သင်ဝႃႈ ႁူဝ်ၶႆႈၼႆၸိုင်

ယွၼ်ႉသင်လႄႈႁူဝ်ၶႆႈ? 

မိူဝ်ႈၽွင်းလိူတ်ႈဢမ်ႇ လႅၼ်ႈပၼ်ႁႂ်ႈတဵမ်ထူၼ်ႈ

 တီႈၼႂ်းဢွၵ်းဢေႃ ဢမ်ႇၼၼ် မိူဝ်ႈမီႈလွင်ႈသုၵ်ႉ

ၸႂ် ဢမ်ႇၼၼ် မိူဝ်ႈယူႇတီႈဢၼ်ဢိုတ်ႉဢၢတ်ႉ

ၵပ်ႉၵိၼ်းၸႂ်ၼၼ်ႉ ၸၢင်ႈပဵၼ်မႃးႁူဝ်ၶႆႈယူႇယဝ်ႉ။

ယွၼ်ႉသင်လႄႈပဵၼ် မႃးႁူဝ်ၶႆႈၼၼ်ႉ

လွင်ႈမၼ်းၵေႃႈမီးတင်းၼမ်။

ၵူၼ်းၵမ်ႈၼမ် တေၵႆႉၵႆႉပဵၼ်ႁူဝ်ၶႆႈယူႇ။

မၼ်းယူႇတီႈဝႃႈ မိူဝ်ႈႁူဝ်ၶႆႈ ၼၼ်ႉမၼ်းပဵၼ်ႁႅင်းလႄႈ

ဢမ်ႇပဵၼ်ႁႅင်းၵူၺ်း။ယွၼ်ႉၼၼ်လႄႈ မိူဝ်ႈႁူဝ်ၶႆႈၼၼ်ႉ

 ၼင်ႇႁိုဝ်တၢင်းၸဵပ်းတၢင်းၶႆႈတေယွမ်း လႄႈ သမ်ႉ

ပေႃးလူတ်းယွမ်းၶႅၼ်းၶိုၼ်းၼၼ်ႉ ႁဵတ်းၸွမ်းၼင်ႇ

ဢၼ်လၢတ်ႈၽၢႆတႂ်ႈၼႆႉၶႃႈလႄႈ။

1.လပ်းတႃသေလိုဝ်ႈႁိုဝ်ႉပၼ်ဢိမ်ႇဢိမ်ႇ

သွၵ်ႈႁႃတီႈဢၼ်ယဵၼ်ယဵၼ် 

တီႈဢၼ်ဢမ်ႇမေႃးမႄးလႄႈ ႁႂ်ႈလပ်းသိင်ႇ

ဢိတ်းဢိတ်းယဝ်ႉၵေႃႈ ႁႂ်ႈပဵၼ်တီႈဢၼ်လႆႈ 

လူမ်းလီသေ  လပ်းတႃၼွၼ်းလိုဝ်ႈပၼ်လႄႈ။

သင်ဝႃႈသူ ႁူဝ်ၶႆႈႁႅင်းၼႃၼႆ လၢတ်ႈၵူၼ်းၼႂ်းႁိူၼ်း

 ယႃႇပေႁႂ်ႈမေႃး ပၼ်းႁႅင်း ပိူဝ်ႈလွင်ႈမေႃးၼႆႉ 

မၼ်းထႅင်ႈႁႅင်းႁႂ်ႈႁူဝ်ၶႆႈၼႃႇႁႅင်းယူႇယဝ်ႉ။

2.မိပ်ႇၼူတ်ႈပၼ်တီႈသီႈမႅပ်ႉ

တီႈဢၼ်လီမိပ်ႇပၼ် မိူဝ်ႈႁူဝ်ၶႆႈၼၼ်ႉ 

ၶႃႈႁဝ်းသႂ်ႇဝႆႉပၼ်ၶႅပ်းႁၢင်ႈမၼ်းယူႇဢေႃႈ။

3.လိုဝ်ႈႁိူဝ်ႉတူဝ်လိုဝ်ႈႁိူဝ်ႉၸႂ်ဢိမ်ႇဢိမ်ႇ

မိူဝ်ႈႁူဝ်ၶႆႈၼၼ်ႉ ယႃႇပေဝူၼ်ႉလွင်ႈၼႃႈၵၢၼ်သင်ယဝ်ႉ။ 

လႅၵ်ႈလၢႆႈပႅတ်ႈတၢင်းဝူၼ်ႉသူသေ ဝူၼ်ႉႁၼ်ဝႃႈသူၵႂႃႇမီး

 ယူႇတႂ်ႈႁူမ်ႈမႆႉဢၼ်လူမ်းပဝ်ႇႁူၼ်ႈႁူၼ်ႈ ဢမ်ႇၼၼ်

 ဝူၼ်ႉႁၼ်ဝႃႈ သူၵႂႃႇပႆလဵၼ်ႈႁိမ်းသၢပ်ႇပၢင်ႇလၢႆႇယၢမ်း

 ဝၼ်းၸမ်တူၵ်း ၸႃႉၸိူဝ်းၼႆႉၵႂႃႇ ဝူၼ်ႉလွင်ႈဢၼ်

ႁဵတ်းႁႂ်ႈသူ မဝ်ၸႂ်ၵူၺ်းလႄႈ။

4.ယွမ်းပႅတ်ႈလွင်ႈသုၵ်ႉသၢၵ်ႉၸႂ်

ၼင်ႇႁိုဝ်လွင်ႈသုၵ်ႉၸႂ်တေယွမ်းၼၼ်ႉ 

လူဝ်ႇလႆႈၼင်ႈတြႃးပၼ်ယဝ်ႉ။ ပေႃးလွင်ႈသုၵ်ႉၸႂ်ၼမ်ၼႆ 

ႁူဝ်ၵေႃႈၵႆႉၶႆႈ။ ၼင်ႇ ႁိုဝ်တေမဝ်ၸႂ် ၼင်ႇႁဝ်းႁဵတ်းလႆႈ

ၵႃႈႁိုဝ်ၼၼ်ႉ ယႃႇပေ ဢဝ်လွင်ႈသုၵ်ႇသၢၵ်ႉမႃးဝႆႉၼႂ်းၸႂ်။

လူဝ်ႇမေႃပွၺ်ႇဝၢင်းပႅတ်ႈ ယဝ်ႉ။

5.ၵိၼ်ၼမ်ႉႁႂ်ႈဢိမ်ႇဢိမ်ႇ

မၢင်ပွၵ်ႈမႃး ပိူဝ်ႈၼႂ်းတူဝ်ႁဝ်းၶၢတ်ႇထၢတ်ႈၼမ်ႉသေၵေႃႈ 

ၸၢင်ႈပဵၼ်ႁူဝ်ၶႆႈယူႇယဝ်ႉ။ပိူဝ်ႈၼႆလႄ ၼင်ႇႁိုဝ်တူဝ်ႁဝ်း

တေလႆႈထၢတ်ႈၼမ်ႉၵုမ်ႇထူၼ်ႈၼၼ်ႉ ၼိူင်ႈဝၼ်းၼႆႉ 

ၵိၼ်ၼမ်ႉပၼ်ႁႂ်ႈသဵင်ႈ 2 တဝ်ႈတေႃႇ3 တဝ်ႈ(2L-3L)လႄႈ။

6.ယႃႇပေၵိၼ်လဝ်ႈ ဢမ်ႇၼၼ် မၵ်းတတ်းသေၵိၼ်

လဝ်ႈလႄႈလႅၼ်းယႃႈၼႆႉ ၶဝ်ႈပႃးလိူင်ႈဢၼ်ႁႂ်ႈပဵၼ်ႁူဝ်ၶႆႈ 

ယူႇယဝ်ႉ။ ပေႃတေဝႃႈတေႉ ၶဝ်တင်းသွင်ၼႆႉ ဢမ်ႇပၼ် 

ၽွၼ်းလီတႃႇတူဝ်သင် ပိူဝ်ႈၼႆ သင်ဝေႈလႆႈၼႆ ဢမ်ႇၵိၼ်

 ၼႆႉလီသေပိူၼ်ႈယဝ်ႉ။

7.ၼွၼ်းပၼ်ဢိမ်ႇဢိမ်ႇ

ပိူဝ်ႈဢမ်ႇလႆႈၼွၼ်းဢိမ်ႇလႄႈ ႁူဝ်ၶႆႈၵေႃႈမီးယဝ်ႉ။

မိူဝ်ႈ ႁူဝ်ၶႆႈၼၼ်ႉ သင်ၼွၼ်းလိုဝ်ႈႁိုဝ်ႉပၼ်ၵူၺ်းၵေႃႈ 

မၼ်း မေႃၶႅၼ်းယူႇ။

8.ယႃႇသုတ်ႇၼူမ်ဢၢႆၶိုၼ်ႇဢၢႆမဵၼ်

မိူဝ်ႈႁူဝ်ၶႆႈၼၼ်ႉ သင်ႁိမ်းႁွမ်းမီးဢၢႆမဵၼ်ၼႆဝေႈၵႆၵႆလႄႈ။ 

9.ယႃႇပေလဵၼ်ႈတီႉလၢႆႉ(Phone)

မိူဝ်ႈႁူႉဝႃႈႁူဝ်ၶႆႈၼၼ်ႉ သင်လဵၼ်ႈၽူၼ်းဝႆႉၼႆ ၵိုတ်းပႅတ်ႈလႄႈ။သင်သိုပ်ႇလဵၼ်ႈၸိုင် ႁူဝ်ၼိုင်ႈၶႅၼ်းတေတိူဝ်းၶႆႈမႃးဢမ်ႇႁၢင်ႉ။

10.ၵိၼ်ယႃႈယႃ

ယႃႈယႃ တႃႇႁူဝ်ၶႆႈမၼ်းၵေႃႈမီးတင်းၼမ်။ မိူဝ်ႈႁူဝ်ၶႆႈ ၼၼ်ႉ ၵိၼ်Paracetamol  ဢမ်ႇၼၼ် Ibuprofen  ၵေႃႈလႆႈ

ယူႇ။ သင်ဝႃႈၵိၼ် Ibuprofenၼႆ ၵိၼ်ပႃးယႃႈယႃ omeprazole လႄႈ ယွၼ်ႉယႃႈယႃၼႆႉ မၼ်းၸၢင်ႈတုမ်ႉ 

တိူဝ်ႉထူင်ၶဝ်ႈ။

သင်ဝႃႈႁူဝ်ၶႆႈၼိူင်ႈဢိတ်းၼိူင်ႈဢွတ်းၵူၺ်းတႄႉ 

ဢမ်ႇလူဝ်ႇၵိၼ်ယႃႈယႃၵေႃႈလႆႈယူႇ။ မၼ်းတေႁၢႆၵႂႃႇ

ၵူၺ်းမၼ်း ၵူၺ်း။

ယွၼ်ႉၽွၼ်းႁၢႆႉယႃႈယႃၸိူဝ်းၼႆႉ သင်ၵိၼ်ၼမ်လႄႈ

ၵႆႉၵႆႉၵိၼ်တိၵ်းၼႆ မၼ်းၸၢင်ႈပဵၼ် 

သၢႆလိူတ်ႈထူင်ၶဝ်ႈတႅၵ်ႇ၊ ၸၢင်ႈၵႂႃႇပဵၼ်ပၼ်ႁႃၽွၼ်းႁၢႆႉ

တီႈတပ်း လႄႈ တီႈမၢၵ်ႇၵႅဝ်း ၼႆယဝ်ႉ။

ၵဵပ်းႁွမ်တႅမ်ႈ>>>>>>မွၵ်ႇၾႃႉၶၢဝ်