သၽႃႇဝ လႄႈ ၸူဝ်ႈပၢၼ်
...... သၽႃႇဝ လႄႈ ၸူဝ်ႈပၢၼ်..........
🌱တူၼ်ႈမႆႉၼႂ်းသူၼ်တီႈၼိုင်ႈ မၼ်းၵေႃႈမိူၼ်တူၼ်ႈမႆႉၸိူဝ်းဢၼ်သုင်ယႂ်ႇၼႂ်းထိူၼ်ႇ မၼ်းၵိၼ်ၼမ်ႉ ႁပ်ႉသႅင်လႅတ်ႇ တွၼ်ႈတႃႇတေသုင်ယႂ်ႇ ၽေႈၵိင်ႇၵၢၼ်ႈဝႂ်ဢွၵ်ႇမႃး ၸွမ်းသၽႃႇဝမၼ်း။
🌱ၵူၺ်းမီးတူၼ်ႈမႆႉၼႂ်းသူၼ်တီႈၼိုင်ႈ ပိူင်ႈၵၼ်တၢင်းတူၼ်ႈမႆႉၼႂ်းပႃႇထိူၼ်ႇ မၼ်းထုၵ်ႇၽုၵ်ႇယူႇၼႂ်းၵေႈတူၼ်ႈမႆႉၵူႈၸိူဝ်း" ထုၵ်ႇတဵၵ်းတဵင် လႄႈဝိပ်ႇၼဵၵ်း ၼႂ်းပိုၼ်ႉတီႈဢၼ်မၼ်းယူႇၼၼ်ႉ သင်ဢမ်ႇဝၢႆႇမႅၼ်ႈတၢင်းၼႆၵေႃႈ ထုၵ်ႇတိုတ်ႉၸၼ်ဝိတ်းဝၢႆႇ ၸွမ်းၼင်ႇၸႂ်ပိူၼ်ႈလူဝ်ႇ ၽိူဝ်ႇယႂ်ႇသုင်ၶိုၼ်ႈ မီးၵိင်ႇမီးယွတ်ႈ ဢွၵ်ႇမွၵ်ႇ ဢွၵ်ႇဝႂ်ၼမ်တိူဝ်းမႃးၵေႃႈ ထုၵ်ႇယႃႉ ထုၵ်ႇထႅပ်း ထုၵ်ႇၵႅတ်းတႅင်ႇႁၢင်ႈၶိူင်ႈ မၢင်လၢႆလမ်းတူၼ်ႈမၼ်းၵေႃႈမႅၼ်ႈပူၵ်ႇယႃႉတဝ် ဢမ်ႇဝႃႈ ၸိူဝ်ႉႁိုဝ်ၵေႃႈယဝ်ႉ တူၼ်ႈမႆႉတူၼ်ႈၼၼ်ႉမၼ်းဢမ်ႇယၢမ်ႈယွမ်းသုမ်း မၼ်းတိုၵ်ႉၶတ်းၸႂ်သေသိုပ်ႇသုင်ယႂ်ႇၶိုၼ်ႈ သိုပ်ႇဢွၵ်ႇၵိင်ႇၵၢၼ်ႈ ယွတ်ႈဝႂ်တႃႇ ႁပ်ႉသႅင်လႅတ်ႇ မၼ်းဢမ်ႇလူတ်းယွမ်းႁၢၵ်ႈမႂ်ႇမၼ်း တႃႇတေတႅၵ်ႇဢွၵ်ႇမႃးထူပ်းၵိၼ်ၼမ်ႉ သမ်ႉဝႃႈတူၼ်ႈမၼ်းတေထုၵ်ႇလူမ်းလူင်ၽတ်းလူမ်ႉၵိုင်းၵႂႃႇၵေႃႈ မၼ်းတိုၵ်ႉၶတ်းၸႂ်သေ ၸွႆႈလိူဝ်တူၼ်ႈမၼ်းႁႂ်ႈလႆႈႁူပ်ႉထူပ်းသႅင်ၵၢင်ဝၼ်းၵူႈၸဝ်ႉယူႇ မၼ်းတိုၼ်းဢဵၼ်းဢၢၼ်းယူႇမိူၼ်ၼင်ႇသၽႃႇဝၶွင်မၼ်းၵႂႃႇၼင်ႇၼၼ်ယဝ်ႉ။
🌱လွင်ႈတေႉမၼ်းယဝ်ႉ မၼ်းၵေႃႈဢမ်ႇပိူင်ႈသင်ၵၼ်တၢင်းၵူၼ်းႁဝ်းတီႈတေလႆႈမႃးယူႇၼႂ်းတူင်ႇဝူင်းၵူၼ်းၵိုၼ်းၼမ် ၼႂ်းတီႈသၢႆတႃၵေႉတူၺ်း သဵင်ဢၼ် သေႉၼေး ၵႂၢမ်းဢၼ်ထၢင်ႇလဵၵ်ႉ ယူႇၸွမ်းၼင်ႇပၵ်းပိူင်မၢႆမီႈၶေႃႈၸိႉသင်ႇ ဢမ်ႇဝႃႈၼႂ်းတီႈၵၢၼ် ႁိုဝ်တိႈလႂ်ၵေႃႈယဝ်ႉ မၢင်လႂ်ထိုင်ႁဝ်းတေပွင်ႉဝႃႈ ႁိုဝ်ႉဢူၼ်ႈ ယွမ်းသုမ်း ၼႆသေတႃႉၵေႃႈ ၵႃႈလႆႈပွႆႇဝၢင်း လိုဝ်ႈႁိုဝ်ႉဝၢင်းႁူဝ်ၼွၼ်းလူင်းၸူဝ်ႈၶၢဝ်း ယွၼ်ႉႁဝ်းပႆႇမူတ်းလူမ်းထူၺ်ႈၸႂ်လူး ၵႃႈလႆႈသိုပ်ႇၶတ်းၸႂ်သေႁႂ်ႈတိုၼ်ႇၶိုၼ်ႈမႃးႁပ်ႉလူမ်း ယဵၼ်ၼႂ်းယၢမ်းၸဝ်ႉၵူႈၼႂ်" သိုပ်ႇၶတ်းၸႂ်ႁဵၼ်းႁူႉၼမ် ၶိုၼ်ႈၸွမ်းသဵၼ်ႈတၢင်းတူဝ်ၸဝ်ႈၵဝ်ႇလႄႈသုင်ယႂ်ႇၸွမ်းသၽႃႇဝ ၶွင်ၵၢၼ်ပဵၼ်ၵူၼ်းႁဝ်းယူႇယဝ်ႉ။
🌱တူၼ်ႈမႆႉမၼ်းဢမ်ႇယၢမ်ႈပွင်ႉ ယၢမ်ႈဝူၼ်ႉၼမ် လႄႈတုၵ်ႉၶၸႂ်သင် ယွၼ်ႉ လိုၼ်းသုတ်း မၼ်းတိုၼ်းၻေသုင်ၶိုၼ်ႈၸွမ်းသၽႃႇဝမၼ်းယူႇယဝ်ႉ မၼ်းတေမီးမၢင်တူၼ်ႈၵူၺ်း ဢၼ်ၵိင်ႇတေႁၵ်း တေငေႃး မိူဝ်ႈတူၼ်ႈလႄႈႁၢၵ်ႈမၼ်းယႂ်ႇ မၼ်းၵေႃႈ ၵႅၼ်ႇၶႅၼ် ၵူၼ်းႁဝ်းၵေႃႈတေႁၼ်ၵႃႈၶၼ်မၼ်း တီႈမၼ်းပၼ်ႁူမ်ႈငဝ်း ပၼ်လွင်ႈႁၢင်ႈလီ လႄႈၽွၼ်းလီၼိူဝ်ၵူၼ်းႁဝ်းၼၼ်ႉယူႇ
🌱ၵူၼ်းဢၼ်ယူႇတႂ်ႈႁူမ်ႈငဝ်းမၼ်း ၸိူင်ႉၼင်ႇႁဝ်းၼႆႉသမ်ႉတေ ၵုမ်ႇပွင်ႉ ယွမ်းသုမ်းတေႃႇၵူႈလွင်ႈႁဵတ်းသင်လႃႇ သမ်ႉဝႃႈႁဝ်းတိုၵ်ႉယူႇၼႂ်းတီႈဢၼ်ပႆႇတဵမ်ႈထူၼ်ႈၵူႈလွင်ႈၼႆသေတႃႉၵေႃႈ ႁဝ်းထုၵ်ႇလီၶတ်းၸႂ်သေ ႁဵတ်းႁႂ်ႈၸၢတ်ႈပၢၼ်ႁဝ်းၼႂ်းၵူႈဝၼ်း" ႁႂ်ႈလီၶိုၼ်ႈ ၸွမ်းသၽႃႇဝၸၢတ်ႈပၢၼ်ႁဝ်း ဝၼ်းၼိုင်ႈမၼ်းတေပဵၼ်ၽွၼ်းတေႃႇတူဝ်ႁဝ်းၶိုၼ်းၵူၺ်း ၶတ်းၸႂ်ႁႃလဵပ်ႈႁဵၼ်းႁူႉၵႂႃႇလႄႈ။
ဢိင်ဢဝ်မႃးတီႈ>>>>
