ယွၼ်ႉသင်လႄႈၵၢၼ်လုၵ်ႉၽိုၼ်ႉတႆးၼႆႉ လႆႈႁိုင်ၶၢဝ်းယၢဝ်းၵႂႃႇထိုင်တၢၼ်ႇၼႆႉ

တင်ႈတေႇၸဝ်ႈၾႃႉလႄႈ ၵူၼ်းမိူင်းတႆးႁဝ်းႁူမ်ႈ ၵၼ်လူင်းလၢႆးမိုဝ်း လိၵ်ႈႁူမ်ႈမၢႆပၢင်

လူင် 07.02.1947 ဝၢႆးသေၼၼ်ႉၵေႃႈႁူမ်ႈ ၵၼ်တင်း မၢၼ်ႈၸွမ်သိုၵ်းဢွင်ႇသၢၼ်း 

ဢဝ်လွတ်ႈလႅဝ်းၵွၼ်းၶေႃ တင်ႈမိူင်းဢိင်းၵလဵတ်ႈ မိူဝ်ႈၼႂ်း ပီ1948 ၼၼ်ႉသေ 

တေႇပဵၼ်မႃး မိူင်းႁူမ်ႈတုမ်ၸိုင်ႈတႆး ၸဝ်ႈၾႃႉလူင် မိူင်းယွင်ႇႁူၺ်ႈၸဝ်ႈသူၺ်ႇတႅၵ်ႈ 

ၶိုၼ်ႈမႃးပဵၼ် ၸွမ်ၸိုင်ႈ ၵေႃႉဢၼ်တၢင်းသုတ်း ၼႂ်းမိူင်းႁူမ်ႈတုမ်

#ဝၢႆးသေႁူမ်ႈၵၼ် ဢဝ်လွတ်ႈလႅဝ်း တႂ်ႈမိူင်း ႁေႃၶမ်းဢိင်းၵလဵတ်ႈ ပဵၼ်မႃးမိူင်း

ႁူမ်ႈတုမ်ၸိုင်ႈတႆးယဝ်ႉ ၼႂ်းၶၢဝ်းတၢင်း(10)ပီၵေႃႈ ယွၼ်ႉမိူင်းတႆး ဢမ်ႇမီးသုၼ်ႇ

ၸတ်းႁၢင်ႈပွင်တႃႇၵႄႈၶႆႈပၼ်ႁႃ ၵၢၼ်ပၢႆးမၢၵ်ႈမီး /ပၢႆးပိင်ႇၺႃႇ  ပၢႆးယူႇလီ 

တႃႇၵူၼ်းမိူင်းတႆးသေပိူင်လႄႈ

 #ထိုင်မႃး မိူဝ်ႈပီ(1949) သိုၵ်းၶႄႇၽိူၵ်ႇ KMTသုမ်းၵၢၼ်ႉသိုၵ်း \သိုၵ်းလုၵ်ႉၽိုၼ်ႉ

ဢၼ်မဝ်ႇၸိုင်တုင်းဢွၼ်ႁူဝ် ၼၼ်ႉသေ သိုၵ်းၶႄႇ ၽိူၵ်ႇၵမ်ႈၽွင်ႈပၢႆႈ ၵႂႃႇတင်း 

ၵုၼ်ထႆႇဝၢၼ်ႇၵမ်ႈၽွင်ႈတိုၵ်ႉၵိုတ်းဝႆႉ ၼႂ်းၸႄႈတွၼ်ႈယူႇၼၢၼ်ႇ တႃႇထႅင်ႈ ( 2 )

တပ်ႉၸုမ်း ၊

#ထိုင်မႃးပီ(1950)ၼၼ်ႉ သိုၵ်းၶႄႇ ၽိူၵ်ႇKMTဢၼ် ၸွမ်သိုၵ်းလီႇမိႉ

ဢွၼ်ႁူဝ်ဝႆႉၼၼ်ႉထွႆသိုၵ်းဢွၵ်ႇ ၼႂ်းၸႄႈတွၼ်ႈယူႇၼၢၼ်ႇ ၸိုင်ႈမိူင်းၶႄႇသေ

ပူၼ်ႉပႅၼ်ၶဝ်ႈ မႃးၼႂ်းမိူင်းတႆးပွတ်းဢွၵ်ႇၶူင်း၊

#ထိုင်မႃးပီ(1962) ၼၼ်ႉ ၸုမ်းသိုၵ်းမၢၼ်ႈသမရ ဢၼ်ၸွမ်သိုၵ်းၼႄႇဝိၼ်း 

ဢွၼ်ႁူဝ်ၼၼ်ႉ ဝၵ်ႉဢဝ် တိုဝ်ႉတၢင်းဝႃႈ သိုၵ်းၶႄႇၽိူၵ်ႇပူၼ်ႉပႅၼ်ၶဝ်ႈ မႃးမိူင်းတႆး

ၼႆလႄႈ ယွၼ်ႉဝႃႈၸဝ်ႈၾႃႉလူင် မိူင်းယွင်ႈႁူၺ်ႈ ဢမ်ႇမီးတပ်ႉသိုၵ်းဝႆႉႁင်းၶေႃ 

တႃႇၵႅတ်ႇၶႄ မိူင်းႁူမ်ႈတုမ်ၸိုင်ႈတႆးၼႆသေသိုၵ်းမၢၼ်ႈၶဝ်ၸင်ႇၶဝ်ႈမႃး ၼႂ်းမိူင်းတႆး

ၶိုၼ်းၶိုၼ်းဝၼ်းဝၼ်း မႃးတင်ႈဝႆႉယူႇတၢင်း ၼမ်ယႃႇဝႃႈတေၶိုၼ်းလႃႈ 

ယင်းဝႆႉမိူင်းတႆး ပဵၼ်သုၼ်ႇၸတ်းၵၢၼ်သိုၵ်းၵွၼ်ႇယဝ်ႉ။

#ဝၢႆးသေ ဢဝ်လွတ်ႈလႅဝ်းၸွမ်းၵၼ်မႃးၶၢဝ်းတၢင်း(10)ပီၵေႃႈ 

ယွၼ်ႉဢမ်ႇမီးသုၼ်ႇတႅပ်းတတ်းႁင်းၶေႃ တႃႇၸႄႈမိူင်းတႆးလႄႈ

ထိုင်မႃးပီ(1958) လိူၼ်May .21 ၼၼ်ႉ ၸဝ်ႈၼွႆႉႁိုဝ်

 ၸဝ်ႈသေႃးယၢၼ်ႇတႃႉ ဢွၼ်ႁူဝ်ၽူႈႁၵ်ႉၸၢတ်ႈ(31)ၵေႃႉ ၵွင်ႈ( 7 )လဝ်း

သေလုၵ်ႉၽိုၼ်ႉ တေႃႇသူႈတိုၵ်းတေႃးၵၼ် တင်းၶႄႇၽိူၵ်ႇKMT

လႄႈ တပ်ႉသိုၵ်းမၢၼ်ႈ မသရဢၼ်ၼႄႇဝိၼ်း ဢွၼ်ႁူဝ် ၼၼ်ႉယူႇယဝ်ႉ။

#ပေႃးႁဝ်းမႃးၼပ်ႉသၢင်ႈတူၺ်း ၵၢၼ်လၢႆးလုၵ်ႉၽိုၼ်ႉတႆး ႁိုင်ၵႂႃႇ( 62 )ပီယဝ်ႉၵေႃႈ

ၵၢၼ်လၢႆးလုၵ်ႉၽိုၼ်ႉတႆးႁဝ်း ဢမ်ႇပႆႇဢွၵ်ႇပွႆး လႆႈသေပွၵ်ႈၼႆႉ တေပဵၼ်ယွၼ်ႉပိူဝ်ႈဝႃႈ

ၽူႈႁၵ်ႉၸိူဝ်ႉၸၢတ်ႈတႆးႁဝ်း ႁဵတ်းၵၢၼ်လၢႆးလုၵ်ႉၽိုၼ်ႉ ဢမ်ႇပႆႇၸႂ်ႈသဵၼ်ႈတၢင်းၵႂႃႇမၼ်း

လႄႈ ၸင်ႇဝႃႈၵၢၼ် လုၵ်ႉၽိုၼ်ႉတႆးႁဝ်းလႆႈ ၶၢဝ်းယၢဝ်းၵႂႃႇၼႆၵေႃႈ တေဢမ်ႇၽိတ်း

ၼင်ႇၵွၼ်ႇ။

#ၵၢၼ်လုၵ်ႉၽိုၼ်ႉ ၼႆႉမီးယူႇ (2) သဵၼ်ႈတၢင်း  >>

#သဵၼ်ႈတၢင်း(1)ၼႆႉ

ၵႂႃႇသိုဝ်ႈသိုဝ်ႈ ၵႂႃႇသိုဝ်ႈသိုဝ်ႈၼႆႉပွင်ႇဝႃႈ ဢမ်ႇႁိူင်ႈ ဢမ်ႇၵိူင်းတၢင်းလႂ် 

ထူပ်းပၼ်ႁႃသင်ၵေႃႈ မေႃၵႄႈၶႆႈ ဢၼ်ပဵၼ်ပၼ်ႁႃၼၼ်ႉ ပႅၵ်ႉသမ်ႉဝႃႈလႆႈတုၵ်ႉၶ

ယၢပ်ႇၽိုတ်ႇၵိၼ်းၸႂ် တၢၼ်ႇႁိုဝ်ၵေႃႈ ဢမ်ႇယွၼ်ႇၸႂ်ႁူၼ်လင်ပႅတ်ႈ ၶေႃႈယိူင်းဢၢၼ်း

ဢၼ်မုၵ်ႉၸုမ်းမီး ၊

 #ဢမ်ႇဝႆႉငိုၼ်းၶမ်း ပဵၼ်ပိူင်ယႂ်ႇ ႁၼ်မႄႈယိင်းလဝ်းႁၢင်ႈလီၵေႃႈ

ဢမ်ႇဝႆႉႁူဝ်ၸႂ်ၵီႈ ဢမ်ႇမဝ်းမိင်းၸွမ်း ဢႃႇၼႃႇ ၸိုဝ်ႈသဵင်ၸဝ်ႈၵဝ်ႇ ၵိၼ်ၸၢင် 

ၼွၼ်းၵတ်း သွၼ်းၽႃႉ သွၼ်းၽူၼ်လႆႈဢမ်ႇသူႈ ယုမ်ႇပိူၼ်ႈငၢႆႈငၢႆႈ

မေႃဝၢင်းၽႅၼ် မႃႇႁႃႇပိဝ်ႇႁႃႇ  /ၼီးပိဝ်ႇႁႃႇ ၵၢၼ်သိုၵ်းၵၢၼ်မိူင်း 

မေႃလႅၵ်ႈလၢႆႈ ၸွမ်းၼင်ႇတိုဝ်ႉတၢင်းငဝ်းလၢႆး ၵၢၼ်မိူင်း ၼႂ်းမိူင်းလႅၵ်ႈလၢႆႈမႃး

ပၼ်ဢမ်ႇသူႈယူႇပၵ်းၵဝ်ႇပိူင်လဵဝ် ဢမ်ႇဝႆႉႁူမဝ်ထွမ်ႇငၢႆႈၸူးငၢႆႈတႃႇၵၢၼ်လုၵ်ႉၽိုၼ်ႉ။

#ထႅင်ႈသဵၼ်ႈ(2)ၼႆႉၵႂႃႇၵူတ်ႉၵူတ်ႉ

ၵႂႃႇၵူတ်ႉၵူတ်ႉၼႆႉ ပွင်ႇဝႃႈ ႁၼ်သင်ၵေႃႈၶႂ်ႈလႆႈၶႂ်ႈဢဝ် ၶႂ်ႈႁဵတ်း ဢမ်ႇပေႃးမီးပၵ်းပိူင် 

ႁဵတ်း ၵၢၼ် ၸႃႈလိူဝ်ႈ/ၸႃႈလႃႈ ယွင်ႈၸွမ်းဢႃႇၼႃႇမဝ်းမိင်းၸွမ်း ငိုၼ်းၶမ်း 

ၸိုဝ်ႈသဵင်ၸဝ်ႈၵဝ်ႇ ႁၼ်ၽူႈယိင်းၵေႃႉလႂ်လဝ်း ၵေႃႉလႂ်ႁၢင်ႈလီ ၶႂ်ႈလႆႈ/ၶႂ်ႈဢဝ်/

ၶႂ်ႈဝၵ်ႉ/ ၶႂ်ႈတဝ်း /ၶႂ်ႈၵိၼ်ၵျေႃႇလေႃႇၵွၵ်း/ ၶႂ်ႈယူႇမူၼ်ႈယူႇပျေႃႇ လူၺ်ႈၼႃႈ

ႁိူၼ်းၸဝ်ႈၵဝ်ႇၵတ်းယဵၼ် လိုမ်းပုၼ်ႈၽွၼ်းၸဝ်ႈၵဝ်ႇ ယုမ်ႇပိူၼ်ႈငၢႆႈ

ပေႃးၵၢၼ်ယၢပ်ႇမႃးဝႄႈႁူဝ် ၸဝ်ႈၵဝ်ႇ ဢမ်ႇမေႃပူၵ်းပွင်ပၼ်ၵူၼ်းမိူင်း 

#ၸႂ်ႉတိုဝ်းဢႃႇၼႃႇ ပႃႇဝႃႇ ၸဝ်ႈၵဝ်ႇ ႁဵတ်းလူၺ်ႈ ဢမ်ႇထွမ်ႇၶေႃႈၸိသင်ႇ

ယွၵ်ႇလႅၼ် ပႃႈၼိူဝ်သေႁဵတ်းၵၢၼ် ဢမ်ႇသၢင်ႈ လွင်ႈယုမ်ႇယမ်ၼိူဝ်ၵၼ် သေ 

ၶႅၵ်းၶႄႇၵေႃႉ ၼႆပဵၼ်ၼႆ ၵေႃႉၼၼ်ပဵၼ်ၼႆသေ ႁၵ်ႉၵေႃႉ/ၸင်းၵေႃႉ ၵမ်ႉၵဝ်

ဢမ်ႇၶႂ်ႈထွမ်ႇမႂ်း / မႂ်းဢမ်ႇ ၶႂ်ႈထွမ်ႇၵဝ် ၵမ်းလိုၼ်းသုတ်းၵေႃႈတႅၵ်ႇဢွၵ်ႇၵႂႃႇ 

ပဵၼ်လၢႆမူႇ လၢႆၸုမ်း ႁဵတ်းႁႂ်ႈၵူၼ်းမိူင်း မိူဝ်ႇၸၢၼ်ႈ သိုၵ်းလုၵ်ႇၽိုၼ်ႉ 

ဢၼ်ႁဵတ်းၵၢၼ် လုၵ်ႉၽိုၼ်ႉၼၢၼ်းဢွင်ႇပွႆးလႆႈၼႆႉၵေႃႈယွၼ်ႉၼႆႉၵူၺ်း။

#သိုၵ်းလုၵ်ႉၽိုၼ်ႉႁဝ်းၼႆႉ ယွၼ်ႉပိူဝ်ႈသင်လႄႈၶၢဝ်းယၢဝ်းႁိုင်တၢၼ်ႇၼႆႉ 

ပေႃးထတ်းသၢင်တူၺ်း တေလႆႈႁၼ်ဝႃႈ ယွၼ်ႉဢမ်ႇမေႃလႅၵ်ႈလၢႆႈ ၸွမ်းငဝ်းလၢႆး

ငဝ်းလၢႆးပၼ်မႃးယူႇတႃႉၵေႃႈ ဢမ်ႇမေႃဝၵ်ႉဢဝ်ငဝ်းလၢႆး ၵုမ်ႇယူႇပၵ်းၵဝ်ႇ

ပိူင်လဵဝ် ဢမ်ႇႁူႉ ၵၢၼ်မိူင်းတေႉတေႉ ႁဵတ်းၵမ်ႉမၼ်းတေႃႇ ပေႃးဢဝ်ငမ်းယဵၼ်

သမ်ႉၵုမ်ႇမိုင်ႉ ၸွမ်းပၢႆးမၢၵ်ႈမီး ဢမ်ႇမီးၵၢၼ် ႁၢင်ႈႁႅၼ်းသင် သေပိူင်ႈ တေႃႉတႄႉ 

လႅၵ်ႈလၢႆႈမိူၼ် ငူးလွၵ်ႈၶၢပ်ႈ ၸူဝ်ႈၶၢဝ်းၵူၺ်း ဢမ်ႇမေႃ သၢင်ႈငဝ်းလၢႆး

 ႁႂ်ႈၽူႈၶဵၼ်တူၵ်းလွၵ်း သမ်ႉၵုမ်ႇၵႂႃႇတူၵ်းလွၵ်းၽူႈၶဵၼ် ယူႇတႃႇသေႇ 

ၽူႈၶဵၼ်းႁဵတ်းၸိူင်ႉႁိုဝ်ၵေႃႈ ႁဵတ်းၸိူင်ႉၼၼ် ဢမ်ႇမေႃၽၢၼ်ႇသၢင်း ငဝ်းလၢႆး

ႁင်းၶေႃႁူႉ ဝႃႈ ႁဵတ်းၵၢၼ်ၸိူဝ်ႉၸၢတ်ႈယင်ႇလဵဝ်ၵူၺ်းပႆၸွမ်း လွၵ်းၽူႈၶဵၼ် 

ၽၢၼ်ႇသၢင်းငဝ်းလၢႆပၼ် ပေႃးၽူႈၶဵၼ်ယဵၼ်ၵေႃႈ ယဵၼ်ၸွမ်းပေႃးၽူႈၶဵၼ် 

လုၵ်ႉၵေႃႈ လုၵ်ႉၸွမ်း ဢဝ်ၽူႈၶဵၼ်ဝႃႈတင်းပိုၵ်း ၵွပ်ႈၼၼ်လႄႈ ၵၢၼ်လၢႆး

လုၵ်ႉၽိုၼ်ႉၼႆႉၵုမ်ႇပေႃးယၢင်ႈၸွမ်း ၽူႈၶဵၼ် ၸိုင် ႁဝ်းႁိုဝ်တေပူၼ်ႉလႆႈ

ၽူႈၶဵၼ်သေပွၵ်ႈယဝ်ႉလႃႇ။

#တႃႇသိုၵ်းလုၵ်ႉၽိုၼ်ႉ ႁဝ်းတေပူၼ်ႉလႆႈမၢၼ်ႈၼၼ်ႉ 

ႁဝ်းတေလႆႈမေႃ မေႇသၢင်ႈငဝ်းလၢႆး ယူႇတႃႇသေႇ ဢမ်ႇယူႇပၵ်းၵဝ်ႇပိူင်လဵဝ်

မေႃလႅၵ်ႈၸွမ်း ငဝ်းလၢႆးတိုဝ်ႉတၢင်းပၼ်မႃး မေႃၸႂ်ႉတိုဝ်းၵူၼ်း 

ၸုပ်ႈလႂ် /ပၢၼ်ၼၼ်ႉမေႃပူၵ်းပွင်ပၼ် ၵူၼ်းသိုၵ်း ႁႂ်ႈမီးတၢင်းႁူႉ

ပၼ်ႁႅင်းၵူၼ်းသိုၵ်းဢွၼ်ႇ ၶိုၼ်ႈပဵၼ်ၽူႈဢွၼ်ႁူဝ် ဢမ်ႇဝႃႈၵၢၼ်သိုၵ်း 

ၵၢၼ်မိူင်း ၵၢၼ်ငိုၼ်းႁႂ်ႈမီးၼမ်ႉၵတ်ႉ ႁႂ်ႈမီးတၢင်းႁူႉ ႁႂ်ႈမီးပိင်ၺႃႇ

ၼမ်ၼမ်ၵွၼ်ႇ ႁဝ်းၸင်ႇတေၸၢင်ႈပူၼ်ႉလႆႈမၢၼ်ႈၼၼ်ႉ။

#ၵၢၼ်မိူင်းၼႆႉ တင်ႈတေႇ ၸဝ်ႈၾႃႉလႄႈၵူၼ်းမိူင်းတႆးႁဝ်း 

ဢဝ်လွတ်ႈလႅဝ်းၵွၼ်းၶေႃၸွမ်းမၢၼ်ႈဢွင်ႇသၢၼ်း မိူဝ်ႈပီ(1948) 

ယွၼ်ႉပိူဝ်ႈၸဝ်ႈၾႃႉႁဝ်း ဢမ်ႇပူင်သွၼ်ပၼ်ၵၢၼ် မိူင်းတႃႇႁႂ်ႈၵူၼ်းမိူင်း

 ႁူႉၸွမ်းလႄႈႁၢၼ်ႉတေႃႇထိုင်ယၢမ်းၼႆႉၵေႃႈ ၵူၼ်းမိူင်းႁဝ်း ၼႂ်းဝဵင်း

ဝၢၼ်ႈၼွၵ်ႈၼႃးပၢင်ႇ ဢမ်ႇဝႃႈယိင်း ဢမ်ႇဝႃႈၸၢႆး ဢၼ်ဢမ်ႇပႆႇပွင်ႇၸႂ်

ၵၢၼ်မိူင်းၼႆႉႁူဝ်(100%)ၵိုတ်းယူႇထႅင်ႈ(70%)ၵွၼ်ႇ( 30%)တိုၵ်ႉ

ၶမ်ဝႆႉယူႇၼႂ်းၵႄႈလပ်းသိင်ႇ ပိူၼ်ႈဝႃႈႁိုဝ်ၵေႃႈၼၼ်ႉ ၵူၺ်းလႄႈ ၵူၼ်းၸိူဝ်း

ဢၼ်တႃလမ်ႁၼ်ငိုၼ်းၽိူၵ်ႇ တႃလၢၵ်ႇ ႁၼ်ငိုၼ်းသႃးၼၼ်ႉၵေႃႈ  

ဢၢင်ႈၵေႃႈ ၵႂၢမ်းၵၢၼ်မိူင်းႁႄမႃးယွၵ်ႇလႅၼ် ၵူၼ်းမိူင်း မႃးထုၵ်ႇၼမ်ႉမျၢတ်ႈ

ၵၢၼ်မိူင်းတီႈၵူၼ်းမိူင်း ၸိူဝ်းဢၼ်ဢမ်ႇပႆႇပွင်ႇၵၢၼ်မိူင်းၸိူဝ်းၼၼ်ႉယူႇ။

#ၵၢၼ်မိူင်းၼႆႉ ပေႃးႁဝ်းမေႃႁဵတ်း မေႃသၢင်ႈၵေႃႈ ၵူၼ်းမိူင်းႁဝ်းၸၢင်ႈ 

ပူၼ်ႉလွတ်ႈတႂ်ႈၶီႈၶႃႈ ၽူႈၶဵၼ်ၶႂၢၵ်ႈမိူင်းၶဝ်ယူႇ ပေႃးႁဝ်းဢမ်ႇမေႃၶိုင်ၵေႃႈ

ၸၢင်ႈႁဵတ်းႁႂ်ႈၵူၼ်းမိူင်းႁဝ်းထူပ်းၽေး  လၢႆႈပၢႆႈ လႆႈၽၢၼ် လႆႈယၢပ်ႇ 

လႆႈတၢႆ မိူၼ်ၼင်ႇ ဢၼ်ႁဝ်းႁႃးလႆႈထူပ်းယူႇဝၼ်းမိူဝ်ႈၼႆႉၼၼ်ႉယဝ်ႉ။

#ၵၢၼ်ၸိူဝ်ႉၸၢတ်ႈႁဝ်းၼႆႉ ၵူၼ်းႁူႉဢမ်ႇႁဵတ်း ၵူၼ်းႁဵတ်းဢမ်ႇႁူႉ ၵႂင်ပူၵႂင်ပႃ 

ၵူၼ်းၼုမ်ႇတႆးႁဝ်းၵမ်ႉပႃႈၼမ်ၵေႃႈ ဢမ်ႇပေႃးမီးၸႂ်ၶႂ်ႈလုၵ်ႉၽိုၼ်ႉ 

တေႃႇသူႈၽူႈၶဵၼ် ဝူၼ်ႉဝႃႈ တပ်ႉသိုၵ်းၵူၺ်း မီးပုၼ်ႈ ၽွၼ်းလူဝ်ႇႁဵတ်း 

ၵၢၼ်ၸိူဝ်ႉၸၢတ်ႈၼႆ ယူႇလူမ် ၵိၼ်လမ် ဝႆႉမဝ်မၢင်ၼိူဝ် ၵၢၼ်ၸိူဝ်ႉၸၢတ်ႈ 

ဝၢၼ်ႈမိူင်းၸဝ်ႈၵဝ်ႇ ၽူႈမီးတၢင်း ႁူႉ ဢမ်ႇမႃးၸွႆႈထႅမ်ၼႂ်း ၵၢၼ်လၢႆးလုၵ်ၽိုၼ်ႉ

ၵုမ်ႇႁၼ်ပုၼ်ႈသုၼ်ႇတူဝ် သေဢဝ်တူဝ်လွတ်ႈႁင်းၽႂ်ႁင်းမၼ်း ၵွပ်ႈ ၼၼ်လႄႈ 

ၵၢၼ်လုၵ်ႉၽိုၼ်ႉႁဝ်းၸင်ႇလႆႈလူမ်ႉလုၵ်ႉ လူမ်ႉလုၵ်ႈမႃး ႁၢၼ်ႉတေႃႇထိုင် 

ပၢၼ်သူၵဝ်ႁဝ်းႁႃးယၢမ်းလဵဝ်ၼႆႉယူႇယဝ်ႉ။

ၵမ်းလိုၼ်းသုတ်း ယွၼ်းၶွတ်ႇယွတ်ႈပၢႆၵႂၢမ်းၶႃႈႁဝ်းႁူႉယူႇ 

မၼ်းပႆႇတဵမ်ထူၼ်ႈလီၵူၺ်းၵႃႈ ၼင်ႇႁိုဝ်တေပဵၼ်ပိုၼ်ႉႁူႉ ပၢႆးႁၼ်

ပွတ်းဢွၼ်ႇတွၼ်ႈၼိုင်ႈ လႄႈ ၶႃႈႁဝ်းၸွမ်းၼင်ႇလဵပ်ႈႁဵၼ်းဝၵ်ႉထိုင်လႆႈ

ၼၼ်ႉသေ လႆႈၶတ်းတႅမ်ႈႁႂ်ႈလႆႈႁူႉၵၼ်ၸွမ်းၵၼ် သင်ဝႃႈမီးတီႈယူပ်ႈယွမ်း 

မီးတီႈၽိတ်းတီႈပိူင်ႈၵႂႃႇလႄႈၼႆ ဝၢင်းၶႂၢင်းပၼ်ၶႃႈႁဝ်းသၵမ်းၶႃႈ

ၼပ်ႉယမ်ထိုင်သေ>>>>>>>

                                                  ၸိုၼ်ႈလႅင်း