လႆႈၶိုၼ်းၵႃႈႁိုဝ်ၵေႃႈ ႁၢၼ်ႉၸႂ်ၸွမ်းလႄႈ
ယႃႇပေဝူၼ်ႉဝႃႈ တီႈၵေႃႉႁၵ်ႉသူၼၼ်ႉ
သူႁၵ်ႉၶဝ်ၼမ်လိူဝ်ၵႃႈႁိုဝ်ၵေႃႈ
ၶဝ်ၵေႃႈတေႁၵ်ႉမိူၼ်ၼင်ႇသူၵူၺ်းၼႆ
ပၼ်ၵႃႈႁိုဝ်ၵေႃႈ ထုၵ်လီလႆႈၶိုၼ်းၵႃႈၼၼ်ႉ
ပေႃးၼႆၸိုင် *ၼမ်ႉတႃ* ဢၼ်ဝႃႈၼၼ်ႉၵေႃႈ
တေမီးဝႆႉၼႂ်းပိုၼ်းၵူၺ်းယဝ်ႉဢိူဝ်ႈ
ပၼ်ၵႃႈႁိုဝ် ၵေႃႈဢဝ်ၵႃႈၼၼ်ႉၵူၺ်းလႃႈ။
တီႈႁဝ်းဝႆႉၸႂ် ၸေႇတၼႃႇတေႃႇၵူၼ်းသေ
ၵေႃႉ"ၼၼ်ႉ ဢမ်ႇဝၼ်း႞ၵေႃႈဝၼ်း႞
ပေႃးႁဝ်းထူပ်းတၢင်းယၢပ်ႇၽိုတ်ႇမႃးၼႆၸိုင်
ၶဝ်တေၸွႆႈထႅမ်ႁဝ်းၶိုၼ်းယူႇဢၼ်ဝႃႈၼၼ်ႉ
ယႃပေဝူၼ်ႉမိူၼ်တၢင်းဝူၼ်ႉလုၵ်ႈဢွၼ်ႇ
ႁဝ်းဝႆႉၸႂ် ၸေႇၸၼႃႇတေႃႇၶဝ် လႄႈၶဝ်တေ
ဝႆႉတေႃႇႁဝ်းၶိုၼ်းဢိူဝ်ႈပေႃးၼႆၸိုင် ၶေႃႈၵႂၢမ်းဝႃႈ
*လိုမ်းၵုင်ႇ*ဢၼ်ဝႃႈၼၼ်ႉၵေႃႈ တေဢမ်ႇမီးမႃး
ယွၼ်ႉၼၼ် ပၼ်ၶိုၼ်းမွၵ်ႈၼၼ်ႉၵေႃႈ ႁၢၼ်ႉၸႂ်လႃႈ။
တီႈဢၼ်ႁဝ်းယိုၼ်ႈပၼ်
ပၢႆးဝူၼ်ႉတၢင်းႁူႇႁၼ်တီႈသေၵေႃႉ"ၼၼ်ႉၵေႃႈ
ၽၢႆႇၶဝ်ဝႆႉၵႃႈၶၼ်ႁိုဝ် ဢမ်ႇဝႆ့ ၵေႃႈယဝ်ႉ
ပဵၼ်လွင်ႈမၼ်းၵူၺ်း ၶႂ်ႈႁႂ်ႈၶဝ်လီလႄႈ
ဝႆႉမႅတ်ႉတႃႇဢွၼ်ႇသေ လၢတ်ႈၼႄႁႂ်ႈၶဝ်
ၵူၺ်းႁၼ်ထိုင်ဝႃႈပဵၼ်လွင်ႈႁၢႆႉၼႆၵေႃႈ
ၶဝ်ၶိုၼ်းတွပ်ႇတႅၼ်းႁဝ်းၵႃႈၼၼ်ႉ
ၵူၺ်းလီပဵင်းပေႃးႁၢၼ်ႉၸႂ်လႃႈ။
လွင်ႈလႂ် သေဢမ်ႇဝႃႈ
ပိၵ်ႉသမ်ႉဝႃႈႁဝ်းပၼ်လွင်ႈဢၼ်လီၵႃႈႁိုဝ်ၵေႃႈ
ထႅင်ႈၽၢႆႇၼိုင်ႈသမ်ႉ ဢမ်ႇႁူႉၵႃႈၶၼ်မၼ်း၊
ဢမ်ႇဝႆႉၵႃႈၶၼ် မၼ်းပေႃးၼႆၸိုင်
ယႃႈပေၵုမ်ႇၵႂႃႇဢဝ်သႂ်ႇၸႂ်သေ ပဵၼ်လွင်ႈတိူဝ်ႉၸႂ်ယူႇၵူၺ်း
*ၵႃႈၶၼ်*ဢၼ်ဝႃႈၼၼ်ႉ ၵူၼ်းမီးၵႃႈၶၼ်ၶဝ်ၵူၺ်း
တေႁူႉၵႃႈၶၼ်မၼ်း ၵူၼ်းၵေႃႉဢၼ် ႁူႉဝႃႈၶႂ်ႈလႆႈၵူၺ်း
လိုမ်းပၼ်ပိုၼ်ႈၶိုၼ်းၼၼ်ႉ ပေႃးၼႆၸိုင်
ၼင်ႇၶဝ်ပၼ်ႁဝ်းၶိုၼ်းၵႃႈၼၼ်ႉ ၵူၺ်းၵေႃႈ
ၶတ်းၸႂ်ပဵင်းပေႃး ႁၢၼ်ႉၸႂ်ၸွမ်းလႃႈ။
ၵူၼ်းမၢင် ၵေႃႉၼႆႉသမ်ႉ
ၶူဝ်းၶွင်ဢၼ်လႆႈလၢႆမႃးၼၼ်ႉသမ်ႉ
ဢမ်ႇတွၼ်ႉမေႃဝႆႉၵႃႈၶၼ်မၼ်း
ၶူဝ်းၶွင်ဢၼ်ပၼ်ငိုၼ်းသေ
လႆႈမႃးယၢပ်ႇ"ယဵၼ်း"ၼၼ်ႉသမ်ႉ
ထၢင်ႇဝႃႈပဵၼ်ဢၼ်မီးၵႃႈၶၼ်ယႂ်ႇၼႆယဝ်ႉ။
[ #ပိူင်တႅၵ်ႈမၼ်း လိၵ်ႈဢၼ်တၢင်ႇပၼ်ဝႆႉ
ၼိူဝ်ဢွၼ်ႇလၢႆးၵူႈဢၼ်"ၵႂႃႇၸိူဝ်းၼႆႉၵေႃႈ
လႆႈလူတူၺ်းလၢႆ"ၵူၺ်းလူး တေႁဵတ်းႁိုဝ်
မီးၵႃႈၶၼ်ထၢၼ်ႇ ပပ်ႉလိၵ်ႈၸိုဝ်ႈသဵင်ယႂ်ႇ
ဢၼ်လႆႈၸႂ်ႉငိုၼ်းသေ လႆႈလူႁဵၼ်းဢဝ်မႃးၼၼ်ႉ
ႁိုဝ်တေဝႆႉၵႃႈၶၼ်လႆႈလႃႇၼေႃႈ..... ]
ၼႆႉၵေႃႈၼင်ႇၼၼ်ၵူၺ်း ပဵၼ်သၽႃႇဝမၼ်းယဝ်ႉ
ၼင်ႇၶဝ်ဝႆႉၵႃႈၶၼ်မွၵ်ႈၵႃႈႁိုဝ်႞ၵူၺ်းၵေႃႈ
ႁဝ်းပဵင်းပေႃး ႁၢၼ်ႉၸႂ်ၸွမ်း သူၶဝ်ယူႇယဝ်ႉ။
ပိၼ်ႇ >>>> #မွၵ်ႇမၼ်းမူၺ်သီလႅင်
