💠 မႃးလႄႈ ႁဝ်းၽွမ်ႉၵၼ်လူလိၵ်ႈ 💠

💠လႆႈႁၼ် ၽူႈမီးပၺ်ႇၺႃႇၶဝ် ၸီႉေၼၽွၼ်းလီ 

လွင်ႈလႆႈလူလိၵ်ႈဝႃႈ " ေပႃးဢမ်ႇလူလိၵ်ႈ

တိုၼ်းဢမ်ႇပဵၼ်မႃးလႆႈ ၽူႈမီးပၺ်ႇၺႃႇ "ၼႆ

ေတႇၵႂႃႇ မီးဝႆႉတၢင်းၼမ်တၢင်းလၢႆယူႇ။

💠မိူၼ်ၼၼ်ၵူၺ်းၼင်ႇၵဝ်ႇ  ၽူႈမီးပၺ်ႇၺႃႇတႆး

ႁဝ်းၶဝ်ၸဝ်ႈေၵႃႈ ၵဵဝ်ႇလူၺ်ႈလွင်ႈလူလိၵ်ႈလၢႆး

ၼၼ်ႉ ၶဝ်ႈၸဝ်ႈဝႃႈဝႆႉၼင်ႇၼႆ-

💠" ေၵႃႉဢမ်ႇလူလိၵ်ႈၼၼ်ႉ မိူၼ်ႁိူၼ်းဢၼ်ဢမ်ႇ

မီးႁူးၽႃလႅင်း(တႅင်း)" " ေၵႃႉဢၼ်ေမႃလိၵ်ႈေသ

ဢမ်ႇလူလိၵ်ႈၼၼ်ႉ ဢမ်ႇေပႃးပိူင်ႈသင်ၵၼ် တင်း

ၵူၼ်းဢမ်ႇေမႃလိၵ်ႈ " ဝႃႈဝႆႉၼင်ႇၼႆယဝ်ႉ။

💠ၼႂ်းၽူႈဢၼ်မၢၵ်ႈမီးၽီႇလႅၼ်ႇၼႃႇ၊ မၢၵ်ႈမီးလိူဝ်

ပိူၼ်ႈသုတ်းၼႂ်းလုမ်ႈၾႃႉ မွၵ်ႈ 100 ေၵႃႉၼၼ်ႉ တႃႇ

70 ေၵႃႉ ပဵၼ်ၵူၼ်းမိူင်း   ဢမေႇရိၵၢၼ်ႇၼႆယဝ်ႉ။

လွင်ႈမၢၵ်ႈမီးဢမေႇရိၵၢၼ်ႇၼႆႉေၵႃႈ ပဵၼ်လွင်ႈ

တၢင်းဢၼ်ၼိုင်ႈ ဢၼ်ေၼလၵ်းထၢၼ်လႆႈဝႃႈ

ပဵၼ်ယွၼ်ႉၵူၼ်းၸိုင်ႈမိူင်းၶဝ် ဢွၼ်ၵၼ်လူလိၵ်ႈလူ

လၢႆးၼမ် ၼႆဝႆႉယူႇ။

💠ၸိုင်ႈ ဢမေႇရိၵၢၼ်ႇၼႆႉ မီးဝႆႉႁူင်းတူၺ်းလိၵ်ႈ

ဢၼ်ယႂ်ႇလိူဝ်ပိူၼ်ႈသုတ်း ၼႂ်းလုမ်ႈၾႃႉၼႆႉယဝ်ႉ။

ႁူင်းတူၺ်းလိၵ်ႈလူင်ၼႆႉ ၶိုၵ်ႉၶမ်ႇယႂ်ႇလူင် မီးပဵၼ်

15 ေဢႇၵ၊ 3000 ထတ်း။ ပဵၼ်သွင်ၸၼ်ႉလူင် ၼႆ

ယဝ်ႉ။ ၶဵင်ႇပပ်ႉလိၵ်ႈ ဢၼ်မီးၼႂ်းႁူင်းတူၺ်းလိၵ်ႈ

လူင်ၼႆႉ ေပႃးမႃးသိုပ်ႇၵၼ်ၵႂႃႇ တၢင်းယၢဝ်းမၼ်းေပႃး

ၼႆၸိုင် ေတမီးမွၵ်ႈ 450 လၵ်း ၼႆယဝ်ႉ။ တၢင်းၼမ်

ပပ်ႉသမ်ႉ မီးမွၵ်ႈ 700 လၢၼ်ႉပၢႆ" ၼႆယူႇယဝ်ႉ။

💠ႁူင်းတူၺ်းလိၵ်ႈ ဢၼ်ယႂ်ႇေသပိူၼ်ႈ မၢႆ 2 ၼႂ်းလုမ်ႈ

ၾႃႉၼႆႉေတႉ ပဵၼ်ႁင်းဢိင်ႇၵလၼ်ႇၶဝ် ၼႆယဝ်ႉ။

ေပႃးဢဝ်ၶဵင်ႇပပ်ႉလိၵ်ႈ ၼႂ်းႁူင်းတူၺ်းလိၵ်ႈၼႆႉ

သိုပ်ႇၵၼ်ယၢဝ်းလူင်ၵႂႃႇၸိုင် ေတမီးမွၵ်ႈ 25 လၵ်း

ၼႆယဝ်ႉ။ ပပ်ႉလိၵ်ႈဢၼ်မီးၼႂ်းမၼ်းေတမီးမွၵ်ႈၵႃႈ

ႁိုဝ်ၼႆေတႉ လၢမ်းတူၺ်းဢဝ်ႁင်းၵူၺ်းလႃႈ။

💠ၼႂ်းမိူင်းဢိင်ႇၵလၼ်ႇၼႆႉ သင်ဝႃႈေတတေႇဝၢၼ်ႈ

ေတႇပွၵ်ႉၸိုင် ဢၼ်ဢမ်ႇမီးဢမ်ႇပဵၼ်ဢၼ်ၼိုင်ႈ

ေတႉ ပဵၼ်ႁူင်းတူၺ်းလိၵ်ႈ ၼႆယဝ်ႉ။ ႁူင်းတူၺ်း

လိၵ်ႈၼၼ်ႉေၵႃႈ ဢမ်ႇၸႂ်ႈဝႃႈ ၸႃၸီပဵၼ်ႁူင်းတူၺ်း

လိၵ်ႈၵူၺ်း။ ေတလႆႈမီးပပ်ႉလိၵ်ႈ ဢၼ်ၸိုဝ်ႈသဵင်

ယႂ်ႇ ၵိုၵ်းပိုၼ်းၼႂ်းလုမ်ႈၾႃႉ ေတႇၵႂႃႇၼႆယဝ်ႉ။ မိူၼ်

ၼင်ႇတၢင်ႇၸိုင်ႈမိူင်း ဢၼ်ပဵၼ် ၸပဵင်ႇ၊ ေပႃႇတူႇၵီႇ

ေတႇၵႂႃႇ ၸိုင်ႈမိူင်း ၼႂ်းယူးရုပ်ႉၼႆႉၵမ်ႉၼမ်ေၵႃႈ

ဢွၼ်ၵၼ်သူင်လူလိၵ်ႈလူလၢႆးၼႃႇ လႆႈႁူႉၼင်ႇၼႆ။

💠ပီႈၼွင်ႉတႆးႁဝ်းေၵႃႈ သင်ဝႃႈၽၢႆႇလူလိၵ်ႈႁဝ်း

ႁႅင်းယႂ်ႇၸိုင် ဢမ်ႇမီးတၢင်းတႃႇေတတူၵ်းတႂ်ႈမိုဝ်း

ၽႂ်။ လွင်ႈၸႂ်ႉဢဵၼ်ၸႂ်ႉႁႅင်းၼၼ်ႉ တႆးႁဝ်းဢမ်ႇ

ယွမ်းၽႂ်ေသတႃႉ လွင်ႈၸႂ်ႇၺၢၼ်ႇပၢႆးဝူၼ်ႉၼၼ်ႉ

သမ်ႉလႆႈႁၼ်ႁဝ်းယွမ်းပိူၼ်ႈဝႆႉ။ ေပႃးႁဝ်းေတသိုပ်ႇ

ယူႇၸိူင်ႉၼႆၵႂႃႇတိၵ်းၸိုင် မိူဝ်းၼႃႈၼၼ်ႉ ေပႃးဢမ်ႇ

ၶႂ်ႈႁတ်းဝူၼ်ႉယဝ်ႉ။

💠တီႈေတႉမၼ်းႄတႉ ၵူၼ်းႁဝ်းၼႆႉ လူဝ်ႇမီးၵၢင်

ၸႂ်ဢၼ်ၶႂ်ႈပဵၼ်(သၼ်ႇတ)ၼၼ်ႉၵူႈေၵႃႉယူႇယဝ်ႉ။

ေပႃးႁဵတ်းၸွမ်းၵၢင်ၸႂ် ဢၼ်ၶႂ်ႈပဵၼ်ၼၼ်ႉၸိုင် လွင်ႈ

ဢွင်ႇမၢၼ်ၼၼ်ႉ တိုၼ်းေတလႆႈမႃးဢမ်ႇႁၢင်ႉ။

တႃႇေတဢွင်ႇမၢၼ်ၶိုၼ်ႈယႂ်ႇၼႆႉ တိုဝ်ႉတၢင်းမၼ်း

ၵူၺ်းယူႇဝႆႉ ၼႂ်းၸူဝ်ႈမူင်း၊ မိၼိတ်ႉ ႄလႈၸၵ်ႉၵၢၼ်ႉ

ဢွၼ်ႇၼၼ်ႉၵူၺ်းၶႃႈ။

💠တိုဝ်းတၢင်းလီ ဢၼ်ဝႃႈၼႆႉ မၼ်းတိုၼ်းပႂ်ႉဝႆႉ

ၵူၼ်းေၵႃႉဢၼ်သွၵ်ႈႁႃမၼ်းၼၼ်ႉဝႆႉယူႇယဝ်ႉ။

တွၼ်ႈတႃႇေၵႃႉတိုၵ်ႉၼွၼ်းဝၢၼ်၊ ေၵႃႉဢၼ်ၶၢၼ်ႉ

ဢိူၼ် ႄလႈေၵႃႉဢၼ်ဢမ်ႇမီးတၢင်းၶႆႈၸႂ် သွၵ်ႈ

ႁႃတိုဝ်ႉတၢင်းၼၼ်ႉေတႉ တိုဝ်ႉတၢင်းဢၼ်ဝႃႈ

ၼၼ်ႉ မၼ်းေတၵႂႃႇႁၼ်ၵႃႈလႂ်ၼိုင်ႈ.....။

💠ေၵႃႉဢၼ်ႁႃတိုဝ်ႉတၢင်းယူႇတႃႇေသႇၼၼ်ႉ

မီးတၢင်းၶတ်းၸႂ်တႃႇေသႇ ေသမေႃႁဵတ်းသၢင်ႈ

ၵႂႃႇလႅတ်း"သႅဝ်း" ႄလႈဝူၼ်ႉႁႃလွၵ်းလၢႆးယူႇ

ဢမ်ႇၵိုတ်းဢမ်ႇလိုဝ်ႈၼၼ်ႉယဝ်ႉ။ တွၼ်ႈတႃႇ

ၵူၼ်းေၵႃႉၼႆႉ တိုၼ်းေတထူပ်းတိုဝ်ႉတၢင်းလီ"

ေဢႇၵၢၼ်ႇ ဢမ်ႇႁၢင်ႉ။

💠ေပႃးႁဝ်းေတယူႇ ပဵၼ်ၵူၼ်းထမ်ႇမတႃႇ မိူၼ်

ၼင်ႇ ၵူၼ်းတၢင်းၼမ်တၢင်းလၢႆၼၼ်ႉေၵႃႈ ႁဝ်း

ေတပဵၼ်ၵူၼ်းထမ်ႇမတႃႇၼင်ႇၵူၼ်းတၢင်းၼမ်

တၢင်းလၢႆၼၼ်ႉၵူၺ်း။ ေပႃးႁဝ်းေၵႃႈပဵၼ်ၵူၼ်း

ထမ်ႇမတႃႇေၵႃႉၼိုင်ႈ ၼႂ်းၵူၼ်းထမ်ႇမတႃႇ တၢင်း

ၼမ်တၢင်းလၢႆၼၼ်ႉၼႆေၵႃႈ လွင်ႈၵတ်ႉၶႅၼ်ႇႁဝ်း

ဢၼ်ဝႃႈၼၼ်ႉ သမ်ႉေတမႅၼ်းႁူဝ် ၽုတ်းတူဝ်ဢွၵ်ႇ

မႃးတီႈလႂ်ယဝ်ႉလႃႇ။

💠ၵၢမ်ႇ ၵၢမ်ႇ ဢၼ်ဝႃႈၼၼ်ႉေတႉ မၼ်းမိူၼ်ၼင်ႇ

ႁိူဝ်းလမ်းၼိုင်ႈၼၼ်ႉၵူၺ်း။ လၢမ်ႈၽၢႆးၼၼ်ႉယဝ်ႉ

ဢၼ်ပဵၼ် မိူၼ်ၼင်ႇၺၢၼ်ႇ။ ၵူၼ်းၽၢႆးႁိူဝ်းၼၼ်ႉ

ယဝ်ႉ ဢၼ်မိူၼ်ၼင်ႇ ဝီႇရိယ။

💠ေပႃးႁိူဝ်းဢၼ်မီး လၢမ်ႈၽၢႆးႄလႈ ၵူၼ်းၽၢႆးႁိူဝ်း

ၼၼ်ႉတဵမ်ထူၼ်ႈယဝ်ႉေၵႃႈ ႁိူဝ်းလမ်းၼၼ်ႉ ၵႃႈလႆႈ

ႁွတ်ႈထိုင်ၵႂႃႇတႃႈယိူင်း၊ တႃႈႁိူဝ်းၼၼ်ႉဢမ်ႇၵၢတ်ႈ။

ၵူၼ်းႁဝ်းေၵႃႈၼင်ႇၼၼ် သင်ႁဝ်းမီး ၺၢၼ်ႇႄလႈ

ဝီႇရိယ တဵမ်ထူၼ်ႈၸိုင် ယိူင်းမၢႆလွင်ႈဢွင်ႇမၢၼ်တီႈ

ဢၼ်ၸဝ်ႈၵဝ်ႇၶႂ်ႈထိုင်ၼၼ်ႉ တိုၼ်းေတထိုင်ၵႂႃႇယူႇ

ယဝ်ႉ။

💠ေပႃးလူလိၵ်ႈၸိုင် ေတမီးပိုၼ်ႉႁူႉပၢႆးႁၼ်၊ လၵ်း

လႅမ်သႅမ်းၵႃႈယဝ်ႉ။ ၵူၼ်းေၵႃႉဢၼ်မီးပိုၼ်ႉႁူႉပၢႆး

ႁၼ် လၵ်းလႅမ်သႅမ်းၵႃႈၼၼ်ႉ   ေပႉသမ်ႉၵႂႃႇႁွတ်ႈ

တီႈလႂ် ဝၢၼ်ႈလႂ် မိူင်းလႂ်ေၵႃႈ တိုၼ်းဝႃႈဢမ်ႇလႆႈၼႃႈ

လဵၵ်ႉ။ တၢင်းႁူႉ တၢင်းႁၼ် ပၢႆးပၺ်ႇၺႃႇမၼ်းၼၼ်ႉ

တၵ်းေတၸုင်ၸၼ်ဢဝ်ႁႂ်ႈမၼ်း ၵႂႃႇမႅၼ်ႈတီႈမႅၼ်ႈ

ဢွင်ႈမၼ်းယူႇယဝ်ႉ။

💠" လွင်ႈလၵ်းလႅမ် မီးၼႂ်းလိၵ်ႈလၢႆး " ဢၼ်ဝႃႈၼၼ်ႉ

ၸႂ်ႈယဝ်ႉ။ ၼၼ်ေသတႃႉ ႁဝ်းလူဝ်ႇႁႃလိူၵ်ႈလူ လိၵ်ႈ

လၢႆး ဢၼ်ေတႁဵတ်းႁႂ်ႈႁဝ်းလၵ်းလႅမ်လႆႈၼၼ်ႉၵွၼ်ႇ

ႁဝ်းၸင်ႇေတၸၢင်ႈပဵၼ်ၵူၼ်းလၵ်းလႅမ်သႅမ်းၵႃႈ။

ၵွပ်ႈၼၼ်ႄလႈ ၽူႈမီးပၺ်ႇၺႃႇေၵႃႉၼိုင်ႈ ၸင်ႇလၢတ်ႈ

ဝႆႉဝႃႈ " တႃႇေတႁဵတ်းေၵႃႉဢူၺ်းေၵႃႉေၵႃႈ လူဝ်ႇလိူၵ်ႈ၊

တႃႇေတလူပပ်ႉလိၵ်ႈေၵႃႈ လူဝ်ႇလိူၵ်ႈ " ၼႆယူႇယဝ်ႉ။

ၽူႈမီးပၺ်ႇထႅင်ႈေၵႃႉၼိုင်ႈေၵႃႈဝႃႈ " ပဵၼ်ၵူၼ်းယဝ်ႉ

ၼင်ႇႁိုဝ်ေတၵိုင်ႇတၢင်းပဵၼ်ၵူၼ်းၼၼ်ႉ လူဝ်ႇလႆႈလူ

လိၵ်ႈ၊ လူဝ်ႇလႆႈၵိၼ်လိၵ်ႈ၊ လူဝ်ႇလႆႈယမ်ႉလိၵ်ႈ၊ လူဝ်ႇ

လႆႈၵွတ်ႇလိၵ်ႈ၊ လူဝ်ႇလႆႈၾၼ်လိၵ်ႈ၊ လူဝ်ႇလႆႈႁၵ်ႉလိၵ်ႈ၊

လူဝ်ႇလႆႈႁႃလိၵ်ႈ၊ လူဝ်ႇလႆႈႁွမ်လိၵ်ႈ၊ လူဝ်ႇတွင်ႉမႆႈလိၵ်ႈ၊

လူဝ်ႇလႆႈထိင်းလိၵ်ႈ၊ လူဝ်ႇလႆႈသိမ်းလိၵ်ႈ၊ လူဝ်ႇလႆႈၸွမ်း

လိၵ်ႈ၊ လူဝ်ႇလႆႈၵျၢၵ်ႈလိၵ်ႈ၊ လူဝ်ႇလႆႈၵျႃိၵ်ႈလိၵ်ႈ၊ လူဝ်ႇ

လႆႈသိူဝ်းၼႂ်းလိၵ်ႈ၊ လူဝ်ႇလႆႈဝူၼ်ႉလိၵ်ႈ၊ လိၵ်ႈ လိၵ်ႈ

လိၵ်ႈ ၊ လိၵ်ႈဝႃႈလိၵ်ႈၵွၼ်ႇ ၸင်ႇေတၸၢင်ႈပဵၼ်ၵူၼ်း

ၶိုၼ်ႈယႂ်ႇမႂ်ႇသုင်မႃးေဢႇၵၢၼ်ႇ " ၼႆယူႇယဝ်ႉ။

💠လွင်ႈလူလိၵ်ႈၼႆႉ ယွၼ်ႉမၼ်းပဵၼ်ၵၢၼ်တၢင်းႁဵတ်း

ဢၼ်လီဢၼ်ၼိုင်ႈႄလႈ ေပႃးႁဝ်းႁႃလိူၵ်ႈလူလႆႈပပ်ႉ

ဢၼ်ပၼ်ၽွၼ်းလီ၊ ပပ်ႉဢၼ်ၶႅမ်ႉၵွၼ်ႇ မၼ်းၸင်ႇ

ေတပၼ်လႆႈ သၢႆႁိုဝ်ႈလႅင်း တွၼ်ႈတႃႇၶၢဝ်းတၢင်း

ၸၢတ်ႈပၢၼ်၊ မၼ်းၸင်ႇေတၵမ်ႉထႅမ်ပၼ် ဢႃႇႁႃႇရ

တွၼ်ႈၸႂ် ႄလႈႁႂ်ႈၽၢႆႇပၢႆးၸႂ်ႁဝ်း ၵႅၼ်ႇၶႅင်မီးႁႅင်း

မႃးေသဢမ်ႇၵႃး ၸဵမ်ၽၢႆႇပၢႆးဢွၵ်းေဢႃေၵႃႈ မၼ်း

ၸင်ႇေတမူၼ်ႉေမးပၼ် ႁႂ်ႈၶိုၼ်ႈယႂ်ႇမႂ်ႇသုင်မႃးယူႇ

ယဝ်ႉ ၶႂ်ႈယွၼ်ႉတၢင်ႇထိုင်ၼင်ႇၼႆေသ...........။

#ႁၢၼ်ၶိူဝ်း

====================================

“Reading is important. 

If you know how to read 

then the whole world opens up to you.”

— #BarackObama