လၢႆးၵူၼ်းၶိူဝ်းယိဝ်းၶဝ် ပူၵ်းပွင်ပၼ်လုၵ်ႈဢွၼ်ႇ

ၵူၼ်းၶိူဝ်းယိဝ်း/ၵျူး (Jew) ဢမ်ႇၼၼ် ၵူၼ်း ၶိူဝ်းဢိတ်ႈသရေး (Israel) ၼႆၵေႃႈ ႁွင်ႉယဝ်ႉ။ ၵူၼ်းၶိူဝ်းယိဝ်းၼႆႉ ၶဝ်ႈပႃးၼႂ်းၶိူဝ်းၵူၼ်းႁူဝ်တီး မီးမႃး ၼႂ်းလူၵ်ႈတင်းၸဝ်ႉ ၶိူဝ်း႞ယဝ်ႉ။

ၼႂ်းပိုၼ်း တင်းၼမ်ၼၼ်ႉ ၶဝ်လႆႈၶၢမ်ႇပိူၼ်ႈတဵၵ်းတဵင် ၵူႊၸိူဝ်ႉၵူႊမဵဝ်းသေဢမ်ႇၵႃး လႆႈ သုမ်းပႃးဝၢၼ်ႈပႃးမိူင်း ၸိူဝ်းၼႆႉယဝ်ႉ။ ၵူၺ်းၵႃႈ ၵူၼ်းၶိူဝ်းယိဝ်းၶဝ်ၼႆႉ ပိူၼ်ႈဢွၼ်ၵၼ်မၵ်းမၼ်ႈဝႃႈ ပဵၼ်ၶိူဝ်းၵူၼ်းဢွၵ်းဢေႃလီသေပိူၼ်ႈ ၼႂ်း လူၵ်ႈ ၼႆယူႇယဝ်ႉ။

ပီႊ 2015 ၼၼ်ႉ တင်းၼႂ်းလူၵ်ႈၼႆႉ ၵူၼ်းၶိူဝ်းယိဝ်းၶဝ်မီး 14.2 လၢၼ်ႉယဝ်ႉ။ ၼႂ်းႁူဝ် ၵူၼ်း တင်းလူၵ်ႈၼႆႉ ၵူၼ်းၶိူဝ်းယိဝ်း ၶဝ်ႈပႃး 0.2 ၵွႆးသေတႃႉ ၼႂ်းၸူဝ်ႈပၢၵ်ႇပီႊသၢဝ်းၼႆႉ ၵူၼ်း ၶိူဝ်းယိဝ်းၶဝ် …

ၼႂ်းၽူႈလႆႈသူး ၼူဝ်ႇပႄႇ (Noble Prize) ႁႃႈပုၼ်ႈ ပႃးၼိုင်ႈပုၼ်ႈ၊ ၽူႈမီးဢေႃးၸႃႇဢမ်း ၼၢတ်ႈ ၼႂ်းမိူင်းဢမႄႇရီႇၵၼ်ႇ ပႃး 50%၊ ၼႂ်းၶူး မေႃလူင် (ပႃႇမွၵ်ႉၶႃႉ) ၸိုဝ်ႈလိုဝ်းလင် ၼႂ်းမိူင်း ဢမႄႇရီႇၵၼ်ႇ ပႃး 30%၊ ၼႂ်းၵၢၼ်လိၵ်ႈလၢႆး ၽဵင်းၵႂၢမ်းၸိူင်း မိူင်းဢမႄႇရီႇၵၼ်ႇ ၸိူဝ်းၼႆႉ ပႃး 60%၊ ၼႂ်းသဵၼ်ႈၽူႈမၢၵ်ႈလူင် ပေႃးလဵင်ႉၵၢၼ် ၶွင်ၼႂ်းလူၵ်ႈ 50%၊ ၸွမ်းၼင်ႇသၢႆမၢႆ မႅၵ်ႉၵၸိၼ်း Forbe ၼၼ်ႉသေ ၽူႈမၢၵ်ႈလူင်သေပိူၼ်ႈ ၼႂ်း လူၵ်ႈ 40 ၵေႃႉၼၼ်ႉ ပႃးၵူၼ်းၶိူဝ်းယိဝ်း ပႅတ်ႇၵေႃႉယူႇ ဝႃႈၼႆယဝ်ႉ။

ၽူႈၸိုဝ်ႈလိုဝ်းႁူင်လူင်လၢင် ဢၢႆးသတၢႆး (Albert Einstein)၊ ၶႃးမၢၵ်ႈ (Karl Marx) လႄႈ တႃႇဝိၼ်ႇ ၶဝ်ၸဝ်ႈၸိူဝ်းၼႆႉ ပဵၼ်ၵူၼ်းၶိူဝ်းယိဝ်းယဝ်ႉ။

ၸွမ်းၼင်ႇလွင်ႈၶူၼ်ႉၶႂႃႉဝႃႈ ၵူၼ်းၶိူဝ်း ယိဝ်းၶဝ် လႆႈလီလႆႈပဵၼ် လႆႈဢွင်ႇမၢၼ် ၸိူင်ႉၼႆၼႆႉ လွၵ်းလၢႆးၵူၼ်းၶိူဝ်းယိဝ်းၶဝ် ပူၵ်းပွင်ပၼ် လုၵ်ႈလၢင်းၵၢင်တဝ်ႈၼၼ်ႉ ပဵၼ်ငဝ်ႈပိုၼ်ႉပိူင် လူင်မၼ်းယဝ်ႉၼႆယဝ်ႉ။ ၶဝ်ဝႆႉၵႃႊၶၼ်သင်လႄႈ သွၼ်ပၼ်ပူၵ်းပွင်ပၼ် လုၵ်ႈလၢင်းၵၢင်တဝ်ႈၶဝ် ၸိူင်ႉႁိုဝ် …

1။ ႁႂ်ႈဢိင်ပိုင်ႈတူဝ်ၵဝ်ႇ ၸုၵ်းၸင်ႈႁင်းၶေႃ

တူဝ်ၵဝ်ႇ ၵူၼ်းၶိူဝ်းယိဝ်းၶဝ် ယုမ်ႇယမ်ဝႃႈ ပၢႆးပၺ်ႇၺႃႇလီၼႆႉ ပဵၼ်ငဝ်ႈပိုၼ်ႉလွင်ႈၶိုၼ်ႈယႂ်ႇ လွင်ႈလီတင်းသဵင်ႈယဝ်ႉ ၼႆယဝ်ႉ။ ဢဝ်ပၢႆးဝူၼ်ႉလွတ်ႈလွတ်ႈလႅဝ်းလႅဝ်း လုၵ်ႈဢွၼ်ႇၶဝ် ဢၼ်ၸုၵ်းၸင်ႈလႆႈႁင်းတူဝ်ၵဝ်ႇ မေႃဢိင်ပိုင်ႈတူဝ်ၵဝ်ႇ ၼၼ်ႉသေ ပူၵ်းပွင်ပၼ်လုၵ်ႈဢွၼ်ႇၶဝ်ယဝ်ႉ။ ႁၵ်ႉလုၵ်ႈဢွၼ်ႇပူၼ်ႉတီႈ၊ ဢွၼ်ႈဢႅၼ်ႈတွမ်းႁွမ်းလုၵ်ႈဢွၼ်ႇၸိူဝ်းၼႆႉ ယိဝ်းၶဝ်သၢၼ်ၶတ်းယဝ်ႉ။

မီးၵႂၢမ်းၵပ်းထုၵ်ႇ ၼိုင်ႈဢၼ်ၶွင်ဝႃႈၼႆ “လုၵ်ႈဢွၼ်ႇ ပၢၼ်ႁႃႈၶူပ်ႇ ပဵၼ်ၸဝ်ႈပဵၼ်ၶုၼ် ၸဝ်ႈၵဝ်ႇယဝ်ႉ၊ လုၵ်ႈဢွၼ်ႇဢႃႇယု မီးသိပ်းၶူပ်ႇ ပဵၼ်ၶႃႈယဝ်ႉ၊ ထိုင်ပၢၼ်ဢႃႇယုသိပ်းႁႃႈၶူပ်ႇ ပဵင်း ၵၼ်တင်းပေႃႈမၼ်း” ၼႆယဝ်ႉ။

ပွင်ႇဝႃႈတႄႉ ပၢၼ်ႁႃႈၶူပ်ႇ လူဝ်ႇႁၵ်ႉႁွမ် ပၼ် လူဝ်ႇလုမ်းလႃးပၼ်၊ ပၢၼ်သိပ်းၶူပ်ႇလူဝ်ႇၸႂ်ႉႁဵတ်းၵၢၼ်ႁၢပ်ႇၵၢၼ် ပႅင်ႈမၼ်းပေႉ ပေႃႈမႄႈ တေတူၺ်းတူၺ်းသေ ၸႂ်ႉမၼ်းယဝ်ႉ၊ ထိုင်ပၢၼ် သိပ်းႁႃႈၶူပ်ႇၸိုင် ႁႂ်ႈမၼ်းတႅပ်းတတ်းလႆႈ ႁင်းၶေႃ ၼႆ ယဝ်ႉ။

2။ ထုင်းၾိင်ႈ ႁၵ်ႉပပ်ႉလိၵ်ႈပပ်ႉလၢႆး

ပေႃႈမႄႈၵူၼ်းႁိူၼ်းယိဝ်းၶဝ်ၼႆႉ ၸဵမ်မိူဝ်ႈ လုၵ်ႈဢွၼ်ႇ မေႃႁူႉမေႃႁၼ်ၼၼ်ႉ ဢဝ်ၼမ်ႉၽိုင်ႈ ၼိုင်ႈယွတ်ႇ ၸမ်ႈၼိူဝ်ပပ်ႉၵျၢမ်း (ပပ်ႉလိၵ်ႈထမ်း) သေ ပၼ်ႁႂ်ႈလုၵ်ႈဢွၼ်ႇၼူမ်ယဝ်ႉ။ ၶႂ်ႈဝႃႈတႄႉ ပပ်ႉလိၵ်ႈၼႆႉမၼ်းဝၢၼ်ဢိူဝ်ႈ မၼ်းလီထုၵ်ႇၸႂ် မႅၼ်ႈၸႂ်တေႉတေႉဢိူဝ်ႈၼႆ ႁဵတ်းႁႂ်ႈလုၵ်ႈဢွၼ်ႇႁူႉ ၼၼ်ႉယဝ်ႉ။

ႁိူၼ်းၵူၼ်းၶိူဝ်းယိဝ်းၶဝ် ၵူႊႁိူၼ်းႁိူၼ်း ၼႆႉ မီးၶဵင်ႇပပ်ႉလိၵ်ႈသေ ၶဵင်ႇပပ်ႉလိၵ်ႈဝႆႉတၢင်း ႁူဝ်ၼွၼ်းယဝ်ႉ။ မိူၼ်ဝႃႈ ပပ်ႉလိၵ်ႈၼႆႉ တေလႆႈ ႁၵ်ႉမၼ်းသေဢမ်ႇၵႃး တေလႆႈၼပ်ႉယမ်မၼ်းထႅင်ႈ ၼႆယဝ်ႉ။ ၶဝ်ၵေႃႈဝႃႈ ၶဝ်ပဵၼ်ၵူၼ်းၶိူဝ်းႁၵ်ႉ ပပ်ႉလိၵ်ႈပပ်ႉလၢႆး ၼႆယဝ်ႉ။ ၸွမ်းၼင်ႇၽိုၼ် ၶူၼ်ႉၶႂႃႉဝႃႈတႄႉ လုၵ်ႈဢွၼ်ႇယိဝ်း ဢႃႇယုပၢၼ် 14 ၶူပ်ႇ ၶိုၼ်ႈၼိူဝ်ၸိူဝ်းၼႆႉ ၼိုင်ႈလိူၼ်ၼႆႉ ၶဝ်လူယဝ်ႉပပ်ႉ ၼိုင်ႈပပ်ႉယူႇၼႆယဝ်ႉ။

3။ ပူၵ်းပွင်ပၼ် ႁႂ်မေႃဝႆႉ ဢွၵ်းဢေႃ ပၺ်ႇၺႃႇပဵၼ်ယႂ်ႇ

ၼႂ်းႁိူၼ်းၵူၼ်းၶိူဝ်းယိဝ်းၶဝ်ၼႆႉ ပေႃးလုၵ်ႈဢွၼ်ႇ မေႃႁူႉမႃးဢိတ်းဢိတ်းယဝ်ႉၼႆ ၵေႃႉပဵၼ်မႄႈ ၵႆႉၵႆႉထၢမ်ၸိူင်ႉၼႆ …

“သင်ဝႃႈႁိူၼ်းၸၢႆး ၾႆးမႆႈၵႂႃႇ ၶူဝ်းၶွင်ၸိူဝ်း ၼႆႉၵေႃႈ ပိူၼ်ႈႁိမ်ဢဝ်ၵႂႃႇ သမ်ႉပေႃးဢမ်ႇၵိုတ်း သင်သေ ဢိတ်း ပေႃးၼၼ်ၸၢႆးတေဢဝ်သင်သေ ပၢႆႊ” ၼႆယဝ်ႉ။

ပေႃးလုၵ်ႈဢွၼ်ႇတွပ်ႇဝႃႈ ဢဝ်ၶမ်းဢဝ် ငိုၼ်းဢေႃႈၼႆ ၵေႃႉပဵၼ်မႄႈတေလၢတ်ႈဝႃႈ ဝူၼ်ႉ ထႅင်ႈလူး ၶူဝ်းၼၼ်ႉ ဢမ်ႇမီးသီ ဢမ်ႇမီးဢၢႆႊ ၼႆ ယဝ်ႉ။ ၼင်ႇႁိုဝ်လုၵ်ႈဢွၼ်ႇ ပေႃးတေပွင်ႇၸႂ်သေ တွပ်ႇလႆႈဝႃႈ “ၸၢႆးတေဢဝ်ပၺ်ႇၺႃႇဢေႃႈ” ၼႆ ၼၼ်ႉ ၵေႃႉပဵၼ်မႄႈ ပၢၵ်ႈတၢင်ၼႄတၢင်းပၼ်ၵႂႃႇ ယူႇယဝ်ႉ။

ၶႂ်ႈမိူၼ်ၵၼ်တင်း ၵႂၢမ်းၵပ်းထုၵ်ႇႁဝ်း ဢၼ်ဝႃႈ “ပၺ်ႇၺႃႇမေႃႈဢုမ်ၶမ်းတမ်းလႂ် ၽႂ်ဢမ်ႇ လၵ်ႉလႆႈ” ၼႆၼၼ်ႉယဝ်ႉ။ ၵူၺ်းၵႃႈ ႁဝ်းၶႃႈတႄႉ ဢမ်ႇၸႂ်ႈဝႃႈပၢၵ်ႈၼႄတၢင်းသေ ႁဵတ်းႁႂ်ႈလုၵ်ႈ ဢွၼ်ႇႁူႉဢဝ်ႁင်းၵွႆး။ ပေႃႈမႄႈ ဢမ်ႇၼၼ် ၶူးသွၼ်ၶဝ် လၢတ်ႈသိုဝ်ႈသိုဝ်ႈၵမ်းလဵဝ် ပၼ်လုၵ်ႈဢွၼ်ႇၶဝ် ၵမ်ႈၼမ်ယဝ်ႉ။

4။ ယႃႇႁႂ်ႈပဵၼ် မႃႉတၢင်ႇပပ်ႉ ၼမ်လၢႆ

ၵွပ်ႈလူလိၵ်ႈၼႃႇလႄႈ ၸင်ႇမီးၵႂၢမ်းၵပ်းထုၵ်ႇ ဢၼ်ၼႆႉမႃးႁိုဝ်။ ထၢင်ႇပဵၼ်ၼၼ်ယူႇ။ သင်ႇသွၼ်ပၼ်လုၵ်ႈဢွၼ်ႇၶဝ် ႁႂ်ႈပေႃးလူလိၵ်ႈ ၸဵမ်မိူဝ်ႈလဵၵ်ႉယဝ်ႉ။ ပူၵ်းပွင်ပၼ် ႁႂ်မေႃဝူၼ်ႉယဝ်ႉ။ ပၢႆးႁၼ်ၵူၼ်းၶိူဝ်းယိဝ်းၶဝ်ဝႃႈ လွင်ႈလဵပ်ႈႁဵၼ်း လွင်ႈလူၼႆႉ မၼ်းပဵၼ်ဢၼ် ယိူင်ႈဢဝ် ဢၼ်႞ၵွႆး။ လွင်မေႃဝူၼ်ႉမေႃထတ်းသၢင် မီးပၢႆးႁၼ် ႁင်းတူဝ်ၵဝ်ႇ လွင်ႈမေႃၶူင်သၢင်ႈ ဢၼ်မႂ်ႇဢၼ်မႂ်ႇၸိူဝ်းၼႆႉ ၸင်ႇပဵၼ်ပိူင်လူင်မၼ်းၼႆ ယဝ်ႉ။ ၵူၼ်းၵေႃႉမီး တၢင်းႁူႉတၢင်းႁၼ်ၼမ်ယဝ်ႉ သမ်ႉဢမ်ႇမေႃႁဵတ်းသင် ႁႂ်ႈပဵၼ်ၼမ်ႉ ပဵၼ်တူဝ်လႆႈၼၼ်ႉ ဢဝ်တႅၵ်ႈၵၼ်တင်း “မႃႉ တၢင်ႇပပ်ႉလိၵ်ႈ” ဝႆႉယဝ်ႉ။

5။ ပၢႆးဝူၼ်ႉဢၼ်ဝႃႈၼႆႉ ၶေႃႈထၢင်ႇထိူမ်လႄႈၶေႃႈတွပ်ႇလေႃးၵၼ်သေ ပဵၼ်မႃး

ၼႆႉၵေႃႈပဵၼ် လွၼ်ႉမွၼ်းၵႂၢမ်း ၸိုဝ်ႈလိုဝ်းႁူင် ၶေႃႈၼိုင်ႈယဝ်ႉ။ ၶေႃႈၵႂၢမ်း ပေႃႈမႄႈၶူးသွၼ် ၵႂၢမ်းၽူႈလႂ်လၢတ်ႈၵေႃႈယဝ်ႉ ႁႂ်ႈဢဝ်လွင်ႈထၢင်ႇ ထိူမ် ၶဝ်ႈတူၺ်းဢွၼ်တၢင်း ၼႆယဝ်ႉ။ ဢဝ်ထၢင်ႇထိူမ် (ၸႂ်ႈႁိုဝ် ဢမ်ႇၸႂ်ႈႁိုဝ်၊ ပဵၼ်ႁိုဝ် ဢမ်ႇပဵၼ်ႁိုဝ် မီးႁိုဝ် ဢမ်ႇမီးႁိုဝ်) ၸင်ႊတူၺ်းထတ်းတူၺ်းယဝ်ႉ ၶေႃႈတွပ်ႇဢၼ်မႅၼ်ႈ ၸင်ႇဢွၵ်ႇမႃးယဝ်ႉ။

မၼ်းပိူင်ႈၵၼ် တင်းပၢႆးဝူၼ်ႉသွၼ်ႇ ၼႂ်းတူင်ႇဝူင်းႁဝ်းဢၼ်ဝႃႈ ပေႃးထွမ်ႇသူပ်းဢဝ်ၵႂၢမ်း လီလီ ၸင်ႇဝႃႈပဵၼ်ၵူၼ်းလၵ်းလႅမ် ပေႃးမေႃထၢမ် မေႃၸႅပ်ႉ သမ်ႉၼႄးဝႃႈ ပဵၼ်ၵူၼ်းထၢမ်ၸႃး ၵူၼ်း သူပ်းၼမ် ၼၼ်ႉယူႇယဝ်ႉ။

ဢိင် - ဂျူး လူမျိူးများ ကလေးပြုစု ပျိူးထောင်နည်း၊

 မြန်မာအွန်လိုင်း စာအုပ်စင်

By - #ၶိူဝ်းၾႃႉဝၢဝ်း

#ၵျူး #ဢိတ်သရေး #Israel #Jew

    #ၸိူဝ်းႁဝ်းထုၵ်ႇလီႁူႉ

  ~~~~~~~~~~~~

ၵျူး ဢိတ်သရေး ၶဝ်ႁဵတ်းႁိုဝ်တေႃႇသူႈမႃး

ႁႅင်းထၢတ်ႈၼမ်ႉၸႂ် ၵူၼ်းၶိူဝ်းၵျူး ဢိတ်ႉသရေး

လၢႆးၸၢဝ်းၶိူဝ်း ၵျူး ဢိတ်သရေး ၶဝ်ပူၵ်းပွင်လုၵ်ႈဢွၼ်ႇ

ၼမ်ႉၸႂ်ၵေႃႉလုၵ်ႉၽိုၼ်ႉ ယိင်းႁၢၼ် ၵျူး ဢိတ်သရေး

လွၼ်ႉမွၼ်းၵႂၢမ်း ၵူၼ်းၶိူဝ်း ၵျူး ဢိတ်သရေး