လွၵ်းလၢႆးၽူႈၼမ်းလီ မဝ်ၸိူဝ်တူင်း
|လွၵ်းလၢႆးၽူႈၼမ်းလီ မဝ်ၸိူဝ်တူင်း
(လွၵ်းလိင်ႉၵၢၼ်လုၵ်ႉၽိုၼ်ႉမီးၼင်ႇႁိုဝ်ႁဝ်းလူဝ်ႇႁူႉ)
——————————————————
ယၢမ်ႈပဵၼ်ၶူးသွၼ်ႁူင်းႁဵၼ်းၵူၼ်းမိူင်းတီႈဝၢၼ်ႈၼွၵ်ႈ ဢမ်ႇမီးၸၼ်ႉထၢၼ်ႈတၼ်းႁႅင်းယႂ်ႇလူင်လၢင်သင် ဢမ်ႇမီးၽႂ်ဝူၼ်ႉထၢင်ႇသေဢိတ်းဝႃႈ တေမႃးပဵၼ်ၽူႈယိုင်ႈ ယႂ်ႇလူင်တီႈၼႂ်ႈၸိုင်ႈမိူင်းၶႄႇ လႃး"။
မဝ်းၸိူဝ်တူင်းပဵၼ်ၸွမ်ဢၢၼ်ႇလိၵ်ႈလၢႆး လႄႈပဵၼ်ၸွမ်ထတ်းသၢင်ပိုၼ်းတႄႉ"ဝႃႈ" ၵေႃႉ႞ ။
လွင်ႈဢၼ်မၼ်းႁဵတ်းၵၢၼ်ယူႇၼႂ်းႁူင်းတူၺ်းလိၵ်ႈၸၼ်ႉၸွမ်ပိူၺ်ၵျိင်းၼၼ်ႉ ႁဵတ်းႁႂ်ႈမၼ်းမီးတိုဝ်ႉတၢင်းလႆႈလူဢၢၼ်ပပ်ႉလိၵ်ႈလၢႆတင်းၼမ်လႆႈလၢႆ" သေဢဝ်တၢင်းႁူႉတၢင်းႁၼ်ၼႂ်းလိၵ်ႈလၢႆးၸိူဝ်းၼၼ်ႉ မႃးၸႂ်ႉတိုဝ်းလႆႈၼမ်ႉတွၼ်းၽွၼ်းလီမၼ်းၼမ်တႄႉ"။
လွၵ်းလၢႆးလူလိၵ်ႈမဝ်ၸိူဝ်းတူင်းၼၼ်ႉ ဢမ်ႇၸိုဝ်ႈဝႃႈမၼ်းလူဢၢၼ်ႇဢဝ်ႁႂ်ႈမၼ်းသုတ်းယဝ်ႉပပ်ႉလၢႆ" မိူဝ်ႈမၼ်းလူဢၢၼ်ႇယဝ်ႉ တေဢဝ်မႃးၸႂ်ႉတိုဝ်းႁႂ်ႈပဵၼ်ၽွၼ်းလီၽဝၵၢၼ်ယူႇသဝ်း
ၵိၼ်သၢင်ႈတင်းၽၢႆႇၵၢၼ်တိုၵ်းလႄႈၵၢၼ်ဝၢင်းၽႅၼ်ၸိူင်ႉႁိုဝ်ၼႆယူႇ။
မၼ်းလူဢၢၼ်ႇပပ်ႉလိၵ်ႈ ၶုၼ်သၢမ်မိူင်း ၼပ်ႉပဵၼ်ပၢၵ်ႇ"ႁွပ်ႈ
ဢမ်ႇသႂ်ႇၸႂ်ၶေႃႈၵႂၢမ်းၾၢင်ႉဢၼ်ဝႃႈ ”ၵူၼ်းၵေႃႉဢၼ်လူဢၢၼ်ႇ
ပပ်ႉၶုၼ်သၢမ်မိူင်းထူၼ်ႈ သၢမ်ႁွပ်ႈၼၼ်ႉ တေဢမ်ႇမီးၽႂ်ၶႂ်ႈလဵၼ်ႈၵေႃႉၸွမ်း ”ၼႆၼၼ်ႉလႃး" ယိုင်ႈမၼ်းလူဢၢၼ်ႇၼမ် ယိုင်ႈမၼ်းႁႃဢူၺ်းၵေႃႉလႆႈၼမ်မႃးတိၵ်း"ၼၼ်ႉယဝ်ႉ ၶေႃႈၼႆႉ ပဵၼ်ယွၼ်ႉလူၺ်ႈ #မဝ်ႇၸိူဝ်တူင်း ဢမ်ႇလႆႈလူဢၢၼ်ႇႁႂ်ႈမၼ်းသုတ်းယဝ်ႉၵႂႃႇလၢႆ"လွၵ်ႇ" မိူၼ်ၵူၼ်းမၢင်ၵေႃႉၼၼ်ႉယဝ်ႉ။
#မဝ်ၸိူဝ်တူင်း တိုၵ်းသူၼ်းႁႂ်ႈၵူႈၵေႃႉ" ၼႂ်းလုၵ်ႈၼွင်ႉ ၽူႈလုၵ်ႉၽိုၼ်ႉၶဝ် ၶတ်းၸႂ်လူဢၢၼ်ႇပပ်ႉလိၵ်ႈ ပပ်ႉလၢႆး ဢၼ်ပဵၼ်လၢႆး ပူၵ်းပွင်ၺၢၼ်ႇတၢင်းႁူႉၸဝ်ႈၵဝ်ႇ ႁႂ်ႈၶိုၼ်ႈယႂ်ႇတိူဝ်းတွၼ်းလီလိူဝ်ပိူၼ်ႈသုတ်းၼၼ်ႉယူႇ ႁႂ်ႈဢဝ်တၢင်းႁူႉၼႂ်းပပ်ႉလိၵ်ႈၼၼ်ႉ မႃးထတ်းသၢင်ၼႄၵၼ် ပၼ်တၢင်း ႁၼ်ထိုင်တွပ်ႇထဵင်ၸူးၵၼ်ဝႃႈ မၼ်းမီးၶေႃႈလီၶေႃႈၸႃႉၸိူင်ႉႁိုဝ်ၽွင်ႈၼႆၼၼ်ႉယဝ်ႉ။
#မဝ်ၸိူဝ်တူင်း ပဵၼ်ၵူၼ်းသူင်လူလိၵ်ႈလၢႆးငၢႆးမိူၼ်ၼွၼ် ဢမ်ႇၼၼ် မွတ်ႈ ပပ်ႉလိၵ်ႈပပ်ႉလၢႆး ထိုင်ယွတ်ႈထိုင်ၸွမ်မၼ်းတႄႉ"လႄႈ မၼ်းၸင်ႇဢဝ်လွင်ႈဢၼ်ယၢမ်ႈၵိူတ်ႇ ပဵၼ်မီးမႃး
ၼႂ်းပိုၼ်းၶႄႇ မိူဝ်ႈၸဝ်ႉၸိူဝ်းၼၼ်ႉ ၶွၵ်းဢွၵ်ႇမႃးၼႄႁႂ်ႈသိုၵ်း
ထိူၼ်ႇ ၽူႈလုၵ်ႉၽိုၼ်ႉ ၶဝ်တွင်းမၢႆ လွၵ်းလၢႆးၸိူဝ်းၼၼ်ႉ။
ဢွၵ်းဢေႃဢၼ်လႅတ်းၽၢႆမၼ်းၼၼ်ႉ မီးဢေႃးၸႃႇၼိူဝ်ၵူၼ်းတၢင်းၼမ်တႄႉ"ဝႃႈ" ထိုင်ၸၼ်ႉၶၢမ်ႇယွမ်းတၢႆတၢင်မၼ်းလႆႈလူးၵွၼ်ႇ။ ၵူၼ်းၸိူဝ်းဢၼ်တၢႆတၢင်မၼ်းၼၼ်ႉ ၵမ်ႈၽွင်ႈယင်းတေဢမ်ႇတွၼ်ႉယၢမ်ႈလႆႈႁၼ်ၼႃႈ မဝ်ၸိူဝ်တူင်သေပွၵ်ႈလူးၵွၼ်ႇယဝ်ႉ။
လၢတ်ႈလႆႈဝႃႈ #မဝ်ၸိူဝ်တူင်း ပဵၼ်ၵူၼ်းထမ်ႇမတႃႇ ဢၼ်ဢမ်ႇၸႂ်ႈထမ်ႇမတႃႇၵေႃႉၼိုင်ႈ ဢၼ်မီးဢူမုၼ်မေႃဢမ်မေႃသူၼ်း
ၸႂ်ပိူၼ်ႈႁႂ်ႈႁဵတ်းၸွမ်းၶေႃႈသင်ႇၵႂၢမ်းသွၼ်မၼ်းလႆႈၼၼ်ႉယဝ်ႉ။
ဢူၽုင်းၶိုၵ်ႉတွၼ်းမၼ်းၼႆႉ ဢမ်ႇၸႂ်ႈၸိူင်ႉႁိုဝ်လူင်လၢင် ပဵၼ် #ပၢႆးဝူၼ်ႉ မၼ်းၼၼ်ႉယဝ်ႉ။
ဢဝ်တင်းပၢႆးဝူၼ်ႉမၼ်းသေ ၽုၵ်ႇမဵတ်ႉၽင်ၸိူဝ်ႉ ပၢႆးဝူၼ်ႉမၼ်း သႂ်ႇပၼ်ၼႂ်းမၢၵ်ႇဢွၵ်းဢေႃၵူၼ်းမိူင်းၶႄႇယဝ်ႉၶႂၢၵ်ႈတိူၼ်းဢွၵ်ႇၵႂႃႇ ထႅင်ႈလၢႆလၢႆမိူင်း တူဝ်ႈလူၵ်ႈၵမ်ႇၽႃႇ ဢမ်ႇတၢပ်ႈလူဝ်ႇလႆႈလူင်းတိုၼ်းလၢင်းသင်လူင်လၢင်ၵႃႈႁိုဝ်။
လူပပ်ႉလိၵ်ႈၼႆႉၼႄၼမ်ႉၼႄတူဝ်မၼ်းလႆႈထၢင်ႇၸႅင်ႈဝႃႈ ပိၵ်ႉသမ်ႉမၼ်းပဵၼ်လုၵ်ႈၸဝ်ႈႁႆႈၸဝ်ႈၼႃးဢွၼ်ႇၵူၺ်းၵေႃႈ မၼ်းမီးၼမ်ႉၵတ်ႉတၢင်းၶႅၼ်ႇၵျႃႉလိူဝ်ပိူၼ်ႈတင်းၼမ်ၼႆၼၼ်ႉယဝ်ႉ။
တူၺ်းဢဝ်မဝ်ၸိူဝ်တူင်းပဵၼ်တူဝ်ယၢင်ႇလႄႈ ပၢၼ်မိူဝ်ႈတိုၵ်းယိုဝ်းႁိမ်ဢႃႇၼႃႇၽႅၼ်ႇလိၼ်ၸိုင်ႈမိူင်းၵၼ်ယူႇၼၼ်ႉ မၼ်းၼႄၼမ်ႉၵတ်ႉတၢင်းၶႅၼ်ႇ ဢၼ်ၶိုၵ်ႉတွၼ်းမၼ်းဢွၵ်ႇမႃးတဵမ်"ထူၼ်ႈ"။
ၼႂ်းပပ်ႉၼႆႉ တူၺ်းဢဝ်လႆႈ ဢမ်ႇၶႂ်ႈႁႂ်ႈယုမ်ႇဢဝ်ၸွမ်း ၽိုၼ်ၵျၢမ်းပေႇတၢင်ႇၵႃႇလႃးၽိုၼ်လႂ် ႁႂ်ႈယုမ်ႇၸွမ်းလွင်ႈႁဵတ်းတၢင်းသၢင်ႈ ပၢႆးဝူၼ်ႉလီ လႄႈ မီးၵုင်ႇၵုၼ်းမုၼ်လီၼၼ်ႉၵူၺ်း။
ဢၼ်လမ်ႇလွင်ႈလိူဝ်ၼႆႉသမ်ႉ မၼ်းလႆႈၼႄၼမ်ႉၸႂ်ႁႂ်ႈႁၼ်ဝႃႈ
မၼ်းမီးယိူင်းဢၢၼ်းမၼ်ႈၵႅၼ်ႇ ပုၼ်ႈတႃႇတေဢွၼ်ဢဝ်မိူင်းၶႄႇ ႁႂ်ႈႁွတ်ႈထိုင်တီႈၶိုၼ်ႈယႂ်ႇမႂ်ႇသုင် ၊ ဢၢၼ်ပူတ်းပွႆႇၸၢဝ်းၶိူဝ်းၶႄႇၶဝ် ဢၼ်လႆႈၶၢမ်ႇ တၢင်းၽူႈၶဵၼ်တၢင်ႇၸၢဝ်းၶိူဝ်းမႃးၶီႇၼဵၵ်းတဵၵ်းတဵငိလႄႈ ဢုပ်ႉဝၢၼ်ႈၵိၼ်မိူင်း ဢမ်ႇၸွမ်းတြႃးၼိူဝ်ၵူၼ်းၶိူဝ်းၶဝ်ၼၼ်ႉယူႇ။
ပၢႆးဝူၼ်ႉဢၼ်မၼ်းတူၺ်းႁၼ်ဝႃႈ ၵၢၼ်ၸိူဝ်းၼႆႉ တေႁဵတ်းပဵၼ်မႃးလႆႈတႄႉၼႆသေ သမ်ႉပၼ်ႈၼႄၼမ်ႉၼႄတူဝ်မၼ်းလႆႈႁၼ်တႄႉၼၼ်ႉယဝ်ႉ ။
#မဝ်ၸိူဝ်းတူင်း ပဵၼ်ၵူၼ်းၸႂ်ၵတ်းၸႂ်ယဵၼ်ၼႅၼ်ႇၼႃႇ မၼ်းဝူၼ့်ၽႅၼ်ၵၢၼ်တင်းၼမ်တင်းလၢႆၼင်ႇတႅတ်ႈ"ၼႅတ်ႈ" ဢမ်ႇလႃႈလီႈလၢမ်းလိမ်း သေၶပ်းၶိုင်ႁဵတ်းၵႂႃႇ မေႃပႅင်းမႅတ်ႇပၼ်သၢႆၸႂ်သိုၵ်းထိူၼ်ႇ ႁၵ်ႉသၢႆၸႂ်ၽူႈလုၵ်ႉၽိုၼ်ႉ ၶဝ်ၼမ်ထီႉသုတ်းတႄႉ"။
ဢၼ်ႁဵတ်းႁႂ်ႈမၼ်းၶိုၼ်ႈမႃးပဵၼ်ယႂ်ႇၼိူဝ်ပိူၼ်ႈတၢင်းသဵင်ႈ ၼင်ႇၼႆၼၼ်ႉ ဢမ်ႇၸိုဝ်ႈတၢင်းမုင်ႈမွင်းဢၼ်ၼွၼ်းၾၼ်ၵၢင်ဝၼ်း ဢမ်ႇၼၼ်ဝူၼ်ႉလၢႆ"လွၵ်ႇ"သေဢမ်ႇႁဵတ်းၸွမ်းသင်သေၸိူဝ်ႉၼၼ်ႉၼႄႁဝ်းယူႇထိုင်ဝၼ်းမိူဝ်ႈၼႆႉ ၵူၼ်းၸၢဝ်းၶိူဝ်းၶႄႇၶဝ်ၼပ်ႉယမ်ဢဝ်ၵုင်ႇမုၼ်ယူႇ တေႃႇထိုင်ႁၢၼ်ႉၼႆႉယဝ်ႉ။
#မဝ်ၸိူဝ်တူင်း ဢမ်ႇတွၼ်ႉထၢင်ႇလဵၵ်ႉသၢင်းၽႅပ်ႉၼိူဝ်ၽူႈၶဵၼ် ၵေႃႉလႂ်သေၵေႃႉ ဢမ်ႇဝႃႈၽူႈၶဵၼ်တေပဵၼ်ၸုမ်းလႂ်ၵေႃႈယဝ်ႉမၼ်းဢမ်ႇတွၼ်ႉလူင်တူဝ်လိုမ်းၶိင်း တိုၼ်းဝႆႉသတိယူႇတႃႇသေႇဝႃႈ လွင်လူင်တူဝ်လိုမ်းၶိင်းၼၼ်ႉ ပဵၼ်သဵၼ်ႈတၢင်းတၢႆ ၵူၺ်းၼႆယူႇယဝ်ႉ။
တေလႆႈႁၼ်ဝႃႈ ၼႂ်းၸူဝ်ႈၶၢဝ်းလုၵ်ႉၽိုၼ်ႉပိၼ်ႇပႅင်ႇလႅၵ်ႈလၢႆႈ
ဝၢၼ်ႈမိူင်း ဢၼ်ၵိၼ်ၶၢဝ်းယၢမ်း ႁိုင်ထိုင် 28 ပီပၢႆ တေႇပီၶရဵတ်ႉ 1921 -1949 ၼၼ်ႉ ၽႅၼ်ႇလိၼ်ၸိုင်ႈမိူင်းၶႄႇ လိူတ်ႈၵူၼ်းလႆႈၼွင်းၼပ်ႉပေႃးဢမ်ႇၶႂ်ႈထူၼ်ႈလႆႈ သမ်ႉပေႃးလႅင်ၸွတ်ႇတူဝ်ႈလူင်ၵႂႃႇသဵင်ႈယူႇယဝ်ႉ။
ၽၢႆႇၵၢၼ်ၸႂ်ႉတိုဝ်းဢွၵ်းဢေႃဝၢင်းၽႅၼ်ၼၼ်ႉ #မဝ်ၸိူဝ်တူင်း မေႃတႅမ်ႈဝွၵ်းၸၢပ်ႈၵႂၢမ်းၶိုၵ်ႉၶႅမ်ႉ ထိုင်တီႈပေႃးၸုင်ၸၼ် ၸႂ်ၵူၼ်းလႆႈတင်းၼမ်တင်းလၢႆယူႇ လႆႈတႅမ်ႈမၢႆဝႆႉပဵၼ်ၽိုၼ်ၵျၢမ်းၵိုၵ်းပိုၼ်းၸိုဝ်ႈသဵင်ႁူင်လိုဝ်းတေႃႇထိုင်ယၢမ်းလဵဝ် ၊
#မဝ်ၸိူဝ်တူင်းလႆႈ ၵေႃႇတင်ႈၸၢတ်ႈသႅင်း ၶိုၼ်ႈမႃး လၢႆမူႇလၢႆၸုမ်းသေ ႁဵတ်းၼႃႈတီႈပုၼ်ႈၽွၼ်းသေႃႇသူၼ်း တၢင်းပၢႆးၸႂ် သူင်ႇဢွၵ်ႇၵႂႃႇၼႄၵူႈတီႈၵူႈတၢင်းယူႇ ၸၢတ်ႈ သႅင်းၵေႃႈလႆႈဝႃႈပဵၼ်ဢၼ် ၶိုၵ်ႉၶႅမ်ႉလိူဝ်တၢင်ႇၸုမ်းတႄႉ" ယွၼ်ႉမၼ်းတမ်းပိူင်ၸၢတ်ႈသႅင်း ၶိုင်ၶမ်ႉ ဢၼ်တေလႆႈႁဵတ်း ၸွမ်းၼၼ်ႉတႅတ်ႈၼႅတ်ႈလီ။
မဝ်ၸိူဝ်တူင်းတိုၼ်းဝႃႈပဵၼ်ၵူၼ်းၵတ်ႉၶႅၼ်ႇ ပုၼ်ႈတႃႇတေ သေႃႇသူၼ်းၵူၼ်းႁႂ်ႈမီးၸႂ်သိုဝ်ႈယူဝ်းတေႃႇလၵ်းၼမ်းယိူင်းမၢႆ
ဢမ်ႇၼၼ်တေႃႇလၵ်းပိူင်ယူႇယဝ်ႉ။ ၵွပ်ႈၼၼ်လႄႈ မၼ်းၸင်ႇလႆႈဢုပ်ႉဝၢၼ်ႈၵိၼ်မိူင်းမီးဢႃႇၼႃႇလိူဝ်ပိူၼ်ႈသုတ်း ၼႂ်းၽႅၼ်ႇလိၼ်ၸိုင်ႈမိူင်းၶႄႇ ဢၼ်မီးႁူဝ်ၵူၼ်းၼမ်လိူဝ်ပိူၼ်ႈၼႂ်းလူၵ်ႈ ၵွပ်ႈမေႃၸႂ်ႉတိုဝ်းလၵ်းပိူင်ၼႆႉ ပဵၼ်ၶိူင်ႈၼမ်းတၢင်းၼၼ်ႉယဝ်ႉ။
ၵူၺ်းၵႃႈတွၼ်ႈဢၼ်လီၶဝ်ႈၸႂ်ၼႆႉတႄႉ #မဝ်ၸိူဝ်တူင်း
ယွၼ်ႉသင်လႄႈ မၼ်းၸႂ်ႉလွၵ်းလၢႆး ”ပေႃးဢမ်ႇၶဝ်ႈထမ်ႈသိူဝ် ႁိုဝ်တေလႆႈလုၵ်ႈသိူဝ်”ၼႆႉသေၶဝ်ႈဢုပ်ႇၵုမ်ယၢၼ်ႇသူႇထိုင်တီႈ
ဢွင်ႈၽူႈၶဵၼ်ၼၼ်ႉႁတ်း"ႁၢၼ်" ဢဝ်ဢွင်ႇပေႉလႆႈၼမ်ႉမျတ်ႈၼမ်ႉတွၼ်းၼၼ်ႉယဝ်ႉ။ မၼ်းတွင်းမၢႆသႂ်ႇၸႂ်ဝႆႉတႃႇသေႇဝႃႈ လၢႆးဢုပ်ႇဢူဝ်းၵၼ် ဢၼ်ဝႃႈၼၼ်ႉၵေႃႈ မၼ်းပဵၼ်ပၢင်တိုၵ်းသိုၵ်းၵၼ်လၢႆးၼိုင်ႈတီႈဢမ်ႇလႆႈသဵင်ႈမၢၵ်ႇၵွင်ႈၼင်ႇၵဝ်ႇၼႆၼၼ်ႉယဝ်ႉ။
#မဝ်ၸိူဝ်တူင်း မီးဢႃႇယုယိုၼ်းယၢဝ်းယူႇသဝ်းၼႂ်ႈၸၼ်ႉထၢၼ်ႈ ပဵၼ်ၽူႈၼမ်လီ ၶွမ်ႇမိဝ်ႇၼိတ်ႇၶႄႇ တေႇမိူဝ်ႈ 1935 ႁၢၼ်ႉတေႃႇထိုင်သဵင်ႈၵၢမ်ႇသုတ်းမုၼ်ၵႂႃႇ 9/9/1976 ဢႃႇယုလႆႈ 82 ၸူဝ်ႈၶၢဝ်းတၢင်းလႆႈပဵၼ်ၽူႈၼမ်း (41)ပီ ယဝ်ႉ။
လွၵ်းလၢႆးတိုၵ်း ဢၼ် #မဝ်ၸိူဝ်တူင်း လႆႈၸႂ်ႉၼမ်လိူဝ်ပိူၼ်ႈသုတ်းပဵၼ် လွၵ်းမၢႆ(44) ဢၼ်ဝႃႈ ၼင်ႈယူႇတီႈၼိူဝ်တူၺ်းသိူဝ်ၶူပ်းၵၼ် ၼၼ်ႉၼမ်လိူဝ်သေတၢင်ႇဢၼ်။
လွၵ်းဢၼ်လီသူၼ်ၸႂ် မိူဝ်ႈမၼ်းပဵၼ်မၢဝ်ႇၼၼ်ႉတႄႉ
ပဵၼ်လွၵ်းထူၼ်ႈ (1) ၸႂ်ယဵၼ်သူႈသိူဝ်ၼၼ်ႉယဝ်ႉ လွၵ်းၼႆႉတႄႉပဵၼ်လၢႆးၶဝ်ႈၸူး ၵေႃႉဢၼ်ႁဝ်းႁၵ်ႉ ဢဝ်ၶဝ်ႈပဵၼ်လွၵ်းလၢႆးတိုၵ်းဢၼ်ၼိုင်ႈၼႆသေဢဝ်တႅၵ်ႈၼေဝႆႉယူႇ လဵပ်ႈႁဵၼ်းတူၺ်းလႄႈ #မဝ်ၸိူဝ်တူင်း ။
ယွၼ်ႉၼၼ်ႁဝ်းၸူမ်ယူႇၼႂ်းၽႃဝလုၵ်ႉၽိုၼ်ႉႁိုင်ၼၢၼ်း ၽွင်းတိုၵ်ႉၶတ်းႁႅင်းယူႇၼႆႉ ပဵၼ်ၽူႈဢွၼ်ႁူဝ်ဢမ်ႇဝႃႈ လုၵ်ႈၼွင်ႉ ၽူႈၸွမ်းလင်ၵေႃႈယဝ်ႉ တႃႇပဵၼ်ၵူၼ်းမိူင်းလီၵေႃႈယႃႇ ႁဝ်းထုၵ်ႇလီလဵပ်ႈႁဵၼ်းႁူႉ ၵၢၼ်လၢႆးလုၵ်ႉၽိုၼ်ႉလႄႈ လွင်ႈဝႆႉဝၢင်းၸႂ် ပၢႆးဝူၼ်ႉၸိူဝ်းၶဝ်ၼႆႉတႄႉ" ယူဝ်လိူတ်ႈလႅင်ႁတ်းႁၢၼ်ဢွၼ်ႇ ၽဝလုၵ်ႉၽိုၼ်ႉတႃႇ ၸိူဝ်ႉၶိူဝ်းဝၼ်းမိူဝ်းႁဝ်းၼၼ်ႉ မၼ်းလႆႈယဵၼ်ၵႂႃႇပႅတ်ႈ ။
——————————————————
#ၶေႃႈၵႂၢမ်းလွၼ်ႉမွၼ်းႁႅင်းၸႂ် ထွၼ်မႃးၵမ်ႈၽွင်ႈ
”လွႆၵူၼ်ႇတေႃႇၼႃႈၵေႃႈ ၸႂ်ဢမ်ႇၵိူင်းၸၢႆႉ
သိူဝ်ႁၢႆႉမီးတၢင်းလင်ၵေႃႈ ဢမ်ႇတူၵ်းၸႂ်”
”ႁဝ်းမီးဢဵၼ်ႁႅင်းလဵၵ်ႉဢွၼ်ႇမွၵ်ႈ ၵမ်မိုဝ်းၼိုင်ႈၵူၺ်းၵေႃႈ မၼ်းၵႅၼ်ႇၶႅင် မီးလၵ်းၼမ်း မီးယိူင်းမၢႆမၼ်ႈၵိုမ်းလီလိူဝ်ယူႇ”
”တေႁဵတ်းသင်သေမဝ်ႇဝႃႈ ယႃႇဢဝ်ၸႂ်ယွင်ႇမႃႈ
ၼမ်းၼႃႈသေ လႃႈလီႈႁဵတ်းႁွတ်းလူင်ၵႂႃႇ”
"လွင်ႈယူႇလူင်တူဝ်လိုမ်းၶိင်းၼၼ်ႉယဝ်ႉ
ပဵၼ်တၢင်းယူပ်ႈၽူႈၶဵၼ် မီးၽွၼ်းလီတႃႇႁဝ်း"
"ယႃႇၵဝ်းမႄႈၵႃႉၶၢႆ ယႃႇယွင်ႇလၢႆလမ်းဝူင်း
ယႃႇပၼ်းပူင်းမႄႈၵႆႇ"
”ႁတ်းႁၢၼ်ၼိုင်ႈၵေႃႉပႂ်ႉၵိၵ်ႉ ပိၵ်ႉလႆႈၽူႈၵူဝ်ႁေပဵၼ်မိုၼ်ႇ”
”ၶႆႇၾႆးၼိုင်ႈၶႆႇ ၸၢင်ႈမႆႈလႆႈတၢင်းလွႆ”
(ယွၼ်ႉၼၼ်ဢမ်ႇထုၵ်ႇလီထၢင်ႇလဵၵ်ႉ လွင်ႈဢွၼ်ႇဢီႈလဵၵ်ႉ)
”ၵိုတ်းၵူၼ်းသုမ်းတီႈ မီးၵူၼ်းၵိုတ်းၼမ်
ၵိုတ်းတီႈသုမ်းၵူၼ်း မီးၵူၼ်းသုမ်းၼမ်”
”လွင်ႈလႆႈတၢႆၸိူင်ႉၼင်ႇၽူႈႁတ်းႁၢၼ်ၶဝ်ၼႆႉ
မၼ်းမီးၵုင်ႇမီးမုၼ်ယိုင်ႈယႂ်ႇတႄႉ ၵွပ်ႈၼႆ
လႆႈဢဝ်လိူတ်ႈႁၢၼ်လႅင် ၶဝ်တႅမ်ႈပိုၼ်းဝႆႉယူႇဢိူဝ်ႈ”
”ၼိဝ်ႉမိုဝ်းဢၼ်ဢႃႈဢွၵ်ႇၵႂႃႇ သမ်ႉပေႃးႁၢင်ႇၵၼ်လူင်ဝႆႉၼၼ်ႉ တႅၵ်ႈမိူၼ်တပ်ႉသိုၵ်းၽူႈၶဵၼ်ယဝ်ႉ။ ပိၵ်ႉသမ်ႉႁၼ်ဝႃႈမၼ်းမီးၼမ်သေတႃႉၵေႃႈ မၼ်ယူႇဝၢၵ်ႇဝိူဝ်ႁၢင်ႇၵၼ်ဝႆႉလၢႆတီႈလၢႆတၢင်း
မီးၽၢင်ႁၢင်ႈဢၼ်တေၸၢင်ႈတႅပ်းပႅတ်ႈလႆႈၵမ်းၼိဝ်ႉ" မိူၼ်ၼိဝ်ႉမိုဝ်းၼၼ်ႉယူႇ။ ၵွပ်ႈၼၼ်လႄႈ ယႃႇပၼ်တိုဝ်ႉတၢင်းႁႂ်ႈၽူႈၶဵၼ်လႆႈမႃး ၶွၼ်ႈၸုမ်ၵၼ် မိူၼ်ၵမ်တႃမိုဝ်းလႃး" ။ ပေႃးပဵၼ်ၼၼ်
တေၸၢင်ႈတႅပ်းလႆႈယၢပ်ႇ"ယဵၼ်း" ယဝ်ႉ”
——————————————————
ထွၼ်ဢွၵ်ႇမႃးၼႂ်းပပ်ႉ>>>>————————
လွၵ်းလၢႆးတိုၵ်း #မဝ်ၸိူဝ်တူင်း (48) ပႅတ်ႇလွၵ်း
ပိၼ်ႇတႅမ်ႈ-မႁႃဝၼ်းၵႅဝ်ႈ ၊ မႁႃႇတေႇဝိင်ႇ (မိူင်းၼၢင်း)
——————————————————
ပိုၼ်ၽႄႈတၢင်းႁူႉ #ပပ်ႉလိၵ်ႈတႆး #ShanBooks
