ပဵၼ်ၼၢင်းယိင်းၵေႃႈလူဝ်ႇမေႃၵႅၼ်ႇၶႅင်
ၵမ်ႈၼမ်
ၵႆႉလႆႈငိၼ်းပိူၼ်ႈလၢတ်ႈဝႃႈႁဝ်းပဵၼ်ၼၢင်းယိင်းလူး
ႁိုဝ်တေၵႅၼ်ႇၶႅင်မိူၼ် ၵူၼ်းၸၢႆးၶဝ်လႆႈလႃႇ။
တႃႇတေပဵၼ်
ၵူၼ်းၵႅၼ်ႇၶႅင်ၼၼ်ႉ ဢမ်ႇလႆႈယူႇတီႈဢဵၼ်ႁႅင်းတူဝ်
လွင်ႈလဵဝ်ၵူၺ်း ဢဵၼ်ႁႅင်းဢၼ်မႃးတီႈႁူဝ်ၸႂ်ၼၼ်ႉ
လမ်ႇလွင်ႈလိူဝ်သေၵွၼ်ႇယဝ်ႉ။
တႃႇတေမီး
ဢဵၼ်ႁႅင်းႁူဝ်ၸႂ်ၼၼ်ႉ လူဝ်ႇလႆႈလပ်ႉဢွၵ်းဢေႃ
ၸဝ်ႈၵဝ်ႇဢွၼ်တၢင်းၵွၼ်ႇ သင်ဝႃႈ ဢွၵ်းၸဝ်ႈၵဝ်ႇၼၼ်ႉ
ၵတ်ႉၶႅၼ်ႇလႅတ်းၽၢႆၼႆ ၸင်ႇတေသူင်ႇပၼ်လႆႈ
ႁႅင်းႁူဝ်ၸႂ်ယဝ်ႉ။
ပဵၼ်ၼၢင်းယိင်း
ယႃႇပေႁၢင်ႈလီလွင်ႈလဵဝ်ၵူၺ်း လူဝ်ႇလႆႈမီး
ၼမ်ႉၵတ်ႉပႃးယဝ်ႉ။
တေလႆႈမီး
ၼမ်ႉၵတ်ႉၸိူင်ႉႁိုဝ်ၼႆၸိုင် ၶတ်းၸႂ်ႁႂ်ႈၸဝ်ႈၵဝ်ႇပဵၼ်ၵူၼ်းဢၼ် ၶဝ်ႈၵႄႈဢွၵ်ႇ ၵၢင်ပိူၼ်ႈလႆႈ မီးၼႃႈၵၢၼ်ႁႃလဵင်ႉတူဝ်ၸဝ်ႈၵဝ်ႇလႆႈ။
လုမ်းလႃး
တူၺ်းထိုင်တူဝ်ၵဝ်ႇၶိုၼ်းႁႂ်ႈလႆႈၵွၼ်ႇ
ၸင်ႇဝူၼ်ႉလွင်ႈၼႃႈႁိူၼ်း။
ယႃႇၶႂ်ႈမီးၼႃႈႁိူၼ်း
ယွၼ်ႉ ၶႂ်ႈႁႂ်ႈၵူၼ်းၸၢႆးႁႃလဵင်ႉ ယႃႇၶႂ်ႈပဵၼ်ၼၢင်းယိင်းဢၼ် တႄႇၼႃႈႁိူၼ်းယဝ်ႉ ႁဵတ်းၵၢၼ်ႁိူၼ်းလဵဝ်။
ႁႂ်ႈမီးၼႃႈၵၢၼ်
မီးငိုၼ်းၶဝ်ႈ ထိုင်ဢမ်ႇမီးၽႂ်ၵေႃႈ ႁႂႈၸဝ်ႈၵဝ်ႇၶိုၼ်းလုမ်းလႃးတူၺ်းထိုင်ႁႃလဵင်ႉတူဝ်ၵဝ်ႇၶိုၼ်းလႆႈၼၼ်ႉလႄႈ။
လွင်ႈပိုင်ႈဢိင်
ပိူၼ်ႈၼၼ်ႉ ပိုင်ႈဢိင်လႆႈၸူဝ်ႈၵႅပ်ႉၸူဝ်ႈၵမ်းၵူၺ်း
သင်ၸဝ်ႈၵဝ်ႇၶိုၼ်းမေႃပိုင်ႈဢိင်တူဝ်ၸဝ်ႈၵဝ်ႇၸိုင်
တေလႆႈပိုင်ဢိင်ႈတေႃႇၸူဝ်ႈယဝ်ႉ။
ၼၢင်းယိင်း
ၵႅၼ်ႇၶႅင်ၼၼ်ႉဢမ်ႇၸႂ်ႈၵေႃႉဢၼ်မေႃပွင်ႉလႃႇ
ႁိုတ်းႁၢတ်ႇသဵင်လင် ဢမ်ႇၵူဝ်ၵိၼ်ၽႂ်
ဢမ်ႇမီးၽႂ်ဢဝ်ပေႉၶဝ်လႆႈၼၼ်ႉၼႃ။
ပဵၼ်ၵေႃႉဢၼ်
မေႃယူႇလူၺ်ႈၸွမ်းတူဝ်ၵဝ်ႇ ၸုၵ်းမၼ်ႈလႆႈၼိူဝ်ၶႅင်ႈၶႃတူဝ်ၸဝ်ႈၵဝ်ႇၼၼ်ႉယဝ်ႉ။
ၼပ်ႉယမ်ထိုင်ၽူႈပၼ်ႁႅင်းလူဢၢၼ်ႇၵူႈၵေႃႉယူႇၶႃႈ။
တႅမ်ႈ >> မွၵ်ႇႁၢမ်းဢၢႆ ( ဝဵင်းသဝ်ႁိၼ် )
#တဵၵ်းတီႈတႂ်ႈႁူဝ်ၶေႃႈသေသိုပ်ႇလူလႆႈထႅင်ႈ.....
>>>>> #ယွမ်းႁပ်ႉလွင်ႈတေႉ
>>>>>> #ၵွပ်ႈသင် မႂ်းတင်းမၼ်းမၢၵ်ႈမီးဢမ်ႇမိူၼ်ၵၼ်
>>>>>>> #မွၼ်းမွၼ်းၵွၼ်ႇၼႃ
>>>>>>> #ၵမ်းလိုၼ်းသုတ်း
