ပေႃႈ ၶႂၢင်းပၼ်လုၵ်ႈ
ပေႃႈ ၶႂၢင်းပၼ်လုၵ်ႈ
ၵဵင်ၸႂ်တေႉယဝ်ႉ "ပေႃႈ"
ပေႃးၶီႇလိုတ်းၶွင်ႈတိၼ်ၼႆ
ၵူၺ်းတူၵ်းၸႂ်ႁွင်ႉႁႃ "မႄႈ"။
ၵဵင်ၸႂ်တေႉယဝ်ႉ"ပေႃႈ"
ၵုမ်ႇၵွၺ်းႁွမ်ၵႅမ်ႈမႄႈ
ႁၢၼ်ႉတေႃႇယၢမ်းလဵဝ်သေ
ဢမ်ႇႁတ်းႁွမ်ၵႅမ်ႈ ပေႃႈ
ၸဵမ်မိူဝ်ႈဢႃႇယူႉလႆႈႁူၵ်းၶူပ်ႇပူၼ်ႉယဝ်ႉ။
ၵဵင်ၸႂ်တေႉယဝ်ႉ"ပေႃႈ"
လႆႈဝႆႉၵႃႊၶၼ်ၼိူဝ်
ၼမ်ႉၼူမ်းၼိူင်ႈယွတ်ႇသေ
ဢမ်ႇလႆႈၾၢင်ႉမႅၼ်ႈႁိူဝ်ႇၼိူင်ႈယွတ်ႇပေႃႈ။
ၵဵင်ၸႂ်တေႉယဝ်ႉ"ပေႃႈ"
ၵုမ်ႇၵွၺ်းႁွင်ႉၾၢၵ်ႇပၼ်
ၵႂၢမ်းမႅတ်ႉတႃႇမႄႈသေ
ၼၢၼ်းမီးတႃႇႁွင်ႉၵႂၢမ်းၾၢၵ်ႇပေႃႈ။
ၵဵင်ၸႂ်တေႉယဝ်ႉ"ပေႃႈ"
ၵွၺ်းၵုမ်ႇႁၵ်ႉႁွမ်မႄႈ
ဢၼ်သူင်ႇၵႂႃႇႁူင်းႁဵၼ်းၼၼ်ႉသေ
လိုမ်းဝူၼ်ႉဝႃႈ ပေႃႈၵေႃႈႁဵတ်းၵၢၼ်
ႁႃငိုၼ်းတႃႇလႆႈသွၼ်ပႆႇၺႃႇယူႇၼႆ။
ၵဵင်ၸႂ်တေႉယဝ်ႉ"ပေႃႈ"
ၵွၺ်းမုင်ႈမွင်းဢူၵ်းဢုၼ်ႇ
ပၼ်ႁႅင်းၸႂ်တီႈမႄႈၵူၺ်း
လိုမ်းဝူၼ်ႉဝႃႈမီးပေႃႈဢၼ်ၵႅၼ်ႇၶႅင်
မိူၼ်ၼင်ႇသဝ်ႁိၼ်သေ ၵႅတ်ႇၶႄပၼ်ႁဝ်းယူႇ။
#ၶဵင်ႇတႃႉလွင်ႈတၢင်းတၢႆ ဢဝ်သၢႆၸႂ်သေ
ဢၼ်ၵိူတ်ႇဢွၵ်ႇႁဝ်းမႃး"မႄႈ"လႄႈ
ၶဵင်ႇတႃႉလွင်ႈၸၢတ်ႈပၢၼ် ဢဝ်သၢႆၸႂ်သေ
ႁဵတ်းႁႃႇလဵင်ႉႁဝ်းမႃး"ပေႃႈ"ၼၼ်ႉပဵၼ်
ၽူႈမီးမႅတ်ႉတႃႇ ၸႅတ်ႈၸၢင်ႇတွၼ်ႈတႃႇလုၵ်ႈလၢင်းယဝ်ႉ။
ပိၼ်ႇ >>>>> ယိင်းမွၼ်းသူၺ်ႇ(ၵျွၵ်ႉမႄး)
