ပေ (10) ပေ တေပၼ်တၢင်းၵတ်းယဵၼ်

ပေ (10) ပေ

တေပၼ်တၢင်းၵတ်းယဵၼ်

 1. ပေဢၢႆ 

လွင်ႈဢၼ်ႁဝ်းပဵၼ်ၵူၼ်းမႃးၼိုင်ႈၵေႃႉၼႆႉ သင်ဝႃႈ

ဢမ်ႇလႆႈၼုင်ႈလီၵိၼ်လီၸိုင် လႄႈၼုင်ႈၶူဝ်းယွၵ်း

ဢမ်ႇၶႅမ်ႉလဵပ်ႈလီဝူၺ်ႇလီႁၢင်ႈၸိုင် ၼႆႉပေဢၢႆ

ၼႃႈ မၼ်းဢမ်ႇၸႂ်ႈလွင်ႈတၢင်းဢၢႆ သင်ဝႃႈၸဝ်ႈ

ၵဝ်ႇမီးၼမ်ႉၸႂ်လီလီၼၼ်ႉၵေႃႈ ပၼ်တၢင်းၵတ်းယဵၼ်ယူႇ။

2. ပေယွမ်းသုမ်း

မိူဝ်ႈဢၼ်ႁဝ်းႁဵတ်းၵၢၼ်သေဢၼ်ဢၼ်ၼၼ်ႉ မၼ်း

တိုၼ်းမီးလွင်ႈတူၵ်းသုမ်း သင်ဝႃႈတူၵ်းသုမ်းယဝ်ႉ

ဢမ်ႇသိုပ်ႇၶတ်းၸႂ်ၵႂႃႇၸိုင် ပေႁႂ်ႈပဵၼ် ယွၼ်ႉၼၼ်

ယႃႇပေယွၼ်ႇယွမ်းသုမ်း ၼႂ်းၸၢတ်ႈပၢၼ်ၸဝ်ႈၵဝ်ႇ

လႄႈ တေပၼ်တၢင်းၵတ်းယဵၼ်ယူႇ။

3. ပေႁူၼ်လင်

မိူဝ်ႈဢၼ်ၸဝ်ႈၵဝ်ႇတူၵ်းသုမ်းသေ ၸႂ်တူၵ်း

ဢမ်ႇသိုပ်ႇၶတ်းၸႂ်ၵႂႃႇတၢင်းၼႃႈၼၼ်ႉ ၵမ်ႈၼမ်ၼမ်

လႆႈထွႆႁူၼ်လင်သေ ၵႂႃႇၵျေႃႇမူၼ်ႈသိူဝ်းတၢင်ႇလွင်ႈပႅတ်ႈ

ယဝ်ႉ ယွၼ်ႉၼၼ် ယႃႇပေႁူၼ်လင် တေလႆႈတၢင်းၵတ်း

ယဵၼ်ယူႇ။

4. ပေၵူဝ်

ၸဝ်ႈၵဝ်ႇၵိူတ်ႇပဵၼ်ၵူၼ်းမႃး ၸဝ်ႈၵဝ်ႇတေပဵၼ်ၵူၼ်း

ၵူဝ်ၵႂႃႇတိၵ်းတိၵ်းဢမ်ႇၸႂ်ႈ ႁႂ်ႈပဵၼ်ၵူၼ်းဢၼ်ၵတ်ႉ

ၶႅၼ်ႇႁၢတ်းႁၢၼ်ၼၼ်ႉလႄႈ ၸၢတ်ႈပၢၼ်ၸဝ်ႈၵဝ်ႇ

ၵေႃႈၸၢင်ႈမီးၼမ်ႉတွၼ်းၽွၼ်းလွင်ႈၶိုၼ်ႈယႂ်ႇၼၼ်ႉ

ဢမ်ႇႁၢင်ႉ တေပၼ်တၢင်းၵတ်းယဵၼ်ယူႇ။

5. ပေမုင်ႈမွင်းၽႅဝ်

လွင်ႈဢၼ်ၸဝ်ႈၵဝ်ႇႁဵတ်းပၼ်ၶဝ်ၵူႈလွင်ႈလွင်ႈ

ၼၼ်ႉ ၶဝ်ၵေႃႈတေႉၸူမ်းသိူဝ်းယူႇ ၸဝ်ႈၵဝ်ႇသမ်ႉ

ၵုမ်ႇၼင်ႈငဝ်သေ မုင်ႈမွင်းပႂ်ႉလွင်ႈတွပ်ႇတႅၼ်းၶိုၼ်း

ယူႇတေႉ ၸဝ်ႈၵဝ်ႇတိုၼ်းတေတူၵ်းသုမ်း ယွၼ်ႉၼၼ် 

ယႃႇပေမုင်ႈမွင်းတီႈၼိူဝ်ၶဝ်ႁႅင်းၼႃႇၽႅဝ် ယူဝ်တေဢမ်ႇပၼ်

လွင်ႈတၢင်းၵတ်းယဵၼ်။

6. ပေၸႂ်ထိုင်ပူၼ်ႉလူၼ်လိူဝ်ႁႅင်း

တီႈဢၼ်ၸဝ်ႈၵဝ်ႇၸႂ်ထိုင်ၼႃႇၼၼ်ႉ ၵႆႉပဵၼ်ၵေႃႉ

ႁၵ်ႉၸဝ်ႈၵဝ်ႇၼၼ်ႉယဝ်ႉ ၸဝ်ႈၵဝ်ႇယႃႇပေဢဝ်

လွင်ႈတၢင်းၸႂ်ထိုင်မၼ်းသေ ဢမ်ႇၼွၼ်းဢမ်ႇၵိၼ်

သေယဝ်ႉ ၵုမ်ႇဝူၼ်ႉထိုင်လွင်ႈၶဝ်ယူႇ ၸၢတ်ႈပၢၼ်

ၸဝ်ႈၵဝ်ႇၵေႃႈ တေဢမ်ႇၶိုၼ်ႈယႂ်ႇဢမ်ႇၵႃး ၸႂ်ထိုင်

သေပေႁႂ်ႈပဵၽွၼ်းႁၢႆႉတေႃႇတူဝ်ၵဝ် တေတုမ်ႉယွၼ်ႉ

လွင်ႈလွင်ႈတၢင်းၵတ်းယဵၼ်ဢိူဝ်ႈ။

7. ပေၼႅတ်ႈၸူမ်းၸွမ်းၼႃႇ

တီႈဢၼ်ၸဝ်ႈၵဝ်ႇႁဵတ်းၵၢၼ်ၶႅမ်ႉလဵပ်ႈ ဢွင်ႇ

မၢၼ်မႃးၼၼ်ႉ ၸဝ်ႈၵဝ်ႇယႃႇပေႁႅင်ႉၼႅတ်ႈ

ၸူမ်းၸွမ်းၼႃႇၽႅဝ် ႁႂ်ႈပဵၼ်ထမ်ႇမႃႇတႃႇ လွင်ႈ

ၵတ်းယဵၼ်ၼၼ်ႉၵူၺ်းလႄႈ။

8. ပေႁၵ်ႉၼႃႇလူၼ်ႉ

တီႈၸဝ်ႈၵဝ်ႇႁၵ်ႉၼႃႇၼၼ်ႉ 

ပဵၵ်ႉသမ်ႉ ပဵၼ်ၵေႃႉႁၵ်ႉႁဝ်းၵေႃႈယဝ်ႉ

ပေႁၵ်ႉထိုင်ဢူၵ်းထိုင်ၸႂ်လိူဝ်ႁႅင်း ယူႇၸွမ်းမႅတ်ႉတႃႇ

သၢႆၵၢင်လႄႈ တေၵတ်းယဵၼ်ယူႇ။

9. ပေၸႂ်လဵၵ်ႉ

တီႈဢၼ်ၸဝ်ႈၵဝ်ႇႁဵတ်းၵၢၼ်သေ ဢမ်ႇဢွင်ႇမၢၼ်

ၶိုပ်ႈၼႃႈၼၼ်ႉ ၸဝ်ႈၵဝ်ႇယႃႇပေၸႂ်လဵၵ်ႉၼႃႈ သိုပ်ႇၶတ်း

ၸႂ်ၵႂႃႇထႅင်ႈ တႃႇဢွင်ႇမၢၼ်ၼၼ်ႉ တေပၼ်တၢင်းၵတ်းယဵၼ်ယူႇ။

10. ပေၸွမ်းၸႂ်ၸဝ်ႈၵဝ်ႇၼႃႇလိူဝ်

မိူဝ်ႈဢၼ်ၸဝ်ႈၵဝ်ႇဝူၼ်ႉႁၼ်လွင်ႈႁၢႆႉၼၼ်ႉ

ၼႂ်းၸႂ်တေလုၵ်ႉႁိုၼ်ႇမႃးး ယွၼ်ႉၼၼ်သႂ်ႇၸႂ်

လွင်ႈလီသွၼ်ႇပိူၼ်ႈသွၼ်ႇႁဝ်း သေလႄႈ

ၸၢတ်ႈပၢၼ်ၸဝ်ႈၵဝ်ႇၵေႃႈ ၸၢင်ႈတေလႆႈတၢင်း

ၵတ်းယဵၼ်ယူႇ။

လူလိၵ်ႈသေ ႁႂ်ႈပၢႆးဝူၼ်ႉ တၢင်းႁူႉႁၼ်သူၸဝ်ႈ

တိူဝ်းလိူဝ် မီးၼမ်ႉတွၼ်း မီးၵႃႈၶၼ်သေၵမ်း......

ၼပ်ႉယမ်ယႂ်ႇၼမ်သေ -

ဝူၼ်ႉတႅမ်ႈ #လႅင်းဢွၼ်ႇ ႁိူၼ်းႁူမ်ႈႁၵ်ႉ