တၢင်းယုမ်ႉဝၢၼ် ၼႂ်းဝၼ်း႞

#တၢင်းယုမ်ႉဝၢၼ် ၼႂ်းဝၼ်း႞#

၊*ဢဝ်ပိုၼ်ႉပွၺ်ႇပႅတ်ႈ လွင်ႈမႃႇၼ ႁဝ်း သေ
*ဢဝ်လွင်ႈဢူၼ်ႈဢွၼ်ႇ တႅၼ်းတၢင်လႄႈ။

*ဢဝ်ယွၼ်ႇလူင်းပႅတ်ႈ တႃမိုဝ်းႁဝ်းၼၼ်ႉသေ
*ယိုၼ်ႈမိုဝ်းႁပ့်တွၼ်ႈဢဝ်လႄႈ။

*လူတ်းယွမ်းလွင်ႈတၢင်းဢမ်ႇလႆႈလွင်ႈလႆႈတႃသေ
*တိူဝ်းႁဵတ်းသၢင်ႈလွင်ႈၽႃႇသႃႇလိၵ်ႈလၢႆးလႄႈ။

*ဝၢႆႇလင်ပႅတ်ႈ လွင်ႈႁၼ်ပုၼ်ႈသုၼ်ႇတူဝ်သေ
*ဝႆႉၸႂ်လွင်ႈၽဵင်ႇပဵင်းတႃႇၵူၼ်ၼမ်ၵႂႃႇလႄႈ။

*ယႃႇပေၶဝ်ႈၸႂ်လွင်ႈဢၼ်ပိူၼ်ႈလၢတ်ႈလွင်ႈႁၢႆႉၸႃႉႁဝ်း
*ဝႆႉၸႂ်ၼိမ်သေမၢတ်ႈမၢႆၸႂ်ၽိူၵ်ႇၸိုၼ်ႈတြႃးလႄႈ။

*ၵွၵ်းဢွၵ်ႇပႅတ်ႈၼႃႈၵၢပ်ႇဢၼ်ၽၢမ်းႁဝ်းၼၼ်ႉသေ
*ၸုၵ်းယူႇတီႈလွင်ႈႁၼ်လီၼၼ်ႉသေ ထတ်းသၢင်တူၺ်းလႄႈ။

*ဝႆႉၸႂ်ႁတ်းႁတ်း"ႁၢၼ်"သေပိုၼ်ႉပွၺ်ႇၽႃႈပႅတ်ႈ
လွင်ႈဢၼ်တေႁဵတ်းႁႂ်ႈႁဝ်းသုၵ်ႉယုင်ႈၸႂ်ၼၼ်ႉလႄႈ။

*ႁႂ်ႈယၢၼ်ၵႆၵၼ်တင်းလွင်ႈမႃႇယႃႇ
ၽၢမ်းတႃလူင်ၸိူဝ်းၼၼ်ႉသေ
*မူၼ်ႊသိူဝ်းလွတ်ႈလွတ်ႈလႅဝ်းလႅဝ်းၵႂႃႇလႄႈ။

*ပၢၵ်ႈပႅတ်ႈလွင်ႈထီႇၼဵဝ်ႁဝ်းၼၼ်ႉသေ
*သိုပ်ႇၶူင်ဢွၵ်ႇၸႂ်လူၺ်ႈလွင်ႈယိုၼ်ႈပၼ်ႈၵႂႃႇလႄႈ။

*လိုမ်းပႅတ်ႈလွင်ႈဝၼ်းလင်ၸိူဝ်းဢမ်ႇမီး
ၼမ်ႉတွၼ်းသင်ၼၼ်ႉသေ
*သိုပ်ႇတေႃႇသူႈၵႂႃႇတွၼ်ႈတႃႇၼႂ်းဝၼ်း
မိူဝ်းၼႃႈၼၼ်ႉလီလီလႄႈ။

*ပဵင်းပေႃးႁၢၼ်ႉၸႂ်ၸွမ်းၼီးၸၢတ်ႈပၢၼ်ဢၼ်
ဢဝ်တၢင်းလီၵုသူဝ်ႇသေႁူမ်ႇငမ်းႁဝ်းၼၼ်ႉလႄႈ။

*ၶိုၼ်းဝူၼ်ႉၶိုၼ်းတၢင်းလီၵုသူဝ်ႇဢၼ်လီ
ထီႈသုတ်းယၢမ်ႈလႆႈႁဵတ်းမႃးၼၼ်ႉသေ
*သိုပ်ႉယူင်းၸႂ်ၵုသူဝ်ႇၼၼ်ႉသေႇသေႇလႄႈ။

#ႁဵတ်းၼၼ်ယဝ်ႉၸင်ႇ#
တေဢမ်ႇတူၵ်းၶဝ်ႈၼႂ်း ၸၢတ်ႈပၢၼ် တၢင်းတုၵ်ႉၶ
သေ ၸင်ႇတေသိုပ်ႇ ႁႂ်ႈၸၢတ်ႈပၢၼ်မီးတၢင်ႁၢင်ႊလီ
ၼႂ်းၶၢဝ်းယၢမ်း ၵမ်းလိုၼ်းသုတ်းႁဝ်းၼၼ်ႉယဝ်ႉ။