လွၵ်းလၢႆး လွင်ႈယူႇသဝ်း(7)ပိူင် "ၽူႈမၢၵ်ႈမီးသေပိူၼ်ႈ ၼႂ်းလူၵ်ႈၶဝ်"

==============================

"ဢပုမ်ႇဢၼ်လီထွမ်ႇၼႃႇမိူဝ်ႈၼႆႉၼႆႉ မိူဝ်ႈဝၼ်းဝႃးပဵၼ်ၼမ်ႉႁူၼမ်ႉတႃဢိူဝ်ႈ။ ပိူင်ပဵၼ်ဢၼ်ႁုၵ်းႁၢႆႉ

ၼႃႇ ၼႂ်းယၢမ်းတေႃႈလဵဝ်ၵေႃႈ တေပဵၼ်မႃးဢပုမ်ႇဢၼ်လီထွမ်ႇၼႃႇ ၼႂ်းဝၼ်းမိူဝ်ႈၽုၵ်ႈမိူၼ်ၵၼ်"။

ၵူၼ်းၽူႈယိုင်ႈယႂ်ႇ ၽူႈၸိူဝ်းပဵၼ်ၸွမ်ထႅၼ်ႈၵူၼ်းၼႆႉၽႂ်ၵေႃႈၶႂ်ႈႁူႉလွင်ႈၶဝ်၊

ယိၼ်းၶွၺ်ၸွမ်း လွင်ႈဢွင်ႇမၢင်ႇၶဝ်ယဝ်ႈ။

ၵူၺ်းၵႃႊၵူၼ်းၸိူဝ်းဢၼ် သွၵ်ႈၶူၼ်ႉႁႃ

လွင်ႈတေႉတေႉဝႃႈ ၶဝ်ႁဵတ်းႁိုဝ်သေ ၶိုၼ်ႈယႂ်ႇ

ဢွင်ႇမၢၼ်မႃးၼႆၼၼ်ႉတႄႉ မီးၵမ်ႉဢေႇဢေႇၵူၺ်း။

တွၼ်ႈသွၼ်လီလီ ဢၼ်ပိူၼ်ႈႁဵတ်းသၢင်ႈၼေမႃးၼႆႉ

ပေႃးမေႃဢဝ် မေႃယူႇသဝ်းတိုဝ်းၵမ် ႁဵတ်းၸွမ်းၸိုင်ဢမ်ႇၶိုၼ်ႈယႂ်ႇပဵင်းၶဝ်ၵေႃႈ ႁဝ်းတိုၼ်းတေပဵၼ်မႃး

ၵူၼ်းၵေႃႉဢွင်ႇမၢင်ႇ ၼႂ်းၼႃႈတီႈၵၢၼ်ငၢၼ်းႁဝ်းယူႇဢမ်ႇႁၢင်ႉ။

ဢၼ်လႆႈပိၼ်ႇဢွၵ်ႇမႃးၼေၼႆႉ ဢမ်ႇၶႂ်ႈ

ႁႂ်ႈၶဝ်ႈၸႂ်ဝႃႈ ပဵၼ်တီႈၵူၼ်းမၢၵ်ႈမီးၵူၺ်းၼႆ။

ၶႂ်ႈႁႂ်ႈၽူႈလူႁဝ်းၶဝ် ဢဝ်ၸႂ်ႉတိုဝ်းတေႃႇ ၼႃႈၵၢၼ်ယိူင်း

ဢၢၼ်းၽႂ်မၼ်းပႃးယူႇယဝ်ႉ။

Billion ၼႃႇသထေးလူင်ၶဝ်ၼႆႉ

1.ၶဝ်ပဵၼ်ၵူၼ်းလုၵ်ႉၸဝ်ႉ။

ၼႂ်းလိၵ်ႈၽိုၼ်တိုၼ်းၼၼ်ႉဝႃႈဝႆႉတႄႉ ၸၢမ်းလိူၵ်ႈဢဝ်ၵူၼ်းမၢၵ်ႈမီးသေပိူၼ်ႈ ၼႂ်းပၢၵ်ႇၵေႃႉၼၼ်ႉမႃး

သေထတ်းသၢင်ႈတူၺ်းလႃႈ တိုၼ်းဢမ်ႇမီးၽႂ် ဢၼ်ပဵၼ်ၵူၼ်းလုၵ်ႉလႃႈ တီႈဢေႇသုတ်းမၼ်း လုၵ်ႉဢဝ်

6မူင်း7မူင်းလၢႆလၢႆၼႆယဝ်ႉ။

သင်ၸဝ်ႈၵဝ်ႇ ပဵၼ်ၵူၼ်းၵေႃႉဢၼ် မီးယိူင်းမၢႆသုင်လႄႈ

ၶႂ်ႈႁႂ်ႈယဝ်ႉတူဝ်ႈၽႂ်းၶၼ်ၼႆ ယႃႇလုၵ်ႉလႃႈသေၵမ်း။

လုၵ်ႉတေႇဝၼ်းမႂ်ႇ ၸဵမ်မိူဝ်ႈၽႂ်ပႆႇလုၵ်ႉၼၼ်ႉလႄႈ။

2.လဵၼ်ႈႁႅင်းၵူႊဝၼ်း။

ၵူၼ်းမၢၵ်ႈမီးသေပိူၼ်ႈ တီႈၼႂ်းလူၵ်ႈၶဝ်ၼႆႉ ပိၵ်ႉသမ့်ဝႃႈ ၶဝ်မီးၶပ်ႉမၢႆၼႃႈၵၢၼ်ၼမ်လၢႆ တႃႇႁဵတ်းသေတႃႉ ၶၢဝ်းယၢမ်းတႃႇလဵၼ်ႈႁႅင်းၶဝ်ၼၼ့်တႄႉတိုၼ်းဢမ်ႇပၼ်လုတ်ႈၼႆယဝ်ႉ။

သင်ဝႃႈတူဝ်ၵဝ်ႇဢမ်ႇၵႅၼ်ၶႅင် ယူႇလီပီးသၼ်းၸိုင်

တႃႇတေဢဝ် ၸႂ်သႂ်ႇၼိူဝ်ၼႃႈၵၢၼ်လီလီသေ ၶိုင်

ပွင်ႁဵတ်းသၢင်ႈၼၼ်ႉဢမ်ႇငၢႆႈ။ သင်ႁၵ်ႉၼႃႈၵၢၼ်ၸဝ်ႈၵဝ်ႇ

ၵူဝ်ၼႃႈၵၢၼ်တူဝ်ၵဝ်ႇလူႉလႅဝ်ၼႆ ယႃႇပေလိုမ်း

လုမ်းလႃးပၢႆးယူႇလီၵၼ်သေၵမ်း။

3.ႁတ်းတႅပ်းတတ်းၸႂ်ထၢင်ႇထိူမ်ၼိူဝ်တူဝ်ၵဝ်ႇဢေႇ။

ၵူၼ်းႁဝ်းၵူႊၵေႃႉၼႆႉ ၽႂ်ၽႂ်ၵေႃႈၵူဝ်ယဝ်ႉၼႃ။

လွင်ႈဢၼ်ႁဝ်းၸုၼ်ႉသေ ႁဵတ်းသၢင်ႈၼၼ်ႉ။

ပေႃးဝႃႈၽိတ်းပိူင်ႈမႃးၼႆ။ ပႅၵ်ႇပိူင်ႈၵၼ်။

ၵူၼ်းၸိူဝ်းၶိုၼ်ႈယႂ်ႇၶဝ်ၼႆႉသမ်ႉ ၶဝ်ႁတ်း

တႅပ်းတတ်းၸႂ်လိူဝ်ၼၼ်ႉယဝ်ႉ။

တေၼင်ႈႁႂ်ႈတူၺ်းလုၵ်း တေၸုၵ်းႁႂ်ႈတူၺ်းၶိုဝ်ႇၼႆၼၼ်ႉ ပဵၼ်ၵႂၢမ်းသင်ႇသွၼ် ဢၼ်သိုပ်ႇၵၼ်မႃးလႄႈ

မၢၼ်ႇမႅၼ်ႈ ၵိုင်ႇလီထွမ်ႇဢဝ်တေႉယူႇ။

တီႈၼႆႈဢၼ်ဝႃႈ ၸႂ်ထၢင်ႇထိူမ်တူဝ်ၵဝ်ႇၼႆၼႆႉ ပဵၼ်ၸႂ်မဵဝ်းဢၼ်

ပၺ်ႇၺႃႇၼမ်သေ ဢမ်ႇႁတ်းၶဝ်ႈထမ်ႈၼၼ်ႉယဝ်ႉ။

ၸႅၵ်ႇၽေ ၸႂ်မေႃဝူၼ်ႉၶႆႈလႄႈ ၸႂ်ထၢင်ႇထိူမ်ဢွၵ်ႇ

ၵၼ်သေ လူၶႃႈတႃႉ။

4.မေႃလိူၵ်ႈႁဵတ်းသၢင်ႈ လွင်ႈဢၼ်တေပဵၼ်ၵၢၼ်တႃႇတူဝ်ၵဝ်ႇ။

ၽူႈၸိူဝ်းၶိုၼ်းယႂ်ႇၶဝ်ၼႆႉ ထူပ်းယၢပ်ႇၵေႃႈဢမ်ႇယွမ်းႁူၼ် တုၵ်ႉၶၵေႃႈဢမ်ႇသုတ်ႈ။ ၵႃႈမၼ်းပႆႇထိုင်ၵႂႃႇ

တီႈဢၼ်ၶဝ်ဢၢၼ်းၼၼ်ႉ။ လွင်ႈလႂ်တေၶိုၵ်ႉ လၢႆးလႂ်တေပဵၼ်ၵၢၼ်ၼႆ ၶဝ်ၸွပ်ႇသွၵ်ႈႁႃ ႁဵတ်းသၢင်ႈတႃႇသေႇ။

ပိူင်ပဵၼ်တီႈလီယိူင်ႈမၼ်းတႄႉ ၵွမ်ႉၵႃႈလၢႆးၼိုင်ႈဢမ်ႇပဵၼ်ၵွၺ်း။ ယႃႇၼႅတ်ႈၵိုတ်း။သိုပ်ႇၸၢမ်းႁဵတ်းတူၺ်းၵႂႃႇထႅင်ႈ လၢႆးသွင်ၵွၼ်ႇလႄႈၼႆၼၼ်ႉယဝ်ႉ။

တေႃႈၽူႈၶူင်ႊသၢင်ႈလွတ်ႇၾႆး ဢႅၵ်ႉၻီႇသိင်ႇ ယင်း

လႆႈၸၢမ်းပဵၼ်မိုၼ်ႇပွၵ်ႈ ၸင်ႇတေၶူင်ႊဢွၵ်ႇမႃးလႆႈလွတ်ႇၾႆး။ ပဵၼ်ႁိုဝ်ၵေႃႈ ယႃႇယွမ်းၵၢၼ်ႉငၢႆႈငၢႆႈတႃႉ။

5.ဝႆႉၶၢဝ်းယၢမ်းၵိၼ်ၶဝ်ႈၼိုင်ႈၸူဝ်ႈမူင်း။

ယွၼ်ႉၶဝ်တၼ်းၼႃႇတႄႉၵေႃႈ ႁိုဝ်တေၸႂ်ႈၼင်ႇၵဝ်ႇ။

မိူၼ်လၢတ်ႈမႃးပႃႈၼိူဝ်မိူဝ်ႈၵႆႈၼၼ်ႉ ၵူၼ်းၶႂ်ႈ

ၶိုၼ်ႈယႂ်ႇၼႆႉ ပိူၼ်ႈႁၵ်ႉပၢႆးယူႇလီတူဝ်ၵဝ်ႇ။

ၵွပ်ႈၼႆဝႆႉပၼ်ၶၢဝ်းယၢမ်း ၼိုင်ႈၸူဝ်ႈမူင်းၼႆႉ

တေပၼ်ႁႂ်ႈၵဵဝ်ႉၶဝ်ႈဢွၼ်ႇ ပဵၼ်ႁႅင်းလီ။လိုဝ်ႈပၼ်ဢွၵ်းဢေႃ

လိုဝ်ႈပၼ်သၢႆတႃလႆႈၸဝ်ႈၵဝ်ႇၼၼ်ႉယဝ်ႉ။

6.ယၢမ်း Stop

ၵူၼ်းၸိူဝ်းၶိုၼ်ႈယႂ်ႇၶဝ်ၼႆႉ ၶဝ်တေဢမ်ႇႁဵတ်းသင်ႁႂ်ႈပူၼ်ႉတီႈပူၼ်ႉပိူင်။ ၶဝ်ႁူႉ ယၢမ်းထုၵ်ႇလီၵိုတ်းလႄႈယၢမ်းထုၵ်ႇလီသိုပ်ႇၵႂႃႇ။ ပွင်ႇဝႃႈၶဝ်မီးသတိၵိုၵ်းတူဝ်ဝႆႉၼၼ်ႉယဝ်ႉ။

လဵၼ်ႈၽဵတ်ႉၵေႃႈလီ ၵိၼ်လဝ်ႈပီႇယႃႇၵေႃႈယဝ်ႉ

ဢႅဝ်ႇပွၺ်းဢႅဝ်ႇလၢမ်းၵေႃႈပႃး။ သင်ႁဝ်းဢမ်ႇႁူႉဝႆႉ

ယၢမ်းလႂ်ထုၵ်ႇလီၵိုတ်းၸိုင် ၶဝ်ၸိူဝ်းၼႆႉ မီးၽွၼ်းႁၢႆႉတေႃႇႁဝ်းတေႉတေႉ။ ၶႂ်ႈလဵၼ်ႈလဵၼ်ႈ ၶႂ်ႈၵိၼ်"

ယႃႇလိုမ်းယၢမ်းထုၵ်ႇလီၵိုတ်း။

7.ထၢတ်ႈၸႂ်ၼမ်ႉၶိုင်ႈၵွၵ်း။

ၵူၼ်းၸိူဝ်းၶိုၼ်ႈယႂ်ႇၶင်ၼႆႉ ၶဝ်ဢမ်ႇတွၼ်ႉဝူၼ်ႉဝႃႈၶဝ်ႁူႉတဵမ်ထူၼ်ႈယဝ်ႉၼႆသေပွၵ်ႈ။ၶဝ်တိုၼ်းလဵပ်ႈ

ႁဵၼ်းယူႇသေႇသေႇ။ၸဵမ်မိူဝ်ႈတၼ်းလႄႈ မိူဝ်ႈဢမ်ႇတၼ်း။

ၶေႃႈၼႆႉလမ်ႇလွင်ႈၼႃႇ ယွၼ်ႉၼၼ်လႆႈဢဝ်ဝႆႉပဵၼ်ၶေႃႈလိုၼ်းသုတ်းၼႆႉယဝ်ႉ။ၵွမ်ႉၵႃႈလူလိၵ်ႈမႃးၼမ်ၵွမ်ႉၵႃႈ ယၢမ်ႈႁဵၼ်းမႃးသုင် ၵွမ်ႉၵႃႈယူႇမိူင်းၵူၼ်းမႃးႁိုင်ၼႆၵွၺ်းသေ ယႃႇပေထၢင်ႇ

ဝႃႈႁူႉသဵင်ႈယဝ်ႉၼႆ

ယွၼ်ႉဝႃႈ ပေႃးၸဝ်ႈၵဝ်ႇထၢင်ႇၼင်ႇၼၼ် မိူၼ်တင်းဝႃႈၸဝ်ႈၵဝ်ႇ ၶႃႈတႅပ်းပႅတ်ႈ ထၢတ်ႈၸႂ်ၶႂ်ႈႁဵၼ်းႁူႉ။

ပေႃးဢမ်ႇၶႂ်ႈႁူႉၵေႃႈ တေဢမ်ႇႁမ်ႈႁဵၼ်ယဝ်ႉလႄႈတႃႇတေတိူဝ်းႁူႉမႃးလိူဝ်ၵဝ်ႇၼၼ်ႉၵေႃႈ ဢမ်ႇမီးသဵၼ်ႈတၢင်းမၼ်းသင်။

ႁႂ်ႈၵေႃႇသၢင်ႈလႆႈၽဝ ဢၼ်လီႁၢၼ်ႉၸႂ်ၵူႊၵေႃႉၵေႃႉသေၵမ်း။

ယုမ်ႇယမ်ဝႃႈ လိၵ်ႈႁူဝ်ၼႆႉ တေၸွၺ်ႈၵေႈလိတ်ႈ

ပၼ်လွင်ႈၶမ်ၸႂ်တႃႇတႆးၵေႃႉႁဝ်းၶဝ်ၵူႊၵေႃႉယူႇ။

ၼေႃႇလၢဝ်မိူင်း ၼွင်ဢူႇ

#ၼေႃႇလၢဝ်မိူင်း ၼွင်ဢူႇ