တၢင်းယၢမ်ႈဢၼ်ၶူးမေႃသွၼ်ၶဝ် ထုၵ်ႇလီငိူင်ႉဝႄႈ
(႑) တႃႇတေႁႂ်ႈၼႂ်းႁွင်ႈႁဵၼ်းၼိမ်ယဵၼ်ၼႆသေ
ၵႂႃႇထုပ်ႉပၢပ်းၽိူၼ်ၼၼ်ႉ ယႃႇပေႁဵတ်းလႃး"၊
ႁွင်ႈႁဵၼ်းတေၼိမ်ယဵၼ်ၵႂႃႇသေတႃႉၵေႃႈ ၵူၺ်းၵႃႈ
လုၵ်ႈႁဵၼ်းၶဝ်တေမီးလွင်ႈဢမ်ႇႁၢၼ်ႉၸႂ်လႄႈ
တေၸၢင်ႈယိူင်ႈတၢင်းႁဵတ်းသၢင်ႈၶူးသွၼ်။
(႒) ၸႂ်လမ်သေပၢႆႈဢွၵ်ႇၼွၵ်ႈႁွင်ႈႁဵၼ်းၵႂႃႇၼၼ်ႉ
ဢမ်ႇထုၵ်ႇလီႁဵတ်း၊ လုၵ်ႈႁဵၼ်းၶဝ်ၸိူဝ်းၶဝ်ႈၸႂ်
ႁဵၼ်းလိၵ်ႈၼၼ်ႉ ၸၢင်ႈၸႂ်တူၵ်းလႄႈ တေႁဵတ်း
ႁႂ်ႈလုၵ်ႈႁဵၼ်းၸိူဝ်းဢမ်ႇၶႂ်ႈသွၼ်လိၵ်ႈၼၼ်ႉ
လၵ်ႉပၢႆႈႁူင်းႁဵၼ်းသေႁႃလႄႇၵျေႃႇ။
(႓) ယႃႇပေႁိုတ်းထႃႉပွင်ႉလႃႇလုၵ်ႈႁဵၼ်းၶဝ်သေ
သင်ႇသွၼ်၊ ၵွပ်ႈဝႃႈလွင်ႈႁိုတ်းပွင်ႉ လႄႈ
ၽွၼ်းယွၼ်ႈဢၼ်တေလႆႈမႃးၼၼ်ႉ မၼ်းဢမ်ႇ
ၵွင်ႉၵဵဝ်ႇၵၼ်။
(႔) သင်လုၵ်ႈဢွၼ်ႇၶဝ် ႁဵတ်းၽိတ်းမႅၼ်ႈသေလွင်ႈ"
မႃးၼႆ ယႃႇၵိုင်ႉၵၢင်ႉလၢတ်ႈၼႄပေႃႈမႄႈၶဝ်၊
လုၵ်ႈဢွၼ်ႇၶဝ်ၵေႃႈတေဢမ်ႇလႆႈၸႂ် ပေႃႈမႄႈ
ၶဝ်ၵေႃႈတေဢမ်ႇလႆႈၸႂ်။
(႕) ၽၢႆႇၼႃႈၵူၼ်းတင်းၼမ်ၶဝ်ၼၼ်ႉ ယႃႇပေ
လၢတ်ႈသင်ႇသွၼ်ၶဝ် ႁႂ်ႈလႆႈလွင်ႈတၢင်းဢၢႆ၊
လုၵ်ႈဢွၼ်ႇၶဝ်ၸၢင်ႈမေႃၸႂ်လဵၵ်ႉၼွႆႉသေ
ၸၢင်ႈမေႃၵေႃႇသၢင်ႈလွင်ႈၸၢၼ်ႈၸင်းၶိုၼ်ႈမႃး။
(႖) မိူဝ်ႈသင်ႇသွၼ်လုၵ်ႈဢွၼ်ႇၶဝ်ၼၼ်ႉ ယႃႇၶိုၼ်း
ၵွၵ်းႁွႆးၸဵပ်းဢၼ်ၵဝ်ႇ၊ လၢတ်ႈလွင်ႈတၢင်းၽိတ်း
ဢၼ်ပဵၼ်/မီးၼၼ်ႉၵူၺ်းလႄႈ၊ လွင်ႈၵႆႉ"ၵွၵ်း
ၽိုၼ်ႉၶိုၼ်း ႁွႆးၸဵပ်း/တၢင်းၽိတ်းၵဝ်ႇၼႆႉ
ၸၢင်ႈမိူၼ်ၼင်ႇႁဝ်းၵႂႃႇယူင်းသၢင်ႈ ပၼ်ၽၢင်ႉ
ၶဝ် ႁႂ်ႈၶိုၼ်းႁဵတ်းထႅင်ႈၵေႃႈၸၢင်ႈပဵၼ်လႆႈ။
(႗) ယႃႇၶႂၢၵ်ႈမႅၼ်ႈတၢင်းၽိတ်း လုၵ်ႈဢွၼ်ႇၶဝ်
ႁႂ်ႈပဵၼ်ၶႅပ်း/ယႂ်ႇမႃး၊ ၵွပ်ႈပိူဝ်ႈလၵ်ႉၵိၼ်ၶဝ်ႈမုၼ်း
ဢိတ်ႉဢွၼ်ႇသေ ႁွင်ႉဝႃႈၽူႈလၵ်ႉၼၼ်ႉ ငိူင်ႉဝႄႈ
လႄႈ။
(႘) ယႃႇလၢတ်ႈလွင်ႈဢမ်ႇလီလုၵ်ႈႁဵၼ်းၵေႃႉၼိုင်ႈၼႄ
ၽၢႆႇၼႃႈလုၵ်ႈႁဵၼ်းထႅင်ႈၵေႃႉၼိုင်ႈ၊ ၵေႃႉၶႃႉၸိုဝ်ႈၶၢႆ
သဵင်ပိူၼ်ႈၼၼ်ႉ ပဵၼ်ၵူၼ်းသူပ်းၽႄႉၵူၺ်း
ဢမ်ႇၸႂ်ႈ ၶူး/မေႃသွၼ်။
(႙) ယႃႇၵပ်းသိုပ်ႇၶဝ်ႈဢွၵ်ႇလုၵ်ႈႁဵၼ်းၶဝ် လူၺ်ႈၽၢင်
ႁၢင်ႈဢၼ်သၢင်းၽႅပ်ႉထၢင်ႇလဵၵ်ႉ၊ ယႃႇဝႆႉၸႂ်ထၢင်ႇ
လဵၵ်ႉၼိူဝ်လုၵ်ႈႁဵၼ်းၵေႃႉလႂ် သင်ႁဝ်းလႆႈထၢင်ႇလဵၵ်ႉ
မႅၼ်ႈၸိုင် လုၵ်ႈႁဵၼ်းၶဝ်ၸၢင်ႈၸႂ်လဵၵ်ႉ ၸႂ်တူၵ်း။
(႑႐) ယႃႇတူၺ်းမၢၵ်ႈ/ဝၢၵ်ႈလႆႈႁဵၼ်းၶဝ်ပိူင်လဵဝ်သေ
တႅပ်းတတ်း၊ ဢၵျၢင်ႉတၢင်းယၢမ်ႈ/ၸႃႇရိတ်ႉတၼႆႉ
လမ်ႇလွင်ႈပိူင်ယႂ်ႇသေမၢၵ်ႈ/ဝၢၵ်ႈလႆႈလုၵ်ႈႁဵၼ်း
တင်းၼမ်ဢိူဝ်ႈ။
(႑႑) ၽွင်းမိူဝ်ႈသင်ႇသွၼ်လုၵ်ႈဢွၼ်ႇၶဝ်ၼၼ်ႉ
ယႃႇဢဝ်လွင်ႈဢူၼ်ႈဢွၼ်ႇ/ယူပ်ႈယွမ်း---
တီႈတူဝ်ၶဝ် ၼႃႈႁိူၼ်းၶဝ်မႃးၵွင်ႉၵဵဝ်ႇၸွမ်း၊
(တူဝ်ယၢင်ႇမၼ်း)မိူၼ်ပေႃႈသူလီ"ယဝ်ႉ
ၶႆႈမိူၼ်လုင်းသူႁႃႉ တႄႇၵႂႃႇၶေႃႈၵႂၢမ်းမဵဝ်းၼႆႉ
ငိူင်ႉဝႄႈသေၵမ်း။
(႑႒) လွင်ႈၸႂ်လမ်/ၸႂ်သုၵ်ႉတင်းၼွၵ်ႈၸိူဝ်းၼၼ်ႉ
ယႃႇဢဝ်ၶဝ်ႈမႃးၼႂ်းႁွင်ႈႁဵၼ်း၊ မိူၼ်ၼင်ႇ ဝႃႈ
ၽိတ်းထဵင်မေႃးၵၼ်တင်းၵေႃႉႁၵ်ႉၸူႉပႅင်းသေ
သမ်ႉမႃးၸႂ်လမ်တေႃႇလုၵ်ႈႁဵၼ်းၶဝ်ပႃးထႅင်ႈလႄႈ
ဢဝ်ၶွၼ်ႉႁႅမ်လုၵ်ႈႁဵၼ်းၼႆ သူဢမ်ႇထုၵ်ႇလီပဵၼ်
ၶူး/မေႃသွၼ်ယဝ်ႉ။
(႑႓) ယႃႇလၢတ်ႈလွင်ႈဢမ်ႇလီၶူးသွၼ်တၢင်ႇၵေႃႉၶဝ်
ၼႄၽၢႆႇၼႃႈလုၵ်ႈႁဵၼ်း၊ လွၵ်းလၢႆးသွၼ်ႁဝ်း
ၵေႃႈႁဝ်းၵူၺ်း၊ သင်ၵႂႃႇထတ်းသၢင်မႅၼ်ႈၵူၼ်း
ႁူမ်ႈႁဵတ်းၵၢၼ်ဢၼ်လဵဝ်ၵၼ်ၸိုင် ဢမ်ႇမီး
လွင်ႈလီတွၼ်ႈတႃႇၽႂ်/ၽူႈလႂ်။
(႑႔) မိူဝ်ႈသွၼ်လိၵ်ႈလုၵ်ႈဢွၼ်ႇၶဝ်ၼၼ်ႉ ယႃႇႁဵတ်း
မိူၼ်ၼင်ႇဢမ်ႇပႃးၸႂ်/ဢမ်ႇသူၼ်ၸႂ်၊ မိူဝ်ႈၽွင်း
သွၼ်လိၵ်ႈၼၼ်ႉ ႁႂ်ႈၶဝ်ႈထိုင်ၼႂ်းဢွၵ်းလုၵ်ႈႁဵၼ်း
ၶဝ် ပႃးၸႂ်ပႃးၶေႃးသေသွၼ်ပၼ်လႄႈ။
(႑႕) ယႃႇတူၺ်းၶၢမ်ႈပႅတ်ႈလွင်ႈလီႁၵ်ႉ လုၵ်ႈႁဵၼ်း
ၶဝ်ၵေႃႉလႂ်ၵေႃႉၼၼ်ႉ၊ ပေႃးႁၼ်လွၵ်းလီ
လုၵ်ႈဢွၼ်ႇၶဝ်ၵွၼ်ႇ ၸင်ႇၸၢင်ႈတိုတ်းတၢႆး
ၸုင်ၸၼ်ၶဝ် ႁႂ်ႈၶိုၼ်ႈယႂ်ႇမႂ်ႇသုင်။
(႑႖) ယႃႇတူၺ်းၶၢမ်ႈပႅတ်ႈ တၢင်းၽိတ်းလုၵ်ႈႁဵၼ်း
ၵေႃႉဢၼ်ၶႅၼ်ႇလိၵ်ႈၶဝ်၊ ယႃႇႁႂ်ႈပဵၼ်ၶူးသွၼ်
ၶႂ်ႈႁဵတ်းမႅၼ်ႈတၢင်းၽိတ်းသင်မႃးၵေႃႈယဝ်ႉ
ပေႃးၶႅၼ်ႇလိၵ်ႈယူႇၸိုင် ပွႆႇဝၢင်းၶႂၢင်ႉပၼ်
မဵဝ်းၼၼ်ႉၼႃႈ။
ၵွပ်ႈဝႃႈဢၼ်လွင်ႈယႂ်ႇလိူဝ်သေ ဢၵျၢင်ႉ/တၢင်းယၢမ်ႈ/
ၸႃႇရိတ်ႉတၼႆႉ ဢမ်ႇမီးသင်ၼၼ်ႉယဝ်ႉ။
သင်မီးတီႈၽိတ်းပိူင်ႈယူပ်ႈယွမ်းလႄႈ ဢမ်ႇထုၵ်ႇၸႂ်
ၸိုင် ဝႆႉၸႂ်မဵတ်ႉတႃႇၼမ်းၼႃႈသေ ပွႆႇဝၢင်းၶႂၢင်ႉပၼ်
ယႂ်ႇၼမ်သေၵမ်းၶႃႈ။
ပိၼ်ႇ~ #သၢႆလိူၼ်(ၶႅၵ်ႇမိူင်းယၢင်း)
