၼ် ဢမ်ႇပိူင်ႈသင်။

……………………………………………

မိူဝ်ႈတေႇႁူႉဝႃႈ ပဵၼ်တၢင်းလိင်ႉလႅၼ်

ၽူႈၸၢႆးၵေႃႉ႞ၼႆၼၼ်ႉ ပဵၼ်လွင်ႈလိူတ်ႇမႆႈ

ၸႂ်လမ်ႁိုၼ်ႉလူင်ၶိုၼ်ႈမႃးယူႇၵွၼ်ႇယဝ်ႉ။

ယွၼ်ႉၸႂ် ၶၢတ်ႇဢမ်ႇတႅတ်ႈၼႅတ်ႈလႄႈ

ယွမ်းၼွမ်းသေ ႁုၵ်ႉၸၼ်လွင်ႈလိူတ်ႇ

မႆႈလူင်ၼၼ်ႉ ယူႇမႃးၵွၼ်ႇ။

သင်ဢမ်ႇယွမ်း ၸုၼ်ႉပွႆႇပႅတ်ႈလႆႈၵေႃႈ

တေလႆႈၵူမ်ႈႁူဝ် ယူႇၼႂ်းလွင်ႈလိင်ႉလႅၼ်ၼႆၸိုင်

ဢမ်ႇလၢတ်ႈသင်သေ ဢဝ်ပိူင်ႇငမ်းလွင်ႈၼႅင်ၸႂ်

လူင်ၼၼ်ႉသေယူႇမႃးၵွၼ်ႇယဝ်ႉ။

ၵမ်းဢိတ်း"သေ ပွင်ႇၸႂ်မႃးယဝ်ႉဢိူဝ်ႈ

မီးၸႂ်ယူႇၵေႃႈ ဢမ်ႇမီးသုၼ်ႇ တွပ်ႇတႅၼ်းသင်လႆႈ

ၼႂ်းၸူဝ်ႈပၢၼ်ၵေႃႉယိင်းၼႆႉ!  သင်မၼ်းႁဵတ်းၸိုင်

ယိင်းတေၶိုၼ်းႁဵတ်းၵိူဝ်ႉၼႄၶိုၼ်းၼင်ႇၼၼ် 

ၵူၺ်းဢမ်ႇသၢင်ႇထုၵ်ႈၼႂ်းၸူဝ်ႈပၢၼ်ၼၢင်းယိင်းႁိုဝ် 

ဢဝ်ၸႂ်ယဵၼ်ယဵၼ် သေၶိုၼ်းတေႇမႂ်ႇမႃးယဝ်ႉဢိူဝ်ႈ။

တီႈလွင်ႈၽိူၵ်ႇၸိုၼ်ႈၶၢဝ်သႂ်မႅတ်ႉတႃႇဢၼ်

ႁဝ်းလႆႈယိုၼ်ႈပၼ်ၼၼ်ႉသေ ပဵၼ်လွင်ႈသၢၼ်ၶတ်း

ၵၼ်လူင်ဝႆႉ ၽၢႆႇႁဝ်းသမ်ႉ ပဵၼ်လွင်ႈၸဵပ်းၵႅၼ်း

ယူႇၵေႃႉလဵဝ် သႅတ်ႉၸႃႇဢၼ်လႆႈၵေႃႇတင်ႈ

မၼ်းၵိုမ်းမႃး ၽၢႆႇၶဝ်ဢူၼ်ႈဢွၼ်ႇၵႂႃႇ ဢမ်ႇငၢမ်ႇ

ၵၼ်လႄႈ မေႃဢဝ်မႃႇၼ ဢၼ်ၸွမ်းတြႃးသေ

ထွႆလင်ပွၵ်ႈဝၢႆႇၶိုၼ်းမႃးယဝ်ႉဢိူဝ်ႈ။

……………………………………………

ၼၢင်းယိင်းမိူၼ်ၵၼ်ယူႇသေတႃႉၵေႃႈ

သင်ဢမ်ႇႁူႉ လွင်ႈဝႃႈၵႃႈၶၼ်မၼ်းပိူင်ႈၵၼ်ၵေႃႈ

ၵွပ်ႈသင်လႄႈ တေဢဝ်ဢိူမ်ႈဝႆႉႁိမ်းၸႂ်ႁဝ်း

ႁဵတ်းသင်လႃႇ။

တိုၼ်း ပွႆႇဝၢင်းလႆႈ ပုတ်းၶၢတ်ႇယဝ်ႉ

ၸူႉႁၵ်ႉမိူၼ်ၵၼ်ၵေႃႈ လွင်ႈဝႆႉၸေႇတၼႃႇၼိူဝ်

ၵၼ်လူၺ်ႈၵေႃႉဢမ်ႇမေႃၸႅၵ်ႇႁၼ်ၼၼ်ႉ 

တေဝႆႉလွင်ႈၼွင်ႇႁွႆႈ ၸႂ်တိတ်းၸပ်းယွၼ်ႉပိူဝ်ႈသင်

တၢင်းၸဵပ်းသႅပ်ႇ 

တီႈဢၼ်ဢမ်ႇပႃးလွင်ႈၸႂ်ပႅင်းၸင်းသင် သေ

မေႃလဵင်ႉၸႂ်ႁတ်းႁၢၼ် ဝိၼ်ႇဝၢႆႇလင်မႃးလႆႈယဝ်ႉ။

တီႈတႄႉမၼ်း တၢင်းႁၵ်ႉဢၼ်ဝႃႈၼႆႉ

မၢင်ပွၵ်ႈမၢင်လႂ် ပေႃးမေႃပွႆႇၽႃႈပႅတ်ႈၵွၼ်ႇ

ၸႂ်လွင်ႈၸဵပ်းၵႅၼ်းၼၼ်ႉ ၸင်ႇသၢၵ်ႈသႃႇမႃးဢိူဝ်ႈ။

မၢင်ပွၵ်ႈမၢင်လႂ်သမ်ႉ

သင်ဝႆႉၵႃႈၶၼ်ယႂ်ႇႁႅင်းၸိုင် တႃႇပွႆႇၽႃႈၼၼ်ႉ

တိုၼ်းၸၢင်ႈၼႄသၢႆငၢႆ လၵ်းထၢၼ်မၼ်းဢွၵ်ႇမႃးဢိူဝ်ႈ။

သင်ႁၵ်ႉႁႅင်းၼႆၵေႃႈ

ႁႂ်ႈမေႃလဵင်ႉပႃးၸႂ်ဢၼ် ႁတ်းၸုၼ်ႉၼၼ်ႉၵွၼ်ႇ

ဝႆႉၵႃႈၶၼ်ယူႇလႄႈ ႁၢႆႉမိူၵ်ႈတေႃႇၸိုင်

လူဝ်ႇလဵင်ႉပႃးၸႂ် ဢၼ်မေႃထိပ်ႇဢွၵ်ႇ

ပႅတ်ႈၼၼ်ႉၵွၼ်ႇ တၢင်းႁၵ်ႉဢၼ်ဝႃႈၼႆႉ

မၢင်ပွၵ်ႈၸၢင်ႈႁဵတ်းႁႂ်ႈႁၢဝ်ႉႁႅင်းဢိူဝ်ႈ။

……………………………………………

ၽိူဝ်ႇတေၵုမ်ႇႁွင်ႉမွၵ်ႇလၢတ်ႈဝႃႈ

" တၢင်းႁၵ်ႉ ပၼ်ၵႃႈႁိုဝ်ၵေႃႈ ဢမ်ႇႁွၼ်ႇလႆႈၶိုၼ်း"

 ၼႆယူႇမၢင်လႂ် တႃႇလႆႈၼၼ်ႉ ထုၵ်ႇလီၶတ်းၸႂ်ယူႇဢိူဝ်ႈ။

မိူဝ်ႈတေႁၵ်ႉ ၵူၼ်းသေၵေႃႉ"ယဝ်ႉၼၼ်ႉ

"ဝႆႉသႅတ်ႉၸႃႇ မၼ်ႈၵိုမ်း" ဝႆႉၵႃႈၶၼ်ၼိူဝ်ၵၼ်

သေႁၵ်ႉမႃးလႄႈ တႃႇယူႇႁူမ်ႈၵၼ်ၼၼ်ႉ

 လႆႈမီးၸႂ်ဢတ်ႉတၼၼ်ႉ ၽိတ်းယူႇႁႃႉ?။

……………………………………………

ၽၢႆႇႁဝ်း ပဵၵ်ႉသမ်ႉႁဵတ်းႁႂ်ႈလီထီႉသုတ်းယူႇၵေႃႈ

ပႃႈၼႃႈပဵၼ်မဵဝ်း႞ လပ်ႉလင်သမ်ႉပဵၼ်မဵဝ်း႞

ၵေႃႉႁၵ်ႉဢၼ်မေႃယွၵ်ႇလႅၼ်ၼင်ႇၼႆ

ဢဝ်ၸႂ်ဢုပိၵ်ႉၶႃသေထိပ်ႇဢွၵ်ႇမႃးလႄႈ ယင်းဝႃႈ

ၽိတ်းယူႇၸိုင် လၢတ်ႈဝႃႈ ၽိတ်းလိူဝ်ဢမ်ႇၵႃးပၢၵ်ႇပွၵ်ႈ

ၼႆၵေႃႈယဝ်ႉမၼ်းလႄႈ။

မၢၵ်ႇႁူဝ်ၸႂ်ၽိူၵ်ႇၸိုၼ်ႈၶၢဝ်သႂ်ဢွၼ်ႇၼႆႉ

လႆႈတၢင်းယွမ်ႉသီ တွပ်ႇတႅၼ်းၶိုၼ်းပၼ် 

မႃးၸိူင်ႉၼင်ႇၼႆၵေႃႈ ၸဝ်ႈၵဝ်ႇတႄႉ

 ႁၢၼ်ႉၸႂ်ပၼ်ၶဝ်လႆႈယူႇဢိူဝ်ႈ။

Credit #Nong-Hark(❤️)