ၾၢင်ႉသူပ်းၵႂၢမ်း🤫
|ၾၢင်ႉသူပ်းၵႂၢမ်း🤫
ယွၼ်ႉၵႂၢမ်း ပိူၼ်ႈမေႃႁၵ်ႉႁဝ်း
ယွၼ်ႉၵႂၢမ်း ပိူၼ်ႈမေႃၸင်းႁဝ်း
ယွၼ်ႉၵႂၢမ်း ႁဝ်းလႆႈၵတ်းယဵၼ်
ယွၼ်ႉၵႂၢမ်း ႁဝ်းလႆႈတုၵ်ႉၽၢၼ်
ယွၼ်ႉၵႂၢမ်း ၸၢင်ႈပဵၼ်ၼႃႈႁိူၼ်းလီ
ယွၼ်ႉၵႂၢမ်း ၸၢင်ႈပဵၼ်ၼႃႈႁိူၼ်းၸႃႉ
ယွၼ်ႉၵႂၢမ်းလႄႈမီးၽေးထိုင်တူဝ်ႁဝ်းဢိူဝ်ႈ။
ပုတ်ထၸဝ်ႈၵေႃႈဝႃႈ
ၵႂၢမ်းဢၼ်ႁဝ်းတေလၢတ်ႈၼၼ်ႉ
မီးၽွၼ်းလီၸင်ႇလၢတ်ႈ၊
ဢမ်ႇမီးၽွၼ်းလီဢမ်ႇလၢတ်ႈ၊
မီးၽွၼ်လီၵေႃႈ ပေႃးဢမ်ႇမႅၼ်ႈၶိင်ႇမၼ်း ဢမ်ႇလူဝ်လၢတ်ႈၼႆယဝ်ႉ။
ၵွပ်ႈၼၼ် သင်တေလၢတ်ႈၵႂၢမ်းၼႆ
ၵိုင်ႇလီဝူၼ်ႉတူၺ်းဢွၼ်တၢင်းယူႇ
ပေႃးႁဝ်းလၢတ်ႈၵႂႃႇၼႆ
ယႃႇပေႁႂ်ႈၵႂၢမ်းႁဝ်းတိူဝ်ႉပိူၼ်ႈ လႄႈပၼ်တၢင်းမႆႈၸႂ်ပိူၼ်ႈ
လၢတ်ႈမဵဝ်းဢၼ်ပၼ်ႁႅင်းၸႂ်ပိူၼ်ႈလႄႈ
သူပ်းၵႂၢမ်းၼႆႉ ၽၢႆလိူဝ်မိတ်ႈ
လႅမ်မိူၼ်ပိုၼ်ၵၢင်ႇၼႆဝႃႇ။
ထုင်းတႆးႁဝ်းၵေႃႈမီးယူႇဝႃႈ...
*မီးသူပ်းဢမ်ႇမေႃလၢတ်ႈ
လိၼ်ႉၵွတ်ႇပတ်ႈထိူဝ်ၶေႃး*
*သူပ်းမေႃယေႃး ၶေႃးၵိၼ်ဢိမ်ႇ*
လၢတ်ႈသင်ၵေႃႈယဝ်ႉ
ပေႃးမေႃလၢတ်ႈ၊ လၢတ်ႈမႅၼ်ႈၶၢဝ်း၊ လၢတ်ႈၸွမ်းလွင်ႈမၢၼ်ႇမႅၼ်ႈ၊ မီးၽွၼ်းလီယူႇၼႆ
ၽီၵေႃႈၸူမ်းယိၼ်း ၵူၼ်းၵေႃႈၸူမ်းထွမ်ႇယဝ်ႉ။
မႂ်ႇသုင်ၵူႈၵေႃႉသေ😍
