ထုၵ်ႇလီဝူၼ်ႉၵႆ"
ၵူၼ်းၵေႃႉဢၼ်ႁၼ်ၽိတ်းၼိူဝ်ပိူၼ်ႈၼၼ်ႉ
မၢင်ပွၵ်ႈၵႆႉၸႂ်ႉလူမ်းတေႃးသၸႂ်လမ်သေ
ႁဵတ်းၸွမ်းၸႂ်ၶႆႈပဵၼ်ႁဵတ်းၶိတ်ႈႁဵတ်းပၢႆႇ
ၵေႃႉဢၼ်ႁၵ်ႉလႄႈမႆႈၸႂ်ၸွမ်းၶဝ်ၼၼ်ႉတေ့"
ယွၼ်ႉၶဝ်ပႆႇမေႃဝူၼ်ႉသွၼ်ႇ ပႆႇမေႃႁၼ်ထိုင်
ၵၢင်ၸႂ်ပိူၼ်ႈၼၼ်ႉယဝ်ႉ။
တီႈတေႉယဝ်ႉၵေႃႉဢၼ်ႁၵ်ႉၶဝ်မႆၸႂ်တႃႇၶဝ်
တေႁဵတ်းသင်ဝူၼ်ႉထိုင်ၶဝ် တေၵိၼ်ၶဝ်ႈၵေႃႈ
ၵူဝ်ဢမ်ႇၸႂ်ႈၽၵ်းမဵဝ်းၶဝ်ၶႆႈၵိၼ် ၼႅတ်ႈႁႃႁဵတ်း
ၽၵ်းဢၼ်ၶဝ်လႆႈၸႂ်ၵိၼ်ၼၼ်ႉယူႇတႃႇသေႇ
ၵူၺ်းၵႃႈယွၼ်ႉပဵၼ်ၵူၼ်းဢၼ်လႆႈၸွမ်းၸႂ်မႃး
ႁိုင်ယဝ်ႉလႄႈဢဝ်ၸႂ်ၸဝ်ႈၵဝ်ႇဝႃႈလႄႈ
ဢမ်ႇႁၼ်ထိုင်ၵႃႈၶၼ်ဢၼ်ပိူၼ်ႈႁဵတ်းဝႆႉပၼ်။
ၵူၼ်းတိုဝ်ၼႆႉၶဝ်ဢမ်ႇဢဝ်ပိူၼ်ႈဝႃႈ ယွၼ်ႉၶဝ်
ယုမ်ႇၸႂ်ဝႃႈၼႂ်းတၢင်းဝူၼ်ၶဝ်ၼၼ်ႉထုၵ်ႇၵူႈၶေႃႈ
တီႈတေႉယဝ်ႉၵူၼ်းႁဝ်းဢမ်ႇမီးသင်တဵမ်ထူၼ်ႈ
မိူၼ်ၸႂ်လႄႈမၢၼ်ႇမႅၼ်ႈၵူႈလွင်ႈၼင်ႇၵဝ်ႇ။
ပေႃးဝူၼ်ႉတူၺ်းလီ”ၼႆၵူၼ်းၸိူင်ႉၼႆပဵၼ်ၵူၼ်း
တီႈပေႃႈမႄႈႁၵ်ႉလႄႈၸွမ်းၸႂ်ၼႃႇပူၼ်ႉတီႈ
ဢမ်ႇဝႃႈလွင်ႈသင်ၵေႃႈယဝ်ႉတိုၼ်း တေဢမ်ႇ
ႁပ်ႉထွမ်ႇဢၼ်ပိူၼ်ႈလၢတ်ႈ လႄႈဢၼ်ပိူၼ်ႈသွၼ်။
ယွၼ်ႉထုၵ်ႇပေႃႈမႄႈၸွမ်းၸႂ်ၸဵမ်လဵၵ်ႉယဝ်ႉလႄႈ
ယႂ်ႇမႃးၵေႃႈတိုၼ်းတေ ပဵၼ်ၵူၼ်း ဢဝ်ၸႂ်ၸဝ်ႈၵဝ်ႇ
ႁဵတ်းၵႂႃႇဢမ်ႇဝူၼ်ႉထိုင်ၽႂ်လိူဝ်တူဝ်ၸဝ်ႈၵဝ်ႇ
ၵႂၢမ်းသိုဝ်ႈမၼ်းတေႉ
#ၵူၼ်းႁၼ်ပုၼ်ႈသုၼ်ႇတူဝ် ၼႆယဝ်ႉ။
ယွၼ်ႉၼၼ်လႄႈၸိူဝ်းၸႃႉဢၼ်မီးၼႃႈႁိူၼ်း
ယဝ်ႉၼၼ်ႉ သင်ဝႃႈသူႁၵ်ႉလုၵ်ႈလၢင်းသူတေႉ
ယူႇၸိုင် ယႃႇပေၸွမ်းၸႂ်ႁႅင်းပူၼ်ႉတီႈ
ယႃႇပေသိုဝ်ႉပၼ်ၵူႈလွင်ႈတီႈၶဝ်တုၵ်းယွၼ်း
ဢမ်ႇၸႂ်ႈဝႃႈႁႂ်ႈသူဢမ်ႇႁၵ်ႉလုၵ်ႈသူၼင်ႇၵဝ်ႇယွၼ်ႉ
ပိူဝ်ႈတႃႇၶဝ်တေပဵၼ်ၵူၼ်း တီႈမီးၼမ်ႉၸႂ်လႄႈ
ဢမ်ႇႁၼ်ပုၼ်ႈသုၼ်ႇတူဝ်ၼၼ်ႉဢိင်ၼိူဝ်
ပေႃႈတင်းမႄႈမူတ်း"ယဝ်ႉ
ႁၵ်ႉလုၵ်ႈႁႂ်ႈမေႃႁၵ်ႉဢမ်ႇၸႂ်ႈဝႃႈႁႂ်ႈၶဝ်လႆႈၵူႈလွင်ႈ
ၼင်ႇၸႂ်ၶႆႈလႆႈ ယွၼ်ႉဝႃႈႁႂ်ႈၶဝ်မႄႃႁူႉၸၵ်းဝႃႈ
ၵူၼ်းႁဝ်းၵူႈၵေႃႉၼႆႉဢမ်ႇမီးသင်တေလႆႈမိူၼ်ၼင်ႇ
ၸႂ်ၵူႈလွင်ႈ
ၵူႈလွင်ႈတိုၼ်းဢမ်ႇမၼ်ႈၵိုမ်း ဢမ်ႇတဵမ်ထူၼ်ႈလႄႈ
ႁႂ်ႈၶဝ်ႁူႉဝႃႈ မၢင်လွင်ႈၼႆႉဢမ်ႇယိပ်းဝႆႉလႆႈလႄႈ
မၢင်လွင်ႈပဵၼ်တၢင်းသိူဝ်းဢွၼ်ႇၸူဝ်ႈၵႅပ်ႉၵူၺ်း
ၼႆလႄႈ။
ယွၼ်ႉယၢမ်ႈတူဝ်ထူပ်းတႃႁၼ်ၸင်ႇၸၢင်ႈၶႆႈၼႄယဝ်ႉ
ႁၼ်ယဝ်ႉသေႁူႉယဝ်ႉၵေႃႈ မွင်ၸႂ်ၶေႃးၶူမ်ၼႃႇ
လုၵ်ႈလၢင်းဢမ်ႇထွမ်ႇပေႃႈမႄႈလၢတ်ႈၼၼ်ႉ
ဢမ်ႇၸႂ်ႈယွၼ်ႉၽႂ် ပဵၼ်ယွၼ်ႉပေႃႈမႄႈၸွမ်းၸႂ်
ၸဵမ်လဵၵ်ႉယဝ်ႉ။
ၽိုၼ်လိၵ်ႈ - #မွၵ်ႇၼႂ်းလူမ်း ❤
