လိၵ်ႈဢွၼ်ႇ ဢၼ်ထုၵ်ႇၸႂ်ၵဝ်ၶႃႈ

#ၶႅပ်းတိၼ်

ၵႃႈၶၼ်မၼ်းယႂ်ႇၵႃႈႁိုဝ်ၵေႃႈယဝ်ႉ

ဢဝ်မႃးတၢင်ႇၼိူဝ်ႁူဝ် တိုၼ်းဢမ်ႇလႆႈ။

#ၵူၼ်းပႅတ်ႈလၢႆ

ၵတ်ႉၶႅၼ်ႇတၢၼ်ႇလႂ်ၵေႃႈယဝ်ႉ

တိုၼ်းဢမ်ႇလႆႈႁပ်ႉ ၸုမ်ႈၶူးၵူၼ်းလီ။

#ပေႃႈမႄႈ

ႁၵ်ႉလုၵ်ႈၼႃႇတၢၼ်လႂ်ၵေႃႈယဝ်ႉ

ပေႃးဢမ်ႇမေႃႁၵ်ႉၸိုင် တိုၼ်းဢမ်ႇမီးၼမ်ႉတွၼ်း။

#လုၵ်ႈ

ပေႃႈမႄႈ ႁၢႆႉမိူၵ်ႈမႆႈတၢၼ်ႇႁိုဝ်ၵေႃႈယဝ်ႉ

ဢမ်ႇၵိုင်ႇလီ ပိုၼ်ႉပွႆႇၽႃႈပႅတ်ႈ။

#သြႃႇ

တၢင်းႁူႉၼမ်တၢၼ်ႁိုဝ်ၵေႃႈယဝ်ႉ

သင်သွၼ်ၽိတ်းပိူင်ႈတၢင်းၸိုင် 

လုၵ်ႈၼွင်ႉတုိၼ်းတုၵ်ႉယၢၵ်ႈၶၢၼ်ၸႂ်။

#လုၵ်ႈၼွင်ႉ

သြႃႇႁၢႆႉႁၢဝ်ႈတၢၼ်ႇလႂ်ၵေႃႈယဝ်ႉ

သင်ဝႃႈၼႄပၼ်တၢင်းၸိုဝ်ႈၸႂ်ႈယူႇၸိုင်

 ထုၵ်ႇလီဢိူမ်ႈၸမ်ဢိူဝ်ႈ။

#ဢူၺ်းၵေႃႉ

လီတေႃႇႁဝ်း တၢၼ်ႇလႂ်ၵေႃႈယဝ်ႉ

သင်ႁွင်ႉပႆသဵၼ်ႈတၢင်းၽိတ်းၸိုင် ဢမ်ႇထုၵ်ႇလီၸွမ်း။

#ပီႈၼွင်ႉ

ပဵၵ်ႉသမ်ႉတၢင်းႁၼ်ထိုင်ပႅၵ်ႇပိူင်ႈၵၼ်

တၢၼ်ႇလႂ်ၵေႃႉယဝ်ႉ ဢမ်ႇထုၵ်ႇလီၸႅၵ်ႇ

ယၢၵ်ႈၸတ်ႉၵၼ်။

#ၵေႃႉႁၵ်ႉ

ႁၵ်ႉၼႃႇတၢၼ်ႇလႂ်ၵေႃႉယဝ်ႉ

သင်ဝႃႈပၼ်လွင်ႈတၢင်းၸဵပ်းႁႅင်းၸိုင် 

ထုၵ်ႇလီၽႄတၢင်းပႅတ်ႈယဝ်ႉ။

#ၼႃႈႁိူၼ်း

ပၼ်လွင်ႈပွင်ႇၸႂ်တၢၼ်ႇလႂ်ၵေႃႈယဝ်ႉ

သင်ဝႃႈဢမ်ႇသုိဝ်ႈယူဝ်းၸိုင် ယွမ်းႁပ်ႉဢမ်ႇလႆႈ။

#တူင်ႇဝူင်း

ၵႃႈၶႂ်ႈထတ်းသၢင်တၢၼ်ႇလႂ်ၵေႃႈယဝ်ႉ

သင်ဝႃႈႁဝ်းယူႇသဝ်းသိုဝ်ႈယူဝ်းယူႇၸိုင်

လွင်ႈထတ်းသၢင်ၶဝ် တေၵိုတ်းၵႂႃႇၵူၺ်း။

#ၵႂၢမ်းလၢတ်ႈ

မေႃလၢတ်ႈတၢၼ်ႇလႂ်ၵေႃႈယဝ်ႉ

ထုၵ်ႇလီလၢတ်ႈ မွၵ်ႈဢၼ်ၵိုင်ႇတၢၼ်ႇၵူၺ်းဢိူဝ်ႈ။

#ႁူ

ၶႂ်ႈလၢတ်ႈတၢၼ်ႁိုဝ်ၵေႃႈယဝ်ႉ

ထွမ်ႇပၼ်တီႈပိူၼ်ႈၶႂ်ႈလၢတ်ႈၼၼ်ႉ လႄႈ

တေမီးၼမ်ႉတွၼ်းလူိဝ်ဢိူဝ်ႈ။

#တႃ

ၸဝ်ႈၵဝ်ႇႁၼ်မႅၼ်သင်ၵေႃႈယဝ်ႉ

မၼ်းယူႇတီႈဝႃႈ ႁဝ်းသမ်ႉတူၺ်းဢီႈသင်ၸိူင်ႉႁိုဝ်ယူႇၼႆၼၼ်ႉၵူၺ်း။

#တၢင်းယၢမ်ႈ

ႁၢင်ႈၸႃႉၼႃႇတၢၼ်ႇလႂ်ၵေႃႈယဝ်ႉ

သင်ဝႃႈတၢင်းယၢမ်ႈလီယူႇၼႆၸိုင် မီးၵူၼ်းႁၵ်ႉၼမ်ဢိူဝ်ႈ။

#မႃႇၼ

မီးတၢင်းႁူႉၼမ်တၢၼ်ႇလႂ်ၵေႃႈယဝ်ႉ

သင်ဝႃႈၵုမ်ႇမၢၼ်ႇထွင်ႇယူႇၸိုင် ပႆၸႂ်ႈၵူၼ်းမီးတၢင်းႁူႉ။

#ၸေႇတၼႃႇ

လွင်ႈယိုၼ်ႈပၼ်ၼမ်တၢၼ်ႇႁိုဝ်ၵေႃႈယဝ်ႉ

သင်ဢမ်ႇမီးတၢင်းႁူႉၸွမ်းၸိုင် ဢမ်ႇတိူဝ်ႉယမ်ထုိင်တီႈလႆႈ။

#ဝီရိယ

ၶတ်းၸႂ်ၼႃႇတၢၼ်ႇလႂ်ၵေႃႈယဝ်ႉ

ဢဝ်ဢဝ်တၢင်းႁူႉသေႁဵတ်းၸိုင် ဢမ်ႇဢွင်ႇမၢၼ်လႆႈ။

#ငိုၼ်း

မိူဝ်ႈပႆႇမီး ထုၵ်ႇလီမေႃႁႃႁွမ်ဝႆႉယဝ်ႉ

ၽွင်းမိူဝ်ႈမီးမႃးၼၼ်ႉ ထုၵ်ႇလီၸႂ်ႉတိုဝ်း

ၽဵင်ႇၽဵၼ်ႈၵိုင်ႇၶၼ်ဢိူဝ်ႈ။

#ၸႂ်မေႃႁၼ်လီ

တႃႇႁႂ်ႈၸႂ်ႁဝ်းၵတ်းယဵၼ်လီၼၼ်ႉ

တိုၼ်းပဵၼ် ဢၼ်တိုၼ်းလီလႆႈပႃးမၼ်းယဝ်ႉ။

ၶၢဝ်းယၢမ်းလူလိၵ်ႈဢၼ်ဝႃႈၼႆႉ

ပပ်ႉလိၵ်ႈ ၽိုၼ်လၢႆး

သင်ႁူႁၼ်ၼမ်ႉတွၼ်းဢရသႃႇမၼ်းယဝ်ႉၸိုင်

မၼ်းတိုၼ်းတေမီးၽွၼ်းလီမၼ်းယူႇၵူၺ်း။

ဢိူဝ်ႉၼေႃ.......

ပိၼ်ႇတႅမ်ႈ #J1Hurng  #ဝၼ်းႁိူင်း(သီႇပေႃႉ)