သင်ၶႂ်ႈမၢၵ်ႈမီးၸိုင် လႅၵ်ႈလၢႆႈၸိူဝ်းၼႆႉၵွၼ်ႇ
တွၼ်ႈတႃႇၽူႈၸိူဝ်းၶႂ်ႈမၢၵ်ႈမီး
တိုၼ်းထုၵ်ႇလီႁူႉဝႆႉ လွင်ႈၼႆႉ ပၼ်ၶၢဝ်းယၢမ်း
သေလူလိၵ်ႈႁူဝ်ၼႆႉႁႂ်ႈလႆႈလႄႈ။
သူတိုၼ်းတေဢမ်ႇၸၢင်ႈမၢၵ်ႈမီးလႆႈသေပွၵ်ႈ
သင်ၸိူဝ်ႉပဵၼ်ယူႇၼင်ႇၼႂ်း (9)ၶေႃႈၸိူဝ်းၼႆႉ။
ၵူၼ်းႁဝ်းၵူႈၵေႃႉ တိုၼ်းၶႂ်ႈမၢၵ်ႈမီးမိူၼ်ၵၼ်ယူႇယဝ်ႉ။
တႃႇမၢၵ်ႇမီးၵေႃႈ ၵုမ်ႇလႆႈၶတ်းၸႂ်ႁင်းၽႂ်မၼ်းယူႇသေႇ"
ၵူႈၶၢဝ်း ၵူႈဝၼ်း ႁင်းၽႂ်မၼ်းယူႇယဝ်ႉ ၵူၺ်းၵႃႈ
ၵွပ်ႈပိူဝ်ႈသင်လႄႈ ၵူၼ်းၵူႈၵေႃႉသမ်ႉဢမ်ႇမၢၵ်ႈမီးလႃႇ?
ၵူၼ်းၵမ်ႈၽွင်ႈၶဝ်တေလၢတ်ႈဝႃႈ ပဵၼ်ယွၼ်ႉ ဝူတ်ႈၵၢမ်ႇ
ဝၼ်းလင်ႁဝ်းႁဵတ်းမႃးၵူၺ်းၼႆယူႇယဝ်ႉ။
တီႈတေႉမၼ်းၵေႃႈ ဢမ်ႇၸိုဝ်ႈၸိူင်ႉၼၼ်
လွင်ႈတၢင်း ဢၼ်ဢမ်ႇမၢၵ်ႇမီးၼၼ်ႉၵေႃႈ
ယွၼ်ႉဝႃႈ ငဝ်ႈၶၢမ်ႇပိုၼ်ႉၵၢၼ်လႅၵ်ႈလၢႆႈ ဢၼ်ႁဝ်း
ထုၵ်ႇလီလႆႈမီးၼၼ်ႉၵူၺ်းၵေႃႈ ၸဝ်ႈၵဝ်ႇသမ်ႉ
ဢမ်ႇယွမ်းၶႂ်ႈလႅၵ်ႈလၢႆႈမၼ်းပႅတ်ႈလႆႈၼၼ်ႉယဝ်ႉ။
သင်ၸိူဝ်ႉဝႃႈ သူႁဵတ်းမႅၼ်ႈ ၼင်ႇၶေႃႈပႃႈတႂ်ႈ
ၸိူဝ်းၼႆႉၸိုင် တွၼ်ႈတႃႇသူတေပဵၼ်
ၽူႈမၢၵ်ႈမီးမႃးလႆႈၼႆၼၼ်ႉ သၢႆငၢႆမၼ်းဢမ်ႇပေႃး
ၶႂ်ႈၸႅင်ႈလႅင်း ဢမ်ႇႁၼ်တၢင်း ဢမ်ႇၸပ်းႁွႆးမၼ်းယဝ်ႉ။
1 ) သူ ၵုမ်ႇသူၼ်ၸႂ်ၼႂ်း လွင်ႈၵၢၼ်ငိုၼ်းႁွမ်ၵူၺ်း
ဢမ်ႇႁဵတ်းႁႃႁႂ်ႈငိုၼ်းၶဝ်ႈလႆႈတိူဝ်းလိူဝ်ၵဝ်ႇ။
တႃႇတေမၢၵ်ႈမီးၼၼ်ႉ လွင်ႈၶတ်းၸႂ်သႂ်ႇၶေႃး ႁွမ်ငိုၼ်းၼႆႉ
လွမ်ႇလွင်ႈယူႇဢိူဝ်ႈ ၵူၺ်းၵႃႈ ၵုမ်ႇပၵ်းၸႂ်တီႈၵၢၼ် ႁွမ်ငိုၼ်း
ၼၼ်ႉၵူၺ်းတႄႉ ဢမ်ႇပႆႇပဵၼ်ၵွၼ်ႇ။
သင်ၵုမ်ႇပၵ်းၸႂ်ယူႇတီႈငိုၼ်းႁွမ်ၼၼ်ႉၵူၺ်းၸိုင်
လိူဝ်သေသႂ်ႇၸႂ်ၼိူဝ်ၵၢၼ်ငိုၼ်းဢၼ်ၶဝ်ႈယူႇယၢမ်းလဵဝ်ယဝ်ႉ
တႃႇတေသိုပ်ႇႁႃထႅင်ႈတၢင်ႇလၢႆးၼၼ်ႉၵေႃႈ တေဢမ်ႇၶဝ်ႈ
ၸႂ်ယဝ်ႉ။
သင်ၸိူဝ်ႉဝႃႈ ႁဝ်းဝူၼ်ႉ မိူၼ်ၸိူင်ႉၼင်ႇ
ၽူႈမၢၵ်ႈမီးၶဝ်ၼၼ်ႉၼႆၸိုင် တေဢမ်ႇလႆႈမႆႈၸႂ်
ၼိူဝ်ငိုၼ်းဢၼ်ၸဝ်ႈၵဝ်ႇမီးဝႆႉၼၼ်ႉယဝ်ႉ၊
ထုၵ်ႇလီပၵ်းၸႂ်ၼိူဝ်ၵၢၼ် ႁႃငိုၼ်းၶဝ်ႈႁႂ်ႈလႆႈတိူဝ်း
လိူဝ်ၵဝ်ႇၼၼ်ႉၵူၺ်း။
2) ဢမ်ႇပႆႇလႆႈၽင်တိူၼ်းလၢင်းသင်ဝႆႉ။
ၽူႈမၢၵ်ႈမီးၶဝ် ပေႃးတေမႃးၽတ်ႉၽဵင်ႇၸိုင်
ငိုၼ်းၶဝ်ႈၶဝ်မွၵ်ႈ 20% ၼႆႉ ၶဝ်ဢဝ်ၽင်ၶိုၼ်း
တိူၼ်းလၢင်းၶိုၼ်းယဝ်ႉ။ တီႈတေႉတေႉမၼ်း
ၸူဝ်ႈပၢၼ်ၼႆႉ ၽၢင်တိူၼ်းလၢင်းၸဝ်ႉလႆႈၵႃႈႁိုဝ်
ၵေႃႈလီၵႃႈၼၼ်ႉယဝ်ႉ။
ပဵၵ်ႉသမ်ႉဢမ်ႇ ၽင်တိူၼ်းလၢင်းလႆႈၼမ်ၼႆၵေႃႈ
တေႇၵၢၼ်ၵႂႃႇလွႆးလွႆးၵေႃႈ လႆႈယူႇၵူၺ်း။
သင်ၸိူဝ်ႉဝႃႈ ဢမ်ႇပႆႇၽင်တိူၼ်းလၢင်း
ၼိူဝ်ၵၢၼ်ၽၢႆႇပၢႆးမၢၵ်ႈမီးလႆႈၼႆသေတႃႉၵေႃႈ
ၼင်ႇႁိုဝ်တူဝ်ၸဝ်ႈၵဝ်ႇ တေမီးၼမ်ႉၵတ်ႉ
တၢင်းႁူႉႁၼ်မႂ်ႇတိူဝ်းမႃးထႅင်ႈၼၼ်ႉ သႂ်ႇၸႂ်
ၽင်တိူၼ်းလၢင်းၼမ်ႉၵတ်ႉဢွၼ်တၢင်းၵွၼ်ႇလႄႈ။
ဢဝ်တီႈၼႂ်းငိုၼ်းၵႃႈႁႅင်း(ငိုၼ်းလိူၼ်)ၼၼ်ႉ
ၸႅၵ်ႇဢွၵ်ႇၽွင်ႈသေ ၸႂ်ႉတိုဝ်းတီႈဢၼ်မီးၽွၼ်း
ၼင်ႇႁိုဝ်ၼမ်ႉၵတ်ႉ ၸဝ်ႈၵဝ်ႇပေႃးတေၶိုၼ်ႈသင်ႉ
မႃးလႆႈၼၼ်ႉဝႆႉလႄႈ။
3)ၵုမ်ႇသိူဝ်းၸွမ်းၵႃႈႁႅင်း(ငိုၼ်းလိူၼ်)ဢၼ်ၶဝ်ႈၼိမ်ယဵၼ်။
ၵူၼ်းၵမ်ႈၽွင်ႈၵမ်ႈၼမ်သမ်ႉ တွၼ်ႈတႃႇၶၢဝ်းယၢမ်းၼႂ်း
ၸူဝ်ႈပၢၼ်ၶဝ် လႆႈဢဝ်ၵႂႃႇလႅၵ်ႈငိုၼ်း ၵေႃႈမီးယဝ်ႉ။
#ပိူင်တႅၵ်ႈ မိူၼ်ၼင်ႇ ႞လိူၼ် ၵႃႈႁိုဝ် ၊ ႞ဝူင်ႈ ၵႃႈႁိုဝ်၊
႞ၸူဝ်ႈမူင်း ၵႃႈႁိုဝ်၊ ၸိူဝ်းၼႆႉယဝ်ႉ။ ၵူၺ်းၵႃႈ ၵူၼ်းၸိူဝ်း
မၢၵ်ႈမီးၶဝ်သမ်ႉဢိင်ဢဝ်ၽွၼ်းဢၼ်လႆႈမႃးၼၼ်ႉသေ
သိုပ်ႇႁႃငိုၼ်းယဝ်ႉ။
ၵမ်ႉၼမ်တႄႉ ၶဝ်ဢမ်ႇတွၼ်ႉႁဵတ်းပၼ်ၵၢၼ်ပိူၼ်ႈ။
ၶဝ်ၸိူဝ်းၼႆႉ မီး Self- employed ဢၼ်ႁွင်ႉဝႃႈ
ၶိုၼ်းပၼ်ၵၢၼ်တူဝ်ၸဝ်ႈၵဝ်ႇၶိုၼ်းႁင်းၵူၺ်း သေႁဵတ်း
ၵၢၼ်ၼၼ်ႉၵူၺ်းယဝ်ႉ။
လွင်ႈၵုမ်ႇသိူဝ်းၸႂ်ၸွမ်းၵႃႈႁႅင်း(ငိုၼ်းလိူၼ်)ၼႆႉ
တႃႇတေထိုင်လႆႈ ပဵၼ်ၽူႈမၢၵ်ႈမီးလႆႈၼၼ်ႉ
တေၸၢင်ႈႁဵတ်းႁႂ်ႈၼိုၵ်းထိူင်းၼၢၼ်းႁိုင်ၵႂႃႇယူႇဢိူဝ်ႈ။
4) မၢင်ပွၵ်ႈမၢင်လႂ်လႆႈ သိုဝ်ႉၶူဝ်ၶွင်တီႈဢမ်ႇၵိုင်ႇၵႃႈတီႈႁဝ်းမီး။
သင်ၵုမ်ႇ ၽိူမ်ႉထႅမ်လွင်ႈတၢင်းဢၼ်ၸဝ်ႈၵဝ်ႇၶႂ်ႈလႆႈ ၶႂ်ႈမီးယူႇ
ၵူႈဢၼ်ၸိုင် သူတိုၼ်းတေဢမ်ႇပဵၼ် ၽူႈမၢၵ်ႈမီးလႆႈသေပွၵ်ႈ။
သင်ၸိူဝ်ႉဝႃႈ ငိုၼ်းၶဝ်ႈတိူဝ်းၼမ်လိူဝ်ၵဝ်ႇမႃးယဝ်ႉၸိုင်
ယႃႇပေၽူမ်ႈလႅၵ်ႈၶႂ်ႈလၢႆႈ Lifestyle ၶိုတ်းၶၼ်
ၸဝ်ႈၵဝ်ႇၼၼ်ႉၸွမ်းၵမ်းလဵဝ်ၵွၼ်ႇ။
လွင်ႈၼႆႉ ပဵၼ်လွင်ႈဢၼ်ယၢပ်ႇယဵၼ်းတႄႉ
ၵူၼ်းၵူႈၵေႃႉ ၵူႈဢမ်ႇႁဵတ်းပဵၼ်လႆႈ။
ၽူႈမၢၵ်ႈမီးလူင် Grant Cardone ယၢမ်ႈလၢတ်ႈဝႆႉဝႃႈ
”လွင်ႈၵၢၼ်ၽင်တိူၼ်းလၢင်း လႄႈ ငိုၼ်းၶဝ်ႈ
ယင်းပႆႇႁူႉလီလီသေ ယႃႇပေၽူမ်ႈဝႃႈ ၵႃးၶိုၵ်ႉၶိုၵ်ႉလႃႈ
တေႃႈဢွမ်မွင်းၶိုၵ်ႉၶိုၵ်ႉဢွၼ်ႇၵူၺ်းၵေႃႈ ဢမ်ႇႁွၼ်ႇ
ယၢမ်ႈလႆႈသိုဝ်ႉမႃး” ၼႆယဝ်ႉ။
သူၶဝ်ၵေႃႈ ၵႃႈႁႅင်း(ငိုၼ်းလိူၼ်)ၶိုၼ်ႈမႃးမိူဝ်ႈလႂ်ၵေႃႈ
ပေၼႅတ်ႈၽူမ်ႈၶႂ်ႈႁႃသိုဝ်ႉ iPhone & Phone ဢၼ်
ဢွၵ်ႇလိုၼ်းသုတ်းၼၼ်ႉၵွၼ်ႇ။
5) ဢမ်ႇမီးတၢင်းႁတ်းႁၢၼ် တႃႇၸွမ်းတၢင်းၾၼ် ၸဝ်ႈၵဝ်ႇ။
သင်ၸိူဝ်ႉဝႃႈ ၼႂ်းၸူဝ်ႈပၢၼ်ၼႆႉၶႂ်ႈဢွင်ႇမၢၼ်ပေႃးၼႆၸိုင်
လူဝ်ႇမေႃႁၵ်ႉႁွမ် ၼိူဝ်ၵၢၼ်ဢၼ်ၸဝ်ႈၵဝ်ႇႁဵတ်းၼၼ်ႉၵွၼ်ႇ ။
ၵွပ်ႈၼႆ ၸဝ်ႈၵဝ်ႇႁၵ်ႉၼိူဝ်လွင်ႈသင် ၼႆၵေႃႈလူဝ်ႇလႆႈႁူႉ
မိူၼ်ၵၼ်လႄႈ တၢင်းႁတ်းႁၢၼ် ဢၼ်မေႃႁဵတ်းသၢင်ႈၸွမ်း
တၢင်းၾၼ်ၼၼ်ႉၵေႃႈ လူဝ်ႇလႆႈမီးဢိူဝ်ႈ။
ၵူၺ်းၵႃႈ ၵူၼ်းၵမ်ႉပႃႈၼမ် ၶဝ်သမ်ႉ
ၵုမ်ႇလႆႈၸွမ်းလင်တၢင်းယိူင်းဢၢၼ်းလူင် ဢၼ်ပေႃႈမႄႈ
တမ်းဝၢင်းဝႆႉပၼ်ၶဝ်ၼၼ်ႉၵူၺ်းယူႇယဝ်ႉ။
6) သူၶဝ် ဢမ်ႇႁတ်းဢွၵ်ႇမႃးတီႈၼႂ်း Comfort Zone ၼၼ်ႉ။
သင်ဝႃႈတေတင်ႈၵၢၼ်မၢၵ်ႈမီးႁင်းၸဝ်ႈၵဝ်ႇၼႆၸိုင်
ၵုမ်ႇမႆႈၸႂ် ၵူဝ်ဝႃႈၵႃႈႁႅင်း(ငိုၼ်းလိူၼ်)တေဢမ်ႇၶဝ်ႈ
မိူၼ်ၵဝ်ႇ ၼႆယူႇၵမ်ႉၼမ်။
ႁဵတ်းၼႆ ၵုမ်ႇၶူင်ႈသၢင်ႈပၼ်ၸွမ်းၼင်ႇတၢင်းၾၼ်
ဢွၼ်ႇဢၼ်ပိူၼ်ႈမီးၼၼ်ႉသေ တေဢဝ်ၸူဝ်ႈပၢၼ်ၶဝ်
မူတ်းၶၢဝ်းယၢမ်းၸွမ်းၵႂႃႇၵူၺ်းယဝ်ႉ။
သင်ၸိူဝ်ႉဝႃႈ ၼႂ်းၸူဝ်ႈပၢၼ်ၼႆႉၶႂ်ႈမၢၵ်ႈမီးၼႆၸိုင်
တေလႆႈမီးတၢင်းႁတ်းႁၢၼ် ၶၢမ်ႇၸုၼ်ႉလႆႈၼၼ်ႉၵွၼ်ႇယဝ်ႉ။
သင်တေၵုမ်ႇမူၵ်းယူႇ တီႈဢွင်ႈဢၼ်လႆႈသၢၵ်ႈသႃႇလူမ်ၸႂ်
ယူႇၼၼ်ႉၵူၺ်းတႄႉ တေဢမ်ႇမၢၵ်ႈမီးမႃးလႆႈၵူၺ်း။
7) ငိုၼ်းၸဝ်ႈၵဝ်ႇၼၼ်ႉ တေလႆႈၸႂ်ႉတိုဝ်းၸိူင်ႉႁိုဝ်ၼႆ
ဢမ်ႇမီးၵၢၼ်ႁၢင်ႈႁႅၼ်းဝၢင်းၽႅၼ်သင်ဝႆႉ။
သင်ၸိူဝ်ႉဝႃႈ ၶႂ်ႈမၢၵ်ႈမီးယူႇၼႆၸိုင် ငိုၼ်းၼၼ်ႉ တေလႆႈၸႂ်ႉ
တိုဝ်းႁႂ်ႈမီးၼမ်ႉတွၼ်းၽွၼ်းလီၼင်ႇႁိုဝ်ၼႆ တေလႆႈႁူႉဢိူဝ်ႈ။
ငိုၼ်းဢၼ်ၶဝ်ႈမႃးၼၼ်ႉ တေဢဝ်ၵႂႃႇၸႂ်ႉတိုဝ်းတီႈလႂ်။
တေႁွမ်ဝႆႉမွၵ်ႈၵႃႈႁိုဝ်၊ တေၽင်တိူၼ်းလၢင်းၵႃႈႁိုဝ်၊
တေၸႂ်ႉၸႂ်ႉၸၢႆႇၵႃႈႁိုဝ် ၸႃႉၵႂႃႇၸိူဝ်းၼႆႉ တေလႆႈႁူႉ
တႅတ်ႈတႅတ်ႈၼႅတ်ႈၼႅတ်ႈဝႆႉၵွၼ်ႇယဝ်ႉ။
8) သူသမ်ႉၸႂ်ႉၸၢႆႇဢွၼ်တၢင်းယဝ်ႉလိူဝ်ၵွၼ်ႇ ၸင်ႇႁွမ်ဝႆႉ။
သူၶဝ် လႆႈငိုၼ်းလိူၼ်မႃးမိူဝ်ႈလႂ်ၵေႃႈ ၵုမ်ႇတေဝူၼ်ႉဝႃႈ
တေလႆႈၸႂ်ႉဢီႈသင် ၵိၼ်သင် ၼႆဢွၼ်တၢင်း။
ယဝ်ႉၵွၼ်ႇ ငိုၼ်းဢၼ်ၵိုတ်းလိူဝ်ၼၼ်ႉ ၸင်ႇႁႃႁွမ်ၼႆၸိုင်
ၸိူင်ႉၼၼ်တႄႉ ပိူင်ႈႁွႆႈမၼ်းယဝ်ႉ။
ယႃႇၸႂ်ႉၶေႃႈဢၢင်ႈသေႁဵတ်းႁႂ်ႈငိုၼ်းဢွၵ်ႇ
”ငိုၼ်း ႁႃတႃႇၸႂ်ႉလူင် ပေႃးႁဝ်းဢမ်ႇၸႂ်ႉၽႂ်တေၸႂ်ႉ
ႁႂ်ႈၵိုင်ႇတၢင်းႁိူဝ်ႉႁဝ်းၵွႃႈ” ၸိူဝ်းၼႆႉ။
သူ တေဢမ်ႇၵိုတ်းလိူဝ်သင်ယဝ်ႉ။
ၵိုတ်းၵေႃႈ တေမီးဢိတ်းဢိတ်းမွၵ်ႈၼၼ်ႉၵူၺ်း။
တီႈတေႉမၼ်း လူဝ်ႇႁွမ်ဢွၼ်တၢင်းယဝ်ႉ သင်လိူဝ်
ၵွၼ်ႇၸင်ႇၸႂ်ႉၸၢႆႇလႄႈ။
ငိုၼ်းၶဝ်ႈ မွၵ်ႈ 10% ၼၼ်ႉၶတ်းၸႂ်ႁွမ်လႄႈ။
လိူဝ်ၼၼ်ႉ တေၸႂ်ႉတိုဝ်းတီႈလႂ်ၼႆ ဝူၼ်ႉဝႆႉလႄႈ။
9) ထၢင်ႇလဵၵ်ႉၼိူဝ်တူဝ်ၵဝ်ႇဝႃႈ လွင်ႈမၢၵ်ႈမီးၼင်ႇၼႆ
တေဢမ်ႇပဵၼ်မႃးလႆႈ။
ၵူၼ်းၵမ်ႉပႃႈၼမ် ဝူၼ်ႉႁၼ်ထိုင်ဝႃႈ လွင်ႈမၢၵ်ႈမီးဢၼ်ဝႃႈၼႆႉ
မၼ်းၵႂႃႇယူႇၸွမ်းၵူၼ်းၽူႈ မီးၵၢမ်ႇမုၼ်သုင်လီၶဝ်ၵူၺ်းၼႆယူႇ။
ၵွပ်ႈပိူဝ်ႈၼႆယဝ်ႉ ၵူၼ်းၸိူင်ႉၼင်ႇၼၼ်ၶဝ်ၵေႃႈ
ၵမ်ႉၼမ် ဢမ်ႇႁွၼ်ႇႁၼ်မၢၵ်ႇမီးလႆႈသေပွၵ်ႈယဝ်ႉ။
သင်ဢမ်ႇယုမ်ႇတူဝ်ၸဝ်ႈၵဝ်ႇၸိုင် တေဢမ်ႇၸၢင်ႈႁဵတ်းသင်လႆႈ။
တွၼ်ႈတႃႇၽူႈၵေႃႉၶတ်းၸႂ်ၼၼ်ႉ မီးဢွင်ႈတီႈတႃႇၶဝ်ယူႇဢိူဝ်ႈ။
တွၼ်ႈတႃႇ တူဝ်သူၵေႃႈ မီးဢွင်ႈတီႈမၼ်းဝႆႉယူႇမိူၼ်ၵၼ်ဢိူဝ်ႈ။
သင်ၸိူဝ်ႉဝႃႈ ၶဝ်ႈပႃးၼႂ်းတီႈလၢတ်ႈမႃးပႃႈၼိူဝ်ၸိူဝ်းၼၼ်ႉ
သေၶေႃႈၶေႃႈ ၼႂ်းတီႈသူၼႆၸိုင် သူထုၵ်ႇလီႁၢင်ႈႁႅၼ်းဝႆႉ
ယဝ်ႉ သင်ဝႃႈ ၶႂ်ႈမၢၵ်ႈမီးယူႇပေႃးဝႃႈၼႆတႄႉ ။
လူလိၵ်ႈသေ ႁႂ်ႈပၢႆးဝူၼ်ႉ တၢင်းႁူႉႁၼ်သူ
တိူဝ်လိူဝ် မီးၼမ်ႉတွၼ်းမီးၵႃႈၶၼ်သေၵမ်း......
သိုပ်ႇလူလႆႈထႅင်ႈတီႈ>>>>
https://5ec89b293ea2e.site123.me/
ပိၼ်ႇ - ဝၼ်းႁိူင်း(သီႇပေႃႉ)
https://www.facebook.com/1Hurng
